Официальный представитель Министерства иностранных дел России Мария Захарова

Захарова Мәскеудің дипломатиялық жанжалды қалай шешіп жатқанын айтты

152
(Жаңартылды 21:20 01.05.2021)
Неге енді Ресейде америкалық визаны алуға болмайды, Мәскеу тәжік-қырғыз шекарасындағы жағдайды қалай бағалайды – Ресей сыртқы істер министрлігінің ресми өкілі Мария Захарова Sputnik агенттігіне берген сұхбатында осы туралы айтты

Сұхбаттасқан Петр Лидов

- Ресей Еуропарламент басшылары мен Берлин прокуратурасына қарсы санкциялар енгізді. Сондай-ақ тағы алты еуропалық шенеуніктің РФ аумағына кіруіне тыйым салынды. Неге дәл осы тұлғалар "қара тізімге" енді?

Бұл жай ғана адамдар тізімі емес, бұл түсініктемесі бар Ресей СІМ мәлімдемесі. Бұл Батыстың достық емес, кейде тіпті жауластық сипаттағы іс-әрекеттеріне жауап.

Көп жыл бойы біз ЕО-дағы әріптестерімізге туындаған мәселелерді, проблемаларды дипломатиялық әдістермен, яғни келіссөздер, консультациялар, түрлі арнайы арналар арқылы шешуді ұсынып келеміз.

Бізде ЕО жанындағы Ресейдің Тұрақты өкілдігі жұмыс істейді, РФ-да Еуроодақтың сәйкес өкілдігі жұмыс істейді. Байланыс бар, бірақ жыл өткен сайын кейде нақты, кейде ойдан құрастырылған проблемаларды жария ету қарқын алуда.

Біздің мұндай мәселелерді конструктивті диалог көмегімен шешуге ұмтылысымызды ЕО елемей келеді.  

Русофобия нәтижесі

Неге дәл осы тұлғалар? Бұл біздің елге қатысты агрессивті позиция ұстанып, мәлімдеме жасаған адамдар. Олардың мәлімдемелерін қайталаудың еш қажеті жоқ деп ойлаймын. Мұның бәрі интернетте бар.

Бұл маргиналды саналатын тек саяси тұлғалардың іс-әрекеті емес, мұнда ЕО кеңістігіндегі бұқаралық ақпарат құралдары да тартылып отыр.

Көптеген саяси қайраткер өздерінің пікірлерін айтып қана қоймай, олардың ақпараттық науқанның құрамына кіретінін көріп отырмыз. Мұндай ақпараттық-саяси науқанға бірқатар бұқаралық ақпарат құралы жұмылдырылған.

Демократия аясында өз пікірін білдіруді біз құрметтйміз. Алайда біз мүлде басқа жағдайдың куәсі болып отырмыз. Ол алдын ала жоспарланған ақпараттық-саяси науқан арқылы Ресей Федерациясын тежеуге бағытталған.

Әдетте дипломатия тарихында мұндай шектеу тізіміне енген азаматтардың аты-жөні жасырын күйде қалады да, тек адам саны жария етіледі. Бірақ батыстық әріптестер бүкіл мәліметті жариялауды әдетке айналдырды. Біз ұзақ уақыт бойы оларды дипломатиялық әдепті сақтауға шақырып келдік.

Батыс Ресейді эскалацияны күшейтті деп айыптап, екіжақты қарым-қатынастың бұзылуына біздің іс-әрекетеміз себепші болғанын айтып отыр. Бұл – өтірік. Біз батыстық әріптестеріміз тарапынан мұндай көзқарасқа себеп болатындай еш әрекет жасаған жоқпыз. Бұл РФ-ға қатысты бұрын жоспарланған саясат екеніне қазір көзіміз жетіп отыр.

Тығырыққа тірелді ме?

Ресейді оқшаулау және тежеу туралы жариялап, осыған идеологиялық бағаны ыңғайлаған Обаманың мәлімдемесін еске түсіріңізші. Сол шақта олар қарсылық өз тараптарынан туындап жатқанын жасыруға тырысқан жоқ. Бүгін нақты нәтижеге қол жеткізбегеннен кейін олар ақиқатты бұрмалауға тырысып отыр деп ойлаймын. Себебі олар тығырыққа тірелді.

Олар өз кінәларын мойындағанды ұнатпайды: қазіргі жағдайда да, басқа жағдайда да. Соның ішінде Ирак пен Таяу Шығыстағы бірқатар мәселелер де бар.

