Көктегі әскери ұшақтар

Жаңа соғыс ұшағы қандай болуы мүмкін

49
Ту-160 және Ту-95 стратегиялық зымыран тасымалдаушылары әлі күнге дейін Ресейдің ядролық триадасының негізгі дәлелі болып отыр

Дегенмен, тұрақты модернизацияға қарамастан, олардың ресурсы шектеулі. Бұл машиналардың орнына қашықтық авиациясының перспективалы авиациялық кешені (ҚА ПАК) келеді. Қорғаныс министрлігі оның сыртқы түріне қатысты шешім қабылдады. Ал жаңа "стратегтің" қозғалтқышын сынау 2021 жылы басталады, деп жазады РИА Новости.

Қорғаныс министрлігі ҚА ПАК-пен мемлекеттік бағдарлама аясында, яғни 2027 жылдың соңына дейін қаруланады деп жоспарлануда. Әскерилер жаңа ұшақтың эскизін мақұлдап, оның сипаттамалары жөнінде келісті және өндіріске қажетті барлық келісімшарт құжаттарына қол қойды.

Бомбалаушының тәжірибелік үлгісінің құрылысы туралы өткен жылдың мамыр айында белгілі болды. Желтоқсанда осы ұшаққа арналған алғашқы қозғалтқыштың құрастырылғаны хабарланды. "ОДК-Кузнецов" кәсіпорнының атқарушы директоры Алексей Соболев "РФ бұйымы" белгісі бар күштік қондырғы жыл басына белгіленген стендтік сынақтарға дайындалып жатқанын айтты.

Қосымша тағы бірнеше қозғалтқыш жинақталып жатыр – олар биіктіктегідей жағдай тудыратын стендте де, ұшу зертханасында да тесттен өтеді.

Жоба әзірше құпия сақталуда, ашық ақпарат көздерінде мәлімет жоқтың қасы. Перспективалы ұшақта стелс-технологиялар кеңінен қолданылғаны белгілі. Әлдеқайда қуатты, өнімділігі жоғары және үнемді қозғалтқыштар ұшу ұзақтығын 30 сағатқа дейін арттыра алады (Ту-160-25).

ҚА ПАК "ұшатын қанат" қағидасы бойынға әзірленген. Бұл оның әскери мүмкіндіктері мен маневр жасауға икемділігін жақсарта түседі.

Ресейдің еңбек сіңірген ұшқышы Владимир Попов атап өткендей, мұндай пішін көзге түсу деңгейін де төмендетеді.

"Анау айтқан фюзеляжы жоқ. Жүктеме қанат бойына теңдей етіп бөлінген. Аспалы жабдық жоқ болады, ауа тартқыш аппараттар ішкі жаққа жасырылады, ал, қанаттың артқы бөлігі пайдаланылған ыстық газды жауып тұрады. Сонымен қатар, мұндай конструкция жанармайды, оқ-дәріні және радиоэлектронды жабдықты көбірек тиеуге мүмкіндік береді".

Бұл авиациялық кешенді ең заманауи электроникамен жабдықтайды. Ол алдағы онжылдықтарда да жарамды бола бермек.

"Бұрын да солай болған. Біздің Ту-95 "стратегтеріміздің" қызмет етіп жүргеніне жарты ғасырдан асты. Бірақ, бұл жүктелген міндеттерді әлі күнге дейін еш ақаусыз шешіп жүрген ұшақтар. Ағылшындарда бер кезде "Вулкан" стратегиялық бомбалаушы ұшақ болды. Ол да "ұшатын қанат" қағидасы бойынша құрастырылған. Алайда, одан бас тартты. Себебі, оны басқару тым күрделі көрінді. Өйткені, ол уақытта адам қолымен басқару ғана бар болатын. Ал, ҚА ПАК-та көптеген операцияларды автоматика орындайды", – деді Попов.

Сонымен қатар фюзеляж яғни, ұшақ корпусын дайындайтын кезде жаңа қорытпалар мен композиттер қолданылады. Соңғы жылдары ғалымдар әскери техникаға арналған көзге көріну деңгейі төмен және беріктігі жоғары авиациялық материалдар мәселесінде көш ілгеріледі.

