Компьютер, ноутбук

Мемлекеттер кибершабуыл мәселесін қалай шешіп жатыр

51
(Жаңартылды 18:29 16.03.2021)
The New York Times газеті алдағы үш апта бойы АҚШ аса құпия арнайы операция жүргізетінін бүкіл әлемге хабарлады

Бұл операция кезінде ресейлік билікпен байланысты кибержүйелерге "жасырын қарсы соққы" жасалады. Басылымның құпия ақпарат көзі жоспарланған іс-шаралардың салдары Владимир Путин мен ресейлік арнайы қызмет және әскер үшін айқын болғанымен, басқалар үшін аса байқалмайтынын мәлімдеген, деп хабарлайды РИА Новости

Бұл осыдан екі апта бұрын Вашингтонның "көзге көрінетін және көрінбейтін құралдарды" қолдануға дайындығы туралы АҚШ президентінің ұлттық қауіпсіздік жөніндегі кеңесшісі Джейк Салливанның мәлімдемесімен ұйқасып тұр. Мұнда компьютерлік қауіпсіздік жөніндегі SolarWinds компаниясының бағдарламалық жасақтамасына жасалған кибершабуыл жайлы сөз болып отыр. Бұл кибершабуыл туралы өткен жылдың желтоқсан айында белгілі болды. Фирма клиенттерінің арасында АҚШ үкіметінің негізгі мекемелері бар. Сол сияқты қорғаныс, қаржы, ішкі қауіпсіздік пен сауда министрліктері, Мемлекеттік департамент бұл шабуылдан зардап шекті деп жарияланды. 

Американың арнайы қызметі мен билігі осы қылмысқа Мәскеуді тікелей айыптап отыр. Олардың пайымдауынша, ресейлік барлау құрылымдарымен тікелей байланысы бар хакерлер шпионаж мақсатында осындай әрекетке барған. Ақпан айының соңындағы сенаттың барлау жөніндегі комитетінің отырысында Microsoft басшысы Брэд Смит "бұл әлемдегі ең ірі шабуыл" болғанын мәлімдеді. 

Шыны керек, осы саладағы басқа компаниялар Ресейді айыптауға асығар емес. Дәл осы жиында киберқауіпсіздікке негізделген екі ірі компания - CrowdStrike пен FireEye шабуылға Мәскеудің қатысы барын дәлелдейтін мәлімет жоқ екенін айтты. Олардың сөздеріне қарағанда, "шабуыл әрекеттері орыстардікіне ұқсас" және "шабуыл кезінде қолданылған құралдар Қытай, ҚХДР немесе Ирандікіне ұқсамайды". 

Ал Ресей бұл оқиғаға қатысты әдеттегідей салқынқандылық танытып отыр. Себебі Батыстың санкциялар енгізу үшін Ресейді ешбір дәйек-дәлелсіз айыптауына Мәскеудің еті үйренген. 

Бірақ бұл жағдайды АҚШ көзқарасы бойынша бағалайтын болсақ, бәрі әлдеқайда күрделірек екенін көруге болады. 

Америкадағы ресми тұлғалар кибершабуыл ел қауіпсіздігіне айтарлықтай залал келтірмегенін айтқанымен, АҚШ билігінің осы жағдайға қатысты шу шығаруы шығын көлеміне байланысты көңілде күдік тудырады. 

Еске салсақ, хакерлердің әрекетіне байланысты Ақ үйде шұғыл жиын өтіп, Трамптың ұлттық қауіпсіздік жөніндегі кеңесшісі Роберт О'Брайен Еуропаға іссапарын тоқтатып, жедел түрде Вашингтонға оралуына тура келді. 

Небәрі екі айдың ішінде сенатта ұйымдастырылған тыңдалымдар оқиғаның салдары көлемді екенін көрсетіп тұр. Бұл жағдай америкалық БАҚ-та қалай көрініс тапқанын да ескере кету керек. Журналистер "сенат Microsoft пен SolarWinds компанияларының жұмысына қатысты үлкен наразылық білдіргенін" жазса, Reuters агенттігі Ресейді сөз арасында ғана еске алып, корпорациялар жауапкершіліктен қашып, кінәні бір-біріне сілтегенін сипаттап жазды. 

