Құрылысшылар, архивтегі фото

"Солтүстік ағын 2" жобасының аяқталуына аз қалды

68
"Солтүстік ағын – 2" газ құбырының құрылысы аяқталуға жақын екені туралы жаңалық Украинаны абыржытпай қоймады

НҰР-СҰЛТАН, 8 маусым — Sputnik. Кеше ғана АҚШ президенті Джо Байден Украинаның көшбасшысы Владимир Зеленскиймен телефон арқылы сөйлесті. Америкалық тараптың пікіріне қарағанда, әңгіме ауаны Украинаның аймақтық бүтіндігі мен дербестігіне қатысты ресми қолдаулардан аспаған сыңайлы, деп жазды РИА Новости.

"Солтүстік ағын – 2" газ құбырының құрылысы аяқталуға жақын екені туралы жаңалық Украинаны абыржытпай қоймады. Себебі батыстағылар аталған газ құбыры Украинаның газ тасымалдаушы жүйесін істен шығарып, елді жыл сайын көгілдір отынды Еуропаға тасымалдаудан түсетін миллиардтаған доллардан айырады деп сендіріп келеді.

Ақиқатын ажыратып көрелік. 2019 жылдың соңында "Газпром" мен "Нафтогаз" өткен жылы ресейлік кәсіпорын 65 миллиард текше метр, 2021-2024 жылдар аралығында жыл сайын 40 миллиард текше метр газ айдауын қарастыратын келісімшартқа қол қойды. Бұл құжат бойынша "Газпром" іс жүзінде аз көлемде газ айдаса да, толық транзиттің сомасын төлеуі керек болды.

Солай болды да. 2020 жылы Украина аумағында жалпы көлемі 55,8 миллиард текше метр газ тартылды. Бұл соңғы 30 жылдағы мінсіз антирекорд. Жобалық қуаты жылына 140 миллиард текше метр газды құрайтын УГТЖ-ның бүгінде үштен бір бөлігі бос тұр.

2014 жылы "Нафтогаз" басшысы Андрей Коболев УГТЖ құнын 25-35 миллиард долларға бағалап, еуропалық компанияларды үлескер ретінде акцияларды сатып алуға шақырды. Олардың қатарында поляктардың PGNiG, швейцариялық AOT Energy, италиялық Snam S.p.A. және словакиялық Eustream a.s. болды. Бірақ киевтік тарап компанияның бақылаушы пакетін өзіне қалдырып, акциялардың тек 49 проценті сатуды ұйғарды. Нәтижесінде сатып алушылардың жоқтығына байланысты тендер іске аспады.

2018 жылы аталған компанияны Коболев 14 миллиард долларға бағаласа, 2019 жылы оператор ретінде ғана қызмет еткен "Укртрансгаз" құны небәрі 1,45 миллиард доллармен шектелді.

Соңғы Майданнан кейін Ресей мен Украинаның қарым-қатынасы бұзылғаны жасырын емес. Бұл істе АҚШ-тың тікелей жауапкершілігі бар. Жалпы америкалықтар УГТЖ-ға әлі де қызығушылық танытып отыр. Себебі "Солтүстік ағын - 2" жобасы іске қосылғаннан кейін украиналық транзит өз маңыздылығы мен өзектілігін жоғалтпайды.

Нидерландының ресми коммюникесіне сәйкес, келесі жылы жазда Гронинген бассейнінің шекарасындағы табиғи газ өндіру толық тоқтатылады. Яғни Еуропа Голландияның солтүстігінен жеткізілетін 25 миллиард текше метр газдан қол үзгелі тұр. Мұндай ауқымды көлемнің орнын украиналық транзитті қоса алғанда Ресейден газ жеткізуді сақтау және арттырудың арқасында ғана толтыруға болады.

Қалыптан тыс төмен температура байқалмаған 2021 жылдың маусымында еуропалық хабта табиғи газ бағасы мың текше метрі үшін үш жүз доллар шамасында тұр. Бұл рекорд болмағанымен, елемей қоятындай аз да емес. Еуропада жылыту маусымы басталатын 15 қазанда көгілдір отын бағасы қанша болатынын болжауға ешкім дауалар емес. Алайда мамандар пандемиядан кейінгі қалпына келу жылында ол баға едәуір жоғары болатынына сенімді.

