Берлин, иллюстративті фото

Германияның экс-канцлері соғысты неге еске алды

241
Германия мен КСРО-ға Бірінші дүниежүзілік соғыста шайқасуға тура келді. Бұл екі империяға да жақсылық алып келген жоқ

НҰР-СҰЛТАН, 11 ақпан – Sputnik. Біз Ресеймен жақсы қарым-қатынаста болсақ, бұл құрлықта бейбітшілік болатынын өз тарихымыздан жақсы білеміз, деп мәлімдеді бұрынғы неміс канцлері Герхард Шредер.

Ол сейсенбі күні Путиннің Мюнхендегі конференцияда сөйлеген сөзінің 14 жылдығында осындай пікір білдірді. Дәл осы күні Брюссельде Еуропарламент депутаттары еуропалық дипломатия басшысы Жозеп Боррельдің Мәскеуге жайсыз уақытта барғанын сынға алды, деп хабарлайды РИА Новости.

Испаниялық шенеуніктің қылығына негізінен шығысеуропалықтар наразылық білдірді.

"Біз Ресеймен қарым-қатынастың тарихи қиылысында тұрмыз. Біздің таңдауымыз осы ғасырдағы күштердің халықаралық қарқынын айқындайтын болады. Еуроодақ Ресеймен қарым-қатынаста ашық немесе жабық қоғамға ұмтыла ма?" деген пікір білдірді Боррель.

Еуропарламент депутаттары қатты алаңдамаса да болады. Себебі, таңдау жасайтын олар емес. ЕО саясаты немістердің (кейде француздардың) шешіміне байланысты. Сондықтан, Ресей үшін ең алдымен Берлиндегілердің пікірі маңызды. Ал Германияны елдегі биліктің ауысуы күтіп тұр. Меркельдің қызметтен кетуімен бірге елдің бүтіндей бір дәуірі де аяқталып жатыр. Шын мәнісінде, таңдау жасауды соза тұратын уақыт аяқталып жатыр. Меркельге дейін ел билігінің тізгінін ұстаған шенеунік ретінде Шредер мәселенің мән-жайын жақсы түсініп отыр. Сондықтан, ол Ресеймен қарым-қатынасты қорғай отырып, салмақты мысалдарды сөзіне негіз етіп, бейбітшілік пен соғыс туралы сөз қозғап отыр. Ол өз үндеуін барлық еуропалыққа және ең алдымен немістерге, неміс элитасына арнады. Германияның айналасында бірыңғай Еуропа құруды көздейсіздер ме? Онда немістердің тарихына көз жүгіртіңіздер. Сонда Ресеймен қандай қарым-қатынаста болу керек екенін түсінесіздер.

Соңғы бір жарым ғасырдағы үш бірігудің екеуі үшін Германия Ресейге қарыздар. Иә, немістер өткен айда Екінші рейхтың құрылуының 150 жылдығын атап өткен жоқ. Бірақ егер Ресей империясы қарсы болса, неміс жерін біріктіру бойынша Бисмарк жоспары жүзеге аспайтын еді.

Төрт онжылдық өткен соң немістер мен орыстарға Бірінші дүниежүзілік соғыста шайқасуға тура келді. Бұл екі империяға да жақсылық алып келген жоқ. Неміс жерінің келесі бірігуі Гитлер кезінде болды. Оның нәтижесі ретінде рейхтың Шығысқа қарай бағытталған агрессиясы мен Ресейге шабуылын атауға болады.

Ұлы Отан соғысынан кейін жеңімпаздар Германияны бөлшектеп бөліп алды десе де болады. Осыдан кейін оның батыс бөлігі атлантикалық торапқа байланып, бірыңғай Батыс Еуропа түзіле бастады. Осы кездің өзінде немістер Мәскеумен қарым-қатынасты реттеуге тырысты. Иә, Германияның қайта бірігуіне КСРО дағдарысы мен тарауы ықпал етті. Бірақ, бұл атлантикалықтардың қарсылығына қарамастан, орыстардың бастамасымен іске асты.

