Америкалықтар әскерінің осал тұсын атады

113
АҚШ-тың құрлықтағы әскері жақын уақытта жаңа артиллериялық қару-жараққа қол жеткізеді. Жаппай оқ атудың реактивті жүйесіне арналған ER GMLRS басқарылатын снаряды сынақтан сәтті өтіп, 80 километр қашықтықтағы нысаналарға дөп тиді

Пентагондағылар бұл қарудың шекті мүмкіндігі емес екеніне сенімді. Осы қару перспективасы мен Ресейдегі баламасы туралы РИА Новости материалында.

АҚШ әскерінің қолбасшылығы Құрлықтағы әскерде алысқа оқ ататын заманауи қарудың жоқ екені негізгі проблеманың бірі. Олар Ресей артиллериясынан оқпанды, реактивті қару бойынша кейіндеп келе жатқанын ашық мойындаған. Перспективалы оқ-дәрінің жақында өткен сынағы – екіншісі. Алғашқы сынақ 2020 жылдың қарашасында ұйымдастырылған болатын. Ол кезде снаряд ауада жарылып кетті. Lockheed Martin концернінің мамандары қателермен жұмыс жасап, кемшіліктерді түзетті де, Нью-Мексикодағы White Sands полигонында ER GMLRS снарядтарының сәтті атылуын орындады. Оқ ату HIMARS жаппай оқ атуға арналған реактивті жүйесі арқылы орындалды.

"Біздің басқарылатын жаңа реактивті снарядымыз ЖОРЖ оқ атуларының ұзақтығын арттырады, - деді Lockheed Martin зымыран бөлімшесінің вице-президенті Гаиля Кэмпбелл. – Сынақ кезінде траектория бойынша көзделген барлық көрсеткішке қол жетті. Жоспарланған қашықтыққа нысанаға дөп тиіп, HIMARS бағдарламалық жасақтамасы реттелді. Сонымен қатар түзетулерден кейін оқ-дәріні ЖОРЖ-дың M270 секілді ескі нұсқасында қолдануға да болады".

Кэмпбеллдің айтуынша, келесі сынақ кезінде 150 километр рекордтық қашықтықты бағындыру керек болады. Егер бұл жоспар жүзеге асса, америкалық ЖОРЖ әлемдегі ең ұзақ қашықтыққа ұшатын рективті жүйеге айналады. Бірақ перспективалы снарядтардың іс жүзінде жаппай қолданыстағы қаруға айналуы екіталай. 60 километрге дейінгі қашықтықта оқ ататын қарапайым нұсқасының құны 100 мың долларды құрайды. Оның жетілдірілген үлгісі Пентагон үшін бұдан да қымбатқа түсетіні анық.

ER GMLRS (Enhanced Range Guided MLRS) – таспалы немесе моноблокты жауынгерлік бөлігі бар калибрі 227 миллиметр басқарылатын реактивті снаряд. Оны бағыттау жүйесі – инерциялы немесе спутниктік. Қазір АҚШ армиясында 50 мыңға жуық GMLRS оқ-дәрісі бар. Тағы қанша модернизацияланған снаряд сатып алатыны туралы мәлімет жоқ. Бірақ өндірісті іске қосу 2023 жылға белгіленіп отыр.

Америкалықтар оқпанды артиллерияны да күшейтуге тырысуда. Өткен жылдың наурызында өздігінен жүретін перспективалы гаубица ERCA (Extended Range Canon Artillery) сынақ кезінде тиісті 65 километр қашықтыққа оқ атты. Бұл АҚШ армиясындағы M109 өздігінен жүретін артиллериялық қондырғыдан екі есе артық. Оқ атулар 58 калибрлі ұзындықтағы 155 миллиметрлі XM907 қаруынан екі түрлі снарядтар – басқарылатын Excalibur мен эксперименттік белсенді-реактивті XM1113 снарядтары арқылы орындалды.

Вашингтон артиллерияға тектен-тек назар аударып отырған жоқ. 2017 жылдың желтоқсанында Америкадағы ықпалды RAND зерттеу орталығы ресейлік қарулы күштердің жауынгерлік мүмкіндіктеріне жасалған талдауды жариялады. Батыс аналитиктерінің пікірінше, алда-жалда соғыс бола қалса, Ресей бетпе-бет келместен қарсыластың жердегі әскеріне мейлінше залал келтіруге тырысады.