"Тұрақтандырғыш жоқ кезде бір бұрыштап түйіле ұшу қиынға соғады, - деп түсіндірді Попов. – Бірақ құрастырушылар мұның да амалын тапты. "Ұшатын қанаттың" үлкен көлемі шағын биіктікте әрекет етіп, жер үстінде маневрлікті сақтауға мүмкіндік береді. Ал ауа қатты сейілетін 20 километрде қанат жеткілікті көтергіш күш жасай алады. Бомбалаушы ұшақ жергілікті жердегі бедерлерді айналып өтіп, айтарлықтай төмен ұша алады, тосқауылдан соққы жасап, стратосфералық эшелондардан қарсыласқа оқ атады".

Алайда, перспективалы "стратегтің" сериялық өндірісі және әскерге жаппай жеткізілуі туралы айтуға әлі ерте. Әзірше уақыт сынымен тексерілген зымыран тасымалдағыштарды жетілдіру жалғасуда. 2021 жылы әуе-ғарыш күштерге тереңдетіле жаңартылған Ту-160М бомбалаушы ұшақтарын жеткізу басталуы керек. Алдағы жеті жылда мұндай ұшақтар паркі бір жарым есеге ұлғаяды.

Ресейде Ту-160 өндірісін жандандыру бағдарламасы 2015 жылы басталды. Қатардағы бомбалаушы базасында әзірленген алғашқы тәжірибелік зымыран тасымалдаушы өткен жылдың ақпанында әуеге көтерілді. Одан кейінгілердің барлығы нөлден бастап құрастырылады. Оларға жаңа НК-32-02 қозғалтқыштары орнатылады. Бұл ұшу ауқымын мың шақырымға арттырады.

Сондай-ақ, заманауи борттық жүйелер, бақылау және навигация құралдары, радиоэлектронды қауіпсіздік кешендері және қару-жарақты басқару жүйесі әзірленді.

49
Мұхамедқалы Абылғазиев

Қырғызстанның бұрынғы премьер-министрі ұсталды

169
(Жаңартылды 10:08 27.01.2021)
Бұған дейін Абылғазиевке елден шығуға тыйым салынып, егер ол республикадан тыс жерге шығуға әрекет жасаса, дереу қамауға алынатыны ескертілген

НҰР-СҰЛТАН, 27 қаңтар – Sputnik. Қырғызстанның бұрынғы премьер-министр Мұхаммедқалы Абылғазиев қамауға алынды, деп хабарлады Sputnik Қырғызстан ішкі істер министрлігінің ақпарат көздеріне сілтеме жасап.

Абылғазиев үлкен дау-жанжалдан кейін қызметінен кеткен болатын. Енді ұлттық қауіпсіздік комитетінің нұсқауымен ол қамауға алынды. Бұған дейін қаржы полициясы оның елден шығуына тыйым салған.

Ал егер бұрынғы премьер республикадан тыс жерге шығуға әрекет жасаса, бірден қамауға алынатыны ескертілген. Артынан жауап алу үшін шақырды. Бірақ ол кезде нақты қай іс бойынша жауап алынатыны туралы айтылмаған.

Сейсенбі, 26 қаңтарда Абылғазиевті тағы жауап алу үшін шақырды. Содан соң қамап тастады.

Былтыр күзде Қырғызстанның бас прокуратурасы денсаулық сақтау министрлігінің өкілдеріне қатысты бірнеше қылмыстық іс қозғалғанын хабарлаған. Олар пандемия кезінде заңсыз әрекет жасағаны үшін айыпталды. Оған экс-премьердің қатысы бар болып шықса, оны да жазалайды деген ақпарат тараған. Абылғазиевке қатысты сотқа дейінгі тергеу шаралары басталып, алайда нақты қандай айыптың тағылғаны жарияланған жоқ.

Радиожиіліктерге қатысты дау

Абылғазиев радиожиіліктерге қатысты дау-жанжалдан кейін отставкаға кетуге өтініш жазды.

