Сот отырысы

Сот отырысында адвокат ұятқа қалды видео

2169
(Жаңартылды 17:06 10.02.2021)
Адвокат бұл әрекетін әдейі істемеген. Жағдайды түзей алмаған соң отырысты сол күйі жалғастыруға мәжбүр екенін жеткізді

НҰР-СҰЛТАН, 10 ақпан — Sputnik. АҚШ-тың Техас штатының адвокаты Zoom-да өткен онлайн сот отырысына мысықтың виртуалды маскасымен қатысты.

Род Понтон мүлікті тәркілеу ісіне қатысты отырыста фильтрді жоя алмады, деп хабарлайды NBC news.

Жағдайды түзей алмаған соң отырысты осылай жалғастыруға мәжбүр екенін жеткізді.

"Мен осылай жалғастыруға дайынмын. Мен онлайнмын, мысық емеспін", - деді ол әріптестерінің көңілін көтеріп.

Ерекше отырыстан соң 394-ші сот округінің судьясы Рой Фергюсон онлайн жиындар алдында баптауларды тексеруге кеңес берді.

"Компьютерді балаңыз қолданса, баптауларды тексеріп, фильтрлерді алып тастаңыздар. Бүгін мысық сотта қаралған іске қатысты ресми мәлімдеме жасады", - деп жазды ол Twitter-де.

Ал адвокат көшіп жатқандықтан, көмекшісінің компьютерін алғанын айтты.

Еске салсақ, бұған дейін америкалық журналист Джастин Хинтон тікелей эфирде ұқсас жағдайға тап болған еді. 

2169
Кілт сөздер:
видео, адвокат, сот
Тақырып бойынша
Кешірім сұрады: тікелей эфирде тележүргізуші ыңғайсыз жағдайға қалды – видео
"Деңгейіңді көрсетіп қойдың". Депутаттар тікелей эфирде төбелесті – видео
Тікелей эфирде журналиске шабуыл жасалды – видео
Тікелей эфирде тірі сегізаяқты жемек болған қытай қызының жан дауысы шықты – видео  
Қырғыздарға тіл тигізген танымал ресейлік тележүргізуші мәлімдеме жасады
Терезеге қарап тұрған ер адам

Екі қызды зорлағаны үшін сотталған маньяк үйленеді видео

485
(Жаңартылды 16:43 05.03.2021)
Бостандыққа шыққан ер адам зардап шеккендерден кешірім сұрап, балаларын табуға ниет білдіріп отыр

НҰР-СҰЛТАН, 5 наурыз — Sputnik. Жетпіс жастағы Виктор Мохов үйіне оралғанын айтты. Ол үйленетін ойы бар екенін жеткізді.

"Скопин маньягі" жазасын өтеп шыққан болатын. Ол 20 жыл бұрын екі қызды қамауда ұстап, зорлаған үйіне қайтып келді. Журналистерге сұқбат беріп те үлгерген.

"Үйленуге барамын. Жас әжей тауып алдым", - деді ол РЕН-ТВ арнасына.

Бостандыққа шыққан ер адам зардап шеккендерден кешірім сұрап, балаларын табуға ниет білдіріп отыр.

Скопин маньягі

2000 жылы Скопин қаласында слесарь Мохов 14 және 17 жастағы екі қызды ұрлап, төрт жылға жуық жертөледе ұстады. Тұтқында болған кезде оның бірі еркінен тыс одан екі рет босанды, қылмыскер балаларды алып кетіп отырған. Ол кезде жасөспірім Екатерина екінші бойжеткенді босандырып алған.

Мохов қыздарды аштықта ұстап, жарықсыз қалдырған. Резеңке шлангамен ұрып, бөлмеге көзден жас ағызатын газ шашқан. Құрбандар толық қараңғыда отырған, арасында ғана таза ауаға шыққан.
Қыздар хат жазып, оны ғажайып жолмен сыртқа беріп жіберген. 2004 жылдың 4 мамырында олар бостандыққа шықты.

Скопин аудандық соты 2005 жылы 30 тамызда Моховты 17 жылға бас бостандығынан айырды, ол қатаң режимдегі колония жазасын өтеді.

Пугачев аудандық сотының 2012 жылдың 24 шілдедегі өзгерістерін ескере отырып, бұл мерзім 16 жыл 10 айға дейін қысқартылды.

Қыздарды ұрлауға көмектескен маньяктың серіктесі Елена Бадукина бес жарым жылға бас бостандығынан айырылып, жазасын өтеді.

Виктор Мохов 2021 жылдың 3 наурызында бостандыққа шықты.

485
Кілт сөздер:
зорлық-зомбылық, Ресей, маньяк
Тақырып бойынша
"Қауіпті ресейлік маньяк Қазақстанда жасырынуы мүмкін": полиция түсініктемесі
Үштөбеде оқушыны зорлады деген күдікке ілінген мұғалімдерге қатысты ақпарат жарияланды
Әйелдерді зорлап, өлтірген: Шымкентті дүрліктірген екі маньяк қалай ұсталды
Екі қызды 4 жыл бойы қамауда ұстаған маньяк бостандыққа шыққалы жатыр
"Кешкісін құрбандарын іздейді": Мамлютте маньяк пайда болғаны жайлы ақпарат тарады
Құлаған тікұшақ суреті

Түркияда генерал мінген әскери тікұшақ құлады

62
(Жаңартылды 10:06 05.03.2021)
Министр Хулуси Акардың айтуынша, апатқа техникалық ақау мен ауа райының қолайсыздығы себеп болуы мүмкін

АЛМАТЫ, 5 наурыз – Sputnik. Түркияның шығысында әскери тікұшақ апатқа ұшырады, деп хабарлайды РИА Новости республиканың қорғаныс министрлігіне сілтеме жасап.

