НАТО эмблемасы

Байден билікке келгелі НАТО-ның көзқарасы өзгерді ме?

94
Вашингтон одақтастарының неге мазасызданып жатқанын жақсы түсініп отыр. Пентагонның жаңа басшысы Ллойд Остин Амерка альянс құндылықтарын ұстанатынын айтып, оларды сабырға шақырды

НҰР-СҰЛТАН, 17 ақпан — Sputnik. Солтүстік Атлантика альянсы құрылымдық реформаларға дайындалып жатыр. Реформалар ұйым мүшелеріне ғана емес, көрші елдерге де әсер етеді. Джо Байден АҚШ президенті болып сайланғаннан бері жоспарлар ауқымы кеңейе бастады: жаңа стратегияға Украинаны, Қырымды және Қара теңіз аймағын енгізу көзделіп отыр. Тағы бір маңызды мақсат – Ресей мен Түркияны жанжалдастыру, деп жазды РИА Новости.

НАТО-ның мақсаты мен көздегені туралы альянстың қорғаныс министрлері 17 ақпанда талқылайды. Бұл кездесу наурыз айына белгіленген жылсайынғы саммит алдында өтеді. Әріптестер қазір күн тәртібіндегі мәселелерді пысықтап, оны бекіту үшін ұйымның бас хатшысына ұсынып жатыр. АҚШ билігінің ауысуы да бірқатар өзгеріс алып келетіні анық.

Альянстағылар АҚШ әлі де трансатлантикалық қауіпсіздіктің кепілі екенін жасырмайды. Олар Джо Байден де одақтастарын бағалайды деп үміттенуде. Олар үшін қазір Дональд Трамп кезіндегідей ұйым ішіндегі текетіресті ушықтырып алмау маңызды болып отыр.

Күні кеше португалиялық министр Доау Гомеш Кравиньу "Трамптың президент болуы идеологиялық эксперимент болды. Оның салдары әлемдегі АҚШ беделіне үлкен нұқсан тигізді" деді. Мюнхень қауіпсіздік конференциясының төрағасы Вольфранг Ишингер де үнсіз қалмады. Ол "Еуропалықтар" төрт жылдан кейін америкалықтар көзқарасы Трамптың ұстанымына ұқсас азаматты президент етіп сайласа не болады?" деген сұраққа өздері жауап беруі керек" деп тоқетерін айтты.

Жалпы, Вашингтон одақтастарының мазасыздығын жақсы түсініп отыр. Пентагонның жаңа басшысы Ллойд Остин Амерка альянс құндылықтарын ұстанатынын айтып, оларды сабырға шақырып отыр.

Басты секптик саналатын Германия мен Франция үшін Байден әкімшілігі АҚШ президенті мен альянс бас хатшысы Йенс Столтенберг арасындағы келіссөздердің видеосын жариялады. Видеода Байден ұжымдық қорғаныс бойынша міндеттер Вашингтон үшін қасиетті екенін баса айтады.

Алайда бұл АҚШ Трамптың басты талабынан бас тартады дегенді білдірмейді. Алдыңғы президент альянс мүшелерінің қорғаныс шығындарын ЖІӨ 2 процентіне дейін арттыруды талап еткен болатын. Ведомство басшыларының кездесуінде бұл мәселені талқылау бірінші кезекте тұр.

Столтенберге те қорғаныс шығындарын ұлғайтуға үміт артып отыр. Ол ешбір мемлекет үшін жеңілдік болмайтынын мәлімдеді.

"Бұл жақында ғана ұйымға кірген Солтүстік Македонияға да қатысты. Ешқандай өтпелі кезең болмайды", - деп кесіп айтты ол.

Пентагон қорғаныс шығындарына қатысты Байден мен Трамп көзқарастарын екі түрлі етіп көрсетуге тырысты. Америкалық әскерилердің пікірінше, АҚШ-тың жаңа президенті бұл қаражатты тек қорғаныс шығыны емес, сондай-ақ медицина мен жаңа пандемияның алдын алуға жұмсалатын шығын деп қарастыратынын айтты.

Қорғаныс ведомстволарының басшылары кездесуде 2020 жылдың соңында альянс аналитиктері дайындаған "НАТО – 2030" баяндамасын да талқылайды. Осы зерттеу негізінде олар алдағы жылдарға арналған стратегияны әзірлейді.

