Зертхана қызметкері

Ғалымдар коронавирустың белгісіз мутациясын анықтады

258
Коронавирустың жаңа мутациясы Қазақстан мен басқа да мемлекеттерде тараған COVID-19-дың британдық штамынан қауіпті емес

НҰР-СҰЛТАН, 29 наурыз – Sputnik. Коронавирустың бұған дейін белгісіз болып келген мутациясы Чехияда анықталды. Бұл жөнінде Elisabeth Pharmacon зертханасының жетекшісі, танымал эпидемиолог Омар Шеры мәлімдеді.

"Бұл жерде Spike-протеиннің мутациясы сөз болып отыр. Бұл SARS-CoV-2 вирусының үстіңгі бетінде пайда болатын протеин. Бүгінде қолданылып жатқан вакциналар дәл осыған қарсы әрекет етуге бағытталған", – деп жазды Шеры Twitter-де.

Сарапшы пікірінше, коронавирустың жаңа мутациясы республикада тараған британдық штамнан қауіпті емес, деп жазды РИА Новости.

Қазір он миллион халқы бар Чехияда 173,5 мың адам коронавирус жұқтырған және оның ішінде 7,3 мың адам ауруханада ем қабылдап жатыр. Елде енгізілген шектеулерге сәйкес азық-түлік және тұрмыстық тауарлар сататын дүкендер мен дәріханалар ғана жұмыс істеп тұр. Аса қажеттілік туындамаса, азаматтардың аудан арасында еш себепсіз жүріп-тұруына тыйым салынған. Сағат 21:00-ден 05:00-ге дейін комендант сағаты жарияланған.

Бұған дейін Алматы қаласының мемлекеттік бас санитар дәрігері, санитарлық-эпидемиологиялық бақылау департаментінің жетекшісі Жандарбек Бекшин Қазақстанда коронавирустың британдық және оңтүстік африкалық штаммы анықталғанын мәлімдеген.

"Мутацияланған штамдардың таралуына байланысты ауру жұқтыру көрсеткіші жоғары деңгейде тұр", – деді ол.

Оқи отырыңыз: Ғалымдар коронавирустың жаңа түрі жылдам таралып жатқанын растады

Оның айтуынша, жаңа штамдардың жұғу жылдамдығы жоғары.

258
Кілт сөздер:
індет, коронавирус
Тақырып:
Коронавирус эпидемиясы (2247)
Тақырып бойынша
Ғалымдар коронавирусты жоятын Қазақстанда қолжетімді өсімдікті атады
Ғалымдар коронавируспен күресте пайдалы алты өнімді атады
Ғалымдар коронавирус бар-жоғын 10 секундта анықтайтын құрылғы ойлап тапты
Ғалымдар коронавирустың "британдық" штаммын анықтайтын алғашқы тест әзірледі
Ғалымдар коронавирустың түсін анықтады
Әйел бейнесі

Таңертең үйіне келген әйел үш немересінің мәйітін тапты

3911
(Жаңартылды 20:07 11.04.2021)
Американың Калифорния штатында әйел өзінің үш баласын өлтірді деген күдікке ілінді. Қайтыс болған сәбилер бес жасқа толмаған

НҰР-СҰЛТАН, 11 сәуір - Sputnik. Американың Калифорния штатының полициясы өзінің үш баласын өлтірді деген күдікпен Лос-Анджелес тұрғынын ұстады, деп хабарлады РИА Новости жергілікті телеарнаға сілтеме жасап. 

Мәйіттерді сенбі күні таңертең пәтерге келген әжесі тапқан. Болжам бойынша балалар пышақ жарақатынан көз жұмған.

Полиция олардың анасы 30 жастағы Лилиана Каррильоны іздестіру шараларын жүргізді. Күдікті Калифорнияның орталығында, мәйіттер табылған пәтерден төрт сағаттық жерде ұсталды.