- АҚШ елшілігі ресейліктерге иммиграциялық емес виза беруді тоқтатады. Дипломатиялық ведомство қызметкерлері аз болғандықтан үлгере алмай отыр ма?

- Бірнеше жылдан бері АҚШ-тың консулдық саладағы жұмыстары нашар сипатта жүріп келді. Алайда бұған тек өз тараптарынан жасалған іс-әрекеттер себепші екенін мойындамай, тағы да Ресейді кінәлі етіп отыр.

Дипломат қай бағытта жұмыс істейтіні, яғни ол мәдениетпен, экономикамен немесе консулдық мәселелермен айналыса ма, ол жағын сол мемлекеттің өзі шешеді. Сәйкесінше Вашингтонның консулдық қызметкерлер санын азайтуға Мәскеудің еш қатысы жоқ. Консулдық бағыттағы қызметкерлер санын азайту туралы шешімді Вашингтон қабылдады.

Виза беру тәртібі АҚШ-тағыдай ешбір мемлекетте күрделенбеген. Мұнда өтініш білдірген азаматпен көзбе-көз кездеседі, мерзімі ұзақ. Біз америкалықтарға бетпе-бет кездесусіз 7-10 күн ішінде визе береміз. АҚШ-тан ресейлік дипломаттар қуылғаннан кейін де біз виза беру тәртібін өзгерткен жоқпыз.

- Ресейде "Медузаны" шетелдік агент деп мойындау Латвиядағы ресейлік журналистерді қудалауға қарсы жауап па?

- Бұл мәселені өз мақсатында пайдаланғысы келетіндер көп болды. Сондықтан біз заңнама әзірледік. Ол құжат әзірленіп және мақұлданып болған соң бұқаралық ақпарат құралдарына дәл осы критерийлерді қолдану керек болды. Заң жұмыс істей бастады.

Ия, "Медузаны" шетелдік агент деп таныды. Бұл ресейлік заңнамаға сәйкес әділет министрлігінің қабылдаған шешімі. Алайда сыртқы саяси ведомство ретінде біз үшін ол сол баяғы шетелдік БАҚ қалпында қалып отыр. Олар сауал жолдайды – біз жауап береміз. Олар қоңырау соғады – біз тұтқаны көтереміз. Яғни бұл мәселеде ешқандай шеттету жоқ.

- Қырғызстан мен Тәжікстан арасында қарулы қақтығыс болды. Қарабақ оқиғасы қайталануы мүмкін бе? Бұл текетіресте Ресей әлдеқайда белсенді рөл атқара ала ма?

Біз Қырғызстан мен Тәжікстанда болып жатқан оқиғаларды аса алаңдаушылықпен бақылап отырдық. Мұнда даулы шекара учаскесінде жағдай ушыққан. Өкінішке қарай қарулы қақтығыс салдарынан жараланғандар және көз жұмғандар бар. Қайтыс болғандардың туыстарына көңіл айтамыз және зардап шеккендердің тезірек сауығуына тілектеспіз.

30 сәуірге қараған түні тараптардың оқ атуды доғарып, шиеленіскен жағдайды келіссөздер арқылы шешу туралы мәмілесін қолдаймыз. Бұл – үлкен қадам. Себебі қарулы күшті, әскери техниканы бұру туралы сөз болды.

Біз Бішкек пен Душанбенің бірлескен жұмыс тобын құру туралы шешімін қолдадық. Оның аясында халықпен ақпараттық жұмыс, осы аймақтағы жағдайға мониторинг жүргізу қамтылады.

Ресей Қырғызстан және Тәжікстанмен арадағы стратегиялық әріптестік, одақтастық принциптерін ұстана отырып, кез келген даулы мәселелерді шешуге саяси-дипломатиялық әдістермен қолдау көрсетуге дайын.

152
Джо Байден

АҚШ Ресеймен киберқауіпсіздік жайын талқылайтынын мәлімдеді

49
АҚШ президенті Джо Байден киберқылмыскерлер жайын Ресеймен тікелей талқылағанын мәлімдеді. Саясаттанушы Алексей Зудин Sputnik радиосының эфирінде не себепті Америка көшбасшысының бұл пікіріне ерекше мән беру керектігін айтып берді  

НҰР-СҰЛТАН, 14 мамыр – Sputnik. Америка президенті Джо Байден Ақ үйде сөйлеген сөзінде Ресей үкіметінің Colonial Pipeline компаниясына жасалған кибершабуылға қатысы жоқ екенін мәлімдеді. Аталған компания – АҚШ-тағы құбыр желілерінің ең ірі операторы. Алайда Байденнің пікірінше, хакерлер Ресей аумағында болуы мүмкін.