Яғни, Германияның ұлттық мүдделеріне алаңдайтын әрбір неміс өз елі үшін Ресеймен қарым-қатынастың маңызын жақсы түсінеді. Онда неге Шредер осындай айдан анық мәселені түсіндіруге мәжбүр?

Себебі, немістердің басым бөлігінде ұлттық ой-таным жоқ. Олар ұлттық мүдде жайлы ойланудан қорқады. Себебі, Германияның кінәсі ауыр болғаны соншалық, немістер өздерін басқалардан жоғары қоймауы керек, өз мүдделерін қорғамауы керек. Олар тек еуропалық екенін, жалпы еуропалық мүдделерді қорғайтынын мақтан тұтса жеткілікті. Дәл осы сипаттамада Ресейді үнемі жауыз етіп көрсету таңғаларлық жайт емес. Яғни, онымен кейбір мәселелер бойынша ынтымақтастық орнатуға болады, бірақ, оның тарапынан әркез қандай да бір жайсыз жағдайлар күту керек.

Міне, неміс элитасының ой-санасына осы ұстаным әбден сіңірілді. Бірақ соңғы уақытта жүргізілген сауалнама нәтижесіне сәйкес, қоғамдық пікірдің басым бөлігі АҚШ емес, Ресеймен тығыз байланыс орнатуды қалайды. Америкадан көңіл қалғалы қашан! Трамп билікте болған кезде жағдай ушыға түсті.

Трамп кетті, бірақ бірыңғай Батыс ыдыраудың алдында тұр. Неміс элитасы да Германияның жауапкершілікті өз мойнына алатын уақыты жеткенін жиі айтып жүр.

Германия маңызды таңдаудың алдында тұр. Ол өзінің және Еуропаның болашағы үшін жауапкершілікті мойнына алуы керек. Таңдау жасаудан бас тартуға, уақыт созуға енді болмайды. Себебі, Германиядан "атлантикалық жоспарға" адалдығын растауды талап етеді. Ал неміс элитасының мұны орындауға құлқы жоқ. Сондықтан, қыркүйектегі сайлаудан кейін немістер элитасы үшін ақиқат сәті туады.

241
Коронавирус пандемиясы

ДДҰ пандемия қашан аяқталатынын болжады

894
(Жаңартылды 12:45 06.03.2021)
Қазіргі уақытта вирусты анықтауға арналған диагностикалық бағдарламалар мен вакцина бар, деді ұйымның бөлім басшысы

НҰР-СҰЛТАН, 6 наурыз — Sputnik. Дүниежүзілік денсаулық сақтау ұйымының еуропалық бөлімінің басшысы Ханс Клюге COVID-19 пандемиясының аяқталу уақытына қатысты болжам жасады.

"2021 жыл да коронавирус жылы болады. Алайда бұл жолы алдағы жағдайға болжам жасап, басқару мүмкіндігі жоғары. 2020 жылы terra incognita, яғни ғылыми, саяси белгісіздік жағдайын бастан кешірдік. Бір жылдан соң вирус жайлы біраз нәрсе білдік. Диагностикалық бағдарламалар мен вакцина бар", - деді ол Welt басылымының хабарлауынша.

Клюге бәрін алдын ала жоспарлау маңызды екенін атап өтті. Сондықтан келер жылдың басында пандемия аяқталуы мүмкін деп отыр.

"Бұл вирус жойылады деген сөз емес. Бірақ ол кезде ешбір араласу қажет болмайды", - деді ол.

Оның айтуынша, бай өңірлер ғана вакцина салдырып, өзгелері бұл науқаннан тыс қалып қоймауы керек деген ойда.

Сондай-ақ мемлекеттердің шектеуді алуына қатысты да пікір білдірді. Олар тым жылдам алынса, бастапқыдағы жағдай қайталануы ықтимал деген алаңдаушылығын жеткізді.

