Иллюстративті фото

АҚШ Ресей мұнайын көптеп сатып алып жатыр

87
Ресейлік мұнайға деген тәуелділіктің артуы Американың энергетикалық саясатына қарама-қайшы келіп тұр

НҰР-СҰЛТАН, 31 наурыз — Sputnik. Мәскеумен қарым-қатынасы нашарлап, "Солтүстік ағын – 2" жобасына байланысты Еуроодаққа қысым жасап жатқанына қарамастан, оған қоса жаңа санкциялар енгізу қатері төніп тұрса да америкалықтар ресейлік мұнайды сатып алуды үдетіп жатыр. Елдің сыртқы саясаты Ресейден шикізат сатып алуға кедергі болмай отыр, деп жазды РИА Новости.

Өткен жылы АҚШ-та ресейлік мұнай мен мұнай өнімдерінің импорты 3,5 процентке өсіп, тоғыз жылдағы жоғарғы көрсеткішке жетті, деп хабарлады АҚШ энергетика министрлігінің (ЕІА) энергетикалық ақпарат басқармасы. Ресей нарықтағы тепе-теңдікті қалпына келтіру үшін экспортты күрт төмендеткен Сауд Арабиясын ысырып, шикізат жеткізушілер арасында екінші орынға көтерілді.

2020 жылы америкалықтар Ресейден күніне орта есеппен 538 мың баррель, ал Сауд Арабиясынан 522 мың баррель мұнай алып отырды. Сәйкесінше 55 және 50 миллион баррель сатып алған Valero және Exxon ірі сатып алушылар қатарында болды. Ресейлік импорттың жартысына жуығын осы екі компания сатып алған.

Венесуэладағы шикізаттан айырылған америкалықтар Ресейдегі мұнай өңдеуші зауыттарға ұсыныс жасауға мәжбүр болды. Айта кету керек, 2019 жылы Дональд Трамптың ықпалымен Petroleos de Venezuela S. A. компаниясына қатысты санкциялар енгізілгеннен кейін жеткізулер тізбегі бұзылды.

Мексика бұғазы мен Шығыс жағалаудағы зауыттар қиын жағдайға тап болды. Олардың  қатарында Citgo Petroleum, Valero Energy, Chevron бар. Америкалықтар Ресейден шикі мұнай емес, негізінен бензин өндірісі үшін қажетті мазутты сатып алып отыр.

"Венесуэлалық мұнайдан қол үзген және ОПЕК-тегі дәстүрлі жабдықтаушылардағы шикізаттың қымбаттауына тап болған АҚШ ресейлік мазуттың негізгі тұтынушысы атанды", - деп атап өтті Оксфорд энергетикалық зерттеулер институтының ғылыми қызметкері Ади Имсирович.

ОПЕК өндірісінің қысқаруы жағдайды ушықтырып жіберді. Сауд Арабиясынан жеткізілімдер қазір 1985 жылдан бері төмен көлемде орындалып жатыр. Аналитиктердің айтуынша, сондықтан Ресейден жеткізілетін мазут қана америкалық мұнай өңдеуші зауыттардың қалыпты режимде жұмысты жалғастыруына мүмкіндік берген.

Пандемия салдарынан тақтатас саласының құлдырауы да әсер етпей қоймады. Тәулігіне 13 миллион баррель өндірген АҚШ қазір 11 миллион баррельмен шектелуге мәжбүр.

Энергия тасымалдағыштарға деген сұраныс төмендеп, мұнай бағасы құлдырады. Газ және бұрғылау қондырғыларының саны үнемі қысқарып, компаниялар жұмысын тоқтатты. Тақтатас өндіретін жүз елу мекеме банкротқа ұшырады.

Біріншіден, бұл коронавирус пайда болғанға дейін де проблемалары болған мекемелер: инвестициялардың жетіспеушілігі салдарынан компаниялар белшесінен қарызға батты. 2018 жылдан бастап Уолл Стрит тақтатас өндіретін компанияларға деген қызығушылықты бәсеңдетті. Олар бұл салада ешқандай пайда жоқ және өте көп жобаны тиімсіз деп есептеді.

Халықаралық энергетика агенттігінің (ХЭА) бағалауы бойынша, 2020 жылы инвестициялар екі есеге – 45 миллиард долларға дейін азайған.

ЕІА тақтатасты мұнай өндірісі наурызда тәулігіне 7,5 миллион баррельге дейін төмендейді деп болжам жасап отыр. Мұнайлы жеті ауданның алтауында – Анадарко, Баккен, Найобрара, Игл-Форд, Берман, Гейнсвилл, Аппалачиде жағымсыз жағдай қалыптасып отыр.

Fitch болжамы бойынша тақтатас саласы кемінде екі-үш жылдан кейін ғана дағдарысқа дейінгі көрсеткішке қайта орала алады.

