Глобус

Еуроодақ көшбасшылары әлем үкіметін құрғысы келеді

74
Әлем үкіметін басқаруға үміткерлер өздеріне бағынышты мемлекеттер Екінші дүниежүзілік соғыстан кейін болып көрмеген күйреуге ұшырағанын айтып отыр

НҰР-СҰЛТАН, 7 сәуір — Sputnik. Бірнеше күн бұрын жарияланған Ұлыбритания премьер-министрі Борис Джонсон, Германия канцлері Ангела Меркель, Франция президенті Эммануэль Макрон, ДДҰ бас директоры және Еуропаның басқа да мемлекет басшыларының бірлескен мәлімдемесі назар аударуға тұрарлық.

Олар ұлттық үкімет пандемия салдарымен күресте қауқарсыздық көрсетті деп мәлімдеп, адамзат баласын мейлінше тездетіп әлем үкіметінің қол астына кіруге шақырды.

Ресми түрде мұнда мәселе жай ғана "пандемияға қарсы іс-қимыл туралы дүниежүзілік шарт" туралы болғанмен, ілеспе ұжымдық хат авторлардың нені көздеп отырғанын айқын көрсетіп тұр, деп жазды РИА Новости.

Олар коронавирус пандемиясын "1940 жылдардан бергі әлем қауымдастығының алдындағы үлкен сын-қатер" деп атады. Ал шартты 1945 жылғы Ялта шартымен теңестірді.

"Адамгершілік жағынан олардың бастамасына түсіністік танытуға болады. Германия канцлері желтоқсан айында саяси "тұңғиыққа" аттанады. Алдағы президент сайлауында Макронның да жағдайы мәз болмайтын сияқты.  Ағылшындардың басым бөлігі Джонсонның премьер-министр қызметінен кеткенін қалайды. Ал бұлардың билік тізгінін тапсыруға құлқы жоқ. Бірақ бұлар әлемге тағы не ұсына алады? Басқару тәжірибесін бе? Алайда олар басшылықта болған кезде адамзат баласы алдынан шыққан қиындықтарға төтеп бере алмады емес пе? Таусылмайтын локдаундар көптеген шағын және орта бизнесті банкротқа ұшыратып, туристік саланы құрдымға құлатқан жоқ па?", - деп атап өтті басылым.

Вакцинаға қатысты оқиғалардың соңы дауға ұласып жатты. Шектеуден мезі болған жұрт көшеге шығып, наразылық білдіруде. Ал үкімет өз халқын одан бетер ашуландырып, айыппұлды арттырып, ковид төлқұжаты секілді жаңашылдықтар енгізуде және орыс вакцинасынан бас тартуды жалғастырып келеді. Ал төмендетіп "дамушы" деп атаған мемлекеттер коронавирусқа қарсы тиімді күрес жүргізіп, вакцинаны іске қосып жатыр және еуропалық серіктестерінің құлдырағанын пайдаланып, өз экономикасын күшейтуде.

"Өткен жыл Еуропа көшбасшылары үшін сәтсіздік пен масқараға толы болды. Алайда олар кешірім сұрап, зейнетке кетудің орнына әлем үкіметіне басшылық етуден үміттеніп отыр", - деп жазды РИА Новости.

Әлем үкіметін басқаруға үміткерлер өздеріне бағынышты мемлекеттер Екінші дүниежүзілік соғыстан кейін болып көрмеген күйреуге ұшырағанын айтып отыр. Алайда бұл күйреуді өздері ұйымдастырғанын мойындамай отыр. Әйтпесе бір ғана коронавирустың шамасы жетпес еді. Салдарынан халық жұмыссыз қалып, үкіметтен қандай да бір әлеуметтік көмек болады деп күтті.

Жалпы бұл басшылар өткен жылы барлық халыққа қарсы соғысқа тең әскери қарсылық әрекеттерге бастамашы болды. Миллиондаған адам кедейлікке тап болды. Ал еуропалық көшбасшылар "жаңа Ялтаға" үміттеніп отыр. Яғни жасанды соғыс жүргізіп алып, енді әлемді жік-жікке бөліп алуға ниетті. Ал БҰҰ-ның қандай да бір өзекті проблеманы шешуге қауқарсыз екеніне көз жетті.

