Үйлену мақсатында ұрланған Айзада Қанатбекованың өлімінен кейінгі митинг

Қырғызстанда бойжеткен өлімінен кейін халық митингке шықты

1041
Наразылық білдірушілер бойжеткенді құтқару үшін полиция еш әрекет жасамады деп санайды. Олар ішкі істер министрі Ұлан Ниязбековтың отставкаға кетуін талап етуде

НҰР-СҰЛТАН, 8 сәуір – Sputnik. Қырғызстанда үйлену мақсатында ұрланған Айзада Қанатбекованың өлімінен кейін митингтер басталды. Қырғыздар Айзаданы алып қашқан сәттің видеосы бола тұра қыздың өмірінің алдын алуға әрекет жасалмағанына наразы, деп хабарлайды Sputnik Қырғызстан.

Бойжеткенді алып қашу сәті видеоға түсіп қалды

Күні кеше Бішкекте ұрланған бойжеткенге қатысты қаралы хабар Қырғызстанды есеңгіретті. Алтыншы сәуірде үш ер адам қызды көлікке күштеп отырғызып, белгісіз бағытқа қарай алып кеткен. Кейіннен қала сыртында қойшы жоғалған қыз бен 36 жастағы ер адамның денесін көліктен тапты. Тергеудің алдын ала нұсқасы бойынша, ер адам қызды буындырып өлтіріп, содан кейін өзін өлтірген.

"Олар Айзаданы ұрлау сәтінің видеосы болғанына қарамастан милицияның қайғылы жағдайдың алдын ала алмағанына наразы. Адам ұрлау фактісінен кейін бойжеткеннің туыстары іздеуді жеделдетуді сұраған. Олар құқық қорғау өкілдері "Қауіпсіз қала" немесе ұялы байланыс операторы арқылы Айзаданың қайда екенін анықтамағанын түсіне алмай дал", - деп жазды басылым.

Үкімет жауап қатты

Бішкек пен Ош қалаларында митингке шыққандар ішкі істер министрі Ұлан Ниязбеков пен астаналық ішкі істер басқармасының басшысының отставкаға кетуін талап етті.

Қырғызстан ішкі істер министрлігінің басшысы Үкімет үйінің жанына жиналған наразы топтың алдына шыққан жоқ. Оның орнына премьер-министр Ұлықбек Марипов шықты. Митингке қатысқандар үкімет басшысын "Ұят!" сөзімен қарсы алды.

Бұл оқиғаға қатысты Қырғызстан президенті Садыр Жапаров үнсіз қалмады. Ол тергеу жұмыстарын жеке бақылауына алатынын мәлімдеді.

"Ұрлап әкетіп, оны еркінен тыс некеге тұруға мәжбүрлеу қатаң түрде заңмен жазалануы керек. Адамды ұрлап, оны күштеп ұстауға атсалысқандарды кешіруге болмайды. Біздің қоғамдағы заң мен тәртіп басты орында болуы керек. Бұл жайлы ешкім ұмытпауы тиісті", - деп жазды Жапаров өзінің Facebook парақшасында.

Ол асқан қатыгездікпен өлтірілген Айзада Қанатбековаға қатысты жағдай қалыңдық ұрлау қылмысындағы соңғы оқиға болуы тиіс екенін атап көрсетті.

"Заманауи қоғамда мұндайға жол жоқ. Осындай қылмыстық әрекеттер үшін барлығы жазаға тартылуы керек. Айзада Қанатбековаға байланысты оқиғаны жеке бақылауыма аламын. Істі соңына дейін жеткізу керек", - деді президент.

Жапаров қырғызстандықтарды қалыңдық ұрлау оқиғасының куәсі болған жағдайда үнсіз қалмауға шақырды.

1041
Кілт сөздер:
өлім, қыз алып қашу, Қырғызстан
Тақырып бойынша
ШҚО-да бұрынғы сүйіктісін зорлаған полицей сотталды  
Екі қызды 4 жыл бойы қамауда ұстаған маньяк бостандыққа шыққалы жатыр
Қойшы тауып алған: бір топ еркек алып қашқан бойжеткен өлі табылды - видео
Тоқал болудан бас тартқан: соққыға жығылған ақтөбелік бойжеткен мән-жайды айтты
Әскери оқу-жаттығу

Жағдай шиеленісіп барады: Ресей мен Украина қатынасы қалай өрбиді

62
Британдық және америкалық радиоэлектронды барлау ұшақтары мен кемеге қарсы ұшақтар Қара теңіздің бейтарап аумағында тынымсыз ұшып жүр

НҰР-СҰЛТАН, 16 сәуір – Sputnik. Соңғы күні Солтүстікатлантикалық альянс шығыс Еуропада күрт белсенділік танытып жатыр. Бұл Киевтің Донбаспен шекараға қосымша бөлімшелер мен техника жеткізуіне қатысты жауапты әрекет екені ешкімге жасырын емес, деп жазады РИА Новости.

Донбастағы жағдайдың кезекті рет өршуіне байланысты НАТО елдерінің авиациясы бұл аймақта жиі төбе көрсетіп жүр. Түйісу орнында RQ-4 Global Hawk барлаушы дрондары тұрақты күзетте тұр. Олар ДХР мен ЛХР әскерінің қорғанысқа даярлығын назардан тыс қалдырмауда. Ұшқышсыз ұшу аппараттары түсірген суреттер сол мезетте киевтік әскери қолбасшылардың үстеліне жететініне еш күмән жоқ.

Украина қарулы күштері де әуе барлауын күшейтті. Сарбаздар Түркиядан сатып алған Bayraktar TB2 соққы жасаушы дрондарын байқаған. УҚК-де мұндай алты дрон бар. Қосымша ұшқышсыз ұшу аппараттарын жеткізу туралы келісімшарт жақында Украина президенті Владимир Зеленскийдің Түркияға сапары кезінде жасалғаны мәлім болды.

