Дмитрий Медведев

Медведев: Келісімге келуге дайын болу қажет

137
"Ресей бәрі үшін жауап береді" деген мәлімдеме америкалықтардың стилінде болғанымен, ол тығырыққа тірейтіні анық

НҰР-СҰЛТАН, 23 сәуір – Sputnik. Ресей Федерациясы Қауіпсіздік кеңесі төрағасының орынбасары Дмитрий Медеведевтің "РИА Новости" порталындағы авторлық бағанында соңғы жылдары Ресей мен АҚШ қарым-қатынасы бәсекелестіктен текетіреске ауысып, қырғи-қабақ соғыс кезіндегі жағдайға қайта оралуы туралы жазылған.

Санкциялық қысым, қауіп, даулы текетіресс, өзінің эгоистік мүдделерін қорғау – осының барлығы әлемді жүйелі тұрақсыздыққа алып келуде.

Екі ел қарым-қатынасы ұзақ уақыт осындай күйде болса, мұны дағдарыс деп атайды. Мұндай дағдарыстар қарым-қатынастың одан әрі өршіп, шиеленісе түсуіне себепші болады. Осындай жағдайда кез келген теріс қадам, шыдамсыздық, әрбір сөздің мәнін стратегиялық ұғынудың жоқтығы екі мемлекеттің ғана емес, бүкіл әлемнің алдында топтасқан проблемалар пайда болуына себепші болып, тікелей әскери қақтығыс қаупін тудырады.

Мұндай жағдай Ресей мен АҚШ-тың ортақ тарихында бұрын да болған. Әрине, ол кезде заман тым басқа еді, ал Кариб бассейні оқиға орны болды. Бірақ жалпы ұқсастық жетерлік.

Сол кездегі АҚШ-тың сыртқы саясаты Ресейді сәйкес әрекеттерге баруға мәжбүрледі. 1950 жылдардың соңы мен 1960 жылдардың басында бұл америкалық зымырандарды Түркия, Оңтүстік Вьетнам, Ливанда орналастырумен көрініс тапты. Сонымен қатар революция ұйымдастырып, артынша Бостандық аралын өз бақылауына алғысы келген Куба саясатын да атауға болады. Және тағы басқалары да бар.

Бүгінде бұл – антиресейлік санкциялар, орыстарды қаралауға бағытталған ұйымдасқан науқандар, Ресейдің көршілеріне қатысты америкалық саясат, НАТО-ның Ресей шекарасына жақындауы, "Солтүстік ағын-2" жобасына қарсылық, Солтүстік теңіз жолын іске асырылуына қатысты мазасыздық, украиналық мәселе және тағы басқалар. Мұндай саясат күнде көрініс тауып жатыр.

Ресей бүгінде бұрынғы КСРО секілді қарсыласқа төндірген қауіп деңгейі бойынша АҚШ-тан озық болды.

60-жылдары америкалықтарға жауап ретінде КСРО Кубада стратегиялық шабуылдау қаруларын орналастырды. Ал АҚШ одан арғы конфронтацияға көшті: әскери кемелер тартып, аралды теңіз блокадасына алды және толыққанды басып кіруге дайындалды. Бұл дағдарыс Кариб дағдарысы деген атауға ие болды. Оның аясында екі маңызды мәселе бар.

Біріншісі. Ұзақ мерзімді жауап – бұл АҚШ жағалауларында зымырандардың пайда болуы ғана емес. Ең алдымен бұл Ресейдің әлемнің кез келген нүктесінде қысқа мерзім ішінде әскери база жасақтай алуының инфрақұрылымдық мүмкіндігін батыс елдерінің ұғынуы.

Екіншісі. Соғысқа бір қадам ғана қалған жағдайға әділ баға бере алатын және мәмілеге келу маңыздылығын түсінген, кері шегінуге дайын екі держава көшбасшыларының арқасында оңынан шешілді.

КСРО мен АҚШ арасында тең дәрежелі әрі қоқан-лоқы мен қысымға негізделмеген диалог болды.

