Нью-Дели

Үндістанда адамдар туыстарының мәйітін өртейтін орын үшін төбелесе бастады

315
(Жаңартылды 14:06 30.04.2021)
Үндістанда коронавирусқа байланысты жағдай әлі де ушығып тұр. Елде өлікті өртеуге арналған отын қоры таусылып жатыр  

НҰР-СҰЛТАН, 30 сәуір — Sputnik. Үндістан коронавирустың басты ошағына айналды. Нью-Делиде коронавирустан көз жұмғандардың мәйітін өртеу жұмыстары тәулік бойы атқарылып жатыр, деп хабарлады CNN.   

Сейсенбіде Солтүстік Дели мэрі Джай Пракаш Делидің бас министрі Арвинд Кеджривалуге хат жолдап, отынды тұрақты жеткізіп тұруды сұрады.

Индуизмде адамды тек өртеу арқылы жерлеуге рұқсат беріледі. Көп өңірде крематорий орындары жүктемені уақытылы орындай алмай жатыр. Washington Post шолушысы Барка Датт осы аптада коронавирустан әкесі қайтыс болғанын хабарлады.

"Біз кремация жасауға барғанымызда орын жоқ екені белгілі болды. Бірнеше отбасы орынға таласып, төбелес шықты. Әкемнің мәйітін өртеу үшін полиция шақыруға тура келді", - дейді Барка Датт.

Пандемияға дейін күніне 8-10 адам кремацияланатын. Қазір бұл сан 120-ға жетті. Орын жетіспеушілігі салдарынан рәсімді автотұрақта өткізіп жатыр.

Солтүстік Дели мэрінің айтуынша, кәсіпорында 600-ге жуық мәйіт өртеледі. Бұл көрсеткіш ресми деректегіден әлдеқайда жоғары. Яғни мәліметті бұрмалау проблемасы бар екені анықталып отыр.

"Соңғы бес сағатта 55 мәйітті кремацияладық. Күн соңына дейін саны 100-ге жетеді. Мен шаршадым. Бірақ қазір шаршайтын уақыт емес. Қазір ұлт пен адамзат үшін еңбетенетін, адамдардың өмірін құтқаратын уақыт", - деді крематорий басшысы Джитендер Сингх Шунти.

Үкімет коронаврус инфекциясының таралуына жол бермеу шараларын қабылдауға тырысып жатыр. Қалалар мен штаттарда шектеулер енгізіліп, кәсіпорындар жабылды.

Ал Үндістан халқы үкіметтің қауқарсыздығы мен баяу әрекет етіп жатқанына наразылық білдірді.

"Делиде оттегі, төсек-орын, жасанды тыныс алдырту аппараттары, плазмалық инъекциялар болмағандықтан жағдай әлі де ушығады. Менің ашуым келіп отыр. Алайда қолымнан еш шара келмейтіндіктен, өзімді кінәлі сезінемін. Осы іспен айналысуға тиіс адамдар төбе көрсетпей кетті. Уәде берді де, ғайып болды", - дейді Шунти.

Үміті үзілген тұрғындар коронавирустан сақтану үшін бақсы-балгерлерге баруға мәжбүр.

Үндістанда тұратын 1,3 миллиард халықтың қазір тек екі проценті ғана вакциналанған.

315
Тақырып бойынша
Үндістанда жағдай ушықты: ел премьері коронавирустың жаңа толқынын дауылға теңеді
"Анашым әбден қиналып өлді": Үндістанда мәйіттерді далада өртеп жатыр
Газ терминалы

АҚШ сұйылтылған табиғи газ экспортын арттырды

13
Америкалық сұйылтылған табиғи газ экспорты (СТГ) рекордтық көрсеткішке жетті. Бірақ Вашингтон бұл дүрбелең жақында басылады деп қауіптеніп отыр

Өйткені, "Солтүстік ағын – 2" жобасы іске қосылғаннан кейін Еуропаға ресейлік арзан отын жеткізіле бастайды, деп жазды РИА Новости.

Наурызда америкалықтар шетелге күніне 10,5 миллиард текше фут сұйылтылған газ жөнелтіп отырды, деп хабарлады АҚШ энергетика министрлігінің энергетикалық ақпарат басқармасы (ЕІА). Сәуірде бұл көрсеткіш 9,2 болатын. Оның өзі көктем басындағы мінсіз максимум болды.

Баяндамада көрсетілгендей, өткен жылы және осы жылдың қаңтарында АҚШ-тан жеткізілетін СТГ экспортының басым бөлігі Азияға тиесілі болды. Бірақ ақпан мен наурызда ол газдың жартысын Еуропа сатып алып тұрды. Себебі ол жақтағы спотта баға азиялықпен теңесті.

"Мамырда тәулігіне 8,6 миллиард футқа дейін қысқарады деп күтіп отырмыз. Жаз айларында Еуропа мен Азиядағы сұранысты қанағаттандыру аясында бұл көрсеткіш 9 миллиардтан жоғарылайды деген болжам бар", – дейді ведомствода.

