Қақтығыс, архивтегі сурет

Донбаста қақтығыс қайта өршуі мүмкін бе?

75
Мәскеу украин билігімен қандай да бір келіссөздер жүргізудің мәні жоқ екенін ашық айтты. Оның үстіне қазіргі жағдай тіптен шиеленісіп кеткен

НҰР-СҰЛТАН, 1 сәуір – Sputnik. Күні кеше Ресей, Германия мен Франция көшбасшылары келіссөздер жүргізіп, Донбастағы жағдайды талқылады. Ал осы видеоконференция жайлы ақпарат жеткен Киев "Украинаның қатысуынсыз Украина жайын талқыламау керек" деп мәлімдеді. Бұл туралы РИА Новости жазды.

Украина билігі өз беделін түсірмес үшін өздерін ақымақ етіп көрсететін жария мәлімдеме жасаудан аулақ болу керек екенін әлі түсінбеген секілді. Себебі Украина тағдырын олардың сыртынан ұлы державалар өз беттерінше шешіп жатқаны айқын көрініп тұр. Сол себепті наразылық білдіру арқылы украиндер өз жағдайларының масқаралығын одан бетер айшықтай түсуде.

О баста алдағы шараға қатысатындар тізімін баяндаған Мәскеу Путин, Меркель мен Макрон, тек Донбасс жайын талқыламайтынын, өзекті мәселелер көп екенін мәлімдеген болатын. Бірақ Киев мәлімдемесінен кейін Кремль "норманд форматы бойынша мәміле жайы мәз емес" екенін айтты.

Ресей президентінің баспасөз хатшысы Зеленский президент болған шақтан бері Минск шаралар кешені мен Парижде қол жеткізген мәмілелерді іске асыруда бір елі алға жылжу болмағанын мәлімдеді. Сол себепті Мәскеу украин билігімен қандай да бір келіссөздер жүргізудің мәні жоқ екенін ашық айтты. Оның үстіне қазіргі шиеленіскен жағдай құр сөз сапырып отыратын шақ емес. Сөзден іске көшетін қысылтаяң кезең.

Минск келісіміне қол қойылғалы өткен алты жылдың ішінде Донбаста бірнеше рет қарулы қақтығыстар болып тұрды. Алайда, олар тек бір ғана оқиғамен шектеліп, ауқымды соғысқа айналаға қойған жоқ. Мұндай жағдай өткен жылдың жазында да болған еді. Бірақ ақырында келісімге келу мүмкін болды.

Мұндай жағдайдың қалыптасуына ең алдымен Батыстың соғысты қайта жаңғыртуға деген ниетінің болмауы себеп. Десек ет, алармистер әркез тарихтағы ең қанды, ең сұрапыл соғыс болады деп болжам жасады.

Еуропа атын жамылған Батыс минсктік келісімге амалсыздан қол қойды. Соғыс алаңында ойсырай жеңіліп жатқан Киевті қалай да құтқару керек болды. Ал Ресейді бұл қақтығысқа тікелей араласуға мәжбүрлей алмады. Жалпы 2015 жылдың басында-ақ Украина айналасындағы оқиғалар Еуромайдан сценаристерінің ойындағыдай өрбімей жатқаны белгілі болды. Еуропа Ресейді өз ыңғайына көндіре алмайтынына көз жеткізіп, екіжақты ынтымақтастықты қалпына келтіруге көшті. Ол шақта украиндық соғыс авантюраларына мойын бұруға шамасы болмады. Оның үстіне АҚШ-та президент ауысып, билікке жаңа келген Дональд Трамп сыртқы саяси қысым көрсету бағдарын Қытайға бұрды.

Батыс үшін Украина барлық үмітті ақтамаған ең үлкен өкінішке айналды. Себебі Донбасс оның Еуропа, АҚШ-пен қарым-қатынасындағы ең соңғы мүмкіндік еді. Ол жақтағы әскери шиеленісті тұрақты түрде арандата отырып, Киев осы арқылы тиісті көмек алу үшін өзіне назар аударғысы келді. Алайда мұхиттың екі жағындағы "әріптестер" оған еш қызығушылық танытпады.

Бірақ соңғы уақытта дәл осы аспектіде түбегейлі өзгерістер болып, оқиғалардың өрбуіне қатысты алаңдаушылық тудырып отыр. Себебі АҚШ билігіне жай демократтар емес, 2010 жылдың ортасында Донбаста соғыс басталуына ықпал еткен америкалық истеблишмент өкілдері келді. Оның үстіне демократтардың қазіргі беталысындағы деструктивті әдістердің көп болуына байланысты олар қайтадан арандатушылық жасап, сөзден іске көшуі ықтималдылығы жоғары.

