АҚШ Украинаға қандай материалдық-техникалық көмек көрсетіп жатыр

36
Киев 2014 жылдан бері Вашингтоннан "Джавелинді" сұратып жүр. Алайда Вашингтон бұл қаруды әскер түйіскен орында қолдануға тыйым салды

НҰР-СҰЛТАН, 29 сәуір – Sputnik. Америкалықтар Украинаға қару жеткізу бойынша жаңа жоспар әзірлеп жатыр. Батыстық БАҚ жазғандай, бұл Киев пен Мәскеу арасында әскери қақтығыс бола қалған жағдайда қажет болады, деп жазады РИА Новости.

НАТО Украина үшін Ресеймен қақтығысқа түспейтінін және Донбасқа әскер жібермейтінін ашық айтты. Алайда Киевті материалдық-техникалық қолдаудан Батыс бас тартатын емес.

Альянс ұшақтары мен ұшқышсыз ұшу аппараттары Қара теңіз үстінде немесе түйісу желісінде күн сайын ұшып, украиналық штабқа ақпарат жолдап жүр. ДХР мен ЛХР барлау қызметі Украина қарулы күштерінің окоптарынан шетелдік әскери мамандарды анықтады. Киевте жүк тиеген натолық әскери-көлік ұшақтары тұрақты қонуда.

Сәуір айының соңында АҚШ Сенатының шет мемлекеттер істері жөніндегі комитеті Киевке әскери көмекті 300 миллион долларға дейін арттыратын "Украинамен қауіпсіздік саласындағы серіктестік туралы" заң жобасын қабылдады. The Wall Street Journal Пентагон Украинаға әуедегі шабуылдан қорғаныс жүйелерін, кеме мен танкке қарсы зымырандар, жедел тактикалық соққы жасау кешендерін жеткізетінін жазды.

Әлдеқайда күрделі әрі ауқымды қаруды батыстық мамандар орнататыны белгілі. Украиналық әскерилерді әзірше бұл дағдыға үйретіп жатқан жоқ. Украинаның сыртқы істер министрі Дмитрий Кулеба Рейтер агенттігіне берген сұхбатында АҚШ мемлекеттік хатшысы Энтони Блинкеннен заманауи радиоэлектронды күрес құралдарымен қамтамасыз етуде көмек көрсетуін сұрағанын айтты.

Көп мамандар Донбасста батыстық радиоэлектронды күрес құралдарының кешендері орналастырылып жатқанына сенімді. Әскери сарапшы Алексей Леонков дәл осы техника Киевке жүк тасымалдаушы ұшақтармен жеткізіліп жатыр деп санайды. Донбасстағы жағдай ушыққан жағдайда Вашингтон УҚК-ге нақты қандай қару жеткізетіні айтылған жоқ. Пентагон Украинаның әуедегі шабуылдан қорғаныс кешендерін күшейтуі ықтимал. Себебі Киев те осыған көз салып отыр.

Сәуірдің ортасында Украина президенті кеңсесінің басшысы Андрей Ермак АҚШ-тан Украинада "Патроиот" кешендерін орналастыруды талап етті. Киев билігінің пікірінше, америкалық зениттік зымыран кешендерінің бірнеше дивизионы НАТО-ға мүше болу процесін жеделдете алар еді.

Ал кемеге қарсы зымырандарға келсек, Пентагон Украинаға Harpoon зымырандарын ұсынуы мүмкін. Киевте бұл қаруды қолдануға арналған әуе және теңіз платформалары болмағанымен, "Гарпундар" жағалаудан да ұшырыла береді. Оның қашықтығы – 280 километр.

