Оқушы, архивтегі сурет

"Мұғалім қанды көрді": оқушы қыз мектептің ішінде атыс шығарды

4914
Мектеп оқушысының не себепті атыс шығарғаны белгісіз. Полиция баланың қаруды қайдан алғанын да анықтап жатыр

НҰР-СҰЛТАН, 8 мамыр — Sputnik. АҚШ-тың Айдахо штатында 6-сынып оқушысы атыс шығарды. Үш адам – бір күзетші және екі бала жарақат алды, деп хабарлайды Associated Press.

Джефферсон округының шерифі оқиғаның мән-жайын айтып берді. Оның сөзіне қарағанда, оқушы қыз тапаншаны рюкзактан алып шыққан. Сосын мектептің ішінде және сыртында бірнеше рет оқ атты. Мектеп мұғалімі ыңғайлы сәтті пайдаланып, оқушы қыздың тапаншасын алып қойды. Келіншек кішкентай баланы полиция келгенше ұстап отырды. Қазіргі кезде қылмыстың себебі анықталып жатыр. Сондай-ақ, полицейлер қыздың тапаншаны қайдан алғанын анықтауға кірісті. Мектеп оқушысының аты-жөні жарияланбай отыр.

"Біз сыныптастармен бірге класста отырғанбыз. Мұғалім де болды. Тапсырма орындап жатқан едік. Бір кезде қатты дыбыс естілді. Одан кейін тағы екі рет, сосын айқай-шу. Мұғалім не болды деп сыртқа шыққанда қанды көрді", -дейді мектеп оқушыларының біреуі.

Тағы оқыңыз: АҚШ-та мектепке бомба алып барған оқушы жараланды

Зардап шеккен оқушылардың жағдайы қалыпты. Жергілікті Idahonews басылымы таратқан мәліметке сәйкес, атыс кезінде зардап шеккендерге қаржылай көмек жинала бастады. Қазіргі кезде, кем дегенде, 47 мың доллар жиналды.

Айта кетейік, 1999 жылы Айдахо штатындағы Нотус қаласында мектеп оқушысы бірнеше рет оқ атқан. Сол кезде бір адам рикошетпен жарақат алды.

4914
Кілт сөздер:
АҚШ, оқушы
Американские военнослужащие у транспортного самолета перед отправкой в Афганистан в аэропорту Манас. Фото из архива

Алпауыт елдер текетіресі: америкалықтар неден қауіптеніп отыр

39
Америкалық әскерилер Таяу Шығыста Қытайдың ықпалы артады деп қауіптеніп отыр. Оған себеп те жоқ емес. Өйткені Қытай – таяушығыстық мұнайдың ең басты сатып алушысы және бірқатар елдің стратегиялық серіктесі

Орталық қолбасшылық басшысы генерал Фрэнк Маккензи жақында ғана Таяу Шығыста өткен іссапары кезінде америкалықтардың орнын қытайлар мен орыстар басады деген болжам жасаған болатын. Вашингтон өз назарын Шығыс Азияға қарай аудармақамери. Бұл хусит көтерілісшілерімен күресте Вашингтонның күшіне сенім артып отырған саудиттер үшін тиімді емес, дейді генерал.

Алайда Қытайды үлкен көңіл бөлуге тұрарлықтай қауіп ретінде бағалаған Маккензи Америка жаһандық держава ретінде тереңірек ойланып барып әрекет ету керек екенін еске салды. Оның ойынша, Ресей Бейжіңді қару-жарақпен толық қамтамасыз етуге дайын, деп жазды РИА Новости.

Қытай СІМ басшысы Ван И жақында ғана Таяу Шығыс елдеріне сапар жасауы әскерилерді алаңдатпай қоймады. Ол сәуірде Сауд Арабиясы, Біріккен Араб Әмірліктері, Оман, Бахрейн, Иран мен Түркияға сапар шекті. Бұл сапары кезінде қытай министрі Палестина-Израиль қақтығысы, Сирия, Ливия, Йемен мен Парсы шығанағындағы басқа да елдердің арасындағы шиеленіс жайын қозғады.

Министр Қытай мұнай нысандары мен теңіз жолдарының қауіпсіздігін қамтамасыз ету механизмі туралы көпжақты диалог алаңына айналуға дайын екенін жеткізді. Сонымен қатар Ван И ҚХР-дың ішкі мәселелеріне араласпағанына және Синьцзян-Ұйғыр автономдық ауданындағы "терроризмге қарсы шараларды" қолдағаны үшін араб елдеріне алғыс білдірді.