16 маусымда Женевада ресейлік және америкалық президенттердің кездесуі өтеді. Бұл басқосуда Украина мен Еуропаға газ жеткізу мәселесі талқыланатыны анық.

Егер АҚШ транзит кестесінен Украинаны алып тастап, жеткізулерді өзі бақылайтын болса, онда Вашингтон Еуроодақ саясатына тікелей ықпал етіп қана қоймай, көлемді табысқа кенеледі. Бұл барлығы үшін тиімді болатын секілді.

68
Кілт сөздер:
Ресей, Украина, газ құбыры
Тақырып бойынша
Газ нарығындағы текетірес: ірі жоба іске қосылса Украина қанша шығынға ұшырайды
Байден Еуроодақпен қарым-қатынасты түзеуге кірісті
Медведев: Келісімге келуге дайын болу қажет
АҚШ сұйылтылған табиғи газ экспортын арттырды
Ресей ұлттық мүддені қорғауға кірісті
Ақ үй

АҚШ сенаторлары Ақ үйге ультиматум қойды - саясаттанушы пікірі

54
Америкалық 12 республикашыл сенатор АҚШ қаржы министрлігі мен Ақ үйге ультиматум қойды

НҰР-СҰЛТАН, 29 шілде — Sputnik. Американың бір топ сенаторы ресейлік "Солтүстік ағын - 2" жобасы тоқтатылмаса, АҚШ-тың қаржы министрлігіндегі тағайындауларға бұғаттау енгіземіз деп қысым көрсетті. Sputnik радиосының эфирінде саясаттанушы, заманауи мемлекеттік даму институтының директоры Дмитрий Солонников осы жағдайға қатысты өз ойын бөлісті.

Америкалық 12 республикашыл сенатор АҚШ қаржы министрлігі мен Ақ үйге ультиматум қойды. Олар "Солтүстік ағын – 2" жобасына жаңа санкциялар енгізуді талап етіп отыр.

Олар ұсынған хаттан үзіндіні Bloomberg агенттігі жариялады.

"Солтүстік ағын – 2" газ құбыры Америка Құрама Штаттары мен оның одақтастары және серіктестерінің ұлттық қауіпсіздік мүддесіне тікелей зиян келтіріп отыр. Бұл жоба аяқталатын болса, онда РФ президенті Владимир Путиннің Еуропаға ықпалы артып, Украинаның қауіпсіздігіне қауіп төндіреді және ресейлік агрессияның артуына алып келеді", - деп жазылған хатта.

Ақ үй әкімшілігі "газ құбырына қатысты өз позициясын өзгертіп, жаңа санкциялар енгізбесе", сенаторлар қаржы министрлігіндегі екі қызметтік тағайындауға тосқауыл болуды көздеп отыр.

Күні кеше Nord Stream2 AG газ құбырының операторы аталған жоба 99 процентке дайын екенін жариялады.

Sputnik радиосының эфирінде саясаттанушы, Заманауи мемлекеттік даму институтының директоры Дмитрий Солонников ресейлік жобаға қарсы тұру ішкі саяси күрес құралына айналғанын айтты.

"Бұл ұзаққа созылатын ойын. Қазір демократтар мен республикашылдардың орны ауысқанын көріп отырмыз: енді демократтар өз ұстанымдарын қорғап, Кремльмен еш байланысы жоқ екенін дәлелдеп жатыр. Жалпы АҚШ ішінде түрлі позициялар бар екенін, елдің ешбір президенті өз бетінше мемлекет болашағын шеше алмайтыны бұрыннан белгілі. Аталған позициялардың авторлары түрлі қысым көрсетуді жалғастыра береді. Бұл "Солтүстік ағын – 2" жобасы іске қосылғанша жалғаса береді. Алайда газ құбыры жақында іске қосылады. Ал қаржы министрлігіндегі тағайындауды созбақтау жалғасады. Бұл АҚШ-тағы ықпал үшін күрес", - деп санайды Дмитрий Солонников.