Қорғаныстың терең шебінде қарсыластың көзін жою үшін Украинаның құрлықтағы әскеріне америкалық HIMARS жедел тактикалық кешендері жеткізілуі мүмкін. Оның ATACMS зымыранымен оқ атуы кезіндегі ұзақтығы 270 километрден аспайды. Ал бұл "Искандер-М" кешендерінен әлсіз. Себебі бұл техника 500 километрге дейінгі қашықтықта нысананы дәлдей алады. Сонымен қатар Украина қарулы күштерінің қатарына үшінші буынға жататын Javelin кемеге қарсы кешендері қосылып жатыр.

2014 жылы Киевке екі мыңға жуық броньді кеудеше, жиырма AN/TPQ-48A контрбатареялы күрес станциясы, 35 дана HMMWV броньді автомобилі мен дала госпиталі жеткізілді. Ал 2015 жылы 130 "Хаммер" мен бес жылдамдығы жоғары катер алды. 2016 жылы – 14 радиолокациялық станция, екі мыңнан астам түнде көру құралы, медициналық эвакуациялау түріндегі HMMWV бес броньді автокөлігі, 24 дана RQ-11B Raven кешенін ұсынды. 2017 жылы тағы 40 "Хаммер" мен 700 шамасында радиостанция берілді. 2018 жылы - 35 дана FGM-148 Javelin танкіге қарсы зымыран кешені мен оған арналған 210 зымыран. Киев 2014 жылдан бері Вашингтоннан "Джавелинді" сұратып жүр. Алайда Вашингтон бұл қаруды әскер түйіскен орында қолдануға тыйым салып, "Ресей толық басқыншылыққа көшкен жағдайда" ғана іске қосу туралы талап қойды.

2018 жылы "Джавелиннен" бөлек Пентагон Украинаға 2,5 мың бірлік түнде көру құралын, мина іздеуге арналған аспаптар партиясын, эвакуациялаушы "Хаммерлер", снайперлік күреске арналған үш жүйені, 30 жол талғамайтын көлік, екі радиолокациялық жүйе мен құны тоғыз миллион долларды құрайтын медициналық жабдық жіберді. 2019 жылы әскери саладағы қолдау 361 миллион шамасында болды. Ал 2020 жылы Вашингтон 510 миллион доллар көлемінде шығындалды. Бұл жолы да Украинаға "Джавелиндер" жеткізілгені белгілі. Сонымен қатар қыркүйекте Мемлекеттік департамент 600 миллион долларға Киевке 16 дана Mark VI патрульдеу катерін сатуды мақұлдады. Алайда ол техника қашан жеткізілетіні әзірше белгісіз.

36
Джо Байден

АҚШ Ресеймен киберқауіпсіздік жайын талқылайтынын мәлімдеді

49
АҚШ президенті Джо Байден киберқылмыскерлер жайын Ресеймен тікелей талқылағанын мәлімдеді. Саясаттанушы Алексей Зудин Sputnik радиосының эфирінде не себепті Америка көшбасшысының бұл пікіріне ерекше мән беру керектігін айтып берді  

НҰР-СҰЛТАН, 14 мамыр – Sputnik. Америка президенті Джо Байден Ақ үйде сөйлеген сөзінде Ресей үкіметінің Colonial Pipeline компаниясына жасалған кибершабуылға қатысы жоқ екенін мәлімдеді. Аталған компания – АҚШ-тағы құбыр желілерінің ең ірі операторы. Алайда Байденнің пікірінше, хакерлер Ресей аумағында болуы мүмкін.

"Біз ресейлік үкімет шабуылға қатысты деп санамаймыз. Бірақ бізде шабуыл жасаған қылмыскерлер Ресейде тұрады деп тұжырымдауға дәйекті себеп бар. Бұл Ресейден келді. Біз хакерлік шабуыл жасап, құн төлеуді талап ететін желілерге қарсы қабылдануға тиісті шаралар жөнінде Ресеймен тікелей байланыстамыз және мұндай қылмыскерлердің әрекет ету мүмкіндіктерін шектейтін іс-шараларға талпынамыз", - деді Байден.

