АҚШ полицейі

АҚШ-та полиция қызметкері қара нәсілді бойжеткенді атып өлтірді видео

1116
(Жаңартылды 17:32 21.04.2021)
Наразылық білдірушілер қалалық полиция ғимаратының жанына жиналды

НҰР-СҰЛТАН, 21 сәуір — Sputnik. Огайо штатындағы Колумбус қаласында 16 жастағы қара нәсілді бойжеткен полиция қызметкері атқан оқтан көз жұмды, деп хабарлайды РИА Новости жергілікті 10TV телеарнасына сілтеме жасап.

Тәртіп бұзуға байланысты сейсенбі күні жергілікті уақыт бойынша саған 16:30 шамасында оқиға орнына полиция шақырылған.

Қайтыс болған Макайи Брайанттың отбасы жасаған мәлімдеме бойынша, бойжеткен үйінің жанында қыздар жанжалдасып жатқандықтан полиция шақырған.

Брайант ауыр жағдайда жеткізілген ауруханада көз жұмғаны белгілі болды. Алайда оған қандай жағдайда оқ атылғаны туралы мәлімет жоқ.

Колумбус мэрі Эндрю Джинтер сейсенбіде қалада "қайғылы жағдайда жас қыз көз жұмғанын" Twitter-де жазды. Бірақ басқа ешқандай ақпарат бермеді. Оның айтуынша, бұл оқиға тәртіп сақшысының камерасына жазылған.

"Мен қала тұрғындарын сабыр сақтауға және тергеу бюросының мән-жайды анықтауына мүмкіндік беруге шақырамын", - деп жазды мэр Twitter-де.

10TV телеарнасы ақпаратына сәйкес, полиция басқармасына наразылық білдірген адамдар жиналып, қайтыс болған қыздың есімін айқайлап айтып жатыр.

Оқи отырыңыз: АҚШ-тағы наразылық: Калифорнияда полицей халық алдында тізе бүкті - видео

Бұл оқиға Миннеаполисте қара нәсілді Джордж Флойдты өлтірген экс-полицейге сот үкімі жарияланып жатқан уақытпен тұспа-тұс келді.

Естеріңізге салсақ, афроамерикалық Джордж Флойд полиция қызметкерлері ұстау кезінде көз жұмды. Оның қазасы Миннесота қалалары ғана емес, басқа да штаттардағы жаппай толқуға алып келді. Интернетте тәртіп қызметкерлері Флойдтың қолына кісен салып, оны жерге құлатқаны және полиция қызметкерінің бірі оның мойнын тізесімен басып тұрғаны түскен видео тарады. Флойд видеода демала алмай жатқанын бірнеше рет айтқан. Кейіннен ол жансақтау бөлімінде көз жұмды.

1116
Кілт сөздер:
АҚШ, адам өлімі
Тақырып бойынша
АҚШ-та Қазақстаннан көшіп барған жасөспірімді тапа-тал түсте өлтіріп кетті
Француз әйелін зорлап, үш полицейді өлтіріп, өзін-өзі атып тастады
Польшада 16 жастағы қазақстандықты атып өлтірді
АҚШ-тағы атыс: бес адам қаза болды
Газ терминалы

АҚШ сұйылтылған табиғи газ экспортын арттырды

13
Америкалық сұйылтылған табиғи газ экспорты (СТГ) рекордтық көрсеткішке жетті. Бірақ Вашингтон бұл дүрбелең жақында басылады деп қауіптеніп отыр

Өйткені, "Солтүстік ағын – 2" жобасы іске қосылғаннан кейін Еуропаға ресейлік арзан отын жеткізіле бастайды, деп жазды РИА Новости.

Наурызда америкалықтар шетелге күніне 10,5 миллиард текше фут сұйылтылған газ жөнелтіп отырды, деп хабарлады АҚШ энергетика министрлігінің энергетикалық ақпарат басқармасы (ЕІА). Сәуірде бұл көрсеткіш 9,2 болатын. Оның өзі көктем басындағы мінсіз максимум болды.

Баяндамада көрсетілгендей, өткен жылы және осы жылдың қаңтарында АҚШ-тан жеткізілетін СТГ экспортының басым бөлігі Азияға тиесілі болды. Бірақ ақпан мен наурызда ол газдың жартысын Еуропа сатып алып тұрды. Себебі ол жақтағы спотта баға азиялықпен теңесті.

"Мамырда тәулігіне 8,6 миллиард футқа дейін қысқарады деп күтіп отырмыз. Жаз айларында Еуропа мен Азиядағы сұранысты қанағаттандыру аясында бұл көрсеткіш 9 миллиардтан жоғарылайды деген болжам бар", – дейді ведомствода.