Баяндама авторларының пікірінше, Қытай мен Ресей тарапынан үлкен қатер төніп тұр. Бірақ басқа аймақтарға да үлкен көңіл бөлінген. Альянс мүшелері Америка әскерін Ауғанстаннан шығаруға асықпауға, Сирия мен Иракқа зер салуға шақырады.

Жаңа стратегияда Қара теңіз аймағын ерекше атап көрсеткен. Түркия, Украина, Грузия нысанаға алынған секілді. Натолықтар бұл елдердің қауіпсіздігі Еуропа мен Америкадағы жағдайға тікелей әсер ететініне сенімді.

Құжат авторлары Анкараны трансатлантикалық орбитаға қайтару НАТО-ның мүддесіне сәйкес келетінін айтқан. Арадағы байланысты нығайту бойынша АҚШ-тың жаңа мемлекеттік хатшысы Энтони Блинкен алғашқы қадам жасады. Ол күні кеше Түркияның сыртқы істер министрі Мевлют Чавушоглуға телефон соғып, Батыс пен Анкара арасындағы проблемаларды талқылады. Бірақ әңгіме ойдағыдай бола қоймады. Себебі, Блинкен ең алдымен ресейлік С-400 зениттік-зымыран кешенінен бас тартуды талап етті.

Сонымен қатар, альянстың қорғаныс министрлері Киевтің Қырымға жақын маңдағы әуе кеңістігін қолдану туралы ұсынысын да талқылайды. Мұнда Симферопольдің ұшу ауданын альянсқа ұсыну туралы бастама сөз болып отыр. Қырым Ресейге қосылғаннан кейін Қара теңіз үстіндегі ұшуларды бақылау қақ жарылды. Симферопольдегі ресейлік диспетчерлер түбектегі қозғалысты бақыласа, теңіз үстінен өтетін халықаралық бағдарлар әлі де Одесса мен Днепр диспетчерлерінің қолында тұр.

Қырымның Ресейге қосылғанын мойындамайтын елдер украин диспетчерлерінің қызметін пайдаланады. Алайда олардың ұшақтары тікелей Қырым аумағынан өте алмайды. Бірақ олар түбектің айналасында және Қара теңіздің іргелес жатқан суларында еркін ұшады.

Әскерилердің түнгі оқу-жаттығуы
© Photo : Пресс-служба министерства обороны Казахстана
"Қара теңіз айналасындағы мәселелердің НАТО күн тәртібінде қаралуы Украинаға ғана емес, Ресейдің Кавказдағы ықпалының артуына байланысты өзекті болып отыр, - деп санайды Ресейдің халықаралық істер жөніндегі кеңесінің бас директоры Андрей Кортунов. – Ресейлік бітімгерлердің Қарабақ аумағына кіруі альянсты алаңдатып отыр. Олар мұны тікелей қауіп деп бағалайды".

Ол Қара теңіз тақырыбын қозғау арқылы Украина альянс назарын өзіне аударғысы келетінін мәлімдеді.

Алайда НАТО-ның Қара теңізге табан тіреп, тұрақтауындағы басты мақсат Қырым мәселесі ғана емес деп санайды Анкарадағы Саяси зерттеулер орталығының сарапшысы Орхан Гафарлы.

"Түркияны қайтару үшін Альянсқа Қара теңізде табан тіреуі қажет. Қазір Анкара мен НАТО көп мәселе бойынша мәмілеге келе алмай отыр. Бірақ екі тарап та ынтымақтастық орнатудың қажеттілігін түсінеді".

Альянстың алдағы жаңа мақсаты – Түркия мен Ресейдің жақындасуына жол бермеу. Бірақ сарапшы бұл екі мемлекетті көп мәселе байланыстырып тұрғанын айтты. Сондықтан альянс жоспарының күлі көкке ұшуі мүмкін.

94

Ресейлік жаңа суасты қайықтары қашан дайын болады

44
"Ладалар" – ең заманауи және келешегі зор ресейлік бейатомдық субмариналар. Шап-шағын көлеміне қарамастан, олар көп функционалдығымен ерекшеленеді

2022 жылы  677 "Лада" жобасының алғашқы сериялық дизель-электрлік суасты қайықтары флотқа тапсырылады. Оны әзірлеуге 20 жыл қажет болды. Бұл субмарина дәлдігі жоғары қаруды тасымалдай алады, ал оның бадарын анықтау өте қиын, деп жазады РИА Новости.