Еске сала кетсек, өткен жылдың 11 наурызында дүниежүзілік денсаулық сақтау ұйымы COVID-19-ды пандемия деп атады. Елдер қатаң карантин енгізді, шекаралар жабылды. Қазір жағдай біртіндеп жақсарып келеді. 

894
Кілт сөздер:
коронавирус, ДДҰ
Тақырып:
Коронавирус эпидемиясы
Тақырып бойынша
Әлем халқының небәрі 10 процентінде коронавирусқа қарсы антидене бар – ДДҰ
Астанада коронавирусқа кімдер жиі шалдығатыны анықталды
Коронавирустың бірден екі штаммын жұқтырған адам анықталды
Жұрт коронавирусқа қарсы вакцинаны салдырудан неге қорқады
Ғалымдар коронавирустың түсін анықтады
Михаил Саакашвили, архивное фото

Зеленкий Саакашвилиді қызметінен босатты

123
2019 жылы 28 мамырда Владимир Зеленский Саакашвилиге қайта азаматтық беріп, реформалар жөніндегі ұлттық кеңестің атқарушы комитетінің басшылығына тағайындаған болатын

НҰР-СҰЛТАН, 5 наурыз — Sputnik. Михаил Саакашвили украиналық үйлестіру кеңесінің құрамынан шығарылды. Украина президенті Владимир Зеленскийдің жарлығы ресми сайтында жарияланды. 

Құжат күшіне енген.

Босаған орынға реформалар жөніндегі атқару комитетінің сарапшысы Георгий Цхакай келді.

Айта кетейік, 2013 жылы Михаил Саакашвили Грузиядан кетіп қалған. Сол кезде оған қатысты төрт қылмыстық іс қозғалған болатын. Оны сырттай соттап, қамауға алуға шешім шығарған.  

2015 жылы Саакашвили Украинаға келді. Петр Порошенко оны Одесса облысының губернаторы қызметіне тағайындады. Алайда бір жылдан кейін бұл қызметтен алып тастады. Ал 2017 жылы Украина азаматтығын қайтарып алды.  

2019 жылы 28 мамырда осы елдің жаңа президенті Владимир Зеленский Саакашвилиге қайтадан азаматтық беріп, реформалар жөніндегі ұлттық кеңестің атқарушы комитетінің басшылығына тағайындады.

123
Кілт сөздер:
қызмет көрсету, Михаил Саакашвили, Зеленский
Тақырып бойынша
"Украина мұны ұмытпайды": Зеленский Қазақстанға не үшін алғыс айтты
Марғұлан Сейсембай Саакашвилимен бірге жұмыс істейтінін мәлімдеді
Зеленский террористің ойға қонымсыз талабын орындауға мәжбүр болды - видео
Украина ұшағы құлады: Зеленский әлеуметтік желіде мәлімдеме жасады
Михаил Саакашвили төбеден секіремін деп әлек салды – оқиға орнында түсірілген видео