Халықаралық энергетика агенттігі 2024 жылға қарай америкалықтар осы сегментте көшбасшы боулы мүмкін екенін жоққа шығармады. ХЭА есебі бойынша АҚШ, Австралия және Ресейдегі табиғи газды сұйылту бойынша бірлескен қуат ол уақытқа дейін СТГ әлем экспортының 90%-ін құрайды.

Алайда Катар сынды ірі экспорттаушы Азия нарығына АҚШ-қа жол бере қоюы екіталай. 2020 жылы таяушығыстық бұл мемлекет 77,6 миллион тонна СТГ экспорттады. Бұл жалпы жеткізулердің 26,5 процентін құрайды. 2024 жылға қарай Парсы шығанағы жағалауындағы кішкентай монархияның газ өндіру көлемі екі есе артады. Ақпанда Дохада Солтүстік кен орнының шығыс бөлігін пайдалану бойынша инвестициялық соңғы шешім қабылданды.

Катардан кейінгі орында 26 проценттік көрсеткішпен Австралия тұр. Үшінші орынға АҚШ (14,7) және төртінші орынға Ресей (10) жайғасты.

Солтүстік мұзды мұхиттағы мұнай және газ ресурстарын жоспарлы түрде игеру он бес жылдан бері ресейлік биліктің әлеуетінде тұр. Наурызда Ресейдің министрлер кабинеті сұйылтылған табиғи газ өндірісін дамытудың ұзақ мерзімді бағдарламасын бекітті. Ол пайдлы қазба көздерін әртараптандыруға, ең алдымен Арктика қайраңы мен Қиыр Шығысты пайдалануға бағытталған.

OilPrice америкалық басылымы жазғандай, егер АҚШ тақтатас өндірісі есебінен ірі экспорттаушының біріне айналса, Ресейге Арктика көмектеседі. Аймақтағы пайдалы қазба қоры үлкен: табиғи газ – 35,7 миллиард текше метр, мұнай мен конденсат – 2,3 миллиард тонна.

Ресей энергетика министрі Александр Новактың айтуынша, 2025 жылға қарай Ресей жылына 68 миллион тонна сұйылтылған табиғи газ өндіріп, әлем нарығындағы үлесін 25 процентке арттыра алады.

OilPrice аналитиктері еуропалықтар үшін ресейлік құбыр желілік газ ғана емес, сондай-ақ сұйылтылған табиғи газ да тартымды екенін атап өтті.

"Ұзақ мерзімді келешекте Ресейдегі СТГ Еуроодақ тұтынушылары үшін оң шешім болады. Себебі АҚШ-қа қарағанда жеткізу жылдамырақ және арзан. Энергетикалық тәуелсіздікті қалайтын Литваның да Ресейден СТГ сатып алуы бекер емес", – деп санайды өнеркәсіптік тәуелсіз сарапшы Леонид Хазанов.

Оның айтуынша, америкалық жеткізушілер үшін Қытай мен Жапония басымдылыққа ие. Себебі бұл мемлекеттерде баға жоғары. Сондықтан ресейлік СТГ мұхиттың арғы жағынан жеткізілетін газды Еуропа нарығынан ысыруы мүмкін.

Қалай болғанда да сын-қатер де жоқ емес. 2025 жылға дейін сұйылтылған табиғи газдың әлем нарығында шамадан тыс көп болуы есебінен бағаның аса жоғары болуын күтудің қажеті жоқ.

13
Кілт сөздер:
мұнай, газ
Нидерландыда Евровидение байқауы басталды

Нидерландыда "Евровидение" байқауы басталды

15
Коронавирус салдарынан конкурсқа Польша, Исландия және Австралияның әншілері қатыса алмады

НҰР-СҰЛТАН, 17 мамыр — Sputnik. Нидерландының Роттердам қаласында "Евровидение" халықаралық вокал байқауы басталды, деп хабарлайды РИА Новости.

66-шы рет өткізіліп отырған бұл байқау өткен жылы коронавирус пандемиясына байланысты бір жылға кейінге қалдырылған болатын.

Жексенбі, 16 мамырда қаланың круиздік портында байқауға қатысушы елдерді "көкшіл кілемшеде" қарсы алу салтанаты өтті.

"Евровидение" 18-22 мамыр аралығында Rotterdam Ahoy конференция орталығында өтеді.

Ресей атынан бұл ән байқауына Манижа атты әнші қатысып отыр. Ол "көкшіл кілемшеге" қызыл жібек комбинезон, зерлі мантия мен орыс қыз-келіншектерінің ұлттық бас киімін киіп шықты.

Польша мен Исландия өкілдері команда мүшелерінің коронавирус жұқтыруы салдарынан салтанатты шараға қатыса алмады. Сонымен қатар инфекция жұқтырғандармен бірге бір қонақ үйде тұрақтауына байланысты Румыния мен Мальта делегациясы да "көкшіл кілемшеге" қатыспады. Австралиялық команда да конкурсқа қатыса алмайтын болды.

15