Кариб дағдарысы шешілгеннен кейін ХХ ғасырда екі ел соғыс алдында тұрған мұндай жағдай болған жоқ. Себебі екеуі де сабақ алды: халықаралық проблемаларды шешуде ынтымақтастық текетірестен тиімдірек.

Бірақ бүгінде жағдай мүлде басқа: АҚШ тұрақсыз сыртқы саясатқа көшті. Онысы Иранмен ядролық келісім жасаудан бас тартуы мен Ашық аспан жөніндегі шарттан шығуынан қатты байқалды. Ал қазір жаңа президенттің мазмұнсыз сөздерінен көрініс табуда.

Жаңа стратегиялық ақиқат – Вашингтонның сыртқы саяси бағдарының тұрақсыздығы – көп жағдайда ішкі себептерге тәуелді болса, кей жағдайда АҚШ-тың батыс әлемнің көшбасшысы ретінде беделінің түсуіне байланысты болып отыр.

Қазір Америка әкімшілігі жаңа тактикаға көшкен: бір қолымен диалог орнату қажеттілігі туралы белгі берсе, екіншісімен қысымды арттырып отыр. Ол кез келген тақырыпта мәлімдеме жасай алады және "біз барлық кезде дұрыс айтамыз және бізді тыңдау керек"деп ойлайды.

Диалогқа шақыру туралы ұсынысты біз екі президенттің телефон арқылы сөйлесуі кезінде естідік. Дәл осы кезде қатаң шаралар қабылданып, антиресейлік жаңа санкциялар енгізілді, дипломаттар ел аумағынан шығарылды, ресейлік қауіп туралы жарлыққа қол қойылды. Оған қоса Украина шығысындағы белең алып жатқан қақтығыс тағы бар.

АҚШ КСРО-ны есептесуге лайықты тең бәсекелес деп қарастырғаны анық. Бұл тараптардың әскери-саяси тепе-теңдігіне де тәуелді. Оны сақтау үшін халықаралық ұйымдар жүйесі құрылды. Оған НАТО елдері мен Варшава шарты елдерінің екі әскери блоктарының болуы да себепші.

Бірақ КСРО ыдырағаннан кейін тепе-теңдік біраз уақытқа жоғалып кетті. Он бес жылға жуық ешбір басқа мемлекет тең дәрежеде байланыс орнатып, қуаты бойынша бәсекелесе алмайтын заманда өмір сүрген АҚШ тепе-тең диалогтың не екенін ұмытып қалған секілді.

Әлем билеушісі және ұжымдық Батыс қорғаушысы рөлін қалпына келтіруге тырысып жатқан АҚШ-тың жаңа әкімшілігі әлемде тағы басқа мемлекеттің өздеріне тең келетіндей нфрақұрылымдық мүмкіндіктері мен әскери-саяси әлеуеті бар екенін мойындауға шамасы жетпейтін көрінеді. Мысалы, Қытай немесе Ресей.

Күн тәртібінде америкалық әкімшілік Кариб дағдарысына қатысқан қос мемлекет көшбасшыларына тән мәмілеге келудің маңыздылығын түсінетіндей көрегендікке қол жеткізе ала ма? Жағдай қатты шиеленіскен уақытта оны тұрақтандыруға не көмектесе алады?

Мұндай үш себеп бар.

Біріншіден, "қауіпті шешімнің" бағасын ұғыну. Егер жеңіске қол жеткізудің бағасы жеңімпаздың одан кейінгі тіршілігіне күмән келтіретіндей тым жоғары болса, онда бұл жеңіс емес.

Екіншіден, тікелей байланыс. Бұл қоңырау арқылы байланыстыратын телефон емес. Бұл – ашық сөйлесу және сұхбаттасушыны есту мүмкіндігі.

Үшіншіден, ең маңыздысы, мәмілеге келу қажеттілігі мен мүмкіндігін түсініп қана қоймай, мұндай келісімге баруға дайын болу. Дөрекілік тілінен бас тартуға дайын болу.