Colonial Pipeline компаниясына алдын ала болжам бойынша DarkSide хакерлер тобы тарапынан құн төлеуді талап ететін бағдарлама шабуылдады. Хакерлердің қылмыстық әрекетінен құбыр желілері тұралап, бұл АҚШ-та бензиннің көтерме бағасы қымбаттауына алып келді.

Бейсенбіге қараған түні құбыр желісі қайта іске қосылды. Бірақ АҚШ президенті оның жұмысын қалпына келтіру уақытты қажет ететінін айтты.

Sputnik радиосының эфирінде саясаттанушы, МХҚМИ салыстырмалы саясаттану кафедрасының аға ұстазы Алексей Зудин президент Байденнің киберқауіпсіздік мәселесін Ресеймен талқылауға ниет білдіргені туралы мәлімдемесіне мән берді.

"Бұл ресейлік тарап АҚШ-ты келіссөздер жүргізуге шақырған мәселенің бірі. Алайда Вашингтон бұл мәселе бойынша келіссөздер жүргізуге түбегейлі бас тартып келді. Мен бұл мәлімдемені маңызды деп санаймын. Себебі бұған дейін АҚШ тарапынан осы секілді ұсыныстар мүлде болған емес", - дейді Алексей Зудин.

Оның айтуынша, мұнда Ресейдің ұдайы келіссөздер жүргізуді ұсынуы да рөл ойнады.

"АҚШ осы уақытқа дейін бас тартып келген киберқауіпсіздік мәселелеріне қатысты келіссөздер жайлы айтылғаны маңызды. Мұнда осы келіссөздерді үнемі ұсынып келген Ресейдің де еңбегі бар", - деп санайды Зудин.

49
Строительство газопровода

"Солтүстік ағын 2" жобасының құрылысы қазанға дейін аяқтала ма?

85
Құбыр құрылысы 2019 жылдың желтоқсанында тоқтады. Швейцариялық Allseas құбыр төсеуші компаниясы Америка санкцияларының кесірінен жобадан кетті

НҰР-СҰЛТАН, 13 мамыр — Sputnik. "Солтүстік ағын – 2" төңірегіндегі шу басылар емес. АҚШ-тың мемлекеттік департаменті Еуропаны санкциямен қорқытуын жалғастырып жатыр.

Әлем ресейлік көгілдір отынның қажеттілігін түсінсе де, Германияда алдағы уақытта өтетін сайлау жобаның келешегіне едәуір әсер етуі ықтимал. Сондықтан Ресей газ құбырының құрылысын мейлінше жылдам аяқтауға асығып отыр, деп жазды РИА Новости.

Ресейдің Германиядағы елшісі Сергей Нечаев газ құбырының құрылысы 26 қыркүйекке дейін аяқталатынын мәлімдеді. "Егер ауа райы қолайлы болса, жұмыс жылдам жүреді", - деді ол. Қазір жүз километр құбырды төсеу қажет.

Сайлаудан кейін Бундестагтағы басым күшті жасылдар иеленуі мүмкін. Ал олар бұл жобаны қолдамайды. 3 мамырда немістердің үкіметтік емес табиғатты қорғау ұйымы Гамбургтегі әкімшілік сотқа арызданды. Экологтар "Солтүстік ағын – 2" жобасы Балтық теңізіне зиян келтіреді деп санайды.

Сонымен қатар ресейлік құбырды жақтаушы Ангела Меркель канцлер қызметінен кетеді. Билікке кім келетіні әзірше белгісіз. Жобаға үлкен қаржы салынған.

"Қазір он миллиард еуроны теңіз түбінде қалдыруға дайынбыз ба, мәселе осыда. Шешімді Еуропа қабылдауы керек", - дейді Сергей Нечаев.

