Ұшақ, архивтегі сурет

Бразилияда футболшылар мінген ұшақ апатқа ұшырады

141
(Жаңартылды 09:04 25.01.2021)
Апат салдарынан бес адам көз жұмды. Ұшақ жерден көтеріліп, ұшу-қону жолағының соңында қайта құлаған

НҰР-СҰЛТАН, 25 қаңтар — Sputnik. Бразилияда футболшылар мінген ұшақ апатқа ұшырады.

​Бразилиялық "Пальмас" клубы Токантис штатында жеңіл ұшақ апаты болғанын хабарлады. Бортта төрт ойыншы, клуб президенті және пилот болған. Олардың бәрі көз жұмды.

"Лукаспен (Мейра - клуб президенті - Sputnik) пилот Вагнер және спортшылар Лукас Пракседеш, Гильерме Ноэ, Ранул және Маркуш Молинари болған ұшақ ұшу-қону жолағының соңында құлады. Оқиға Токантинс авиациясы қауымдастығында болды. Өкінішке қарай, аман қалғандар жоқ", - деп хабарлады G1 порталы клубқа сілтеме жасап.

Бразилиялық футбол жұлдызы Пеле қайғылы оқиғаға қатысты көңіл айтты, деп жазады Р-Спорт.

"Бұл жексенбі бразилиялық футбол үшін өте қайғылы. Апатта қайтывс болғандар "Пальмас Регатас" клубы президенті мен ойыншыларының отбасына көңіл айтамын", - деп жазды Пеле Twitter парақшасында.

141
Кілт сөздер:
Бразилия, ұшақ, апат
Тақырып бойынша
"Жұрт дүрлігіп, жылады": ұшақта болған кәсіпкер апат кезінде не болғанын айтты
Bek Air-дің аман қалған жолаушысы ұшақта не болғанын айтып берді
Қазақстандық спортшы жол апатынан көз жұмды
Қазақстандық танымал футболшы допинг қолданғаны үшін екі жылға шеттетілді
Әйгілі футболшы Роналду Головкинге жекпе-жек алдында қолдау көрсетті - видео
Газдалған сусын

Он минутта 1,5 литр газдалған сусын ішкен жігіт қайтыс болды БАҚ

2625
(Жаңартылды 16:19 25.09.2021)
Алайда Лондон Университет колледжінің профессоры жігіт тек газдалған сусын кесірінен өлді дегенге сенбейді. Ол бактериялық инфекция болуы мүмкін деген болжам жасады

НҰР-СҰЛТАН, 25 қыркүйек – Sputnik. Қытайда 22 жастағы жігіт 10 минутта 1,5 литр қатты газдалған сусын ішіп, қайтыс болды, деп жазады "Газета.ru"

Daily Mail басылымы Coca Cola екенін нақтылады.

Бейжіңнің Чаоянь госпиталі дәрігерлерінің айтуынша, жігіт бір бөтелке сусын ішкеннен кейін алты сағат өткен соң маман көмегіне жүгінген. Ол күн ыстық болғандықтан, бір жарым литр сусынды бірден ішкен. Кейін іші қатты ауырып, ісіп кеткен. Дәрігерлер бауырға газбен күресуге көмектесетін дәрі берді. Алайда ер адам 18 сағаттан кейін көз жұмды.

Медициналық есепке сәйкес, сусынды тым тез ішкендіктен, ішекте өте көп мөлшерде газ жиналған. Қысыммен газ қақпалық көктамырға түсіп, бауырға оттегі жетпей қалған. Пациентті сою кезінде бауыр ишемиясы анықталды.

Алайда Лондон Университет колледжінің профессоры Натан Девис жігіт тек газдалған сусын кесірінен өлді дегенге сенбейді. Ол бактериялық инфекция болуы мүмкін деген болжам жасады.