"Кронштадт" және "Великие Луки" сүңгуір қайықтарын 2021 жылы теңізшілерге тапсыру жоспарланған болатын. Бірақ, "Адмиралтейские верфи" кеме жасаушы кәсіпорнының бас директоры Александр Бузаковтың айтуынша, контрагенттермен туындаған проблемаларға байланысты мерзім уақыты өзгерді.

Қыркүйекте Біріккен кеме жасаушы корпорацияның басшысы Алексей Рахманов жабдық жеткізушілердің бірі кестеден ауытқуына байланысты екі сериялық кемені құрастыру біршама кешігетінін хабарлады.

Жоба о бастан мерзімнен кешігуерге тап болуда. Жұмыстар сонау 1990-шы жылдары бастаалған болатын. Сол кезде алғашқы бас кеме "Санкт-Петербург" құрастыру басталды. Ол 2004 жылы суға түсіріліп, әскери-теңіз флотына 2006 жылы жөнелтілуі тиіс еді. Алайда, сүңгуір қайық Солтүстік флотқа тәжірибелік пайдалануға 2010 жылы тапсырылды.

Ескірген 877 "Палтус" жобасының орнын "Ладалармен" алмастырмақшы болған. Жаңа сүңгуір қайықтардың көлемі шағын болғандықтан, оның  гидролокаторлардың  көзіне түсу дәрежесі де төмен. Сонымен қатар, ресейлік кеме жасау үшін стандарттан тыс бір корпусты сызба да акустикалық жасырындықты күшейтеді. Оның үстіне, "Ладалар" келешекте ауаға тәуелсіз (анаэробтық) күштік қондырғымен жабдықталатын ресейлік алғашқы суасты қайықтары болмақ.

Көптеген жаңа конструктивтік шешімдерді субмарина құрылысында қолдану салдарынан мерзімдердің үнемі ауыстырылуы да әбден мүмкін. Мәселен, бас кемені сынау кезінде гидроакустикалық кешенге қатысты күрделі мәселелер анықталды. Ал электр қозғалтқышының жеткіліксіз қуаты су астында қажетті жылдамдықты дамытуға мүмкіндік бермеді.

Бірақ, бәрібір Әскери-теңіз флоты дизель-электрлік суасты қайықтарын асыға күтті. Сондықтан, Тынық мұхиты флоты үшін "Ладалардың" орнына уақыт сынағынан өткен және жақсы игерілген 636 "Варавянка" суасты қайықтары жеткізілді.

Мамандардың пікірінше, "Ладалар" – ең заманауи және келешегі зор ресейлік бейатомдық субмариналар. Шап-шағын көлеміне қарамастан, олар көп функционалдығымен ерекшеленеді. Бұл сүңгуір қайықтар су астындағы және үсітндегі кемелеріне қарсы тұруға, жағалаудағы нысандарға соққы жасауға, миналы қоршаулар салуға, жағалауларды десант әскерлерінен қорғауға, бөлімшелер немесе арнайы жүктерді тасымалдауға қабілетті.

Жоғары автоматизациясы мен шу деңгейінің төмендігі, мобильділігі мен маневрлігі оларды диверсиялық және барлау операцияларында сәтті пайдалануға мүмкіндік береді. Бұл субмариналар қуатты гидроакустикалық кешенмен және тұмсық бөлігі мен бүйір жақтарында орналасқан үш бірдей сезімтал антенналармен жабдықталған. Су сыйымдылығы шамамен 1,8 мың тонна болатын суасты қайығының жылдамдығы 20 торапқа жетеді. Тереңдігі 350 метрге дейін. Оның экипаж саны небәрі 30 адам.

Қару жайын келер болсақ, стандартты жабдықтаудағы "Ладалар" бортында калибрі 533 миллиметр 18 торпеда мен шамамен 20 мина болады. Торпедалық аппараттар сағатына 300 километрді еңсере алатын "Шквал" кемеге қарсы зымыран торпедаларымен ату үшін де бейімделген. Әрине, "Ладалар" да көптеген ресейлік заманауи кемелер секілді "Калибр" қанатты зымырандармен жабдықталған.

Алғашқы сериялық екі субмарина ауаға тәуелсіз энергетикалық қондырғы орнатылмайды. Бузаковтың айтуынша, Ресейде әлі мұндай аппарат жоқ. Ал қалған кемелер бұл жабдықпен қамтылатын болады.