Тікұшақ Бингельден Татванға Нұр-Сұлтан уақыты бойынша сағат 16:55-те ұшты, ал 17:25-те тікұшақпен байланыс үзілді. Оны іздеуге ұшқышсыз ұшатын аппарат, CN-235 ұшағы және тікұшақ жіберілді.

"Тоғыз азаматтың қайтыс болғаны, тағы 4 адамның жарақат алғаны анықталды", – делінген ведомство хабарламасында.

Кейінірек тікұшақ апатқа ұшырауы салдарынан қайтыс болғандар саны 11 адамға жеткені белгілі болды.

Крушение военного вертолета в Турции
© AP Photo / IHA
Оқиға орнында түсірілген сурет.

Қайтыс болғандардың бірі – Түркия құрлық әскерлерінің сегізінші корпусының қолбасшысы, генерал Осман Эрбаш.

Апат себебі анықталып жатыр

Қорғаныс министрі Хулуси Акар президент Тайып Ердоғанға оқиға туралы баяндап, тікұшақтың апатқа ұшырауына байланысты тергеу басталғанын жеткізді. Сондай-ақ ведомствоның хабарлауынша, апатқа техникалық ақау мен ауа райының қолайсыздығы себеп болуы мүмкін. 

"Алдын ала мәліметтер мен куәгерлердің айтуынша, тікұшақ апаты ауа райының кенеттен нашарлауына байланысты болған", – деді министр.

Оқи отырыңыз: Тікұшақ апатында қаза тапқан капитанның әкесі: сіздің де балаңыз бар деді

НАТО-ның бас хатшысы Йенс Столтенберг Түркияның сыртқы істер министрімен телефон арқылы сөйлесіп, тікұшақ апатына байланысты көңіл айтты.

62
Кілт сөздер:
ұшақ апаты, тікұшақ
Тақырып бойынша
Белгілі миллиардер тікұшақ апатынан қаза болды
Қызылордада 13 әскеридің өмірін қиған тікұшақ апатына не себеп болды - бастапқы болжам
Көкте ұшақ пен тікұшақ соқтығысып қалды – жантүршігерлік апаттың видеосы
Әлемдегі ең үлкен тікұшақ Шығыс Қазақстанда басталған өртті сөндіруге жіберілді
Мамин мінген тікұшақ шұғыл қонуға мәжбүр болды – БАҚ
Шымкент қаласы

Шымкенттің бас санитар дәрігері жаңа қаулы шығарды

25
(Жаңартылды 19:09 05.03.2021)
Бұған дейін қаланың бас санитары ас беру шараларын өткізуге рұқсат берген. Бірақ ғимаратты 30 проценттен артық толтыруға және 50 адамнан көп жиналуға тыйым салынады

НҰР-СҰЛТАН, 5 наурыз – Sputnik. Шымкент қаласының бас мемлекеттік санитарлық дәрігері Әбдіманап Түлебаев жаңа қаулыға қол қойды, деп хабарлайды Sputnik Қазақстан санитарлық-эпидемиологиялық бақылау департаментінің ресми сайтына сілтеме жасап. 

"Шымкент қаласының аумағында 2021 жылдың 8 наурызы сағат 00:00-ден бастап 2021 жылдың 29 наурызы сағат 00:00-ге дейін карантин және шектеу шаралары ұзартылсын", - делінген құжатта. 

Айта кетейік, бұған дейін қаланың бас санитары ас беру шараларын өткізуге рұқсат берген. Бірақ ғимаратты 30 проценттен артық толтыруға және 50 адамнан көп жиналуға тыйым салынады. Басқа шараларды, соның ішінде еске алу, туған күн, мерейтой, құдалық, беташар және тойды өткізуге болмайды.

Ашық алаңда және ғимаратта орналасқан қоғамдық тамақтану нысандарын 50 процентке дейін толтыруға рұқсат беріліп отыр. Алайда жалпы адамдар саны 50-ден аспауы тиіс. Балаларға арналған ойын-сауық орталықтары да жұмыс істейді. Адам санына қарай шектеу бар.

Жанар-жағармай станциялары мен ондағы дүкендер, автоэкспресс, автожуу, көліктер, сағаттар, телефондар, компьютерлер мен аяқкиім жөндеу, тігін ательесі, кір жуу, химиялық тазалау, кілттерді жасау, қонақ үйлер, шипажайлар, демалыс үйлері мен туристік базалар қалыпты режимде жұмыс істейді.

Бұдан бөлек, спорттық шаралар өткізуге рұқсат беріліп отыр. Бірақ көрермен саны ғимарат сыйымдылығының 20 процентінен аспауы қажет. Ал кеңсе қызметкерлерінің 30 проценті қашықтан жұмыс істеуге көшірілуі шарт.

Ресми мәліметке сәйкес, осы уақытқа дейін республика бойынша коронавируспен 216 467 адам тіркелген. Соңғы бір тәуліктің ішінде ПТР-тест арқылы тағы 857 адамның инфекция жұқтырғаны анықталды. Соның ішінде Шымкент қаласында тіркелген 27 науқас бар.

 

25
Тақырып:
Коронавирус эпидемиясы
Тақырып бойынша
Полиция Шымкентте жұртты шошытқан жағдайға байланысты түсініктеме берді
Шымкентте куәгерлер "қыз алып қашқандарды" видеоға түсіріп алды
Шымкентте 41 жастағы әйел оныншы рет сәбилі болды
Вакцинаның әсері: Цой эпидемиологиялық жағдайға болжам жасады
Шымкентте із-түзсіз жоғалып кеткен оқушы қыз табылды