Оқи отырыңыз: 

2625
Кілт сөздер:
сусын, жігіт
Тақырып бойынша
Газдалған сусынның біз ескермейтін қаупі: ғалымдар тағы бір зиянын анықтады
"Әйелге ұқсап кетеді": Қазақстандық дәрігер нені мүлде ішуге болмайтынын айтты
Тәтті және газдалған сусын қандай ауруға шалдықтырады – дәрігер жауабы
Тамақпен бірге шай ішуге бола ма –  дәрігер жауап берді
Кофені күніне неше рет ішуге болады – дәрігер кеңесі
АҚШ

Ресейге қарсы санкциялар АҚШ-тың өзіне кері әсерін тигізеді сарапшы

52
Ондай санкциялар криптовалютаға көшуді жылдамдатады. Себебі доллармен құрылған экономикалық кеңістік және басқа да валюталық аймақтар бұзылады, дейді Коктыш

НҰР-СҰЛТАН, 24 қыркүйек –  Sputnik. АҚШ конгресінің өкілдер палатасы қорғаныс бюджетін қабылдады. Соның аясында Мәскеуге қарсы санкцияларды күшейту қарастырылып отыр. Sputnik радиосына сұхбат берген Ресей саяси сарапшылар мен кеңесшілер қауымдастығының мүшесі Кирилл Коктыш бұл шаралар АҚШ-тың өзіне қалай әсер ететінін айтты.  

Конгрессмендер жаңа шектеу шараларын енгізуге келісті. Атап айтқанда, "Солтүстік ағын - 2" газ құбыры мен Ресейдің егемен қарызына қатысты шектеулерді кеңейту қарастырылған. Сондай-ақ 35 адамға қатысты санкциялар бар. Ол тізімге ресми тұлғалар, бизнесмендер мен журналистер кіреді. Құжат жобасы сенаттың қарауынан өтуге тиіс. Сосын президент Джо Байден қол қоюы қажет. 

Саяси сарапшылар мен кеңесшілер қауымдастығының мүшесі, Мәскеу мемлекеттік халықаралық қатынастар институтының  саяси теория кафедрасының доценті Кирилл Коктыштың ойынша, жаңа санкциялар, соның ішінде Ресей Федерациясының егемен қарызына қатысты шектеулер АҚШ-тың өзіне кері әсерін тигізеді.

"Әлбетте, сан алуан шектеулер, соның ішінде банкаралық төлемдердің SWIFT жүйесінен ажырату сияқты шаралар да болуы мүмкін. Соның салдарынан сауда операциялары қиындап кетеді. Бірақ SWIFT-тің өзі Ресейді ешкім ажыратпайды деп отыр. Бұның бәрі – бос сөз. Ондай шаралар қисынға келмейді", - деді Коктыш Sputnik радиосына берген сұхбатында.

Оның айтуынша, SWIFT-ке клиенттен айырылған тиімсіз. Компания имиджіне де кері әсерін тигізеді. Өйткені Иранды ажыратқан кезде ешкімге оңай соқпады.

"Бұдан бөлек, ондай санкциялар криптовалютаға көшуді жылдамдатады. Демек АҚШ-тың өзіне тиімсіз болады. Себебі доллармен құрылған экономикалық кеңістік және басқа да валюталық аймақтар бұзылады. АҚШ соның бәрін үдетіп жібереді", - деп түсіндірді сарапшы.

Оқи отырыңыз:

52

Әбілхан Қастеев музейіне саяхат: жұртты тамсандырған туындылар фото

0
  • Әбілхан Қастеев атындағы өнер музейі
  • Әбілхан Қастеев атындағы өнер музейі
  • Суретші Күлбатыровтың Опера және балет театры суреті
  • Күлбатыровтың Алматы көрінісі суреті
  • Алматы суретшілер көзімен көрмесі
  • Алматы суретшілер көзімен көрмесі
  • Әбілхан Қастеев атындағы өнер музейі
  • Балықшы қыз терракотасы
  • Салихитдин Айтбаевтың Бақыт туындысы.
  • Әбілхан Қастеев атындағы өнер музейі
  • Әбілхан Қастеев атындағы өнер музейі
  • Әбілхан Қастеев туындылары
  • Әбілхан Қастеевтің Таудағы мұз айдыны туындысы
  • Қапшағай су электр станциясы туындысы
  • Әбілхан Қастеев атындағы өнер музейі
  • Әбілхан Қастеев атындағы өнер музейі
  • Әбілхан Қастеев атындағы өнер музейі
  • Әбілхан Қастеев атындағы өнер музейі
  • Әбілхан Қастеев атындағы өнер музейі
  • Әбілхан Қастеев атындағы өнер музейі
  • Әбілхан Қастеев атындағы өнер музейі
  • Әбілхан Қастеев атындағы өнер музейі
  • Әбілхан Қастеев атындағы өнер музейі
Қазақстан Республикасының мемлекеттік Әбілхан Қастеев атындағы өнер музейі 1976 жылы Шевченко атындағы Қазақ мемлекеттік көркемсурет галереясының және республикалық қолданбалы өнер музейінің қоры негізінде қаланған