Құрылуы ықтимал әлем үкіметінің басты ерекшелігі – ешкім ешкімді тағайындамайды. Ағылшын және америкалық медиа мұның қалай орындалатынын хабарлаған болатын. The Week әлем басшылығына бір ғана адамды қойып, оны "император" деп атау туралы ұсынысты жариялады. Қайткенде де бұл мәселеде орыстардың пікірімен санасайын деп жатқан ешкім жоқ. Жай ғана беделді азаматтар бас қосып, тиісті тұлғаларды тағайындайды. Бұл ауылда демократия мен сайлаудың қарасы да көрінбейді.

Сегіз миллиардқа жуық адамды әлем үкіметіне көшіру қалай болатыны түсініксіз. Жалпы осынша адамды қалай бір ғана үкімет басқара алады? Оған кім көмектеседі? НАТО ма? Германия мен Францияның бірлескен әскері ме? Ең қызығы ол үкіметтің қатарында АҚШ та, Қытай да, Ресей де, Үндістан да, Бразилия да, Мексика да, Канада да, Жапония да, жалпы БҰҰ-ға мүше жүз жетпіске жуық ел жоқ. Алайда құжатқа ДДҰ бас директоры, доктор Тедрос Аданом Гебреисус қол қойған. ДДҰ негізін қалаушы Брок Чисхольм әлем үкіметі идеясының фанатигі болған. Жүз жыл өтпей-ақ оның идеясы іске асырылмақшы. Сондықтан Гебреисус басқарып отырған ұйым бұл миссияға о баста негізделген.

Әлем үкіметінің болашақ мүшелерінің арасында Фиджи, Албания, Тринидад, тіпті тізім соңында Украина да бар. Жалпы әлем үкіметі идеясы осы Украина үшін жүзеге асырылатын секілді.

74
Әскери оқу-жаттығу

Жағдай шиеленісіп барады: Ресей мен Украина қатынасы қалай өрбиді

59
Британдық және америкалық радиоэлектронды барлау ұшақтары мен кемеге қарсы ұшақтар Қара теңіздің бейтарап аумағында тынымсыз ұшып жүр

НҰР-СҰЛТАН, 16 сәуір – Sputnik. Соңғы күні Солтүстікатлантикалық альянс шығыс Еуропада күрт белсенділік танытып жатыр. Бұл Киевтің Донбаспен шекараға қосымша бөлімшелер мен техника жеткізуіне қатысты жауапты әрекет екені ешкімге жасырын емес, деп жазады РИА Новости.

Донбастағы жағдайдың кезекті рет өршуіне байланысты НАТО елдерінің авиациясы бұл аймақта жиі төбе көрсетіп жүр. Түйісу орнында RQ-4 Global Hawk барлаушы дрондары тұрақты күзетте тұр. Олар ДХР мен ЛХР әскерінің қорғанысқа даярлығын назардан тыс қалдырмауда. Ұшқышсыз ұшу аппараттары түсірген суреттер сол мезетте киевтік әскери қолбасшылардың үстеліне жететініне еш күмән жоқ.

Украина қарулы күштері де әуе барлауын күшейтті. Сарбаздар Түркиядан сатып алған Bayraktar TB2 соққы жасаушы дрондарын байқаған. УҚК-де мұндай алты дрон бар. Қосымша ұшқышсыз ұшу аппараттарын жеткізу туралы келісімшарт жақында Украина президенті Владимир Зеленскийдің Түркияға сапары кезінде жасалғаны мәлім болды.

Сонымен қатар, батыс авиациясы Қырым жағалауына күн сайын мониторинг жүргізіп отыр. Британдық және америкалық Boeing RC135W және Lockheed P-3COrion радиоэлектронды барлау ұшағы мен P-8APoseidon кемеге қарсы ұшағы Қара теңіздің бейтарап аумағында тынымсыз ұшып жүр. Олардың басты міндеті – Қара теңіз флоты кемелерінің әрекетін қадағалау және түбекте орналасқан әскери топтың әуе шабуылынан қорғаныс жүйелерінің позицияларын анықтау.

НАТО өңірдегі әскери-теңіз қатысуын да күшейтіп жатыр. Сәуірдің соңына дейін АҚШ ӘТК-нің екі зымыран эсминеці Қара теңізге шығуы керек. Пентагонның ресми мәлімдемесі бойынша, кемелерді бағыттау қалыпты сипатқи ие. Алайда Кремль жағдайды назарда ұстап отыр. Себебі бұл эсминецтер елуден астам "Томагавк" қанатты зымыранын тасымалдайды.

