Медицина қызметкерлері

Коронавирус қайдан шықты ДДҰ тексерістің есебін жариялады

2853
(Жаңартылды 17:09 31.03.2021)
Ухань қаласында ресми түрде алғашқы науқас тіркелгенге дейін вирустың бірнеше түрі болған. Ал теңіз өнімдері базарына түскеннен кейін инфекция жылдам тарай бастады

НҰР-СҰЛТАН, 31 наурыз – Sputnik. Дүниежүзілік денсаулық сақтау ұйымының арнайы комиссиясы Ухань қаласына жасаған сапардың есебін жариялады. Ғалымдар SARS-CoV-2 коронавирусының қай жерден шыққанын зерттеді, деп хабарлайды Sputnik Қазақстан ұйымның ресми сайтына сілтеме жасап.

ДДҰ-ның өкілдері коронавирус жұқтырған алғашқы пациенттерді Ухань базарынан, тіпті Қытайдан тыс жерде іздеуді ұсынып отыр. Себебі жаңа коронавирустың Қытай Халық Республикасынан шыққанына нақты дәлел жоқ.

Ғалымдар алдымен медициналық құжаттарды зерделеп, алғашқы пациенттің 2019 жылы 8 желтоқсан күні тіркелгеніне көз жеткізді. Респираторлық аурулар туралы мәліметтерге сәйкес, желтоқсанға дейін қандай да бір аурудың өршуі болған жоқ.

Ал ауруханаға коронавируспен түскен ең бірінші науқастардың теңіз өнімдері базарына еш қатысы жоқ. Оған қоса, SARS-CoV-2 геномдарын талдау кезінде алғашқы пациенттің сынамасы базардағы коронавирустан өзгеше болып шықты.

"Осының негізінде комиссия мүшелері Уханьда ресми түрде алғашқы науқас тіркелгенде қаланың өзінде вирустың бірнеше түрі болғанына болжам жасап отыр. Ал теңіз өнімдері базарына түскеннен кейін инфекция жылдам тарап кеткен", – делінген ұйым есебінде.

ДДҰ сарапшылары жаңа вирустың жабайы аңдар арқылы тарады деп санайды.

Алайда, нақты қай түрі екенін айта алмай отыр. Олардың пайымдауынша, адамдарға жақын коронавирустар жарқанаттар мен панголиндерде кездеседі. Дегенмен, дәл SARS-CoV-2 вирусымен жүрген бірде-бірде жануар табылмады. Жабайы табиғатта, фермада, тіпті базарда ондай аңдар анықталған жоқ.

Бір ғана дәлел бар

Коронавирустың жабайы жануарлардан жұққанына бір ғана дәлел бар. Бұған дейінгі эпидемиялар кезінде инфекция жабайы табиғаттан келген. Алайда, 2019 жылы анықталған COVID-19-ға қатысты нақты дәлел жоқ.

Ұйым өкілдері вирустың Ухань қаласындағы зертханадан шығып кеткенін де растамады. Олар қытайлық әріптестерінің есептерін зерделеп шықты. Сол кезде ешқандай техникалық ақаулықтар болған жоқ. 2019 жылы қараша-желтоқсан айында хаттаманы бұзу фактілері де тіркелмеді.

Соған қарамастан, Дүниежүзілік денсаулық сақтау ұйымның сарапшылары іздеу шараларын жалғастырады. Себебі бүгінде олар SARS-CoV-2 шығуына қатысты бірде-бір болжамды қабылдай алмай отыр, жоққа шығаруға да негіз жоқ.

Оқи отырыңыз: Ғалымдар коронавирустың белгісіз мутациясын анықтады

Айта кетейік, ДДҰ-ның халықаралық комиссиясы Ухань қаласына 2021 жылы қаңтар айында, яғни бір жылдан кейін ғана барды. SARS-CoV-2 Қытайдан шықты деген болжамдар болған.