Астана LRT: сақалды құрылыс тағдыры фото

0
  • Дәл осы тұста AstanaLightRailtransport бағдары өтуі тиіс еді. Жерүсті метроның құрылысы 2011 жылы басталған болатын.
  • Бастапқыда рельстердің жалпы ұзындығы 60 километрден асуы тиіс еді
  • Қаржы министрлігінің мәліметі бойынша метроның сметалық құны 2,6 миллиард теңгені құрады
  • Қауіпсіздік үшін кейбір аумақтар қоршауға алынған.
  • Күн батып бара жатқан сәттегі Astana LRT конструкциясының суреті жер бетінде тек қирандылар қалған ақырзаманды елестетеді.
  • Құрылысы аяқталса да Астана LRT ешқашан Нұр-Сұлтандағы пайдалы көлікке айналмайтын секілді.
  • Дәл осы тұста қоғамдық көліктің екінші тармағы жатуыс тиіс болатын. Ол елордадағы көлік кептелісін біршама жеңілдетуі тиіс еді.
  • Қала тұрғындарының жұмыс пен үй арасындағы жолын жеңілдетуі тиіс бұл жобаның салдарынан қала көшелері тарыла түсті.
  • Қаладағы ең биік ғимарат құрылысы аяқталмаған жолдың аяқсыз қалған платформасын күтіп-баптауға мәжбүр.
  • Астаналықтар қаланың келбетін тамашалуы үшін Астана LRT жобасының бағдары Орталық Азиядағы ең ірі мешіт болуы тиіс нысанның құрылысы жанынан өтеді.
  • Астана LRT жобасының тіректері жанындағы жол кептелістеріне Нұр-Сұлтан тұрғындары әлдеқашан үйренген.
  • Нұр-Сұлтан әкімі Алтай Көлгінов бұл құрылыс қаланың көрікті келбетін бұзып тұрғанын мойындады.
  • Астана LRT жобасының қазірден-ақ қирап бастаған тіректері қала тұрғындарын ашындыратыны жасырын емес.
  • Шулы Astana LRT жобасы жолсыздағы жол атауынан қашан арылып, кәдеге асатыны әзірше белгісіз.
2000 жылдардың ортасында құрылысы басталған Астана LRT жобасы он бес жыл уақыт өткеннен кейін де сыбайлас жемқорлық пен жауапсыздықтың символына айналды

Астанада LRT-ны салу 2005 жылы сөз бола бастады. Сол кезде елорда әкімдігі қала басшысы Өмірзақ Шөкеевтің жетекшілік етуімен "Астананың жаңа көлік жүйесі" бағдарламасын қабылдады.

Осы уақыттан бері біршама уақыт пен қаражат жұмсалды. Елордада жеті әкім ауысты: Шөкеев, Мамин, Тасмағамбетов, Жақсыбеков, Исекешев, Сұлтанов, Көлгінов. Жобаның бірнеше бас мердігерлері де ауысты.

Сол сияқты ел президенттері де ауысып үлгерді: Нұрсұлтан Назарбаевтың орнына қазір Қасым-Жомарт Тоқаев ел тізгінін қолына алды.

Бас қаланың атауы Астанадан Нұр-Сұлтанға өзгерді. Бірақ LRT ісі алға жылжыған жоқ. Бүгінде "ақылды қаланың" бір бөлшегіне айналуы тиіс құрылыстың аяқсыз қалған қаңқасы елорда тұрғындары мен қонақтарын үрейлендіреді.

Тіпті LRT жобасының өзі де бірнеше рет өзгеріске ұшырағанын бүгінде біреу білсе, біреу білмейді: бастапқыда халық тығыз қоныстанған оң жағалаудағы бекеттен қала орталығына қарай бағыттау жоспарланған. Ал 2011 жылы бұл ойдан айнып, сол жағалаудағы әуежайдан тарту көзделді. Бұл жобаның тиімді болуына Қазақстанның 2012 жылы өтетін "ЭКСПО – 2017" көрмесіне дайындалып жатқаны да әсер етті. Ақыр соңында ол да пайдаға жарамай қалды.

Жоба жайы талқыланды

Президент Қасым-Жомарт Тоқаев тым қымбат әрі тиімсіз болғаны үшін жобаны қатаң сынға алды. Инаугурация өткеннен кейін бірден мемлекет басшысы тәулігіне 150 мың адам көлеміндегі жолаушылар ағыны оптимизмге толы екенін және бүгінгі тарифтен 70 есе көп екенін ескертті.

Есеп комитеті CityTransportationSystems (ребрендингтен кейінгі "Астана LRT" ЖШС атауы – Sputnik) қаржы-шаруашылық қызметінің аудиторлық қорытындысына талдау жүргізіп, құрылысты одан әрі жалғастырудың тиімділігі туралы мәселе көтерді. Есеп комитетінің сарапшылары жоба өзін ақтамайтынын және оның құрылысын қазір жалғастыру елорда бюджетіне үлкен салмақ екенін айтты.