Bloomberg атап өткендей, осылайша АҚШ екіұдай жағдайға тап болды. Ресейлік мұнайға деген тәуелділіктің артуы оның энергетикалық бағытына қарама-қайшы келіп тұр. Бір жағынан Вашингтон "Солтүстік ағын – 2" жобасынан бас тартуы үшін Еуропаға қысым жасап жатыр. Ал екінші жағынан америкалық мұнай өңдеуші зауыттар Ресейден бұрын-соңды болмаған өте көп көлемде шикізат сатып алып отыр.

"Ал Трамп болса "Америка энергетикалық ұлы державаға айналды және ол ешқашан "жаулас" шетелдік жабдықтаушыларға тәуелді болмайды" деп жарияға жар салып еді", - деп жазды осы жөнінде Хбюстондағы Райс университетінің Бейкер институтындағы мұнай сарапшысы Марк Финли.

Осы жағдайға байланысты Вашингтонның ләм-мим деп жақ ашпауы тіпті қызық. Алайда АҚШ импортының күн санап өсуі Американың экс-президенті Дональд Трамптың энергетикалық тәуелсіздік жайлы болжамы орындалмағанын көрсетіп тұр.

87
Әйел бейнесі

Таңертең үйіне келген әйел үш немересінің мәйітін тапты

3958
(Жаңартылды 20:07 11.04.2021)
Американың Калифорния штатында әйел өзінің үш баласын өлтірді деген күдікке ілінді. Қайтыс болған сәбилер бес жасқа толмаған

НҰР-СҰЛТАН, 11 сәуір - Sputnik. Американың Калифорния штатының полициясы өзінің үш баласын өлтірді деген күдікпен Лос-Анджелес тұрғынын ұстады, деп хабарлады РИА Новости жергілікті телеарнаға сілтеме жасап. 

Мәйіттерді сенбі күні таңертең пәтерге келген әжесі тапқан. Болжам бойынша балалар пышақ жарақатынан көз жұмған.

Полиция олардың анасы 30 жастағы Лилиана Каррильоны іздестіру шараларын жүргізді. Күдікті Калифорнияның орталығында, мәйіттер табылған пәтерден төрт сағаттық жерде ұсталды.

Оқи отырыңыз: Екі баласын өлтірген мәскеулік әйелдің ондай әрекетке бару себебі айтылды

Құқық қорғау органдары қылмыс себебін әлі анықтаған жоқ.

Сондай-ақ Каррильоның балалармен бір пәтерде тұрып-тұрмағаны да белгісіз.

3958
Кілт сөздер:
қылмыс, бала өлімі
Тақырып бойынша
Психоаналитик Аяжан Еділованы айуандықпен өлтіруге не себеп болғанын айтты
Павлодарда қоқыс маңынан ер адамның мәйіті табылды
Ауылдастарына өзін тірідей жерлеткен 22 жастағы жігіт тұншығып өлді
Шамалғанда 57 жастағы тұрғынның мәйіті өз үйінен табылды - полиция әйелін ұстады
COVID-19 емдеуге арналған Авифавир препараты

Ресей ғалымдары коронавирустан емдейтін жаңа дәрі ойлап тапты

120
(Жаңартылды 19:41 11.04.2021)
Жаңа препаратқа "МИР-19" деген атау берілді. Оны жасаушылар препарат адам үшін қауіпсіз, иммунитетке әсер етпейтінін айтады

НҰР-СҰЛТАН, 11 сәуір - Sputnik. Ресейдің Федералды биологиялық және медициналық агенттігі (ФБМА) коронавирус инфекциясын алдын алу мен емдеуге арналған "МИР-19" препаратына патент алды, деп хабарлады ФБМА агенттігі.

"Роспатент SARS-CoV-2 жаңа коронавирусқа қарсы әсері бар құрамдастырылған дәріге патент берді. Препарат МИР-19 деп аталады", - делінген хабарламада.

МИР сөзі шағын интерференделуші РНҚ дегенді білдіреді.  Препарат ингаляция немесе мұрын ішіне енгізу жолымен коронавирус инфекциясының алдын алуға немесе емдеуге арналған.

"МИР-19 – микро РНҚ-ны қолдануға негізделген бірегей препарат. Ол адамдар үшін қауіпсіз, адам геномына және иммунитетіне әсер етпейді. Сонымен бірге вирус көшірілуіне жол бермейді. Коронавирус инфекциясының ең ауыр түрлері, соның ішінде пневмонит, коронавирус инфекциясы тудырған өткір респираторлық дистресс синдромның алдын алады", - деді Ресей ФБМА жетекшісі Вероника Скворцова.

Оқи отырыңыз: Lancet "Спутник V" вакцинасының зерттеу нәтижесін жариялады

ФБМА мәліметі бойынша, қазіргі уақытта препаратты клиникалық зерттеуден өткізудің бірінші кезеңі аяқталды. Зерттеу барысында оның қауіпсіздігі дәлелденді.