Еуроодақта жобаға қатысты пікір қақ жарылды. Құбыр Германия, Финляндия, Швеция және Данияның аймақтық сулары арқылы өтеді. Алғашқы үш мемлекет құрылысқа жылдам келісім берді. Копенгаген ғана қарсылық білдіргенімен, ақырында ол да келісті. Есесіне Чехия, Польша, Венгрия, Словакия, Румыния, Хорватия қарсылық танытуда. Олардың қатарында Украина да бар. Ешкім транзиттеуші мәртебесінен айырылғысы келмейді.

Жалпы Варшава "Газпроммен" келісімшарт мерзімі аяқталған соң, 2022 жылдан бастап ресейлік отыннан бас тартуға дайын екенін білдірді. Поляктар Солтүстік теңізде төселіп жатқан норвегиялық тармақ - Baltic Pipe құбырына үміт артып отыр. Қалғаны – мұхиттың арғы жағындағы сұйылтылған табиғи газ.

"Солтүстік ағын – 2" екі тармағының жалпы қуаты – жылына 55 миллиард текше метр. Ұзындығы – 1234 километр.

Құбыр құрылысы 2019 жылдың желтоқсанында тоқтады. Швейцариялық Allseas құбыр төсеуші компаниясы америкалық санкциялардың кесірінен жобадан кетті. Бір жылдан кейін жұмыстар қайта жанданды. Бірақ Вашингтон жобаны әлі де қолдамай отыр.

АҚШ-тың 2021 жылға арналған қорғаныс бюджеті шектеулерді қайтадан кеңейтті. Мемлекеттік департамент еуропалық компанияларға қысым көрсетуде. Осы жылдың ақпанына қарай "Солтүстік ағын – 2" жобасынан ЕО-дағы 18 қатысушы кетті.

Алайда Еуропадағылар жобаның энергетикалық қауіпсіздік үшін маңыздылығын түсініп отыр. Кремль де серіктестер жоба құрылысын аяқтауға ниетті екенін мәлімдеді.

Германия билігі мұны бірнеше рет растады. Атап айтсақ, 4 мамырда ГФР сыртқы істер министрі Хайко Маас Лондонда өткен "жетілік" СІМ басшыларының отырысында осы тектес мәлімдеме жасады. ГФР көмір және атом энергетикасынан бас тартуда. Қалпына келетін энергия көздеріне жеңіл көшу үшін елге көп газ қажет.

Бірнеше күннен кейін, 11 мамырда "Германияға арналған альтернатива" партиясының тең төрағасы Тино Крупалла "Егеменді ел ретінде біз көптеген елмен іскерлік қарым-қатынасты ұстану керекпіз" дегенді айтты. Ол газ құбырының құрылысын аяқтау ГФР үшін де, Ресей үшін де тиімді екенін атап өтті.

"Бір сәттік саяси текетірес ұзақ мерзімді тиімді экономикалық әріптесікті бұзуы мүмкін емес. Бұл жеке мүдде емес, бұл бизнес", - дейді РХДУ экономика факультетінің доценті Максим Черняев.

Бірақ қыркүйек соңында жоба іске қосылатынына күмәндануға ауқымды себептер бар.

"Мұнда тек заңды және саяси кедергі ғана тұрған жоқ. Жұмыс қарқыны төмен. 19 мамырдан 10 мамырға дейін – 3,1 километр, 1-19 сәуір аралығында – 8,6 километр төселді. Яғни 40 күнде 11,7 километр немесе күніне орта есеппен 0,3 километр салынды. Онда құрылысты аяқтау үшін 11 ай қажет", - деп санайды TeleTrade ақпараттық-аналитикалық орталығының бас экономисі Марк Гойхман.

Алайда жобаны түбегейлі тоқтату мүмкін емес екенін көбі түсінген секілді. Жаңа санкцияларға дес бермес үшін еншілес фирмаларды тартуға болады. Бұл ұзақ уақытты қажет еткенмен, нәтижелі болады.

85
Ыстық ауа райы

36 градус ыстық және жел: ертең ауа райы қандай болады

1111
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

1111
Кілт сөздер:
Қазгидромет, ауа райы