Ресей мен Норвегияның қарым-қатынасы қалай өрбиді

77
Қазір Норвегияны Ресейге қарсы мемлекеттер қатарына кіргізу бойынша жұмыстар жасалып жатқаны айқын байқалады

НҰР-СҰЛТАН, 29 сәуір – Sputnik. Ресей НАТО-ға мүше бес мемлекетпен құрлықта шекаралас. Оның ішінде төрт мемлекет көп жылдан бері орыстармен тату емес. Олардың барлығы бұрын КСРО құрамында болғанымен, Польша мен Балтық маңындағы үш республика үшін ортақ тарих русофобияға кезекті сылтау болып отырған сыңайлы, деп жазады РИА Новости.

Ресеймен арада өте шағын құрлықтағы шекарасы бар НАТО-ның бесінші мемлекеті Балтық маңы республикалары ыдыраған Ресей империясынан бөлініп шыққанға дейін біраз бұрын егемендік алып қойды. Ол ешқашан Ресей құрамында болған емес, алайда дәл осы елде орыстардың басқыншылығы мен орыстардан төнген қауіп туралы романдар мен фильмдер үлкен сұранысқа ие болды.

Сөз бес миллион халқы бар, Ресей көршісі және НАТО-ның негізін қалаушылардың бірі Норвегия жайлы болып отыр.

Норвегия атлантикалық ынтымақтастықты ұстануына қарамастан КСРО кезінде де орыстармен тату көршілік қарым-қатынасты сақтауға тырысты. Оған фашистердің бақыншылығынан азат еткені (Норвегияның солтүстігі, Финнмарктегі соғыс кезінде алты мыңнан астам кеңес сарбазы көз жұмды) үшін алғыс ишарасымен қатар, өзара тиімді ынтымақтастыққа арналған мәселелердің көптігі де ықпал етті. Норвегияда америкалық сарбаздар да болған жоқ.

Посткеңеестік кезеңде де қарым-қатынас қалыпты дамып жатты. Алайда Қырым айналасындағы жағдайдан кейін ахуал күрт өзгере бастады – америкалықтар алдымен үш жүз, содан кейін жеті жүз сарбаз жөнелтті. Сонымен қатар соңғы уақытта "Ресей қауіпті" дегенді меңзейтін фильмдер мен кітаптардың да көбеюі кездейсоқ емес.

Орыстардың қаупі туралы детективтер тіпті жиі жарыққа шығып, ол картиналарда Қырыммен ұйқастырылған сценарий саналы түрде көрсетілуде. Бірнеше жыл бұрын Нордхус Карлссонның "Ақ армада" атты туындысы көрерменге жол тартты. Ол туындыны "75 жыл бұрын Киркенесті азат етті де, орыстар қайта оралды" деген ұранмен жарнамалады.

Ал жыл басында бұрын балалар жазушысы болған Грета Боеның "Апат дабылы" атты кинотуындысы дүниеге келді. Бұл фильмде орыстар тарапынан Финнмаркке қауіп төнеді. Алайда кеңес әскері бірнеше жыл бұрын дәл осы Финнмаркты азат еткен болатын. Фильмде "Финнмарк Қырымның тағдырын қайталауы мүмкін" деген пікірлер айтылады.

Норвегтердің барлығы атлантикалық бағытта русофобияны қолдап отыр деуге болмайды. Керісінше, көпшілігі наразылық білдіріп, кейістік танытуда. Алайда мұндай пікір білдіретіндерге қудалау қаупі төніп отыр. Мысал ретінде Оңтүстік-Шығыс Норвегия университетінің профессоры Гленн Дисэнді айтуға болады. Ғалым Ресеймен тату көршілік қарым-қатынасты қолдап берген сұхбаттары үшін "Кремльді насихаттаушы" деген атқа ие болды.

Қазір Норвегияны Ресейге қарсы мемлекеттер қатарына кіргізу бойынша жұмыстар жасалып жатқаны айқын байқалады. Алайда корольдікте тұрмыстық және саяси деңгейде русофобия дәстүрі әлі қалыптасып үлгерген жоқ. Атлантшылардың ықпалына қарамастан Осло көрші мемлекеттермен қарым-қатынасын өз бетінше айқындай алатын қауқарлы мемлекет. Олардың қатарында Норвегияны ешқашан жау деп санамаған Ресей де бар.

77
Кілт сөздер:
саясат, Ресей
Строительство газопровода

"Солтүстік ағын 2" жобасының құрылысы қазанға дейін аяқтала ма?

67
Құбыр құрылысы 2019 жылдың желтоқсанында тоқтады. Швейцариялық Allseas құбыр төсеуші компаниясы Америка санкцияларының кесірінен жобадан кетті

НҰР-СҰЛТАН, 13 мамыр — Sputnik. "Солтүстік ағын – 2" төңірегіндегі шу басылар емес. АҚШ-тың мемлекеттік департаменті Еуропаны санкциямен қорқытуын жалғастырып жатыр.