Тегеранмен 25 жыл бойы мұнай жеткізуді көздейтін келісімге қол қойды. Иранның энергетикалық және көлік инфрақұрылымына Қытайдың 400 миллиард доллар инвестиция салуға дайын екені туралы бір жыл бұрын белгілі болды. Жалпы Қытай Таяу Шығыстағы жобалары жайлы толық мәлімет таратуды қаламайды.

"Бір белбеу – бір жол" бастамасы аясындағы басқа жобалар жайы бүкіл әлемге жария етіп хабарланғанымен, Таяу Шығыс елдерімен өзара іс-әрекет туралы құжаттар толық жарияланбайды. Сондықтан Әбу Даби ұлттық әл-ауқат қорының жасанды интеллект зерттеулерімен айналысатын SenseTime қытай компаниясы туралы да ақпарат аз.

Жалпы Иран Қытайдың бұл өңірдегі жалғыз серіктесі емес. Мұнай жеткізу, сауда айналымының көлемі, тікелей инвестициялар мен қару-жарақ саудасы бойынша Сауд Арабиясы мен Ирак Тегераннан асып түседі.

"Сауда Арабиясы Қытайдан көптеп қару сатып алып отыр. Оның ішінде әсіресе соғысқа арналған ұшқышсыз ұшу құралдары бар. Ол жақта тіпті аппараттарды құрастыру зауытының жобасы іске қосылды. Баллистикалық зымырандар да шектеулі көлемде жеткізілді. Артиллерия да, қорғануға арналған техника да бар", - деді күні кеше ЖЭМ ҰЗУ Еуропа және халықаралық кешенді зерттеулер орталығының сектор меңгерушісі Василий Кашин.

Ресейдің халықаралық істер жөніндегі кеңесі таяушығыстық жобалар менеджері Руслан Мамедов Қытайдың араб елдерімен етене араласуы америкалықтардың титығына тиіп отырғанын айтты.

"Өңірлік және әлемдік деңгейде түбегейлі өзгеріске ұшырап жатқан қазіргі жағдайда барлығы да кері шегініп, ымыраға келуге ұмтылу керек. Таяу Шығыс елдерінің Қытайға қатысты көзқарасы оң сипатта. Олар АҚШ әлемдік гегемонияны орната отырып, ондаған жыл бойы өз қалауын жасап келгенін жақсы түсінеді. Қарсылық білдіруге тырысқан Ирактың бүгінгі түрі мынау. Елде хаос орнаған", - дейді Руслан Мамедов.

Ал ММХҚИ ХҚЗ перспективалы америкалық зерттеулер орталығының директоры Максим Сучков АҚШ-тың Таяу Шығыстағы ықпалын түбегейлі жоққа шығаруға әлі ерте екенін айтады. Оның пікірінше, Америка Қытай және Ресеймен арадағы қарсылығы арқылы Таяу Шығыстың маңыздылығын көрсеткісі келеді.

39
Города мира. Женева

Женева саммитінен қандай нәтиже күтуге болады

16
(Жаңартылды 10:29 16.06.2021)
Бүгін РФ президентінің АҚШ-тың кезекті көшбасшысы Джо Байденмен Женевада кездесуі өтеді. Мемлекет басшысы қызметін атқарған жылдар ішінде Владимир Путин үшін бұл Ақ үйдегі бесінші президент, деп жазды РИА Новости.

Жиырма жылдан астам уақыт ішінде Путин америкалық президенттермен ондаған кездесу ұйымдастырды. Алайда АҚШ билігі ауысқан сайын екі елдің қарым-қатынасы нашарлай беруде. Бұған Ақ үй иелерінің Владимир Путинге жеке көзқарасы немесе оған қатысты білдірген пікірі себеп емес. Себебі тым тереңде жатыр.

Құлдырауды басынын өткізіп, қайтадан сенімді даму жолына түскен Ресейді АҚШ-тың өзіне бәсекелес әрі жау көруі екі мемлекеттің байланысының шиеленісуіне тікелей ықпал етіп отыр. Осы орайда айтылатын дәлел мен факті де жетерлік. Алысқа ұзамай-ақ 2013 жылы (Сноуденнің қашуы және америкалықтардың Сирияға соққы жасаудан бас тартуы) Путинге қатысты теріс көзқарас артқаны анық. Укарина мен Скрипальдар, кибершабуылдар мен Навальный бұл жағдайды өршітпесе, баса қоймады.