Мұхиттың бергі бетіндегі жағдай да мәз емес. Еуроодақ Ресеймен қарым-қатынасты соңғы онжылдықтағы ең төменгі деңгейге жеткізді. Бұл мұны Джо Байденнің Ақ үйге келуіне дейін өз бетінше, біржақты жасады. Сол себепті еуропалықтардың бұл жолғы әрекетін Вашингтонның қысымына байланысты жасалған мәжбүрлі амал деп қарастыруға болмайды.

Еуропаның мұндай қадамға баруына не себеп болғаны жайлы тоқтаусыз пікір таластыра беруге болады. Бірақ мәселе оның қаншалықты деңгейде текетіреске бара алуында болып отыр. Қазір антиресейлік бағдар еуропалықтарды Киевтегі соғыс әрекеттеріне қолдау көрсетуге итермелеуі мүмкін бе деген сауал өзекті мәселеге айналды.

Сондықтан Ресей президенті Владимир Путиннің Германия мен Франция көшбасшыларымен сөйлесуі маңызды. Себебі Донбаста соғыс әрекеттерінің қайта жандануы тек Украинаны емес, бүкіл Еуропаны құрдымға тартуы әбден мүмкін.

75
Кілт сөздер:
Ресей, Украина
Тақырып бойынша
"Норманд форматы" Ресей мен Украина қарым-қатынасының жақсаруына көмектесті ме?
Украина билігі Boeing ұшағындағы барлық адамның қаза болғанын растады
Ирандағы әуе апаты: Украина ұшақты зымыранмен атып түсіруі мүмкін деген болжам айтты
Украина ұшағы құлады: Зеленский әлеуметтік желіде мәлімдеме жасады
Украина ұшағын зымыран атып түсіруі мүмкін: желіде видео жарияланды
Әскери оқу-жаттығу

Жағдай шиеленісіп барады: Ресей мен Украина қатынасы қалай өрбиді

53
Британдық және америкалық радиоэлектронды барлау ұшақтары мен кемеге қарсы ұшақтар Қара теңіздің бейтарап аумағында тынымсыз ұшып жүр

НҰР-СҰЛТАН, 16 сәуір – Sputnik. Соңғы күні Солтүстікатлантикалық альянс шығыс Еуропада күрт белсенділік танытып жатыр. Бұл Киевтің Донбаспен шекараға қосымша бөлімшелер мен техника жеткізуіне қатысты жауапты әрекет екені ешкімге жасырын емес, деп жазады РИА Новости.

Донбастағы жағдайдың кезекті рет өршуіне байланысты НАТО елдерінің авиациясы бұл аймақта жиі төбе көрсетіп жүр. Түйісу орнында RQ-4 Global Hawk барлаушы дрондары тұрақты күзетте тұр. Олар ДХР мен ЛХР әскерінің қорғанысқа даярлығын назардан тыс қалдырмауда. Ұшқышсыз ұшу аппараттары түсірген суреттер сол мезетте киевтік әскери қолбасшылардың үстеліне жететініне еш күмән жоқ.

Украина қарулы күштері де әуе барлауын күшейтті. Сарбаздар Түркиядан сатып алған Bayraktar TB2 соққы жасаушы дрондарын байқаған. УҚК-де мұндай алты дрон бар. Қосымша ұшқышсыз ұшу аппараттарын жеткізу туралы келісімшарт жақында Украина президенті Владимир Зеленскийдің Түркияға сапары кезінде жасалғаны мәлім болды.

Сонымен қатар, батыс авиациясы Қырым жағалауына күн сайын мониторинг жүргізіп отыр. Британдық және америкалық Boeing RC135W және Lockheed P-3COrion радиоэлектронды барлау ұшағы мен P-8APoseidon кемеге қарсы ұшағы Қара теңіздің бейтарап аумағында тынымсыз ұшып жүр. Олардың басты міндеті – Қара теңіз флоты кемелерінің әрекетін қадағалау және түбекте орналасқан әскери топтың әуе шабуылынан қорғаныс жүйелерінің позицияларын анықтау.

НАТО өңірдегі әскери-теңіз қатысуын да күшейтіп жатыр. Сәуірдің соңына дейін АҚШ ӘТК-нің екі зымыран эсминеці Қара теңізге шығуы керек. Пентагонның ресми мәлімдемесі бойынша, кемелерді бағыттау қалыпты сипатқи ие. Алайда Кремль жағдайды назарда ұстап отыр. Себебі бұл эсминецтер елуден астам "Томагавк" қанатты зымыранын тасымалдайды.