2853
Кілт сөздер:
індет, коронавирус
Тақырып:
Коронавирус эпидемиясы (2259)
Тақырып бойынша
Ғалымдар коронавирус бар-жоғын 10 секундта анықтайтын құрылғы ойлап тапты
Ғалымдар коронавирустың түсін анықтады
Алексей Цой коронавирус штамдарының қай өңірлерде тарағанын айтты
Ғалымдар коронавируспен күресте пайдалы алты өнімді атады
Бес өңір коронавирус таралуы бойынша "қызыл" аймақта тұр
Әскери оқу-жаттығу

Жағдай шиеленісіп барады: Ресей мен Украина қатынасы қалай өрбиді

62
Британдық және америкалық радиоэлектронды барлау ұшақтары мен кемеге қарсы ұшақтар Қара теңіздің бейтарап аумағында тынымсыз ұшып жүр

НҰР-СҰЛТАН, 16 сәуір – Sputnik. Соңғы күні Солтүстікатлантикалық альянс шығыс Еуропада күрт белсенділік танытып жатыр. Бұл Киевтің Донбаспен шекараға қосымша бөлімшелер мен техника жеткізуіне қатысты жауапты әрекет екені ешкімге жасырын емес, деп жазады РИА Новости.

Донбастағы жағдайдың кезекті рет өршуіне байланысты НАТО елдерінің авиациясы бұл аймақта жиі төбе көрсетіп жүр. Түйісу орнында RQ-4 Global Hawk барлаушы дрондары тұрақты күзетте тұр. Олар ДХР мен ЛХР әскерінің қорғанысқа даярлығын назардан тыс қалдырмауда. Ұшқышсыз ұшу аппараттары түсірген суреттер сол мезетте киевтік әскери қолбасшылардың үстеліне жететініне еш күмән жоқ.

Украина қарулы күштері де әуе барлауын күшейтті. Сарбаздар Түркиядан сатып алған Bayraktar TB2 соққы жасаушы дрондарын байқаған. УҚК-де мұндай алты дрон бар. Қосымша ұшқышсыз ұшу аппараттарын жеткізу туралы келісімшарт жақында Украина президенті Владимир Зеленскийдің Түркияға сапары кезінде жасалғаны мәлім болды.

Сонымен қатар, батыс авиациясы Қырым жағалауына күн сайын мониторинг жүргізіп отыр. Британдық және америкалық Boeing RC135W және Lockheed P-3COrion радиоэлектронды барлау ұшағы мен P-8APoseidon кемеге қарсы ұшағы Қара теңіздің бейтарап аумағында тынымсыз ұшып жүр. Олардың басты міндеті – Қара теңіз флоты кемелерінің әрекетін қадағалау және түбекте орналасқан әскери топтың әуе шабуылынан қорғаныс жүйелерінің позицияларын анықтау.

НАТО өңірдегі әскери-теңіз қатысуын да күшейтіп жатыр. Сәуірдің соңына дейін АҚШ ӘТК-нің екі зымыран эсминеці Қара теңізге шығуы керек. Пентагонның ресми мәлімдемесі бойынша, кемелерді бағыттау қалыпты сипатқи ие. Алайда Кремль жағдайды назарда ұстап отыр. Себебі бұл эсминецтер елуден астам "Томагавк" қанатты зымыранын тасымалдайды.

"Америка Құрама Штаттарының әскери белсенділігіне, соның ішінде Қара теңізге кеме кіргізуіне келсек, бұл тұрақты болып жатыр. Қазір бұл әсіресе агрессивті қарқында орындалуда", – дейді Ресей СІМ басшысы Сергей Лавров.

Тағы бір қызық жағдай: АҚШ ӘӘК әскери-көлік авиациясының ұшақтары Киевке қандай жүк жеткізіп жатыр?

Мамандар FlightRadar интернет сервисінің көрсеткішіне назар аударып, АҚШ, Германия мен Балтық маңы елдерінен ұшып шыққан америкалық С-17 мен С-30 Борисполь әуежайына тоқтап, жүк түсіріп, кері қайтып жатқанын анықтады.