"Америка Құрама Штаттарының әскери белсенділігіне, соның ішінде Қара теңізге кеме кіргізуіне келсек, бұл тұрақты болып жатыр. Қазір бұл әсіресе агрессивті қарқында орындалуда", – дейді Ресей СІМ басшысы Сергей Лавров.

Тағы бір қызық жағдай: АҚШ ӘӘК әскери-көлік авиациясының ұшақтары Киевке қандай жүк жеткізіп жатыр?

Мамандар FlightRadar интернет сервисінің көрсеткішіне назар аударып, АҚШ, Германия мен Балтық маңы елдерінен ұшып шыққан америкалық С-17 мен С-30 Борисполь әуежайына тоқтап, жүк түсіріп, кері қайтып жатқанын анықтады.

Әскери сарапшы Алексей Леонковтың пікірінше, Вашингтон Украинаға радиоэлектронды күрес кешендерін жеткізіп жатыр. Бұл жақын уақытта УҚК шабуыл жасайды дегенді білдіреді. Ресей де қол қусырып отырмайтыны анық.

"Егер жағдай ушығатын болса, онда біз өзіміздің және қай жерде жүрсе де, өз азаматтарымыздың қауіпсіздігін қамтамасыз ету үшін барлығын жасаймыз. Мұндай өршуге Киев пен оның Батыстағы кураторлары толық жауапты болады. Сондай-ақ біз Қырымнан, Қара теңіздегі жағалаудан аулақ болу туралы АҚШ-қа ескертеміз", – деді СІМ басшысының орынбасары Сергей Рябков.

Батыс елдерінің ресейлік шекара маңында белсенділігінің артуына тағы бір себеп – НАТО әскерлерінің мамырдың ортасында өтетін ең ауқымды Defender Europe 2021 оқу-жаттығуына дайындығы.

Өткен жылмен салыстырғанда 2021 жылғы әскери шара кезінде Шығыс емес, Оңтүстік Еуропаға көп көңіл бөлінеді. Маневрлер Черногория, Косово және Албанияда жоспарланған. Болгария мен Румынияда әуедегі шабуылдан қорғаныс жүйелері мен "жер – жер" тобындағы зымырандардың жаттығуы өтеді. Ал Венгрия тыл қызметін атқарады. Маневрлерге украин әскери қызметшілері де қатысады.

Еуропадағы АҚШ Құрлық әскерінің ресми сайтында жарияланған баспасөз релизіне сәйкес, оқу-жаттығулар "АҚШ, НАТО бойынша одақтастар мен серіктестері арасындағы стратегиялық және жедел дайындық пен өзара әрекеттесуді күшейтуге бағытталған". Бұл маневрлер үшінші мемлекеттер үшін ешқандай қауіп төндірмейтіні жазылған. Алайда Defender Europe 2021 антиресейлік бағытта өрбитіні айдан анық.

Сондықтан Ресей мен Белоруссия қыркүйекте "Батыс-2021" маневрлерін өткізеді. Белоруссияның қорғаныс министрі Виктор Хренин атап өткендей, "бірлескен оқу-жаттығулар жоғары урбанизацияланған елді мекендерде шабуылдау бөлімшелерінің бірлескен іс-қимылдарының жаңа әдістерін сынауға мүмкіндік береді" деп санайды.

59
Кілт сөздер:
Украина, Ресей
Грузин полицейі

Тбилисиде қаруланған ер адам банк филиалына басып кіріп, адамдарды кепілге алды

632
(Жаңартылды 16:35 16.04.2021)
Қаруланған ер адамның талаптары туралы әзірше ақпарат жоқ

НҰР-СҰЛТАН, 16 сәуір — Sputnik. Қаруланған ер адам Тбилисидегі банктердің бірінің филиалына басып кіріп, адамдарды кепілге алды, деп хабарлайды РИА Новости "Рустави 2" телекомпаниясына сілтеме жасап.

"Бірнеше минут бұрын Тбилисидегі банктердің бірінің филиалына қаруы бар адам басып кіріп, адамдарды кепілге алғаны белгілі болды. Оқиға орнына құқық қорғау органдарының қызметкерлері шұғыл жетті", - деп хабарлады телеарна.

Қылмыстық әрекетке барғандардың қандай талап қойғаны туралы әзірше ақпарат жоқ.

Өткен жылдың қарашасында қаруланған адам Тбилисидегі шағын қаржылық мекеменің ғимаратына басып кіріп он адамды кепілге алған болатын.

632
Кілт сөздер:
Грузия, қылмыс, банк