"Лада" алдыңғы жобаларға негізделген суасты қайықтарының жаңа тобы бола алады, - деп түсіндірді РИА Новости порталына Жалпыресейлік флотты қолдау қозғалысының төрағасы, бірінші рангтегі капитан Михаил Ненашев. – Соңғы 15-20 жылдың ішінде "Ладаны" құрастырудың арқасында 150-ге жуық тәжірибелік-конструкторлық жұмыстар игерілді. Бұл бір үлкен суасты зертханасы іспеттес".

Сарапшы атап өткендей, алдыңғы жобалармен салыстырғанда "Лада" бортында біршама көбірек торпеедалар орналастыруға болады. Ол ерекше тактикалық-техникалық сипаттамаларының арқасында барлық тактикалық және стратегиялық бағыттағы мәселелерді шеше алады. Сонымен қатар, оның конструкциясы зымыран кешендерін орналастыруға мүмкіндік береді.

"Бұл дизель-электрлік суасты қайықтарының шуы теңіз дыбысындай болады. Ал жаңа гидроакустика басқа кемелерге қарағанда әлдеқайда үлкен аумақты тыңдай алады, - деді Ненашев. – Бұл аса маңызды. Себебі, "Ладалар" Арктикаға жөнелтіледі. Оның үстіне, шағын көлемінің арқасында оларды үлкен және кіші тереңдіктерде қолдануға мүмкіндік бар".

Ресейлік дизель-электрлік суасты қайықтары бұрыннанақ ең үздік техниканың бірі саналады. 636.3 жобасының алты дизель-электрлік суасты қайықтары Қара теңіз флотында қызмет етсе, тағы алты субмарина алдағы жылдары Тынық мұхиты флотына жөнелтіледі. НАТО бұл субмариналарды дыбысының төмендігі мен жасырыну деңгейінің жоғарылығы үшін "қара ойық" деп атады.

Ал "Ладалар" оларға қарағанда әлдеқайда "мылқау". Бас кеме "Санкт-Петербургты" қолдану жасырыну деңгейі бойынша 677-ші жоба алдыңғы барлық дизельді суасты қайықтарынан асып түсетінін көрсетті.

44
Еуроодақ пен Ресей тулары

Еуропа мен Ресей келісімге келе ме?

64
Батыс Ресейге қарсы жаңа санкциялар енгізбек. Дүйсенбіде Еуроодақ "Навальныйды қудалауға" жауапты бірқатар ресейлік шенеунікке қарсы жеке санкциялар енгізу туралы келісті

Ал АҚШ-та бір ғана Навальный емес, сондай-ақ, Ресейді айыптап отырған америкалық ведомстволар мен компанияларға хакерлік шабуылдар (SolarWinds деп аталады) үшін "санкциялар мен басқа да шаралардың" тұтастай пакетін дайындау аяқталып жатыр, деп жазады РИА Новости.

Мұның барлығы о бастан белгілі еді. Себебі, Ресейге қарсы санкциялардың қысым көрсету құралына айналғанына бақандай жеті жыл болды. Бұған ет үйренетін уақыт жетті. Әйтсе де, батыстық "серіктестердің" өз шешімдерін қандай себеп және негіздермен байланыстыратыны әркез қызық. Сәрсенбі күні Федералдық қауіпсіздік қызметінің алқа жиынында сөз сөйлеген РФ президенті Владимир Путин дәл осы мақсаттар туралы еске салды.

"Біз қазір Ресейді ұстап тұру саясатымен бетпе-бет келіп отырмыз. Бұл жерде халықаралық қарым-қатынастар үшін қалыпты болып саналатын бәсекелестік туралы сөз болып отырған жоқ. Керісінше, бірізді және едәуір агрессиялық әдістер жайы айтылып отыр. Бұл шаралар біздің дамуымызға кедергі келтіру және оны тежеу, сыртқы периметр бойынша проблемалар туындату, ішкі тұрақсыздықты арандату, Ресей қоғамын біріктіріп тұрған құндылықтарды жою, Ресейді әлсіретіп, оны сыртқы бақылауға бағынышты етуді көздейді. Посткеңестік кеңістіктегі кей мемлекеттердің дәл осы күйді бастан өткізіп жатқанын өзіміз де көріп отырмыз".

Путин атап өткендей, ол үшін бірқатар елдердің мемлекеттік қызметкерлерінің ашық мәлімдемелері және бұқаралық стратегиялық құжаттармен танысу жеткілікті. Осы орайда РФ көшбасшысы "Ресей мен тәуелсіз кейбір мемлекеттерге қатысты дұшпандық көзқарастарын жасыруға да тырыспайтынын" айтты.