Әскери сарапшы Алексей Леонковтың пікірінше, Вашингтон Украинаға радиоэлектронды күрес кешендерін жеткізіп жатыр. Бұл жақын уақытта УҚК шабуыл жасайды дегенді білдіреді. Ресей де қол қусырып отырмайтыны анық.

"Егер жағдай ушығатын болса, онда біз өзіміздің және қай жерде жүрсе де, өз азаматтарымыздың қауіпсіздігін қамтамасыз ету үшін барлығын жасаймыз. Мұндай өршуге Киев пен оның Батыстағы кураторлары толық жауапты болады. Сондай-ақ біз Қырымнан, Қара теңіздегі жағалаудан аулақ болу туралы АҚШ-қа ескертеміз", – деді СІМ басшысының орынбасары Сергей Рябков.

Батыс елдерінің ресейлік шекара маңында белсенділігінің артуына тағы бір себеп – НАТО әскерлерінің мамырдың ортасында өтетін ең ауқымды Defender Europe 2021 оқу-жаттығуына дайындығы.

Өткен жылмен салыстырғанда 2021 жылғы әскери шара кезінде Шығыс емес, Оңтүстік Еуропаға көп көңіл бөлінеді. Маневрлер Черногория, Косово және Албанияда жоспарланған. Болгария мен Румынияда әуедегі шабуылдан қорғаныс жүйелері мен "жер – жер" тобындағы зымырандардың жаттығуы өтеді. Ал Венгрия тыл қызметін атқарады. Маневрлерге украин әскери қызметшілері де қатысады.

Еуропадағы АҚШ Құрлық әскерінің ресми сайтында жарияланған баспасөз релизіне сәйкес, оқу-жаттығулар "АҚШ, НАТО бойынша одақтастар мен серіктестері арасындағы стратегиялық және жедел дайындық пен өзара әрекеттесуді күшейтуге бағытталған". Бұл маневрлер үшінші мемлекеттер үшін ешқандай қауіп төндірмейтіні жазылған. Алайда Defender Europe 2021 антиресейлік бағытта өрбитіні айдан анық.

Сондықтан Ресей мен Белоруссия қыркүйекте "Батыс-2021" маневрлерін өткізеді. Белоруссияның қорғаныс министрі Виктор Хренин атап өткендей, "бірлескен оқу-жаттығулар жоғары урбанизацияланған елді мекендерде шабуылдау бөлімшелерінің бірлескен іс-қимылдарының жаңа әдістерін сынауға мүмкіндік береді" деп санайды.

62
Кілт сөздер:
Украина, Ресей
Грузин полицейі

Тбилисиде қаруланған ер адам банк филиалына басып кіріп, адамдарды кепілге алды

635
(Жаңартылды 16:35 16.04.2021)
Қаруланған ер адамның талаптары туралы әзірше ақпарат жоқ

НҰР-СҰЛТАН, 16 сәуір — Sputnik. Қаруланған ер адам Тбилисидегі банктердің бірінің филиалына басып кіріп, адамдарды кепілге алды, деп хабарлайды РИА Новости "Рустави 2" телекомпаниясына сілтеме жасап.

"Бірнеше минут бұрын Тбилисидегі банктердің бірінің филиалына қаруы бар адам басып кіріп, адамдарды кепілге алғаны белгілі болды. Оқиға орнына құқық қорғау органдарының қызметкерлері шұғыл жетті", - деп хабарлады телеарна.

Қылмыстық әрекетке барғандардың қандай талап қойғаны туралы әзірше ақпарат жоқ.

Өткен жылдың қарашасында қаруланған адам Тбилисидегі шағын қаржылық мекеменің ғимаратына басып кіріп он адамды кепілге алған болатын.

635
Кілт сөздер:
Грузия, қылмыс, банк