"Орыстар барынша артиллерияны қолданатын болады, - деп ескертті RAND. – Бұл жағынан олар батыс әскерінен басым түсіп тұр. Мысалы, америкалық құрлықтағы әскер бригадасында бір ғана артиллериялық батальон бар. Ресейлік бөлімдерде оқ атуға қолдау көрсету бөлімшелері өте көп. Бетпе-бет келген жағдайда америкалықтарға зеңбірек пен ЖОРЖ саны әлдеқайда басым қарсыласпен күресуге тура келеді".

АҚШ расында да кейін қалып отыр. Ресей әскеріне 2016 жылдан бері модернизацияланған "Торнадо-С" ЖОРЖ қабылдануда. Үлкен қашықтықтағы нысаналар тобының көзін жоюға арналған бұл реактивті жүйе 120 километрде әрекет ете алады. Қорғаныс министрлігі бұл көрсеткіш болашақта 200 километрге жететінін мәлімдеді. Еске салсақ, америкалық HIMARS бағындықған қашықтық небәрі 80 километр.

Ресейдегі "Смерч" жаппай оқ атуға арналған реактивті жүйе жүз километрге ұшатын жаппай снарядтармен оқ атуда. Иә, америкалық ЖОРЖ-ды шағын қашықтыққа арналған ATACMS жедел-тактикалық баллистикалық зымырандарды іске қосу үшін қолдануға болады. Олардың қашықтығы – 300 километр. Бірақ "Искандер-М" ЖТЗК 500 километр қашықтықта нысаналарды дәлдей алады.

113
Әскери оқу-жаттығу

Жағдай шиеленісіп барады: Ресей мен Украина қатынасы қалай өрбиді

62
Британдық және америкалық радиоэлектронды барлау ұшақтары мен кемеге қарсы ұшақтар Қара теңіздің бейтарап аумағында тынымсыз ұшып жүр

НҰР-СҰЛТАН, 16 сәуір – Sputnik. Соңғы күні Солтүстікатлантикалық альянс шығыс Еуропада күрт белсенділік танытып жатыр. Бұл Киевтің Донбаспен шекараға қосымша бөлімшелер мен техника жеткізуіне қатысты жауапты әрекет екені ешкімге жасырын емес, деп жазады РИА Новости.

Донбастағы жағдайдың кезекті рет өршуіне байланысты НАТО елдерінің авиациясы бұл аймақта жиі төбе көрсетіп жүр. Түйісу орнында RQ-4 Global Hawk барлаушы дрондары тұрақты күзетте тұр. Олар ДХР мен ЛХР әскерінің қорғанысқа даярлығын назардан тыс қалдырмауда. Ұшқышсыз ұшу аппараттары түсірген суреттер сол мезетте киевтік әскери қолбасшылардың үстеліне жететініне еш күмән жоқ.

Украина қарулы күштері де әуе барлауын күшейтті. Сарбаздар Түркиядан сатып алған Bayraktar TB2 соққы жасаушы дрондарын байқаған. УҚК-де мұндай алты дрон бар. Қосымша ұшқышсыз ұшу аппараттарын жеткізу туралы келісімшарт жақында Украина президенті Владимир Зеленскийдің Түркияға сапары кезінде жасалғаны мәлім болды.

Сонымен қатар, батыс авиациясы Қырым жағалауына күн сайын мониторинг жүргізіп отыр. Британдық және америкалық Boeing RC135W және Lockheed P-3COrion радиоэлектронды барлау ұшағы мен P-8APoseidon кемеге қарсы ұшағы Қара теңіздің бейтарап аумағында тынымсыз ұшып жүр. Олардың басты міндеті – Қара теңіз флоты кемелерінің әрекетін қадағалау және түбекте орналасқан әскери топтың әуе шабуылынан қорғаныс жүйелерінің позицияларын анықтау.

НАТО өңірдегі әскери-теңіз қатысуын да күшейтіп жатыр. Сәуірдің соңына дейін АҚШ ӘТК-нің екі зымыран эсминеці Қара теңізге шығуы керек. Пентагонның ресми мәлімдемесі бойынша, кемелерді бағыттау қалыпты сипатқи ие. Алайда Кремль жағдайды назарда ұстап отыр. Себебі бұл эсминецтер елуден астам "Томагавк" қанатты зымыранын тасымалдайды.