Дәл осы себепті "Ресей бәрі үшін жауап береді" деген мәлімдеме америкалықтардың стилінде болғанымен, ол тығырыққа тірейтіні анық. Ол тығырықтан шығатын жол жоқ. Ол ешкімге жақсылық алып келмейді.

137
Кілт сөздер:
АҚШ, Ресей, Дмитрий Медведев
Строительство газопровода

"Солтүстік ағын 2" жобасының құрылысы қазанға дейін аяқтала ма?

67
Құбыр құрылысы 2019 жылдың желтоқсанында тоқтады. Швейцариялық Allseas құбыр төсеуші компаниясы Америка санкцияларының кесірінен жобадан кетті

НҰР-СҰЛТАН, 13 мамыр — Sputnik. "Солтүстік ағын – 2" төңірегіндегі шу басылар емес. АҚШ-тың мемлекеттік департаменті Еуропаны санкциямен қорқытуын жалғастырып жатыр.

Әлем ресейлік көгілдір отынның қажеттілігін түсінсе де, Германияда алдағы уақытта өтетін сайлау жобаның келешегіне едәуір әсер етуі ықтимал. Сондықтан Ресей газ құбырының құрылысын мейлінше жылдам аяқтауға асығып отыр, деп жазды РИА Новости.

Ресейдің Германиядағы елшісі Сергей Нечаев газ құбырының құрылысы 26 қыркүйекке дейін аяқталатынын мәлімдеді. "Егер ауа райы қолайлы болса, жұмыс жылдам жүреді", - деді ол. Қазір жүз километр құбырды төсеу қажет.

Сайлаудан кейін Бундестагтағы басым күшті жасылдар иеленуі мүмкін. Ал олар бұл жобаны қолдамайды. 3 мамырда немістердің үкіметтік емес табиғатты қорғау ұйымы Гамбургтегі әкімшілік сотқа арызданды. Экологтар "Солтүстік ағын – 2" жобасы Балтық теңізіне зиян келтіреді деп санайды.

Сонымен қатар ресейлік құбырды жақтаушы Ангела Меркель канцлер қызметінен кетеді. Билікке кім келетіні әзірше белгісіз. Жобаға үлкен қаржы салынған.

"Қазір он миллиард еуроны теңіз түбінде қалдыруға дайынбыз ба, мәселе осыда. Шешімді Еуропа қабылдауы керек", - дейді Сергей Нечаев.

Еуроодақта жобаға қатысты пікір қақ жарылды. Құбыр Германия, Финляндия, Швеция және Данияның аймақтық сулары арқылы өтеді. Алғашқы үш мемлекет құрылысқа жылдам келісім берді. Копенгаген ғана қарсылық білдіргенімен, ақырында ол да келісті. Есесіне Чехия, Польша, Венгрия, Словакия, Румыния, Хорватия қарсылық танытуда. Олардың қатарында Украина да бар. Ешкім транзиттеуші мәртебесінен айырылғысы келмейді.

Жалпы Варшава "Газпроммен" келісімшарт мерзімі аяқталған соң, 2022 жылдан бастап ресейлік отыннан бас тартуға дайын екенін білдірді. Поляктар Солтүстік теңізде төселіп жатқан норвегиялық тармақ - Baltic Pipe құбырына үміт артып отыр. Қалғаны – мұхиттың арғы жағындағы сұйылтылған табиғи газ.

"Солтүстік ағын – 2" екі тармағының жалпы қуаты – жылына 55 миллиард текше метр. Ұзындығы – 1234 километр.

Құбыр құрылысы 2019 жылдың желтоқсанында тоқтады. Швейцариялық Allseas құбыр төсеуші компаниясы америкалық санкциялардың кесірінен жобадан кетті. Бір жылдан кейін жұмыстар қайта жанданды. Бірақ Вашингтон жобаны әлі де қолдамай отыр.