"Біз ресейлік үкімет шабуылға қатысты деп санамаймыз. Бірақ бізде шабуыл жасаған қылмыскерлер Ресейде тұрады деп тұжырымдауға дәйекті себеп бар. Бұл Ресейден келді. Біз хакерлік шабуыл жасап, құн төлеуді талап ететін желілерге қарсы қабылдануға тиісті шаралар жөнінде Ресеймен тікелей байланыстамыз және мұндай қылмыскерлердің әрекет ету мүмкіндіктерін шектейтін іс-шараларға талпынамыз", - деді Байден.

Colonial Pipeline компаниясына алдын ала болжам бойынша DarkSide хакерлер тобы тарапынан құн төлеуді талап ететін бағдарлама шабуылдады. Хакерлердің қылмыстық әрекетінен құбыр желілері тұралап, бұл АҚШ-та бензиннің көтерме бағасы қымбаттауына алып келді.

Бейсенбіге қараған түні құбыр желісі қайта іске қосылды. Бірақ АҚШ президенті оның жұмысын қалпына келтіру уақытты қажет ететінін айтты.

Sputnik радиосының эфирінде саясаттанушы, МХҚМИ салыстырмалы саясаттану кафедрасының аға ұстазы Алексей Зудин президент Байденнің киберқауіпсіздік мәселесін Ресеймен талқылауға ниет білдіргені туралы мәлімдемесіне мән берді.

"Бұл ресейлік тарап АҚШ-ты келіссөздер жүргізуге шақырған мәселенің бірі. Алайда Вашингтон бұл мәселе бойынша келіссөздер жүргізуге түбегейлі бас тартып келді. Мен бұл мәлімдемені маңызды деп санаймын. Себебі бұған дейін АҚШ тарапынан осы секілді ұсыныстар мүлде болған емес", - дейді Алексей Зудин.

Оның айтуынша, мұнда Ресейдің ұдайы келіссөздер жүргізуді ұсынуы да рөл ойнады.

"АҚШ осы уақытқа дейін бас тартып келген киберқауіпсіздік мәселелеріне қатысты келіссөздер жайлы айтылғаны маңызды. Мұнда осы келіссөздерді үнемі ұсынып келген Ресейдің де еңбегі бар", - деп санайды Зудин.

49
Строительство газопровода

"Солтүстік ағын 2" жобасының құрылысы қазанға дейін аяқтала ма?

85
Құбыр құрылысы 2019 жылдың желтоқсанында тоқтады. Швейцариялық Allseas құбыр төсеуші компаниясы Америка санкцияларының кесірінен жобадан кетті

НҰР-СҰЛТАН, 13 мамыр — Sputnik. "Солтүстік ағын – 2" төңірегіндегі шу басылар емес. АҚШ-тың мемлекеттік департаменті Еуропаны санкциямен қорқытуын жалғастырып жатыр.

Әлем ресейлік көгілдір отынның қажеттілігін түсінсе де, Германияда алдағы уақытта өтетін сайлау жобаның келешегіне едәуір әсер етуі ықтимал. Сондықтан Ресей газ құбырының құрылысын мейлінше жылдам аяқтауға асығып отыр, деп жазды РИА Новости.

Ресейдің Германиядағы елшісі Сергей Нечаев газ құбырының құрылысы 26 қыркүйекке дейін аяқталатынын мәлімдеді. "Егер ауа райы қолайлы болса, жұмыс жылдам жүреді", - деді ол. Қазір жүз километр құбырды төсеу қажет.

Сайлаудан кейін Бундестагтағы басым күшті жасылдар иеленуі мүмкін. Ал олар бұл жобаны қолдамайды. 3 мамырда немістердің үкіметтік емес табиғатты қорғау ұйымы Гамбургтегі әкімшілік сотқа арызданды. Экологтар "Солтүстік ағын – 2" жобасы Балтық теңізіне зиян келтіреді деп санайды.

Сонымен қатар ресейлік құбырды жақтаушы Ангела Меркель канцлер қызметінен кетеді. Билікке кім келетіні әзірше белгісіз. Жобаға үлкен қаржы салынған.