Ресейді ұстап тұруға бағытталған барлық әдіс жақсы таныс. Путин оларды тізбектеп атап шықты:

"Бізді экономикалық және басқа да санкциялар арқылы құрсаулауға, біз ғана емес, біздің серіктестеріміз де қызығушылық танытып отырған халықаралық ірі жобаларды бұғаттауға, еліміздегі қоғамдық және саяси өмірге, демократиялық процестерге тікелей аралсуға тырысып жатыр. Олар арнайы қызметтердің арсеналындағы құралдарды да белсене қолданып келеді".

Ресей тарихында мұның барлығы бірнеше рет болған. Сол себепті, Путин Ресейге қатысты мұндай әрекеттердің келешегі жоқ екенін айтты. Оның үстіне, Ресей ешқашан өзін агрессор ретінде көрсеткен емес. Ол тек ел тәуелсіздігін құрметтемейтін мемлекеттер мен ұйымдардың заңсыз әрекеттеріне байланысты қорғануға мәжбүр мемлекет ретінде танытып келеді.

Сонымен қатар, Ресей Федерациясы өзара сенім мен құрметке негізделген ашық диалогқа, қарым-қатынасты дамытуға әркез дайын екенін жар салып жариялап келеді. Бірақ, қандай жауап алып отыр?

Ресейдің Еуроодақпен ынтымақтастық орнатуға ниеті жоқ, ал ресейлік билік елді авторитаризм жолымен жүргізіп жатыр. Міне, ЕО елдерінің сыртқы істер министрлері санкциялар туралы шешім қабылдаған кездесуді осындай тұжырымға келді. Еуропалық демкократия басшысы Жозеп Боррель Ресейді "өзін жау ретінде ұстауды жөн көрген көрші" деп атады. Бірақ, ол өз сөзінің соңында "Бізге қарсы әрекетке көшкен көршілерімізбен жүйелі түрде тайталаса бермес үшін қарым-қатынас моделін нақтылау керек" дегенді қоса мәлімдеді. 

Яғни, ішінара Еуропа және бүтіндей Батыс Ресейді текетірес іздеп, қарым-қатынасты дамытқысы келмейтін ел ретінде көріп отыр. Сол себепті, Еуроодақ Мәскеумен қарым-қатынасты тойтарыс беру, ұстап тұру және ынтымақтастық сынды үш принцип бойынша қарастыратын болып шешті. Боррель оларды былай сипаттады: Мәскеу халықаралық құқық пен адам құқығын бұзса, тойтарыс береміз, Ресей Еуроодаққа қысым көрсетуді арттырса, оны ұстап тұруғымызға тура келеді және Еуроодақ мүдделі бағыттар бойынша ынтымақтастық орнатамыз. Еуропалық дипломатияның ең қажетті құралдар жиынтығы ма дерсің.

Еуроодақ "халықаралық құқық пен адам құқығын бұзу" тобына кез-келген оқиғаны жатқыза салуы оңай. Мәселен, Ресейге еш қатысы жоқ жаһандық жағдайларда да батыстағылар Ресейдің "саусақ іздерін" іздеуге және барлығына орыстарды кінәлі етуді әдетке айналдырған. Яғни, бұл ЕО Ресеймен қарым-қатынасты реттеудің біржақты құқығына ие болып, өз қалауынша марапаттау және жазалау құқығын қолданғысы келеді.

Бірақ, іс жүзінде барлығы керісінше. Себебі, Ресей емес, ЕО өзін дұшпан ретінде танытып отырған көрші. Ресейге қысым көрсетіп, елдің ішкі мәселелеріне араласуды доғарар емес.

Ресей қалай болғанда да Еуропамен қарым-қатынасты өзі қалаған талаптар бойынша қайта реттейтін болады. Еуроодақ мұны неғұрлым ертерек түсінсе, соғұрлым дұрыс болар еді.