АҚШ-тың 2021 жылға арналған қорғаныс бюджеті шектеулерді қайтадан кеңейтті. Мемлекеттік департамент еуропалық компанияларға қысым көрсетуде. Осы жылдың ақпанына қарай "Солтүстік ағын – 2" жобасынан ЕО-дағы 18 қатысушы кетті.

Алайда Еуропадағылар жобаның энергетикалық қауіпсіздік үшін маңыздылығын түсініп отыр. Кремль де серіктестер жоба құрылысын аяқтауға ниетті екенін мәлімдеді.

Германия билігі мұны бірнеше рет растады. Атап айтсақ, 4 мамырда ГФР сыртқы істер министрі Хайко Маас Лондонда өткен "жетілік" СІМ басшыларының отырысында осы тектес мәлімдеме жасады. ГФР көмір және атом энергетикасынан бас тартуда. Қалпына келетін энергия көздеріне жеңіл көшу үшін елге көп газ қажет.

Бірнеше күннен кейін, 11 мамырда "Германияға арналған альтернатива" партиясының тең төрағасы Тино Крупалла "Егеменді ел ретінде біз көптеген елмен іскерлік қарым-қатынасты ұстану керекпіз" дегенді айтты. Ол газ құбырының құрылысын аяқтау ГФР үшін де, Ресей үшін де тиімді екенін атап өтті.

"Бір сәттік саяси текетірес ұзақ мерзімді тиімді экономикалық әріптесікті бұзуы мүмкін емес. Бұл жеке мүдде емес, бұл бизнес", - дейді РХДУ экономика факультетінің доценті Максим Черняев.

Бірақ қыркүйек соңында жоба іске қосылатынына күмәндануға ауқымды себептер бар.

"Мұнда тек заңды және саяси кедергі ғана тұрған жоқ. Жұмыс қарқыны төмен. 19 мамырдан 10 мамырға дейін – 3,1 километр, 1-19 сәуір аралығында – 8,6 километр төселді. Яғни 40 күнде 11,7 километр немесе күніне орта есеппен 0,3 километр салынды. Онда құрылысты аяқтау үшін 11 ай қажет", - деп санайды TeleTrade ақпараттық-аналитикалық орталығының бас экономисі Марк Гойхман.

Алайда жобаны түбегейлі тоқтату мүмкін емес екенін көбі түсінген секілді. Жаңа санкцияларға дес бермес үшін еншілес фирмаларды тартуға болады. Бұл ұзақ уақытты қажет еткенмен, нәтижелі болады.

67
мұнай құбыры

Америкада бензин неге қымбаттап жатыр

39
Байден тақтатасты мұнай өндірісін шектеп, Keystone XL мұнай құбыры жобасын жапты және жасыл энергетикаға инвестициялауға уәде етті

НҰР-СҰЛТАН, 13 мамыр – Sputnik. Америкада Техастан Нью-Йоркке дейін созылып жатқан және күніне 2,5 миллион баррельден астам мұнай өндіретін Colonial Pipeline ірі мұнай құбыры тоқтап тұр, деп жазады РИА Новости.

Федералды тергеу бюросы Associated Press-ке ұсынған ақпаратына сәйкес, зиянды компьютерлік бағдарлама Colonial Pipeline иелерін мұнай айдауды тоқтатуға мәжбүрледі. Қазір хакерлер компания басшылығымен құнын төлеу бойынша келіссөздер жүргізіп жатыр. Үш күннен бері мұнай құбыры жұмыс істеп тұрған жоқ. Соның салдарынан бензин қымбаттап жатыр. Бұлай жалғаса берсе, бензин әлі де қымбаттай түседі.

Демократиялық партияның партиялық телеарнасы CNN таратқан ақпаратқа сәйкес, Darkside тобындағы хакерлер кибершабуыл жасаған. Darkside-тың өз ресми сайты бар және онда байланыс телефондары көрсетілген. Қазір америкалық журналистер солармен байланысуға тырысып жатыр.