"Қазір он миллиард еуроны теңіз түбінде қалдыруға дайынбыз ба, мәселе осыда. Шешімді Еуропа қабылдауы керек", - дейді Сергей Нечаев.

Еуроодақта жобаға қатысты пікір қақ жарылды. Құбыр Германия, Финляндия, Швеция және Данияның аймақтық сулары арқылы өтеді. Алғашқы үш мемлекет құрылысқа жылдам келісім берді. Копенгаген ғана қарсылық білдіргенімен, ақырында ол да келісті. Есесіне Чехия, Польша, Венгрия, Словакия, Румыния, Хорватия қарсылық танытуда. Олардың қатарында Украина да бар. Ешкім транзиттеуші мәртебесінен айырылғысы келмейді.

Жалпы Варшава "Газпроммен" келісімшарт мерзімі аяқталған соң, 2022 жылдан бастап ресейлік отыннан бас тартуға дайын екенін білдірді. Поляктар Солтүстік теңізде төселіп жатқан норвегиялық тармақ - Baltic Pipe құбырына үміт артып отыр. Қалғаны – мұхиттың арғы жағындағы сұйылтылған табиғи газ.

"Солтүстік ағын – 2" екі тармағының жалпы қуаты – жылына 55 миллиард текше метр. Ұзындығы – 1234 километр.

Құбыр құрылысы 2019 жылдың желтоқсанында тоқтады. Швейцариялық Allseas құбыр төсеуші компаниясы америкалық санкциялардың кесірінен жобадан кетті. Бір жылдан кейін жұмыстар қайта жанданды. Бірақ Вашингтон жобаны әлі де қолдамай отыр.

АҚШ-тың 2021 жылға арналған қорғаныс бюджеті шектеулерді қайтадан кеңейтті. Мемлекеттік департамент еуропалық компанияларға қысым көрсетуде. Осы жылдың ақпанына қарай "Солтүстік ағын – 2" жобасынан ЕО-дағы 18 қатысушы кетті.

Алайда Еуропадағылар жобаның энергетикалық қауіпсіздік үшін маңыздылығын түсініп отыр. Кремль де серіктестер жоба құрылысын аяқтауға ниетті екенін мәлімдеді.

Германия билігі мұны бірнеше рет растады. Атап айтсақ, 4 мамырда ГФР сыртқы істер министрі Хайко Маас Лондонда өткен "жетілік" СІМ басшыларының отырысында осы тектес мәлімдеме жасады. ГФР көмір және атом энергетикасынан бас тартуда. Қалпына келетін энергия көздеріне жеңіл көшу үшін елге көп газ қажет.

Бірнеше күннен кейін, 11 мамырда "Германияға арналған альтернатива" партиясының тең төрағасы Тино Крупалла "Егеменді ел ретінде біз көптеген елмен іскерлік қарым-қатынасты ұстану керекпіз" дегенді айтты. Ол газ құбырының құрылысын аяқтау ГФР үшін де, Ресей үшін де тиімді екенін атап өтті.

"Бір сәттік саяси текетірес ұзақ мерзімді тиімді экономикалық әріптесікті бұзуы мүмкін емес. Бұл жеке мүдде емес, бұл бизнес", - дейді РХДУ экономика факультетінің доценті Максим Черняев.

Бірақ қыркүйек соңында жоба іске қосылатынына күмәндануға ауқымды себептер бар.

"Мұнда тек заңды және саяси кедергі ғана тұрған жоқ. Жұмыс қарқыны төмен. 19 мамырдан 10 мамырға дейін – 3,1 километр, 1-19 сәуір аралығында – 8,6 километр төселді. Яғни 40 күнде 11,7 километр немесе күніне орта есеппен 0,3 километр салынды. Онда құрылысты аяқтау үшін 11 ай қажет", - деп санайды TeleTrade ақпараттық-аналитикалық орталығының бас экономисі Марк Гойхман.

Алайда жобаны түбегейлі тоқтату мүмкін емес екенін көбі түсінген секілді. Жаңа санкцияларға дес бермес үшін еншілес фирмаларды тартуға болады. Бұл ұзақ уақытты қажет еткенмен, нәтижелі болады.

85
Ыстық ауа райы

36 градус ыстық және жел: ертең ауа райы қандай болады

1103
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

1103
Кілт сөздер:
Қазгидромет, ауа райы