Жоба құрылысын аяқтау құны 1,3 миллиард доллардан асып түсті.

Кейінірек қала билігі қаржыландыру сызбасын мақұлдап, оған сәйкес облигациялар қазақстандық ішкі нарықта орналастырылды. Облигациялық берешек көлемі 1,5 миллиард долларды құрады. Қазақстан Халық банкі қаржы министрлігінің кепілдемесі арқылы құны 400 миллион доллар болатын облигацияларды сатып алды.

2021 жылғы ақпандағы халық алдындағы есеп беру кездесуінде Нұр-Сұлтан әкімі Алтай Көлгінов: "Иә, шын мәнінде, бұл құрылыс қаланың көрікті келбетін бұзып тұр" деп мойындады.

Қала басшысы пандемия кезінде тоқтатылған жобаға қаражат жинау жұмыстары жалғасып жатыр және жерүсті метросының құрылысы аяқталады деп сендірді. Алайда Көлгінов нақты мерзімдерді атай алмады.

Жоба машақаты таусылар емес

Қазақстан астанасына арналған жеңіл рельсті көлік жобасының әзірленгеніне он бес жылдан астам уақыт өтті. Бастапқыда бұл жолдың жалпы ұзындығы шамамен 60 шақырым болуы керек еді.

Бірақ біршама түзетулерден кейін ол айтарлықтай қысқарды. 2019 жылғы жобада LRT желісінің ұзындығы 22 километрден аспады. Осы жолдың бойында әуежай, Әбу-Даби Плаза ауданындағы сол жағалауды жаңа "Нұрлы жол" теміржол бекетімен байланыстыруы керек еді.

Осы бағдар бойынша Нұр-Сұлтанға сұрықсыз реңк беріп тұрған темірбетонды конструкциялар тізіліп тұр.

Оқи отырыңыз: Еуропаға көктем келді: Германияда ғасырлық рекорд жаңарды – фото

Егер мерзім мен километр жайлы сөз қозғайтын болсақ, 90 жылдық тарихы бар, Қазақстанда аты аңызға айналған Түрксібтің 1 145 километрін үш жылда салды. Ол кезде қазақстандықтар рельстерді таулы өзендер, тасты жоталар, ыстық құмдар арқылы құбылмалы ауа райында техникасыз, жалаң қолмен төседі.

Үшінші мыңжылдықтың үшінші онжылдығына қадам басқан шақта еліміздің жаңа астанасы бірнеше жылдан бері темірбетонды бағаналардың салдарынан сұрықсыз кейіпке енді. Ол жолдарды дамытуға кедергі келтіріп, астаналықтардың мазасыздығын тудыруда.

0
  • Дәл осы тұста AstanaLightRailtransport бағдары өтуі тиіс еді. Жерүсті метроның құрылысы 2011 жылы басталған болатын.
    © Sputnik / Владислав Воднев

    Дәл осы тұста AstanaLightRailtransport бағдары өтуі тиіс еді. Жерүсті метроның құрылысы 2011 жылы басталған болатын.

  • Бастапқыда рельстердің жалпы ұзындығы 60 километрден асуы тиіс еді
    © Sputnik / Владислав Воднев

    Бастапқыда рельстердің жалпы ұзындығы 60 километрден асуы тиіс еді. Жаңа көлік түрі елорданың қос жағалауын біріктіреді деп жоспарланған болатын.

  • Қаржы министрлігінің мәліметі бойынша метроның сметалық құны 2,6 миллиард теңгені құрады
    © Sputnik / Владислав Воднев

    Қаржы министрлігінің мәліметі бойынша метроның жоба-сметалық құжаттамасының сметалық құны 2,6 миллиард теңгені құрады. Ал компания 4,2 миллиард теңгеге келісімшарт жасаған.