Халықаралық энергетика агенттігі 2024 жылға қарай америкалықтар осы сегментте көшбасшы боулы мүмкін екенін жоққа шығармады. ХЭА есебі бойынша АҚШ, Австралия және Ресейдегі табиғи газды сұйылту бойынша бірлескен қуат ол уақытқа дейін СТГ әлем экспортының 90%-ін құрайды.

Алайда Катар сынды ірі экспорттаушы Азия нарығына АҚШ-қа жол бере қоюы екіталай. 2020 жылы таяушығыстық бұл мемлекет 77,6 миллион тонна СТГ экспорттады. Бұл жалпы жеткізулердің 26,5 процентін құрайды. 2024 жылға қарай Парсы шығанағы жағалауындағы кішкентай монархияның газ өндіру көлемі екі есе артады. Ақпанда Дохада Солтүстік кен орнының шығыс бөлігін пайдалану бойынша инвестициялық соңғы шешім қабылданды.

Катардан кейінгі орында 26 проценттік көрсеткішпен Австралия тұр. Үшінші орынға АҚШ (14,7) және төртінші орынға Ресей (10) жайғасты.

Солтүстік мұзды мұхиттағы мұнай және газ ресурстарын жоспарлы түрде игеру он бес жылдан бері ресейлік биліктің әлеуетінде тұр. Наурызда Ресейдің министрлер кабинеті сұйылтылған табиғи газ өндірісін дамытудың ұзақ мерзімді бағдарламасын бекітті. Ол пайдлы қазба көздерін әртараптандыруға, ең алдымен Арктика қайраңы мен Қиыр Шығысты пайдалануға бағытталған.

OilPrice америкалық басылымы жазғандай, егер АҚШ тақтатас өндірісі есебінен ірі экспорттаушының біріне айналса, Ресейге Арктика көмектеседі. Аймақтағы пайдалы қазба қоры үлкен: табиғи газ – 35,7 миллиард текше метр, мұнай мен конденсат – 2,3 миллиард тонна.

Ресей энергетика министрі Александр Новактың айтуынша, 2025 жылға қарай Ресей жылына 68 миллион тонна сұйылтылған табиғи газ өндіріп, әлем нарығындағы үлесін 25 процентке арттыра алады.

OilPrice аналитиктері еуропалықтар үшін ресейлік құбыр желілік газ ғана емес, сондай-ақ сұйылтылған табиғи газ да тартымды екенін атап өтті.

"Ұзақ мерзімді келешекте Ресейдегі СТГ Еуроодақ тұтынушылары үшін оң шешім болады. Себебі АҚШ-қа қарағанда жеткізу жылдамырақ және арзан. Энергетикалық тәуелсіздікті қалайтын Литваның да Ресейден СТГ сатып алуы бекер емес", – деп санайды өнеркәсіптік тәуелсіз сарапшы Леонид Хазанов.

Оның айтуынша, америкалық жеткізушілер үшін Қытай мен Жапония басымдылыққа ие. Себебі бұл мемлекеттерде баға жоғары. Сондықтан ресейлік СТГ мұхиттың арғы жағынан жеткізілетін газды Еуропа нарығынан ысыруы мүмкін.

Қалай болғанда да сын-қатер де жоқ емес. 2025 жылға дейін сұйылтылған табиғи газдың әлем нарығында шамадан тыс көп болуы есебінен бағаның аса жоғары болуын күтудің қажеті жоқ.

13
Кілт сөздер:
мұнай, газ
Нидерландыда Евровидение байқауы басталды

Нидерландыда "Евровидение" байқауы басталды

15
Коронавирус салдарынан конкурсқа Польша, Исландия және Австралияның әншілері қатыса алмады

НҰР-СҰЛТАН, 17 мамыр — Sputnik. Нидерландының Роттердам қаласында "Евровидение" халықаралық вокал байқауы басталды, деп хабарлайды РИА Новости.

66-шы рет өткізіліп отырған бұл байқау өткен жылы коронавирус пандемиясына байланысты бір жылға кейінге қалдырылған болатын.

Жексенбі, 16 мамырда қаланың круиздік портында байқауға қатысушы елдерді "көкшіл кілемшеде" қарсы алу салтанаты өтті.

"Евровидение" 18-22 мамыр аралығында Rotterdam Ahoy конференция орталығында өтеді.

Ресей атынан бұл ән байқауына Манижа атты әнші қатысып отыр. Ол "көкшіл кілемшеге" қызыл жібек комбинезон, зерлі мантия мен орыс қыз-келіншектерінің ұлттық бас киімін киіп шықты.

Польша мен Исландия өкілдері команда мүшелерінің коронавирус жұқтыруы салдарынан салтанатты шараға қатыса алмады. Сонымен қатар инфекция жұқтырғандармен бірге бір қонақ үйде тұрақтауына байланысты Румыния мен Мальта делегациясы да "көкшіл кілемшеге" қатыспады. Австралиялық команда да конкурсқа қатыса алмайтын болды.

15