Оқи отырыңыз: Екі баласын өлтірген мәскеулік әйелдің ондай әрекетке бару себебі айтылды

Құқық қорғау органдары қылмыс себебін әлі анықтаған жоқ.

Сондай-ақ Каррильоның балалармен бір пәтерде тұрып-тұрмағаны да белгісіз.

3911
Кілт сөздер:
қылмыс, бала өлімі
Тақырып бойынша
Психоаналитик Аяжан Еділованы айуандықпен өлтіруге не себеп болғанын айтты
Павлодарда қоқыс маңынан ер адамның мәйіті табылды
Ауылдастарына өзін тірідей жерлеткен 22 жастағы жігіт тұншығып өлді
Шамалғанда 57 жастағы тұрғынның мәйіті өз үйінен табылды - полиция әйелін ұстады
COVID-19 емдеуге арналған Авифавир препараты

Ресей ғалымдары коронавирустан емдейтін жаңа дәрі ойлап тапты

117
(Жаңартылды 19:41 11.04.2021)
Жаңа препаратқа "МИР-19" деген атау берілді. Оны жасаушылар препарат адам үшін қауіпсіз, иммунитетке әсер етпейтінін айтады

НҰР-СҰЛТАН, 11 сәуір - Sputnik. Ресейдің Федералды биологиялық және медициналық агенттігі (ФБМА) коронавирус инфекциясын алдын алу мен емдеуге арналған "МИР-19" препаратына патент алды, деп хабарлады ФБМА агенттігі.

"Роспатент SARS-CoV-2 жаңа коронавирусқа қарсы әсері бар құрамдастырылған дәріге патент берді. Препарат МИР-19 деп аталады", - делінген хабарламада.

МИР сөзі шағын интерференделуші РНҚ дегенді білдіреді.  Препарат ингаляция немесе мұрын ішіне енгізу жолымен коронавирус инфекциясының алдын алуға немесе емдеуге арналған.

"МИР-19 – микро РНҚ-ны қолдануға негізделген бірегей препарат. Ол адамдар үшін қауіпсіз, адам геномына және иммунитетіне әсер етпейді. Сонымен бірге вирус көшірілуіне жол бермейді. Коронавирус инфекциясының ең ауыр түрлері, соның ішінде пневмонит, коронавирус инфекциясы тудырған өткір респираторлық дистресс синдромның алдын алады", - деді Ресей ФБМА жетекшісі Вероника Скворцова.

Оқи отырыңыз: Lancet "Спутник V" вакцинасының зерттеу нәтижесін жариялады

ФБМА мәліметі бойынша, қазіргі уақытта препаратты клиникалық зерттеуден өткізудің бірінші кезеңі аяқталды. Зерттеу барысында оның қауіпсіздігі дәлелденді.

117
Кілт сөздер:
Ресей, дәрі, коронавирус
Тақырып бойынша
Нұр-Сұлтандағы сауда орталығында коронавирусқа қарсы вакциналау басталды
Тағы бір облыс "сары" аймаққа кірді
Өткен тәулікте Қазақстанда 2 842 адамнан COVID анықталды
Нұр-Сұлтан мен Алматыда қанша адам вакцинадан бас тартты
Нұр-Сұлтан

Қазақстанда 12 сәуірде қандай маңызды оқиғалар болады

0
Sputnik Қазақстан 12-30 сәуірде өтетін негізгі іс-шаралар мен оқиғаларға шолу жасайды (ақпарат толықтырылып отырады)

12 СӘУІРГЕ ЖОСПАРЛАНҒАН ШАРАЛАР

НҰР-СҰЛТАН

09.00 – Үкімет отырысы. Күн тәртібінде Қазақстан республикасының 2021 жылғы қаңтар-наурыз айындағы әлеуметтік-экономикалық дамуының қорытындысы және республикалық бюджеттің атқарылуы талқыланады. Отырыс PrimeMinister.kz сайтында және әлеуметтік желілердегі ресми аккаунттарында онлайн режимде көрсетіледі.