120
Кілт сөздер:
Ресей, дәрі, коронавирус
Тақырып бойынша
Нұр-Сұлтандағы сауда орталығында коронавирусқа қарсы вакциналау басталды
Тағы бір облыс "сары" аймаққа кірді
Өткен тәулікте Қазақстанда 2 842 адамнан COVID анықталды
Нұр-Сұлтан мен Алматыда қанша адам вакцинадан бас тартты
Нұр-Сұлтан

Қазақстанда 12 сәуірде қандай маңызды оқиғалар болады

0
Sputnik Қазақстан 12-30 сәуірде өтетін негізгі іс-шаралар мен оқиғаларға шолу жасайды (ақпарат толықтырылып отырады)

12 СӘУІРГЕ ЖОСПАРЛАНҒАН ШАРАЛАР

НҰР-СҰЛТАН

09.00 – Үкімет отырысы. Күн тәртібінде Қазақстан республикасының 2021 жылғы қаңтар-наурыз айындағы әлеуметтік-экономикалық дамуының қорытындысы және республикалық бюджеттің атқарылуы талқыланады. Отырыс PrimeMinister.kz сайтында және әлеуметтік желілердегі ресми аккаунттарында онлайн режимде көрсетіледі.

11.00 – "Халықтан заңсыз сақтаулы қару-жарақты, оқ-дәріні және жарылғыш заттарды сатып алу бойынша кезекті акция өткізу туралы" ішкі істер министрлігінің брифингі. Спикерлер: ішкі істер министрлігінің әкімшілік полиция комитеті төрағасының орынбасары Милюк Алексей Казимирович, ішкі істер министрлігінің әкімшілік полиция комитетінің бөлім басшысы Ыдырысов Асылбек Түлкібекұлы. Брифинг тақырыбы бойынша сұрақтарды 9 сәуір сағат 18:30-ға дейін mvd_pr@mail.ru электронды поштаға немесе 8 705 440-83-65 нөміріне (WhatsApp) жолдауға болады.

11.00 – Елорданың оң жағалауындағы Елбасы кітапханасының музейінде "Адамға табын, жер, енді" халықаралық онлайн көрмесі өтеді. Көрме Қазақстан Республикасы Тәуелсіздігінің 30 жылдығын мерекелеу аясында өткізіліп отыр. Сондай-ақ бұл шара Юрий Гагариннің ғарышқа ұшуының 60 жылдығына және Тоқтар Әубәкіровтың ғарышқа ұшуының 30 жылдығына арналған (Бейбітшілік көшесі, 11).

12.00 - Қазақстан Ғылым қызметкерлері күні Л.Н. Гумилев атындағы Еуразия ұлттық университетінде "Функционалдық материалдар және нанотехнологиялар", сондай-ақ "Функционалдық материалдарды кванттық-химиялық модельдеу" атты екі инновациялық білім беру-ғылыми зертханасы ашылады. Университеттің 25 жылдық мерейтойына арналған іс-шара ЖОО басшылығы мен физика-техникалық факультетінің ғалымдары және шақырылған профессорлардың қатысуымен өтеді. Өтетін орны: Қажымұқан көшесі 13, Л.Н.Гумилев атындағы ЕҰУ, №3 ғимарат.

БАЙКОҢЫР

"Ғарыштағы алғашқы адамдар" мерекелік концерті. Шараға танымал музыканттар мен актерлер, симфониялық оркестр қатысады. Концерт Байқоңыр ғарыш айлағының №1 ұшу алаңындағы "Гагарин стартында" өтеді.

Концертті Ресей Федерациясының мәдениет министрлігі, Ресей Федерациясы президенті әкімшілігі және адамзаттың алғаш рет ғарышқа ұшуының 60 жылдығын атап өту бойынша ұйымдастыру комитетінің қолдауымен Бүкілресейлік мемлекеттік телевизиялық және радиотарату компаниясымен бірлесіп орыс концерт агенттігі ұйымдастырды. Жобаның көркемдік жетекшісі – ресейлік танымал музыкант Юрий Башмет.

Концерт сценографиясында заманауи айрықша технологиялық құралдар қолданылады. Салтанатты кеште әлемнің түрлі елінен келген танымал композиторлар ғарыш пен жаңа кеңістікті игеруге арналған музыкалық туындыларының таныстырылымын өткізеді.

30 СӘУІРГЕ ЖОСПАРЛАНҒАН ШАРАЛАР

Денсаулық сақтау министрі Алексей Цой есеп беру үшін халықпен кездеседі. Кездесуде министр ведомствоның 2020 жылғы жұмысын қорытындылайды және алдағы жоспарлар жайлы айтады, сондай-ақ азаматтардың сұрағына жауап береді. Есеп беру кездесуі министрліктің ресми сайтында тікелей эфирде көрсетіледі. Министрге сұрақты мына электронды мекенжайға жіберуге болады: s.kopeev@dsm.gov.kz.

Жоспарланған шаралар тізімі ашық дереккөзден алынды. Sputnik Қазақстан іс-шаралардың уақыты мен күнінің өзгеруіне жауапты емес.

0