"Америка Құрама Штаттарының әскери белсенділігіне, соның ішінде Қара теңізге кеме кіргізуіне келсек, бұл тұрақты болып жатыр. Қазір бұл әсіресе агрессивті қарқында орындалуда", – дейді Ресей СІМ басшысы Сергей Лавров.

Тағы бір қызық жағдай: АҚШ ӘӘК әскери-көлік авиациясының ұшақтары Киевке қандай жүк жеткізіп жатыр?

Мамандар FlightRadar интернет сервисінің көрсеткішіне назар аударып, АҚШ, Германия мен Балтық маңы елдерінен ұшып шыққан америкалық С-17 мен С-30 Борисполь әуежайына тоқтап, жүк түсіріп, кері қайтып жатқанын анықтады.

Әскери сарапшы Алексей Леонковтың пікірінше, Вашингтон Украинаға радиоэлектронды күрес кешендерін жеткізіп жатыр. Бұл жақын уақытта УҚК шабуыл жасайды дегенді білдіреді. Ресей де қол қусырып отырмайтыны анық.

"Егер жағдай ушығатын болса, онда біз өзіміздің және қай жерде жүрсе де, өз азаматтарымыздың қауіпсіздігін қамтамасыз ету үшін барлығын жасаймыз. Мұндай өршуге Киев пен оның Батыстағы кураторлары толық жауапты болады. Сондай-ақ біз Қырымнан, Қара теңіздегі жағалаудан аулақ болу туралы АҚШ-қа ескертеміз", – деді СІМ басшысының орынбасары Сергей Рябков.

Батыс елдерінің ресейлік шекара маңында белсенділігінің артуына тағы бір себеп – НАТО әскерлерінің мамырдың ортасында өтетін ең ауқымды Defender Europe 2021 оқу-жаттығуына дайындығы.

Өткен жылмен салыстырғанда 2021 жылғы әскери шара кезінде Шығыс емес, Оңтүстік Еуропаға көп көңіл бөлінеді. Маневрлер Черногория, Косово және Албанияда жоспарланған. Болгария мен Румынияда әуедегі шабуылдан қорғаныс жүйелері мен "жер – жер" тобындағы зымырандардың жаттығуы өтеді. Ал Венгрия тыл қызметін атқарады. Маневрлерге украин әскери қызметшілері де қатысады.

Еуропадағы АҚШ Құрлық әскерінің ресми сайтында жарияланған баспасөз релизіне сәйкес, оқу-жаттығулар "АҚШ, НАТО бойынша одақтастар мен серіктестері арасындағы стратегиялық және жедел дайындық пен өзара әрекеттесуді күшейтуге бағытталған". Бұл маневрлер үшінші мемлекеттер үшін ешқандай қауіп төндірмейтіні жазылған. Алайда Defender Europe 2021 антиресейлік бағытта өрбитіні айдан анық.

Сондықтан Ресей мен Белоруссия қыркүйекте "Батыс-2021" маневрлерін өткізеді. Белоруссияның қорғаныс министрі Виктор Хренин атап өткендей, "бірлескен оқу-жаттығулар жоғары урбанизацияланған елді мекендерде шабуылдау бөлімшелерінің бірлескен іс-қимылдарының жаңа әдістерін сынауға мүмкіндік береді" деп санайды.

62
Кілт сөздер:
Украина, Ресей
Грузин полицейі

Тбилисиде қаруланған ер адам банк филиалына басып кіріп, адамдарды кепілге алды

635
(Жаңартылды 16:35 16.04.2021)
Қаруланған ер адамның талаптары туралы әзірше ақпарат жоқ

НҰР-СҰЛТАН, 16 сәуір — Sputnik. Қаруланған ер адам Тбилисидегі банктердің бірінің филиалына басып кіріп, адамдарды кепілге алды, деп хабарлайды РИА Новости "Рустави 2" телекомпаниясына сілтеме жасап.

"Бірнеше минут бұрын Тбилисидегі банктердің бірінің филиалына қаруы бар адам басып кіріп, адамдарды кепілге алғаны белгілі болды. Оқиға орнына құқық қорғау органдарының қызметкерлері шұғыл жетті", - деп хабарлады телеарна.

Қылмыстық әрекетке барғандардың қандай талап қойғаны туралы әзірше ақпарат жоқ.

Өткен жылдың қарашасында қаруланған адам Тбилисидегі шағын қаржылық мекеменің ғимаратына басып кіріп он адамды кепілге алған болатын.

635
Кілт сөздер:
Грузия, қылмыс, банк