АҚШ-тың компьютерлік қауіпсіздік саласында үлкен саңылау пайда болғаны соншалық, қауіпсіздік жүйесі абдырап қалғаны рас. Әрине, бұл шабуылды қарапайым ғана хакерлер орындағанын АҚШ ешқашан мойындамайды. Ол өзінің қауқарсыздығын аз да болса ақтау үшін бұл қылмысқа өзімен тең түсе алатын алпауыт державаны айыптауы керек. Брэд Смиттің бұл кибершабуылға кемінде мың "өте ақылды, жоғары білікті инженер" жұмылдырылғанын кесіп айтуы да жайдан-жай емес.

Тиімді әрекеттер туралы тым көп айтылуы ұлттық киберқауіпсіздік жүйесінің мінсіздігі де бос сөз емес пе деген ойға қалдырады.

51
Доллар купюрасы

Коронавирусқа қарсы вакцина салдырғандарға 1 миллион доллар беріледі

1225
Губернатор Майк Деуайнның айтуынша, үлестірілетін қаражат COVID-19-ға байланысты құрылған қордан алынады

НҰР-СҰЛТАН, 13 мамыр – Sputnik. АҚШ-тың Огайо штатының билігі коронавирусқа қарсы вакцина салдырған азаматтар арасында лотерея өткізуге шешім қабылдады, деп хабарлады РИА Новости.

Губернатор Майк Деуайнның айтуынша, жеңімпаз атанған бес адамның әрқайсысына бір миллион доллар табысталады.

"Екі аптадан кейін 26 мамырда біз үлкен кісілерге арналған лотереяның жеңімпазын жариялаймыз. Оған вакцинаның бір дозасын алып, қатыса беруге болады. Жеңімпаздың есімін сәрсенбі сайын бес апта бойы жариялап тұрады. Осылайша, әр сәрсенбіде жеңімпазға бір миллион доллар табысталады", – дейді Деуайн.

Оның сөзіне қарағанда, ұтыстың ақшасы федералдық қордан алынады. Ал бұл қор COVID-19-ға байланысты құрылған болатын.

Айта кетейік, пандемия басталғалы бері АҚШ-та 33 миллионға жуық адам коронавирус жұқтырды. Олардың ішінде 590 мың науқас қайтыс болды.

Оқи отырыңыз: Қытайлық вакцина туралы не білеміз – маңызды 10 сұрақтың жауабы

Жақында осы елде вакцина салдырған азаматтардың саны 100 миллионнан асты. Президент Джо Байден 4 шілдеге дейін вакцинаның бірінші дозасын ересек адамдардың 70 процентіне салу жоспарланып отырғанын мәлімдеді.

1225
Кілт сөздер:
екпе, вакцина, АҚШ
Тақырып:
COVID-ке қарсы вакцина
Тақырып бойынша
Коронавирусқа қарсы әлемдегі ең үздік вакцина анықталды
Коронавирусқа қарсы екпе қалай салынады – видео
Екпе салдырған қазақстандықтар жұмыстан босатыла ма
Вакцина салдырғаннан кейін екпе куәлігін ашып көрген елорда тұрғыны аң-таң болды
Нұр-Сұлтанда QazVac-пен вакциналау басталды: астаналықтар екпе туралы не дейді - видео
Қазан мектебіндегі атыс

Қазан мектебіндегі атыс: 25 жастағы мұғалімнің қалай көз жұмғаны белгілі болды

2114
(Жаңартылды 10:48 12.05.2021)
Қазан мектебіндегі атыс кезінде мұғалімнің қандай жағдайда қайтыс болғаны хабарланды

НҰР-СҰЛТАН, 12 мамыр – Sputnik. Татарстан астанасы Қазан қаласындағы №175 гимназияға жасалған шабуыл кезінде 25 жастағы мұғалім Эльвира Игнатьева қайтыс болды.

Оның өлімі кездейсоқ болды, деп хабарлады РЕН ТВ.

Телеарна ақпаратына сәйкес, мұғалім шу шыққанын естіп, не болып жатқанын білу үшін дәлізге шыққан. Сол кезде қолында бытыра мылтығы бар жасөспірім оған оқ атқан.

Эльвира Игнатьева институтты қызыл дипломмен бітірген. Әріптестері оның жеке қасиеті мен кәсібилігін жоғары бағалап, еске алуда.

Сонымен қатар ата-аналар балаларды құтқарып қалған тағы бір мұғалім туралы айтты. Атыс кезінде тарих пәнінің мұғалімі сыныптан шығып кеткен, оның орнына 8-сынып оқушылары отырған кабинетке ағылшын тілінің мұғалімі көмекке келген. Бұл туралы РИА Новостиға сол сыныпта оқитын қыздың анасы Кристина Казунина айтып берді.