Сонымен қатар, батыс авиациясы Қырым жағалауына күн сайын мониторинг жүргізіп отыр. Британдық және америкалық Boeing RC135W және Lockheed P-3COrion радиоэлектронды барлау ұшағы мен P-8APoseidon кемеге қарсы ұшағы Қара теңіздің бейтарап аумағында тынымсыз ұшып жүр. Олардың басты міндеті – Қара теңіз флоты кемелерінің әрекетін қадағалау және түбекте орналасқан әскери топтың әуе шабуылынан қорғаныс жүйелерінің позицияларын анықтау.

НАТО өңірдегі әскери-теңіз қатысуын да күшейтіп жатыр. Сәуірдің соңына дейін АҚШ ӘТК-нің екі зымыран эсминеці Қара теңізге шығуы керек. Пентагонның ресми мәлімдемесі бойынша, кемелерді бағыттау қалыпты сипатқи ие. Алайда Кремль жағдайды назарда ұстап отыр. Себебі бұл эсминецтер елуден астам "Томагавк" қанатты зымыранын тасымалдайды.

"Америка Құрама Штаттарының әскери белсенділігіне, соның ішінде Қара теңізге кеме кіргізуіне келсек, бұл тұрақты болып жатыр. Қазір бұл әсіресе агрессивті қарқында орындалуда", – дейді Ресей СІМ басшысы Сергей Лавров.

Тағы бір қызық жағдай: АҚШ ӘӘК әскери-көлік авиациясының ұшақтары Киевке қандай жүк жеткізіп жатыр?

Мамандар FlightRadar интернет сервисінің көрсеткішіне назар аударып, АҚШ, Германия мен Балтық маңы елдерінен ұшып шыққан америкалық С-17 мен С-30 Борисполь әуежайына тоқтап, жүк түсіріп, кері қайтып жатқанын анықтады.

Әскери сарапшы Алексей Леонковтың пікірінше, Вашингтон Украинаға радиоэлектронды күрес кешендерін жеткізіп жатыр. Бұл жақын уақытта УҚК шабуыл жасайды дегенді білдіреді. Ресей де қол қусырып отырмайтыны анық.

"Егер жағдай ушығатын болса, онда біз өзіміздің және қай жерде жүрсе де, өз азаматтарымыздың қауіпсіздігін қамтамасыз ету үшін барлығын жасаймыз. Мұндай өршуге Киев пен оның Батыстағы кураторлары толық жауапты болады. Сондай-ақ біз Қырымнан, Қара теңіздегі жағалаудан аулақ болу туралы АҚШ-қа ескертеміз", – деді СІМ басшысының орынбасары Сергей Рябков.

Батыс елдерінің ресейлік шекара маңында белсенділігінің артуына тағы бір себеп – НАТО әскерлерінің мамырдың ортасында өтетін ең ауқымды Defender Europe 2021 оқу-жаттығуына дайындығы.

Өткен жылмен салыстырғанда 2021 жылғы әскери шара кезінде Шығыс емес, Оңтүстік Еуропаға көп көңіл бөлінеді. Маневрлер Черногория, Косово және Албанияда жоспарланған. Болгария мен Румынияда әуедегі шабуылдан қорғаныс жүйелері мен "жер – жер" тобындағы зымырандардың жаттығуы өтеді. Ал Венгрия тыл қызметін атқарады. Маневрлерге украин әскери қызметшілері де қатысады.

Еуропадағы АҚШ Құрлық әскерінің ресми сайтында жарияланған баспасөз релизіне сәйкес, оқу-жаттығулар "АҚШ, НАТО бойынша одақтастар мен серіктестері арасындағы стратегиялық және жедел дайындық пен өзара әрекеттесуді күшейтуге бағытталған". Бұл маневрлер үшінші мемлекеттер үшін ешқандай қауіп төндірмейтіні жазылған. Алайда Defender Europe 2021 антиресейлік бағытта өрбитіні айдан анық.

Сондықтан Ресей мен Белоруссия қыркүйекте "Батыс-2021" маневрлерін өткізеді. Белоруссияның қорғаныс министрі Виктор Хренин атап өткендей, "бірлескен оқу-жаттығулар жоғары урбанизацияланған елді мекендерде шабуылдау бөлімшелерінің бірлескен іс-қимылдарының жаңа әдістерін сынауға мүмкіндік береді" деп санайды.

62
Кілт сөздер:
Украина, Ресей
Грузин полицейі

Тбилисиде қаруланған ер адам банк филиалына басып кіріп, адамдарды кепілге алды

635
(Жаңартылды 16:35 16.04.2021)
Қаруланған ер адамның талаптары туралы әзірше ақпарат жоқ

НҰР-СҰЛТАН, 16 сәуір — Sputnik. Қаруланған ер адам Тбилисидегі банктердің бірінің филиалына басып кіріп, адамдарды кепілге алды, деп хабарлайды РИА Новости "Рустави 2" телекомпаниясына сілтеме жасап.

"Бірнеше минут бұрын Тбилисидегі банктердің бірінің филиалына қаруы бар адам басып кіріп, адамдарды кепілге алғаны белгілі болды. Оқиға орнына құқық қорғау органдарының қызметкерлері шұғыл жетті", - деп хабарлады телеарна.

Қылмыстық әрекетке барғандардың қандай талап қойғаны туралы әзірше ақпарат жоқ.

Өткен жылдың қарашасында қаруланған адам Тбилисидегі шағын қаржылық мекеменің ғимаратына басып кіріп он адамды кепілге алған болатын.

635
Кілт сөздер:
Грузия, қылмыс, банк