Былтыр мамыр айында мемлекеттік байланыс агенттігінің экс-басшысы Наталья Черногубова ұсталған болатын. Ол мемлекеттік ақпараттық технологиялар комитеті мен ұялы операторлардың бірімен сөз байласқаны үшін айыпталды. Артынан сыбайлас жемқорлық ісі бойынша тағы бес адамның ұсталғаны белгілі болды. Олардың ішінде ұлттық қауіпсіздік комитетінің бес қызметкері де бар.

Сол кезде Жогорку кенештің депутаты Жанар Ақаев үкіметтің екі радиожиілікті арзан бағаға сатып жібергенін мәлімдеді. Оның ойынша, премьер-министр Мұхаммедқалы Абылғазиевтің рұқсаты болмаса, ондай келісімді рәсімдеу мүмкін емес. Ақаев мемлекетке келген шығында 5 миллиард сомға (58,9 миллион доллар) бағалады. Абылғазиев көп ұзамай, тергеуге қысым жасады деген айыптар болмасын деп, қысқа мерзімді демалысқа шығып кетті.

Оқи отырыңыз: Қырғызстанның жаңа президенті алғашқы сапарын қай елден бастайтыны белгілі болды

Ал маусым айында осы іске қатысы бар деген күдікпен "Ала-ТВ" компаниясының құрылтайшысы ұсталды деген ақпарат шыққан. Дәл осы компанияның радиожиіліктері ұялы байланыс операторына сатылды. 

15 маусыда Мұхаммедқалы Абылғазиев осы іске қатысым жоқ деп, отставкаға кетуге өтініш жазды. Осылайша, ол 19 күнге созылған демалыстан кейін бірден жұмыстан кеткен болатын.

169
Кілт сөздер:
ұстау, Қырғызстан
Тақырып бойынша
Павлодар облысында Қырғызстанның екі азаматы үсіп қала жаздады
Қырғызстан президентінің міндетін атқарушы Тоқаевқа алғыс білдірді
Қырғыз елінің жаңадан сайланған президенті Қазақстан халқына алғыс айтты
Қырғызстан барлық шетелдікке елге кіруге рұқсат етті
Қырғызстан президентінің инаугурациясына қарапайым азаматтар қатысады
Владимир Путин, архивтегі сурет

Жаңа лауазымдағы алғашқы әңгіме: Путин Байденмен телефон арқылы сөйлесті

28
(Жаңартылды 09:06 27.01.2021)
Владимир Путин Ресей мен АҚШ арасындағы қатынастарды қалыпқа келтіру екі елдің мүддесіне сай келеді деп санайды

НҰР-СҰЛТАН, 27 қаңтар – Sputnik. Ресей президенті Владимир Путин жуырда ғана АҚШ президенті қызметіне кіріскен Джо Байденмен алғаш рет телефон арқылы сөйлесті.

Кремльдің баспасөз қызметінің хабарлауынша, Ресей басшысы әріптесін жаңа лауазымдық қызметінің басталуымен құттықтады.

Путин Ресей мен АҚШ арасындағы қатынастарды қалыпқа келтіру екі елдің мүддесіне сай келетінін, халықаралық қоғамдастық пен әлемдегі қауіпсіздітің әрі тұрақтылықтың сақталуында жауапкершілігі зор екенін атап өтті.

"Сондай-ақ, Ресей мен АҚШ көшбасшысы СНВ-3 келісімін ұзарту бойынша дипломатиялық ноталар алмасқанына "қанағаттанатындығын" білдірді", – делінген хабарламада.

Путин мен Байден қазіргі кездегі екіжақты және халықаралық мәселелерді талқылап, коронавирусқа қарсы күресте және басқа салаларда ынтымақтастық мүмкіндіктері туралы пікір алмасты.