Әлем ресейлік көгілдір отынның қажеттілігін түсінсе де, Германияда алдағы уақытта өтетін сайлау жобаның келешегіне едәуір әсер етуі ықтимал. Сондықтан Ресей газ құбырының құрылысын мейлінше жылдам аяқтауға асығып отыр, деп жазды РИА Новости.

Ресейдің Германиядағы елшісі Сергей Нечаев газ құбырының құрылысы 26 қыркүйекке дейін аяқталатынын мәлімдеді. "Егер ауа райы қолайлы болса, жұмыс жылдам жүреді", - деді ол. Қазір жүз километр құбырды төсеу қажет.

Сайлаудан кейін Бундестагтағы басым күшті жасылдар иеленуі мүмкін. Ал олар бұл жобаны қолдамайды. 3 мамырда немістердің үкіметтік емес табиғатты қорғау ұйымы Гамбургтегі әкімшілік сотқа арызданды. Экологтар "Солтүстік ағын – 2" жобасы Балтық теңізіне зиян келтіреді деп санайды.

Сонымен қатар ресейлік құбырды жақтаушы Ангела Меркель канцлер қызметінен кетеді. Билікке кім келетіні әзірше белгісіз. Жобаға үлкен қаржы салынған.

"Қазір он миллиард еуроны теңіз түбінде қалдыруға дайынбыз ба, мәселе осыда. Шешімді Еуропа қабылдауы керек", - дейді Сергей Нечаев.

Еуроодақта жобаға қатысты пікір қақ жарылды. Құбыр Германия, Финляндия, Швеция және Данияның аймақтық сулары арқылы өтеді. Алғашқы үш мемлекет құрылысқа жылдам келісім берді. Копенгаген ғана қарсылық білдіргенімен, ақырында ол да келісті. Есесіне Чехия, Польша, Венгрия, Словакия, Румыния, Хорватия қарсылық танытуда. Олардың қатарында Украина да бар. Ешкім транзиттеуші мәртебесінен айырылғысы келмейді.

Жалпы Варшава "Газпроммен" келісімшарт мерзімі аяқталған соң, 2022 жылдан бастап ресейлік отыннан бас тартуға дайын екенін білдірді. Поляктар Солтүстік теңізде төселіп жатқан норвегиялық тармақ - Baltic Pipe құбырына үміт артып отыр. Қалғаны – мұхиттың арғы жағындағы сұйылтылған табиғи газ.

"Солтүстік ағын – 2" екі тармағының жалпы қуаты – жылына 55 миллиард текше метр. Ұзындығы – 1234 километр.

Құбыр құрылысы 2019 жылдың желтоқсанында тоқтады. Швейцариялық Allseas құбыр төсеуші компаниясы америкалық санкциялардың кесірінен жобадан кетті. Бір жылдан кейін жұмыстар қайта жанданды. Бірақ Вашингтон жобаны әлі де қолдамай отыр.

АҚШ-тың 2021 жылға арналған қорғаныс бюджеті шектеулерді қайтадан кеңейтті. Мемлекеттік департамент еуропалық компанияларға қысым көрсетуде. Осы жылдың ақпанына қарай "Солтүстік ағын – 2" жобасынан ЕО-дағы 18 қатысушы кетті.

Алайда Еуропадағылар жобаның энергетикалық қауіпсіздік үшін маңыздылығын түсініп отыр. Кремль де серіктестер жоба құрылысын аяқтауға ниетті екенін мәлімдеді.

Германия билігі мұны бірнеше рет растады. Атап айтсақ, 4 мамырда ГФР сыртқы істер министрі Хайко Маас Лондонда өткен "жетілік" СІМ басшыларының отырысында осы тектес мәлімдеме жасады. ГФР көмір және атом энергетикасынан бас тартуда. Қалпына келетін энергия көздеріне жеңіл көшу үшін елге көп газ қажет.

Бірнеше күннен кейін, 11 мамырда "Германияға арналған альтернатива" партиясының тең төрағасы Тино Крупалла "Егеменді ел ретінде біз көптеген елмен іскерлік қарым-қатынасты ұстану керекпіз" дегенді айтты. Ол газ құбырының құрылысын аяқтау ГФР үшін де, Ресей үшін де тиімді екенін атап өтті.

"Бір сәттік саяси текетірес ұзақ мерзімді тиімді экономикалық әріптесікті бұзуы мүмкін емес. Бұл жеке мүдде емес, бұл бизнес", - дейді РХДУ экономика факультетінің доценті Максим Черняев.

Бірақ қыркүйек соңында жоба іске қосылатынына күмәндануға ауқымды себептер бар.