"Америка Құрама Штаттарының әскери белсенділігіне, соның ішінде Қара теңізге кеме кіргізуіне келсек, бұл тұрақты болып жатыр. Қазір бұл әсіресе агрессивті қарқында орындалуда", – дейді Ресей СІМ басшысы Сергей Лавров.

Тағы бір қызық жағдай: АҚШ ӘӘК әскери-көлік авиациясының ұшақтары Киевке қандай жүк жеткізіп жатыр?

Мамандар FlightRadar интернет сервисінің көрсеткішіне назар аударып, АҚШ, Германия мен Балтық маңы елдерінен ұшып шыққан америкалық С-17 мен С-30 Борисполь әуежайына тоқтап, жүк түсіріп, кері қайтып жатқанын анықтады.

Әскери сарапшы Алексей Леонковтың пікірінше, Вашингтон Украинаға радиоэлектронды күрес кешендерін жеткізіп жатыр. Бұл жақын уақытта УҚК шабуыл жасайды дегенді білдіреді. Ресей де қол қусырып отырмайтыны анық.

"Егер жағдай ушығатын болса, онда біз өзіміздің және қай жерде жүрсе де, өз азаматтарымыздың қауіпсіздігін қамтамасыз ету үшін барлығын жасаймыз. Мұндай өршуге Киев пен оның Батыстағы кураторлары толық жауапты болады. Сондай-ақ біз Қырымнан, Қара теңіздегі жағалаудан аулақ болу туралы АҚШ-қа ескертеміз", – деді СІМ басшысының орынбасары Сергей Рябков.

Батыс елдерінің ресейлік шекара маңында белсенділігінің артуына тағы бір себеп – НАТО әскерлерінің мамырдың ортасында өтетін ең ауқымды Defender Europe 2021 оқу-жаттығуына дайындығы.

Өткен жылмен салыстырғанда 2021 жылғы әскери шара кезінде Шығыс емес, Оңтүстік Еуропаға көп көңіл бөлінеді. Маневрлер Черногория, Косово және Албанияда жоспарланған. Болгария мен Румынияда әуедегі шабуылдан қорғаныс жүйелері мен "жер – жер" тобындағы зымырандардың жаттығуы өтеді. Ал Венгрия тыл қызметін атқарады. Маневрлерге украин әскери қызметшілері де қатысады.

Еуропадағы АҚШ Құрлық әскерінің ресми сайтында жарияланған баспасөз релизіне сәйкес, оқу-жаттығулар "АҚШ, НАТО бойынша одақтастар мен серіктестері арасындағы стратегиялық және жедел дайындық пен өзара әрекеттесуді күшейтуге бағытталған". Бұл маневрлер үшінші мемлекеттер үшін ешқандай қауіп төндірмейтіні жазылған. Алайда Defender Europe 2021 антиресейлік бағытта өрбитіні айдан анық.

Сондықтан Ресей мен Белоруссия қыркүйекте "Батыс-2021" маневрлерін өткізеді. Белоруссияның қорғаныс министрі Виктор Хренин атап өткендей, "бірлескен оқу-жаттығулар жоғары урбанизацияланған елді мекендерде шабуылдау бөлімшелерінің бірлескен іс-қимылдарының жаңа әдістерін сынауға мүмкіндік береді" деп санайды.

53
Кілт сөздер:
Украина, Ресей
Грузин полицейі

Тбилисиде қаруланған ер адам банк филиалына басып кіріп, адамдарды кепілге алды

630
(Жаңартылды 16:35 16.04.2021)
Қаруланған ер адамның талаптары туралы әзірше ақпарат жоқ

НҰР-СҰЛТАН, 16 сәуір — Sputnik. Қаруланған ер адам Тбилисидегі банктердің бірінің филиалына басып кіріп, адамдарды кепілге алды, деп хабарлайды РИА Новости "Рустави 2" телекомпаниясына сілтеме жасап.

"Бірнеше минут бұрын Тбилисидегі банктердің бірінің филиалына қаруы бар адам басып кіріп, адамдарды кепілге алғаны белгілі болды. Оқиға орнына құқық қорғау органдарының қызметкерлері шұғыл жетті", - деп хабарлады телеарна.

Қылмыстық әрекетке барғандардың қандай талап қойғаны туралы әзірше ақпарат жоқ.

Өткен жылдың қарашасында қаруланған адам Тбилисидегі шағын қаржылық мекеменің ғимаратына басып кіріп он адамды кепілге алған болатын.

630
Кілт сөздер:
Грузия, қылмыс, банк