11.00 – "Халықтан заңсыз сақтаулы қару-жарақты, оқ-дәріні және жарылғыш заттарды сатып алу бойынша кезекті акция өткізу туралы" ішкі істер министрлігінің брифингі. Спикерлер: ішкі істер министрлігінің әкімшілік полиция комитеті төрағасының орынбасары Милюк Алексей Казимирович, ішкі істер министрлігінің әкімшілік полиция комитетінің бөлім басшысы Ыдырысов Асылбек Түлкібекұлы. Брифинг тақырыбы бойынша сұрақтарды 9 сәуір сағат 18:30-ға дейін mvd_pr@mail.ru электронды поштаға немесе 8 705 440-83-65 нөміріне (WhatsApp) жолдауға болады.

11.00 – Елорданың оң жағалауындағы Елбасы кітапханасының музейінде "Адамға табын, жер, енді" халықаралық онлайн көрмесі өтеді. Көрме Қазақстан Республикасы Тәуелсіздігінің 30 жылдығын мерекелеу аясында өткізіліп отыр. Сондай-ақ бұл шара Юрий Гагариннің ғарышқа ұшуының 60 жылдығына және Тоқтар Әубәкіровтың ғарышқа ұшуының 30 жылдығына арналған (Бейбітшілік көшесі, 11).

12.00 - Қазақстан Ғылым қызметкерлері күні Л.Н. Гумилев атындағы Еуразия ұлттық университетінде "Функционалдық материалдар және нанотехнологиялар", сондай-ақ "Функционалдық материалдарды кванттық-химиялық модельдеу" атты екі инновациялық білім беру-ғылыми зертханасы ашылады. Университеттің 25 жылдық мерейтойына арналған іс-шара ЖОО басшылығы мен физика-техникалық факультетінің ғалымдары және шақырылған профессорлардың қатысуымен өтеді. Өтетін орны: Қажымұқан көшесі 13, Л.Н.Гумилев атындағы ЕҰУ, №3 ғимарат.

БАЙКОҢЫР

"Ғарыштағы алғашқы адамдар" мерекелік концерті. Шараға танымал музыканттар мен актерлер, симфониялық оркестр қатысады. Концерт Байқоңыр ғарыш айлағының №1 ұшу алаңындағы "Гагарин стартында" өтеді.

Концертті Ресей Федерациясының мәдениет министрлігі, Ресей Федерациясы президенті әкімшілігі және адамзаттың алғаш рет ғарышқа ұшуының 60 жылдығын атап өту бойынша ұйымдастыру комитетінің қолдауымен Бүкілресейлік мемлекеттік телевизиялық және радиотарату компаниясымен бірлесіп орыс концерт агенттігі ұйымдастырды. Жобаның көркемдік жетекшісі – ресейлік танымал музыкант Юрий Башмет.

Концерт сценографиясында заманауи айрықша технологиялық құралдар қолданылады. Салтанатты кеште әлемнің түрлі елінен келген танымал композиторлар ғарыш пен жаңа кеңістікті игеруге арналған музыкалық туындыларының таныстырылымын өткізеді.

30 СӘУІРГЕ ЖОСПАРЛАНҒАН ШАРАЛАР

Денсаулық сақтау министрі Алексей Цой есеп беру үшін халықпен кездеседі. Кездесуде министр ведомствоның 2020 жылғы жұмысын қорытындылайды және алдағы жоспарлар жайлы айтады, сондай-ақ азаматтардың сұрағына жауап береді. Есеп беру кездесуі министрліктің ресми сайтында тікелей эфирде көрсетіледі. Министрге сұрақты мына электронды мекенжайға жіберуге болады: s.kopeev@dsm.gov.kz.

Жоспарланған шаралар тізімі ашық дереккөзден алынды. Sputnik Қазақстан іс-шаралардың уақыты мен күнінің өзгеруіне жауапты емес.

0