"Мұнда тек заңды және саяси кедергі ғана тұрған жоқ. Жұмыс қарқыны төмен. 19 мамырдан 10 мамырға дейін – 3,1 километр, 1-19 сәуір аралығында – 8,6 километр төселді. Яғни 40 күнде 11,7 километр немесе күніне орта есеппен 0,3 километр салынды. Онда құрылысты аяқтау үшін 11 ай қажет", - деп санайды TeleTrade ақпараттық-аналитикалық орталығының бас экономисі Марк Гойхман.

Алайда жобаны түбегейлі тоқтату мүмкін емес екенін көбі түсінген секілді. Жаңа санкцияларға дес бермес үшін еншілес фирмаларды тартуға болады. Бұл ұзақ уақытты қажет еткенмен, нәтижелі болады.

67
мұнай құбыры

Америкада бензин неге қымбаттап жатыр

39
Байден тақтатасты мұнай өндірісін шектеп, Keystone XL мұнай құбыры жобасын жапты және жасыл энергетикаға инвестициялауға уәде етті

НҰР-СҰЛТАН, 13 мамыр – Sputnik. Америкада Техастан Нью-Йоркке дейін созылып жатқан және күніне 2,5 миллион баррельден астам мұнай өндіретін Colonial Pipeline ірі мұнай құбыры тоқтап тұр, деп жазады РИА Новости.

Федералды тергеу бюросы Associated Press-ке ұсынған ақпаратына сәйкес, зиянды компьютерлік бағдарлама Colonial Pipeline иелерін мұнай айдауды тоқтатуға мәжбүрледі. Қазір хакерлер компания басшылығымен құнын төлеу бойынша келіссөздер жүргізіп жатыр. Үш күннен бері мұнай құбыры жұмыс істеп тұрған жоқ. Соның салдарынан бензин қымбаттап жатыр. Бұлай жалғаса берсе, бензин әлі де қымбаттай түседі.

Демократиялық партияның партиялық телеарнасы CNN таратқан ақпаратқа сәйкес, Darkside тобындағы хакерлер кибершабуыл жасаған. Darkside-тың өз ресми сайты бар және онда байланыс телефондары көрсетілген. Қазір америкалық журналистер солармен байланысуға тырысып жатыр.

Бұл хакерлік шабуылдар Байден "дәуірінің" экономикалық проблемаларын айшықтап тұр. Себебі Трамп президент болған шақта елде бензиннің бір галлоны екі доллар (бір литрі үшін шамамен жарты доллар) тұрды. Бүгінде бір галлон бағасы 3,5-4 долларға дейін қымбаттады. Ал Калифорния штатында бұл баға тіпті бес долларға жететін түрі бар.

Colonial Pipeline төңірегінде туындаған түсініксіз жағдайлар алдағы уақытта жанармай бағасының күрт қымбаттауын ақтайтын себеп болмақ. Оның неге алып келерін айтпаса да түсінікті. Әуе билеттерінен бастап азық-түлікке дейін баға шарықтайды. Бұрындары америкалықтар акциялар мен жылжымайтын мүлікке қарай ысырғысы келген инфляция енді көрініс бере бастайды.

Бұл дағдарыс қолдан жасалып отыр деуге де негіз бар. Байден Ақ үйге бас сұққаннан бастап-ақ тақтатасты мұнай өндірісін шектеп, Keystone XL мұнай құбыры жобасын жапты және жасыл энергетикаға инвестициялауға уәде етті. Мұның барлығы өндірісті коронавирус пандемиясы басталғанға дейінгі деңгейге жеткізуге мүмкіндік бермеді.

Қазір пандемиядан кейін отын бағасы өсіп, елдегі жаппай жүріп-тұру, автокөліктер қозғалысының маусымы басталып жатыр. Ал сұранысты қанағаттандыратын шикізат жоқтың қасы. Бензин бағасы тіпті аспандап кеткені де таңғаларлық жайт емес.

Кейбір елде отын бағасын тежеуге арналған түрлі қаржы құралдары бар. Мысалы, Ресейде демпферлік механизм сәтті қолданылып келеді. Мұнда жанармай бағасы әлемнің басқа елдеріндегіден әлдеқайда арзан. АҚШ-та жанармай бағасының қымбаттауына қарамастан америкалықтар жасыл экономиканы жақтаушы Грета Тунбергтің армандарын іске асыруға атсалысып жатыр.

Бір жыл бұрын солшыл демократтардың жұлдызы Александрия Окасио-Кортес твиттерде "біздегі мұнай саласы құрылымдық құлдырау алдында тұр" деп жазды. Дәл сол шақта өндіруші өнеркәсіп саласындағы адамдар жаппай жұмыстарынан айырылып, шағын және ірі компаниялар дағдарысқа ұшырап жатты. Сондықтан конгрессвумен твитті өшіруге мәжбүр болды. Бірақ америкалықтардың Демократиялық партияны қаржыландырып отырған олигархтар АҚШ-тағы мұнай саласын құлдыратуды көздеп отыр деп санауына себеп жоқ емес.