Осы тұста екі ел көшбасшыларының кездесуі, жоғары деңгейдегі диалогтың жоқтығы да байқалатынын айта кету керек. Ол сонау қырғи-қабақ соғыстан кейінгі 80-жылдардағы деңгейге жеткелі отыр. Сондықтан бүгін өтетін кездесуді әлем жіті бақылап отырғаны белгілі. Бұл ауқымды мәселелер көтерілетіндей ұзақ уақытқа созылған диалог болмауы мүмкін. Бірақ жоқтан жақсы, әрі жақсылықтың нышаны іспеттес.

Әйтсе де, Кремль мен Ақ үй де Женева саммитіне қатысты қандай да бір үлкен нәтиже күтпейтінін мәлімдеген болатын. Бұл рас. Бірақ мұндай төмендетілген болжам кездесуден кейінгі аз нәтиженің өзін үлкен жетістік ретінде жариялау үшін де әдейі жасалуы мүмкін.

Соңғы жылдары АҚШ тарапынан Ресей мен Путинге қатысты бірқатар "іс атқарылды". Сондықтан Байден әкімшілігі Женева саммитін өз жетістігі ретінде көрсетуге тырысатыны анық. Ал келіссөздер мазмұны мен қорытынды бәрібір құпия күйінде қалады. Сондықтан оны әркім өзіне қарай бұрмалап мәлімдеме жасай алады.

Сол себепті Женева саммитінің нәтижесінде екі елдің қарым-қатынасында түбегейлі өзгеріс болады деген үміт жоқ. Себебі күннен-күнге ушығып жатқан геосаяси қайшылықтар мен АҚШ-тағы ішкі саяси дағдарыс қандай да бір жылылық желі есетініне күмән келтіріп отыр. Сондықтан саммит нәтижесі бойынша тек елшілердің елге қайтарылуы мен дипломатиялық миссиялардың жұмысындағы кейбір шектеулерді алып тастауды ғана күтуге болады.

АҚШ-тың Ресей мен Қытайға қатысты көзқарасын өзгертетіндей диалог жүруі екіталай. Себебі соңғы уақытта америкалықтардың аталған екі мемлекетке қарсы ұстанымдары мүлде басқа бағытта жүріп келеді.

Сондай-ақ Украина мәселесі бойынша да ілгерілеу болады деп күтпеген абзал. Себебі америкалықтар Украина төңірегіндегі дауды Ресейге қысым жасаудың құралы ретінде пайдалануын тоқтатпайды.

Сондықтан Женева саммитінде келелі мәселелер талқыланып, ондағы диалог нәтижесінде ауқымды жетістіктерге қол жеткізу үшін ең алдымен сенім болуы керек. Мемлекеттер арасында бір-біріне сенім жоқ жерде кез келген келіссөздің мәні де, маңызы да кетеді.

16
Дворец Мира и Согласия

Қазақстанда 17 маусымда қандай маңызды оқиғалар болады

0
Sputnik Қазақстан 17 маусым – 6 шілде аралығында өтетін негізгі іс-шаралар мен оқиғаларға шолу жасайды (ақпарат толықтырылып отырады)

17 МАУСЫМҒА ЖОСПАРЛАНҒАН ШАРАЛАР

11.00 – Сауда және интеграция министрі Бақыт Сұлтановтың халыққа есеп беру кездесуі. Кездесу онлайн режимде, ZOOM арқылы, министрліктің Facebook және YouTube сайттарында тікелей эфирде өтеді. Министрге сұрақтар мен ұсыныстарды 10 маусымға дейін келесі байланыс құралдарын пайдалана отырып жібере аласыз: министрдің Ашық диалог порталындағы блогы, министрліктің ресми сайтындағы "сұрақ-жауап" онлайн-қабылдау, электронды пошта: mti_press@mti.gov.kz, сонымен қатар министрліктің Facebook-тегі ресми парақшасы.

НҰР-СҰЛТАН

19.00 – "Шәмші" спектаклі (Музыкалық жас көрермен театры, Ж. Омаров көшесі, 47Б).

19.00 – Джузеппе Вердидің "Травиата" операсы ("Астана Опера" театры (Қонаев көшесі, 1).

19.00 – "Светлые думы" пьесасы (Горький театры, Кіші зал, Желтоқсан көшесі, 11).

21.00 – "Ұйқым келмейді" спектаклі (Қуанышбаев атындағы театр, Ахмет Байтұрсынұлы көшесі, 25/1).

АЛМАТЫ

12.00 – "Дюймовочка" спектаклі (Алматы мемлекеттік қуыршақ театры, Пушкин көшесі, 63).

18.30 – "Мани, мани" спектаклі (Әуезов атындағы драма театр, Абай даңғылы, 103).

19.00 – "Примадонны" спектаклі (Н.Сац атындағы театр, Шаляпин көшесі, 22).