  • Қауіпсіздік үшін кейбір аумақтар қоршауға алынған.
    © Sputnik / Владислав Воднев

    Қауіпсіздік үшін кейбір аумақтар қоршауға алынған.

  • Күн батып бара жатқан сәттегі Astana LRT конструкциясының суреті жер бетінде тек қирандылар қалған ақырзаманды елестетеді.
    © Sputnik / Владислав Воднев

    Күн батып бара жатқан сәттегі Astana LRT конструкциясының суреті жер бетінде тек қирандылар қалған ақырзаманды елестетеді.

  • Құрылысы аяқталса да Астана LRT ешқашан Нұр-Сұлтандағы пайдалы көлікке айналмайтын секілді.
    © Sputnik / Владислав Воднев

    Құрылысы аяқталса да Астана LRT ешқашан Нұр-Сұлтандағы пайдалы көлікке айналмайтын секілді.

  • Дәл осы тұста қоғамдық көліктің екінші тармағы жатуыс тиіс болатын. Ол елордадағы көлік кептелісін біршама жеңілдетуі тиіс еді.
    © Sputnik / Владислав Воднев

    Дәл осы тұста қоғамдық көліктің екінші тармағы жатуыс тиіс болатын. Ол елордадағы көлік кептелісін біршама жеңілдетуі тиіс еді.

  • Қала тұрғындарының жұмыс пен үй арасындағы жолын жеңілдетуі тиіс бұл жобаның салдарынан қала көшелері тарыла түсті.
    © Sputnik / Владислав Воднев

    Қала тұрғындарының жұмыс пен үй арасындағы жолын жеңілдетуі тиіс бұл жобаның салдарынан қала көшелері тарыла түсті.

  • Қаладағы ең биік ғимарат құрылысы аяқталмаған жолдың аяқсыз қалған платформасын күтіп-баптауға мәжбүр.
    © Sputnik / Владислав Воднев

    Ал мына жерде Астана LRT жерүсті метросының станциясы тұруы тиіс еді. Қаладағы ең биік ғимарат құрылысы аяқталмаған жолдың аяқсыз қалған платформасын күтіп-баптауға мәжбүр.

  • Астаналықтар қаланың келбетін тамашалуы үшін Астана LRT жобасының бағдары Орталық Азиядағы ең ірі мешіт болуы тиіс нысанның құрылысы жанынан өтеді.
    © Sputnik / Владислав Воднев

    Астаналықтар қаланың келбетін тамашалуы үшін Астана LRT жобасының бағдары Орталық Азиядағы ең ірі мешіт болуы тиіс нысанның құрылысы жанынан өтеді.

  • Астана LRT жобасының тіректері жанындағы жол кептелістеріне Нұр-Сұлтан тұрғындары әлдеқашан үйренген.
    © Sputnik / Владислав Воднев

    Астана LRT жобасының тіректері жанындағы жол кептелістеріне Нұр-Сұлтан тұрғындары әлдеқашан үйренген.

  • Нұр-Сұлтан әкімі Алтай Көлгінов бұл құрылыс қаланың көрікті келбетін бұзып тұрғанын мойындады.
    © Sputnik / Владислав Воднев

    Нұр-Сұлтан әкімі Алтай Көлгінов бұл құрылыс қаланың көрікті келбетін бұзып тұрғанын мойындады.

  • Астана LRT жобасының қазірден-ақ қирап бастаған тіректері қала тұрғындарын ашындыратыны жасырын емес.
    © Sputnik / Владислав Воднев

    Астана LRT жобасының қазірден-ақ қирап бастаған тіректері қала тұрғындарын ашындыратыны жасырын емес.

  • Шулы Astana LRT жобасы жолсыздағы жол атауынан қашан арылып, кәдеге асатыны әзірше белгісіз.
    © Sputnik / Владислав Воднев

    Шулы Astana LRT жобасы "жолсыздағы жол" атауынан қашан арылып, кәдеге асатыны әзірше белгісіз.

Кілт сөздер:
Астана, Астана LRT