Бұл хакерлік шабуылдар Байден "дәуірінің" экономикалық проблемаларын айшықтап тұр. Себебі Трамп президент болған шақта елде бензиннің бір галлоны екі доллар (бір литрі үшін шамамен жарты доллар) тұрды. Бүгінде бір галлон бағасы 3,5-4 долларға дейін қымбаттады. Ал Калифорния штатында бұл баға тіпті бес долларға жететін түрі бар.

Colonial Pipeline төңірегінде туындаған түсініксіз жағдайлар алдағы уақытта жанармай бағасының күрт қымбаттауын ақтайтын себеп болмақ. Оның неге алып келерін айтпаса да түсінікті. Әуе билеттерінен бастап азық-түлікке дейін баға шарықтайды. Бұрындары америкалықтар акциялар мен жылжымайтын мүлікке қарай ысырғысы келген инфляция енді көрініс бере бастайды.

Бұл дағдарыс қолдан жасалып отыр деуге де негіз бар. Байден Ақ үйге бас сұққаннан бастап-ақ тақтатасты мұнай өндірісін шектеп, Keystone XL мұнай құбыры жобасын жапты және жасыл энергетикаға инвестициялауға уәде етті. Мұның барлығы өндірісті коронавирус пандемиясы басталғанға дейінгі деңгейге жеткізуге мүмкіндік бермеді.

Қазір пандемиядан кейін отын бағасы өсіп, елдегі жаппай жүріп-тұру, автокөліктер қозғалысының маусымы басталып жатыр. Ал сұранысты қанағаттандыратын шикізат жоқтың қасы. Бензин бағасы тіпті аспандап кеткені де таңғаларлық жайт емес.

Кейбір елде отын бағасын тежеуге арналған түрлі қаржы құралдары бар. Мысалы, Ресейде демпферлік механизм сәтті қолданылып келеді. Мұнда жанармай бағасы әлемнің басқа елдеріндегіден әлдеқайда арзан. АҚШ-та жанармай бағасының қымбаттауына қарамастан америкалықтар жасыл экономиканы жақтаушы Грета Тунбергтің армандарын іске асыруға атсалысып жатыр.

Бір жыл бұрын солшыл демократтардың жұлдызы Александрия Окасио-Кортес твиттерде "біздегі мұнай саласы құрылымдық құлдырау алдында тұр" деп жазды. Дәл сол шақта өндіруші өнеркәсіп саласындағы адамдар жаппай жұмыстарынан айырылып, шағын және ірі компаниялар дағдарысқа ұшырап жатты. Сондықтан конгрессвумен твитті өшіруге мәжбүр болды. Бірақ америкалықтардың Демократиялық партияны қаржыландырып отырған олигархтар АҚШ-тағы мұнай саласын құлдыратуды көздеп отыр деп санауына себеп жоқ емес.

Colonial Pipeline-ге жасалған кибершабуылдан кейін биржалық аналитиктер клиенттерге киберқауіпсіздікке бағытталған интернет-алыптардың акцияларын сатып алуға кеңес берді. Осындай алып компаниялардың бірі – Google-де СЕО қызметін атқарған Эрик Шмидт де лауазымды қызметтерге өз кандидаттарын ұсыну арқылы көзге түсіп жүр.

Цифрлық корпорацияларға иелік ететін америкалық олигархтар үшін мұнай саласын құрдымға жіберу пайдалы. Бірақ мұның салдарынан миллиондаған қарапайым азамат зардап шегіп отыр. Жалпы АҚШ-та "цифршылар" өндіруші өнеркәсіпке қарсы, электрокарлар бензинді қозғалтқыштарға қарсы, соя етін өндірушілер мал етін дайындайтындарға қарсы.

"Мен президент Путинмен кездесуді жоспарлап отырмын. Айтылатын әңгіме бар, - деп мәлімдеді кеше Джо Байден. – Әзірше біздің арнайы қызмет аталған шабуылға Ресейдің қатысы бар екенін растайтын дәйек таппады. Бірақ өндірісті іске қосу үшін құн сұрап отырған бағдарлама Ресейде орналасқаны дәлелденді".