"Халықаралық тақырыптар арасында АҚШ-тың "Ашық аспан" келісімінен біржақты шығуы, Иранның ядролық бағдарламасы бойынша бірлескен іс-қимыл жоспарын сақтау проблемасы, Украинаның ішкі реттелуі, сондай-ақ Ресейдің БҰҰ Қауіпсіздік Кеңесі тұрақты мүшелерінің саммитін өткізу туралы бастамасы сынды мәселелер қозғалды", – деп атап өткен Кремль.

Тараптар арасындағы жалпы әңгіме іскерлік бағытта және ашық өрбіген.

Оқи отырыңыз: Путин зәулім сарай туралы сұраққа жауап берді

Бұған дейін Путин АҚШ президенті Джо Байденді тәжірибелі саясаткер деп атаған болатын.

"Ол өте тәжірибелі адам және өмір бойы саясатта болған. "Патшаны оның нөкерлері жасайды" деген қағидаға сүйенсек, ендігі мәселе оның маңайында қандай команда қалай құрылуына байланысты", – деді Путин Байденмен қарым-қатынасына қатысты сауалға жауап беру барысында.

Айта кетейік, 2021 жылы 20 қаңтарда Джо Байден ант беріп, АҚШ президенті қызметіне кірісті.

28
Кілт сөздер:
АҚШ, Владимир Путин
Тақырып бойынша
АҚШ-ты ДДҰ-ға қайта қосты. Байден тағы қандай шешім қабылдады – видео
Өзім үшін әлі шешім қабылдамадым – Путин 2024 жылғы сайлауға қатысу туралы  
Джо Байден Америка экономикасын құрдымға кетіре ме?
Путин, Әлиев және Пашинян Қарабақ туралы бірлескен мәлімдемеге қол қойды
Тоқаев пен Путин телефон арқылы сөйлесті
Бейнебақылау камералары

Петропавлда 100-ден астам бейнебақылау камерасы іске қосылды

4
(Жаңартылды 10:36 27.01.2021)
Бейнебақылау жүйелері белгіленбеген жерге қоқыс тастайтын және қоғамдық тәртіпті бұзатын вандалдар және бұзақылармен күресуге көмектеседі

НҰР-СҰЛТАН, 27 қаңтар – Sputnik. Петропавлда қоқыс алаңдары мен автомобиль тұрақтарына және автобус аялдамаларына бейнебақылау камералары орнатылды, деп хабарлайды Sputnik Қазақстан.

Әкімдіктің мәліметінше, қала бойынша барлығы 120 камера орнатылған.

"Бұл камералар бұзақылық әрекеттердің алдын алу үшін орнатылды. Яғни, қоқысты арнайы белгіленбеген орындарға тастайтындарды анықтауға көмектеседі. Бақылау камералары IKOMEK-109 қызметімен байланыстырылған және жазбалар апта бойы базада сақталады", – делінген хабарламада.

Айталық, жуырда ғана аялдамадағы шыны әйнекті сындырған бұзақылар жаңа камералардың көмегімен табылған.

Сол сияқты вандализм фактісі туралы әрекеттер де осы құрылғылардың көмегімен анықталған. Алкогольдік ішімдік ішкен азаматтар үш автобус павильонының витражын шағып тастаған. Қалалық тұрғын үй-коммуналдық шаруашылық бөлімінің мәліметі бойынша, олардың әрқайсысының құны 440 мың теңгеден асып түседі.

Оқи отырыңыз: Астанада бақылау камерасы мен куәгерлердің арқасында тонаушылар қолға түсті

Қазіргі кезде күдікті ретінде колледждің екі студенті мен олардың кәмелет жасқа толмаған досы ұсталды.

4
Кілт сөздер:
бейнекамера, бақылау
Тақырып бойынша
Петропавл тұрғыны үйді жарып жібермек болды: шұғыл операцияның видеосы
Теміртаудағы сұмдықтан кейін барлық балабақшаға бейнекамера орнатылмақ
Петропавл тұрғынының әйеліне көрсеткен азабы дүйім жұрттың жағасын ұстатты
Петропавл тұрғыны итті төртінші қабаттан лақтырып жіберді
Елордалық спорт кешенінің киім ауыстыру бөлмесінде бақылау камерасы табылды