19.00 – "От D.SCH до A.SCH" концерті (Абай атындағы мемлекеттік академиялық опера және балет театры, Қабанбай батыр көшесі, 110).

19.00 – "Алматыдағы Інжіл кеші" концерті (Жамбыл атындағы филармония, Қалдаяқов көшесі, 35).

18 МАУСЫМҒА ЖОСПАРЛАНҒАН ШАРАЛАР

НҰР-СҰЛТАН

16.00 – "Еще раз о Русалочке" спектаклі (Қуыршақ театры, Республика даңғылы, 3).

19.00 – "Светлые думы" спектаклі (Горький атындағы театр, Кіші зал, Желтоқсан көшесі, 11).

19.00 – "Атамекен" концерті ("Астана" концерт залы, Кенесары көшесі, 32).

19.30 – "Жұлдызбен бір сахнада" атты жаңа жоба. Жаңа жобаның басты ерекшелігі – көрермендер концерттерді әртістермен бірге сахнада отырып тамашалап, концерттердің тікелей қатысушысы бола алады. Әртістер өнер сүйер қауымға жақынырақ бола түсіп, жаңаша әсер мен ерекше көңіл-күй сыйламақ. Жоба аясында "Сиқырлы сазды" хор концерті өтеді. Көрермендер концерттік залға "Ashyq" қосымшасы арқылы кіре алады.  "Қазақконцерт" ОКЗ, Мәңгілік ел 10/1. Гүлназ Асан: +7 701 627 4237, gulnaz_danaqyzy@mail.ru.

АЛМАТЫ

12.00 - "Аистенок и Пугало" спектаклі (Алматы мемлекеттік қуыршақ театры, Пушкин көшесі, 63).

18.30 – "Жүрегімнің иесі" спектаклі (Әуезов атындағы драма театр, Абай даңғылы, 103).

19.00 – "Көңілдес әйел" спектаклі ("Өркен" театр-студиясы, ағайынды Абдуллиндер көшесі, 38).

19.00 - "3 века классического романса" концерті (Абай атындағы мемлекеттік академиялық опера және балет театры, Қабанбай батыр көшесі, 110).

19.00 - "Восемь любящих женщин" спектаклі (Н. Сац атындағы театр, Шаляпин көшесі, 22).

20.00 – "Взломанный" қойылымы (BUNKER ART-баспана, Досмұхамедов көшесі, 78а).  

19 МАУСЫМҒА ЖОСПАРЛАНҒАН ШАРАЛАР

НҰР-СҰЛТАН

12.00 – "Еще раз о Русалочке" спектаклі (Қуыршақ театры, Республика даңғылы, 3).

12.00 – "Аффари" бизнес орталығының сахнасында жас көрермендерге арналған "Искусство дарят дети" концерті ("Астана Опера" әртістері)

17.00 - "Жұлдызбен бір сахнада" жобасы. Жобаның басты ерекшелігі - көрермендер музыка жауһарларын сахнада әртістермен бірге тыңдай алады. Жоба аясында "Сал домбыра" офлайн концерті өтеді. Концерттерге тұрғындар Ashyq қосымшасы арқылы кіреді ("QAZAQSTAN" орталық концерт залы, Мәңгілік ел көшесі, 10/1. Гүлнәз Асан: +7 701 627 4237, gulnaz_danaqyzy@mail.ru. Электронды пошта: infoqazaqconcert@gmail.com).

21.00 – "Ұйқым келмейді" спектаклі (Қуанышбаев атындағы театр, Ахмет Байтұрсынұлы көшесі, 25/1).

АЛМАТЫ

12.00 – "Коза-Дереза" спектаклі (Алматы мемлекеттік қуыршақ театры, Пушкин көшесі, 63).

14.00 – "Вождь краснокожих" спектаклі ("ТеатРон" мәдени кеңістігі, Прокофьев көшесі, 144).

15.00 – "Ne prosto orchestra" оркестрі мен хорының орындауындағы "Наруто" және "Аватар" саундтректерінің концерті (Республика сарайы, Достық даңғылы, 56).

16.00 – "Каштанка" спектаклі (Алматы мемлекеттік қуыршақ театры, Пушкин көшесі, 63).

18.00 – "Соболлини" спектаклі (Ермашов атындағы әуесқой театр, Щепкин көшесі, 35).

18.00 – "Голубцы по объявлению" спектаклі (Н. Сац атындағы театр, Шаляпин көшесі, 22).   

18.00 – "Вечер одноактных опер" концерті (Абай атындағы мемлекеттік академиялық опера және балет театры, Қабанбай батыр көшесі, 110).