"Дауыс зорайтқышпен төтенше жағдай болғанын, шұғыл түрде есікті жабу қажет екені хабарланған. Осы кезде олардың мұғалімі шығып, қашып кеткен. Оларды ағылшын тілінің мұғалімі Элия Эльдаровна құтқарып қалды. Оны мүлде бөтен адам деп айтуға болады", - дейді Казунина.

Оның сөзінше, мұғалім шамамен 50 жаста.

Оқушылар жалғыз қалған, ағылшын тілі мұғалімі кіріп, кабинет есігін жапқан. Әйел жарылыс кезінде оқушыларға терезеден секіруге рұқсат бермеген.

Бұған дейін атыс кезінде сынып ішінде түсірілген видео тарады. Оны оқушылардың бірі түсірген.

Видеода балалар партаның астына тығылып отыр, ал мұғалім қабырғаға сүйеніп, есік маңында тұр.

Қазан мектебіндегі атыс

Естеріңізге салсақ, Қазан қаласында 11 мамыр күні 19 жастағы колледж студенті гимназияда атыс шығарды. Салдарынан тоғыз адам, оның ішінде жеті оқушы қайтыс болды. Тағы 21 адам зардап шекті.

Оқи отырыңыз: Атыс, үрей және дүрбелең: Қазан мектебіндегі оқиға қалай өрбіді – видео

Арасында терезеден секіріп аман қалған балалар да бар, алайда екі бала терезеден секіріп мерт болды.

Татарстанда 12 мамырда аза тұту күні жарияланды.

2114
Кілт сөздер:
Татарстан, мектеп, оқ, атыс
Тақырып бойынша
"Мұғалім қанды көрді": оқушы қыз мектептің ішінде атыс шығарды
Қазан қаласындағы гимназияда белгісіз біреулер оқ жаудырған: 9 адам көз жұмды - видео
Қазан мектебіндегі атыс: күдікті туралы тың дерек шықты
Күллі әлемді күңіренткен трагедия: Беслан мектебіндегі теракт - жантүршігерлік видео
Иллюстративті фото

Ұсынысынан бас тартқан: бойжеткен жауабын естіген Тараз тұрғыны ессіз әрекетке барды

0
(Жаңартылды 12:44 13.05.2021)
27 жастағы ер адам бейнебақылау камерасының көмегімен ұсталды. Оның облыс орталығындағы шағын ауданда тұратыны анықталды

АЛМАТЫ, 13 мамыр – Sputnik. Тараз тұрғыны жаңа танысқан қызды тонап кетті. Оқиға ер адамның қыдырып қайту туралы ұсынысынан бойжетке бас тартқан соң болған, деп жазады Polisia.kz.

Тараз қаласының полициясына 27 жастағы тұрғын арызданды. Айтуынша, бейтаныс жігіт 116 мың теңге тұратын телефонын ұрлап кеткен. Сонымен қатар, телефон қабында 46 мың теңге болған.

Полиция ақпаратына сәйкес, бойжеткен жігітпен сол кеште танысқан. Қыдырып қайту туралы ұсынысты қабылдамағанына ашуланған ер адам күш қолдану арқылы оның телефонын тартып алып, қашып кеткен.

Жігіт бейнебақылау камерасының көмегімен ұсталды. 27 жастағы ер адамның облыс орталығындағы шағын ауданда тұратыны анықталды. Ол өзінің әрекетін мойындады және қолды болған заттарды иесіне қайтарды.

Оқи отырыңыз: Үйлену тойында түсініксіз әрекет жасаған күйеужігіт ұятқа қалды - видео

Осы дерек бойынша қылмыстық кодекстің 191-бабы бойынша (тонау) қылмыстық іс қозғалды. Сотқа дейінгі тергеу амалдары жүргізіліп жатыр.

0
Кілт сөздер:
Тараз, оқиға
Тақырып бойынша
Желідегілер қалыңдық тойға жалаңаш келді деп ойлап қалды – жұртты шулатқан фото
Назарбаев Ақышевқа: батыл әрекет ет, ешкімнен қорықпа
Тойға полицей болып кіріп келген асаба жауапқа тартылады – видео
"Алланы ашуландыратын әрекет жасамаңыздар": Құрбан айтта не істеуге болмайды - видео
Боксшы жекпе-жек алдында біртүрлі әрекет жасап, ұятқа қалды - видео