Colonial Pipeline-ге жасалған кибершабуылдан кейін биржалық аналитиктер клиенттерге киберқауіпсіздікке бағытталған интернет-алыптардың акцияларын сатып алуға кеңес берді. Осындай алып компаниялардың бірі – Google-де СЕО қызметін атқарған Эрик Шмидт де лауазымды қызметтерге өз кандидаттарын ұсыну арқылы көзге түсіп жүр.

Цифрлық корпорацияларға иелік ететін америкалық олигархтар үшін мұнай саласын құрдымға жіберу пайдалы. Бірақ мұның салдарынан миллиондаған қарапайым азамат зардап шегіп отыр. Жалпы АҚШ-та "цифршылар" өндіруші өнеркәсіпке қарсы, электрокарлар бензинді қозғалтқыштарға қарсы, соя етін өндірушілер мал етін дайындайтындарға қарсы.

"Мен президент Путинмен кездесуді жоспарлап отырмын. Айтылатын әңгіме бар, - деп мәлімдеді кеше Джо Байден. – Әзірше біздің арнайы қызмет аталған шабуылға Ресейдің қатысы бар екенін растайтын дәйек таппады. Бірақ өндірісті іске қосу үшін құн сұрап отырған бағдарлама Ресейде орналасқаны дәлелденді".

Орыс хакерлерінің айыпталып отырғаны бірінші рет емес. Демократиялық партия компьютерлеріне шабуыл, сайлау процесіне араласу, өткен жылдың желтоқсанында америкалық мемлекеттік мекемелердегі компьютерлік желідегі ақаулар және тағысын тағылар. Бірақ Американың өзінде де бұл салада жағдай мәз емес. Мысалы дәл осы жылдары АҚШ компьютерлік қылмыс бойынша әлем елдері арасында көш бастап тұр.

39
Жолдағы көлік қозғалысы

Туысының көлігін ұрлап мінген: Шымкентте жасөспірім сұмдық жол апатын жасады видео

0
(Жаңартылды 14:19 14.05.2021)
Жүйткіген көліктің соққысынан ауыр жарақат алған 21 жастағы бойжеткен аурухана реанимациясына жатқызылды

НҰР-СҰЛТАН, 14 мамыр – Sputnik. Кәмелет жасқа толмаған жасөспірім Шымкентте көлікті ұрлап мініп, бойжеткенді қағып кетті, деп хабарлайды жергілікті "Отырар" телеарнасы.

Жантүршігерлік жол апаты бейнебақылау камерасына түсіп қалған. 

Посмотреть эту публикацию в Instagram

Публикация от ОТЫРАР Новости Шымкент (@otyrarkz)

"Бойжеткен жолдың арғы бетіне өтіп жатқанда жоғары жылдамдықпен келген жеңіл көлік оны қағып кетті", – делінген ақпаратта.

Кейбір деректер бойынша, зардап шеккен қыз автобуста бейресми кондуктор болып жұмыс істеген және сол күні құрбысының жұмысына уақытша шыққан көрінеді.

Ал жаяу жүргіншіні қаққан көлік тізгінінде кәмелетке толмаған жас жігіт болып шықты. Ол туысының көлігін ұрлап мініп, қала көшесінде жүйткіген.

Қатты соққы нәтижесінде 21 жастағы қыз ауыр жағдайда реанимацияға жеткізілді. Дәрігерлер мидың 1-2 дәрежелі контузиясын, сондай-ақ кеуде қуысының жарақаттарын және жамбас сүйектерінің сынғанын анықтады.

"2000 жылы туған науқас үшінші дәрежелі травматикалық шокпен ауруханаға жеткізілді. Ауыр жағдайдағы оған шокқа қарсы және симптоматикалық терапия жүргізілді. Қазіргі кезде жағдайы ептеп түзеле бастады", – деп хабарлады қалалық денсаулық сақтау басқармасының баспасөз қызметі.

Оқи отырыңыз: Рөлде шенеуніктің ұлы болған: Нұр-Сұлтанда жетім баланы көлік қағып кетті

0
Кілт сөздер:
Шымкент, жол апаты
Тақырып бойынша
Мектептен келе жатқан: Ақмола облысында баланы пойыз қағып кетті
Алматы облысында жантүршігерлік жол апаты екі адамның өмірін қиды – фото
Алматыда автобус бойжеткенді қағып кетті
Ақтөбе облысында жантүршігерлік жол апаты болды: екі адам көз жұмды
Денесі әр жерде шашылып жатыр: Таразда жантүршігерлік жол апаты болды