Орыс хакерлерінің айыпталып отырғаны бірінші рет емес. Демократиялық партия компьютерлеріне шабуыл, сайлау процесіне араласу, өткен жылдың желтоқсанында америкалық мемлекеттік мекемелердегі компьютерлік желідегі ақаулар және тағысын тағылар. Бірақ Американың өзінде де бұл салада жағдай мәз емес. Мысалы дәл осы жылдары АҚШ компьютерлік қылмыс бойынша әлем елдері арасында көш бастап тұр.

39
Иллюстративті фото

Сәтбаевтағы жаппай тәртіпсіздікке қатысқандарға сот үкімі шықты

0
(Жаңартылды 13:44 14.05.2021)
Бұған дейін сотталушылардың адвокаттары сот процесінде туындаған шиеленісті жағдайды ескеріп, істі қарауды тездетуді сұраған

АЛМАТЫ, 14 мамыр – Sputnik. Сот өткен жылы Сәтбаев қаласындағы жаппай тәртіпсіздікке қатысқандарға үкім шығарды, деп хабарлайды Sputnik Қазақстан.

Қарағанды облысының ювеналды сотында 55 адамға қатысты іс қаралды. Себебі, тәртіпсіздік кезінде сотталушылардың үшеуі 18 жасқа толмаған еді.

Сот алдына 49 ер адам мен 6 әйел келді. Оларды екі қылмыстық бап бойынша кінәлі деп таныды: 272-бап "жаппай тәртіпсіздік" және 380-бап "билік өкіліне қатысты зорлық-зомбылық".

Процесс барысында сотталушылар өздеріне тағылған айыпты мойындап, прокурордың соттан сұраған жазасына келісті.

14 мамырда судья Кенжебай Ысқақбаев сотталушыларға қатысты жазаны анықтады. Тоғыз адам үш жылға бас бостандығынан айырылды. Тағы 44 сотталушы төрт жылға шартты түрде жаза алды, қалған екі адам бір жарым жыл шартты түрде бас бостандығынан айырылды.

Тұрғындар педофилді беруді талап етті

Сәтбаев қаласында жаппай тәртіпсіздік 2020 жылдың 24 шілдесіне қараған түні бес жасар қызды ұрлап, зорлағаннан кейін басталды. Ашуланған жергілікті тұрғындар өздеріне педофилді беруді талап етті. Алайда, полиция күдіктіні үйден байқатпай алып шықты.

Содан жаппай тәртіпсіздік басталды, жағдай ұлттық ұлан жауынгерлері көмекке келгеннен кейін ғана бақылауға алынды. Оған дейін полиция бөлімшесі мен олардың қызметтік көліктері талқандалды. Іс бойынша елуге жуық полиция қызметкері, 13 азаматтық тұлға, облыстық полиция департаментінің бір өкілі жәбірленуші ретінде қатысты.

Оқи отырыңыз: Сәтбаевтағы жаппай тәртіпсіздік: адвокат сотталушылардың жүйкесі сыр бергенін айтты

Ал қызды зорлады деген күдікке ілінген ер адам сотқа дейін тергеу изоляторында қаза тапты. Ол өз-өзіне қол жұмсағаны хабарланды.

0
Кілт сөздер:
Сәтпаев қаласы, педофил
Тақырып бойынша
Қырғызстанда жаппай тәртіпсіздік ұйымдастырмақ болған экс-депутат ұсталды
Алматыда жаппай вакциналау қайта басталады – денсаулық басқармасы мерзімін атады
Қордайдағы жаппай тәртіпсіздік: бір адам тергеу изоляторында қайтыс болды
Түркістанда жаппай төбелестен соң қылмыстық іс қозғалды – видео
Сәтбаевтағы жаппай тәртіпсіздік: 54 адамға қатысты сот басталды