64

Әйгілі Ниагара сарқырамасы мұзға айналды фото

0
  • Ниагараның сарқыраған суы фантастикалық мұз мүсіндерге айналды.
  • Мұзға айналған Ниагара сарқырамасына туристер үлкен қызығушылық танытып жатыр.
  • Сарқырама биігіндегі айналаны шолу орындарын да мұз басып қалған.
  • Ниагара сарқырамасының етегіндегі су бетінде мұзды құймақтар қалқып жүр
  • Туристер сарқыраманың үстіңгі жағында пайда болған кемпірқосаққа сүйсіне қарап тұр.
  • Катерлердің біріндегі палубада қажетті жабдықтар қалың мұз астында қалып қойған.
  • Әдетте су басып жататын аймақтың қарлы және мұзды қалашыққа айналғанына балалар дән риза.
  • Ниагара сарқырамасының жанындағы ағаштардың бұтасын мұз басып, олар сыңғырлаған дыбыс шығаруда.
  • Адамдар Нью-Йорктегі Ниагара-Фолс қаласындағы сарқырама жанындағы саябақта серуендеп жүр.
  • Сарқыраманың мұзға айналмаған бөлігінде бу көтеріліп, ол мұзды кемпірқосаққа айналды.
Табиғаттың таңғажайып "туындысы" саналатын әйгілі Ниагара сарқырамасы мұз құрсауында қалды. Сирек болатын бұл таңғажайып құбылысты көруге туристер ағылуда

Ақпан айындағы қалыптан тыс төмен температура мен күшті қарлы боран Ниагара сарқырамасын жып-жылтыр айсбергке айналдырды.

Американың кейбір штаттарында ауа температурасы минус 20-30°C-ге дейін, кей жерлерде тіпті минус 40°C-ге дейін төмендеді.

Оқи отырыңыз: Өзбекстанда сарқырама қатып қалды 

Туристер сирек болатын бұл құбылысты көзбен көруге құмартып, Нью-Йоркке қарай ағылуда.

Күн шыққан кезде сарқыраманың етек жағында кемпірқосақ пайда болады.

Соңғы рет Ниагара сарқырамасы 2019 жылы ішінара мұз боп қатса, 1848 жылы толық мұзға айналған болатын. Ол кезде сарқырама тоқтап қалып, жергілікті тұрғындарды әбігерге салды.

0
  • Ниагараның сарқыраған суы фантастикалық мұз мүсіндерге айналды.
    © REUTERS / Lindsay DeDario

    Ниагараның сарқыраған суы фантастикалық мұз мүсіндерге айналды.

  • Мұзға айналған Ниагара сарқырамасына туристер үлкен қызығушылық танытып жатыр.
    © REUTERS / Lindsay DeDario

    Мұзға айналған Ниагара сарқырамасына туристер үлкен қызығушылық танытып жатыр.

  • Сарқырама биігіндегі айналаны шолу орындарын да мұз басып қалған.
    © REUTERS / Lindsay DeDario

    Сарқырама биігіндегі айналаны шолу орындарын да мұз басып қалған.

  • Ниагара сарқырамасының етегіндегі су бетінде мұзды құймақтар қалқып жүр
    © REUTERS / Lindsay DeDario

    Ниагара сарқырамасының етегіндегі су бетінде мұзды "құймақтар" қалқып жүр

  • Туристер сарқыраманың үстіңгі жағында пайда болған кемпірқосаққа сүйсіне қарап тұр.
    © REUTERS / Lindsay DeDario

    Туристер сарқыраманың үстіңгі жағында пайда болған кемпірқосаққа сүйсіне қарап тұр.

  • Катерлердің біріндегі палубада қажетті жабдықтар қалың мұз астында қалып қойған.
    © REUTERS / Lindsay DeDario

    Катерлердің біріндегі палубада қажетті жабдықтар қалың мұз астында қалып қойған.

  • Әдетте су басып жататын аймақтың қарлы және мұзды қалашыққа айналғанына балалар дән риза.
    © REUTERS / Lindsay DeDario

    Әдетте су басып жататын аймақтың қарлы және мұзды қалашыққа айналғанына балалар дән риза.

  • Ниагара сарқырамасының жанындағы ағаштардың бұтасын мұз басып, олар сыңғырлаған дыбыс шығаруда.
    © REUTERS / Lindsay DeDario

    Ниагара сарқырамасының жанындағы ағаштардың бұтасын мұз басып, олар сыңғырлаған дыбыс шығаруда.

  • Адамдар Нью-Йорктегі Ниагара-Фолс қаласындағы сарқырама жанындағы саябақта серуендеп жүр.
    © REUTERS / Lindsay DeDario

    Адамдар Нью-Йорктегі Ниагара-Фолс қаласындағы сарқырама жанындағы саябақта серуендеп жүр.

  • Сарқыраманың мұзға айналмаған бөлігінде бу көтеріліп, ол мұзды кемпірқосаққа айналды.
    © REUTERS / Lindsay DeDario

    Сарқыраманың мұзға айналмаған бөлігінде бу көтеріліп, ол мұзды кемпірқосаққа айналды.