Музейге 1984 жылы қаңтарда Қазақ КСР халық суретшісі Әбілхан Қастеевтің есімі берілді. Қазір мұнда Қазақстанның бейнелеу өнері, Қазақстанның қолданбалы өнері, шетел классикалық өнері, жаңа дәуірдегі шетел өнері, қайта қалыпқа келтіру, көрме және экспозиция, насихаттау және экскурсиялық қызмет көрсету, ақпарат және баспа ісі ғылыми орталықтары бар. Сондай-ақ сурет өнерінің түрлі жанры музей сөрелерінен орын тепкен.

Музейге аты берілген Әбілхан Қастеев – Қазақстанның бейнелеу өнер тарихында өшпес із қалдырған дарынды тұлға. Қастеевтің шығармашылығы жан-жақты, сан қырлы. Ол қазақ халқының белгілі тұлғалары Шоқан Уәлихановтың, Абай Құнанбаевтың, Жамбыл Жабаевтың, Амангелді Имановтың портретін бірнеше рет салған. Музейде Қастеев туындылары бөлек залда тұр.

Сонымен қатар қазір музейде Алматының туған күніне орай "Алматы суретшілер көзімен" көрмесі өтіп жатыр. Ол жерде қала суретшілері мегаполистің көрікті жерлерін қағазға түсірген туындылары қойылған.

Сондай-ақ суретші Николай Константинович Рерихтің "Рухтың шыңдары" көрмесі ашылған. Оның туындылары таудың алып шыңдарына ұмтылу, рухани даму ізденістеріне шақырады. Рерихті туындыларына қарап "Тау шебері" деп атаған. Себебі ол Гималайдың жан дүниесін ашып көрсеткен.

Музейде қандай туындылар бар екенін Sputnik Қазақстан фотолентасынан көріңіз.

0
  • Әбілхан Қастеев атындағы өнер музейі
    © Sputnik / Тимур Батыршин

    Қазақстан Республикасының мемлекеттік Әбілхан Қастеев атындағы өнер музейі 1976 жылы Шевченко атындағы Қазақ мемлекеттік көркемсурет галереясының және республикалық қолданбалы өнер музейінің қоры негізінде қаланған.

  • Әбілхан Қастеев атындағы өнер музейі
    © Sputnik / Тимур Батыршин

    Музейге 1984 жылы қаңтарда Қазақ КСР халық суретшісі Әбілхан Қастеевтің есімі берілді.

  • Суретші Күлбатыровтың Опера және балет театры суреті
    © Sputnik / Тимур Батыршин

    Қазір көрмеде Алматының туған күніне орай "Алматы суретшілер көзімен" көрмесі өтіп жатыр. Ол жерде қала суретшілері мегаполистің көрікті жерлерін бейнелеген. Фотода: суретші Күлбатыровтың "Опера және балет театры" суреті.

  • Күлбатыровтың Алматы көрінісі суреті
    © Sputnik / Тимур Батыршин

    Күлбатыровтың "Алматы көрінісі" суреті. Онда Алатау, Көктөбе мұнарасы мен "Қазақстан" қонақ үйі бейнеленген.

  • Алматы суретшілер көзімен көрмесі
    © Sputnik / Тимур Батыршин

    Суретші Омышев Алматының орталық мешітін салған. Туынды Алматының туған күніне орай "Алматы суретшілер көзімен" көрмесіне қойылған.

  • Алматы суретшілер көзімен көрмесі
    © Sputnik / Тимур Батыршин

    "Алматы суретшілер көзімен" көрмесі 19 қыркүйекте ашылды, ол 3 қазанға дейін жалғасады.

  • Әбілхан Қастеев атындағы өнер музейі
    © Sputnik / Тимур Батыршин

    Музейге келіп жатқан адам көп. Эстетиканы жақсы көретін жастар мұнда арнайы келіп, фотосессия жасайды.