18.00 – "Osborn" спектаклі (Республикалық неміс драма театры, Папанин көшесі, 70/1).

18.00 – "В.А.Моцарттың туғанына 265 жыл" концерті (Жамбыл атындағы филармония, Қалдаяқов көшесі, 35).

18.30 – "Махаббат, қызық мол жылдар" спектаклі (Ғабит Мүсірепов атындағы театр, Абылай хан даңғылы, 38).

18.30 – "Сыған серенадасы" спектаклі (Әуезов атындағы драма театр, Абай даңғылы, 103).

19.00 – "На троих" спектаклі ("ТеатРон" мәдени кеңістігі, Прокофьев көшесі, 144).

20.00 - "я (не) люблю Алматы" спектаклі (BUNKER ART-баспана, Досмұхамедов көшесі, 78а).

21 МАУСЫМҒА ЖОСПАРЛАНҒАН ШАРАЛАР

НҰР-СҰЛТАН

10.00 - Қазақстан Республикасы парламенті палаталарының бірлескен отырысы. Мәжіліс төрағасы Нұрлан Нығматулин парламент палаталарының бірлескен отырысын шақыру туралы өкімге қол қойды.

22 МАУСЫМҒА ЖОСПАРЛАНҒАН ШАРАЛАР

11.00 – Сауда және интеграция министрі Бақыт Сұлтановтың халыққа есеп беру кездесуі. Кездесу онлайн режимде, ZOOM арқылы, министрліктің Facebook және YouTube сайттарында тікелей эфирде өтеді. Министрге сұрақтар мен ұсыныстарды 10 маусымға дейін келесі байланыс құралдарын пайдалана отырып жібере аласыз: министрдің Ашық диалог порталындағы блогы, министрліктің ресми сайтындағы "сұрақ-жауап" онлайн-қабылдау, электронды пошта: mti_press@mti.gov.kz, сонымен қатар министрліктің Facebook-тегі ресми парақшасы.

25 МАУСЫМҒА ЖОСПАРЛАНҒАН ШАРАЛАР

НҰР-СҰЛТАН

19.30 – "Жұлдызбен бір сахнада" атты жаңа жоба. Жаңа жобаның басты ерекшелігі – көрермендер концерттерді әртістермен бірге сахнада отырып тамашалап, концерттердің тікелей қатысушысы бола алады. Әртістер өнер сүйер қауымға жақынырақ бола түсіп, жаңаша әсер мен ерекше көңіл-күй сыйламақ. Жоба аясында "На волне романтизма" концерті өтеді. Көрермендер концерттік залға "Ashyq" қосымшасы арқылы кіре алады.  "Қазақстан" ОКЗ, Мәңгілік ел 10/1. Гүлназ Асан: +7 701 627 4237, gulnaz_danaqyzy@mail.ru.

26 МАУСЫМҒА ЖОСПАРЛАНҒАН ШАРАЛАР

НҰР-СҰЛТАН

19.30 – "Жұлдызбен бір сахнада" атты жаңа жоба. Жаңа жобаның басты ерекшелігі – көрермендер концерттерді әртістермен бірге сахнада отырып тамашалап, концерттердің тікелей қатысушысы бола алады. Әртістер өнер сүйер қауымға жақынырақ бола түсіп, жаңаша әсер мен ерекше көңіл-күй сыйламақ. Жоба аясында "№13" концерті өтеді. Көрермендер концерттік залға "Ashyq" қосымшасы арқылы кіре алады.  "Қазақконцерт" ОКЗ, Мәңгілік ел 10/1. Гүлназ Асан: +7 701 627 4237, gulnaz_danaqyzy@mail.ru.

5 ШІЛДЕГЕ ЖОСПАРЛАНҒАН ШАРАЛАР

НҰР-СҰЛТАН

20.00 - "PICCOLO" театрының Гаетано Доницетитеатердің "Дон Паскуале" екі актілі драма-буфасы ("Астана Опера" әртістері).

6 ШІЛДЕГЕ ЖОСПАРЛАНҒАН ШАРАЛАР

НҰР-СҰЛТАН

Орталық қалалық саябақтың амфитеатр сахнасында мерекелік гала-концерт. Танымал опера ариялары мен дуэттер, қазақстандық авторлардың және Батыс Еуропа классикалық композиторларының ("Астана Опера" музыканттары) аспаптық және хор шығармалары ұсынылады.

Жоспарланған шаралар тізімі ашық дереккөзден алынды. Sputnik Қазақстан іс-шаралардың уақыты мен күнінің өзгеруіне жауапты емес.

0