  • Балықшы қыз терракотасы
    © Sputnik / Тимур Батыршин

    Музейде әртүрлі жанрдағы өнер туындысын тамашалауға болады. Арасында мүсін де, портрет те, натюрморт та бар. Фотода: "Балықшы қыз" терракотасы

  • Салихитдин Айтбаевтың Бақыт туындысы.
    © Sputnik / Тимур Батыршин

    Салихитдин Айтбаевтың "Бақыт" туындысы.

  • Әбілхан Қастеев атындағы өнер музейі
    © Sputnik / Тимур Батыршин

    Музейде Қазақстанның бейнелеу өнері, Қазақстанның қолданбалы өнері, шетел классикалық өнері, жаңа дәуірдегі шетел өнері, қайта қалыпқа келтіру, көрме және экспозиция, насихаттау және экскурсиялық қызмет көрсету, ақпарат және баспа ісі ғылыми орталықтары бар.

  • Әбілхан Қастеев атындағы өнер музейі
    © Sputnik / Тимур Батыршин

    Әбілхан Қастеев – Қазақстанның бейнелеу өнер тарихында өшпес із қалдырған дарынды тұлға. Қастеевтің шығармашылығы жан-жақты, сан қырлы. Ол қазақ халқының белгілі тұлғалары Шоқан Уәлихановтың, Абай Құнанбаевтың, Жамбыл Жабаевтың, Амангелді Имановтың портретін бірнеше рет салған. Музейде Қастеев туындылары бөлек залда тұр.

  • Әбілхан Қастеев туындылары
    © Sputnik / Тимур Батыршин

    Әбілхан Қастеев туындылары

  • Әбілхан Қастеевтің Таудағы мұз айдыны туындысы
    © Sputnik / Тимур Батыршин

    Әбілхан Қастеевтің "Таудағы мұз айдыны" туындысы. Суретші Медеу мұз айдынын 1955 жылы салған.

  • Қапшағай су электр станциясы туындысы
    © Sputnik / Тимур Батыршин

    Әбілхан Қастеев "Қапшағай су электр станциясы" туындысын 1972 жылы салған.

  • Әбілхан Қастеев атындағы өнер музейі
    © Sputnik / Тимур Батыршин

    Музейдегі орыс өнер коллекциясы 17 ғасырдан бастап 1917 жылға дейінгі аралықтағы өнер туындыларын қамтиды.

  • Әбілхан Қастеев атындағы өнер музейі
    © Sputnik / Тимур Батыршин

    Музейдегі орыс өнері залындағы туындылар

  • Әбілхан Қастеев атындағы өнер музейі
    © Sputnik / Тимур Батыршин

    Әбілхан Қастеев атындағы өнер музейіне келушілер

  • Әбілхан Қастеев атындағы өнер музейі
    © Sputnik / Тимур Батыршин

    Қаламгер Мұхтар Әуезов бюсті

  • Әбілхан Қастеев атындағы өнер музейі
    © Sputnik / Тимур Батыршин

    Музейде Николай Константинович Рерихтің "Рухтың шыңдары" көрмесі өтіп жатыр. Оның туындылары таудың алып шыңдарына ұмтылу, рухани даму ізденістеріне шақырады.

  • Әбілхан Қастеев атындағы өнер музейі
    © Sputnik / Тимур Батыршин

    Рерихтің туындылары. Қылқалам шеберінің символдық мәнге ие, сондай-ақ түрлі сюжеттік композициялары ұсынылған.

  • Әбілхан Қастеев атындағы өнер музейі
    © Sputnik / Тимур Батыршин

    Рерихті туындыларына қарап "Тау шебері" деп атаған. Себебі ол Гималайдың жан дүниесін ашып көрсеткен.

  • Әбілхан Қастеев атындағы өнер музейі
    © Sputnik / Тимур Батыршин

    Қазақ ақыны Олжас Сүлейменов бейнеленген туынды қазақ өнері залының көркі болып тұр.

  • Әбілхан Қастеев атындағы өнер музейі
    © Sputnik / Тимур Батыршин

    Күләш Байсейітова, Қыз Жібек суреті де қазақ өнері залының сұлулығын арттырып тұрған туындылар.

Кілт сөздер:
фото