54
Архивтегі сурет

БҰҰ коронавирустың супер таратушысына айналуы мүмкін елді атады

2156
Маман Мьянма Жер шары халқының үштен бірі тұратын елдермен шектесетінін еске салды

НҰР-СҰЛТАН, 29 шілде – Sputnik. Мьянмаға COVID-19 ошағын көбейтіп, бүкіл өңірге бақылаусыз тарататын елге айналу қаупі төніп тұр.

Бұл туралы БҰҰ-ның Мьянмадағы адам құқықтары жөніндегі арнайы баяндамашысы Том Эндрюс мәлімдеді, деп хабарлайды РИА Новости.

"Мьянма коронавирустың супер таратушысына айналып барады. Оның арасында өте қауіпті әрі жұқпалы "дельта" және басқа штаммдар да бар. Бұл көптеген себепке байланысты өте қауіпті нәрсе", - деді ол.

Маманның айтуынша, Мьянмада COVID-19-дан қайтыс болғандар мен жұқтырғандардың нақты саны белгісіз. Ол мемлекет Жер шары халқының үштен бірі тұратын елдермен шектесетінін еске салды.

Тағы оқыңыз: Цой: коронавируспен ауырғандардың 99,9%-і – вакцина салдырмағандар

"Бұл коронавирус ұлттарды, шекараны, идеология мен саяси партияларды құрметтемейтіні туралы жай ғана факт. Ол дискриминацияны білмейтін қанішер", - деп атап өтті Эндрюс.

2156
Кілт сөздер:
коронавирус
Тақырып:
Коронавирус эпидемиясы
тауарлы поезд

Қазақстан, Ресей және Өзбекстан агроөнім тасымалдайтын "жасыл дәліз" құрады

0
Агроэкспресс пойыздар кешікпей, жылдам жүруі керек. Бұл тез бұзылатын өнімдерді жеткізу үшін аса маңызды

НҰР-СҰЛТАН, 29 шілде — Sputnik. Қазақстан мен Ресей агроөнімдерді тасымалдауға арналған "жасыл дәліз" құру жайын талқылап жатыр.

"Ресей – Өзбекстан" агрологистикалық дәлізі үшжақты болуы керек. Себебі тауарлардың жүк ағыны Қазақстан аумағы арқылы өтіп жатыр", - деді "Ресей экспорт орталығы" АҚ бас директоры Вероника Никишина.

Ол бұл туралы сауда және интеграция вице-министрі Қайрат Төребаевпен кездесу кезінде мәлімдеді, деп хабарлады министрлік.

"Пойыздар кешігусіз, жылдам жүруі үшін бақылаушы органдардың жұмысын үйлестіру керек болады. Себебі бұл жылдам бұзылатын тауарларды жеткізу үшін аса маңызды. Осылайша біз үш елдің бизнесіне бәсекелестік артықшылық ұсынып, мемлекеттер арасындағы тауар айналымын айтарлықтай ұлғайта аламыз", – деді Вероника Никишина.

Өз кезегінде қазақстандық вице-министр екі ел де оңтүстіктен тауар жеткізуді толыққанды қамтамасыз ету бойынша жұмыстар жүргізіп жатқанын айтты.

"Бізге осы жұмысты үйлестіріп, біріздендіру керек. Оның ішінде Ресейден Ауғанстанға дейінгі дәліз бойынша тиімді транзиттік тарифтер қалыптастыру мәселесі де бар", - деді Қайрат Төребаев.

Тараптар Орталық Азия – Қазақстан – Ресей тауарлар ағыны мен Еуразиялық тауар өткізуші жүйе қалыптастырудағы екі ел ынтымақтастығының келешегін талқылады.

Сонымен қатар "Қорғас" және "Орталық Азия" сауда-экономикалық ынтымақтастықтың халықаралық шекара маңындағы орталықтар базасында өнеркәсіптік кооперация бойынша бірлескен жобаларды жүзеге асыру жайы қаралды. Оның ішінде Орталық және Оңтүстік Азия мен Қытай сынды үшінші елдің нарығына бірлесіп дайындалған өнімді шығару мәселесі де бар.

Осы аталған мәселелер бойынша жұмысты үйлестіру және тәжірибе алмасу мақсатында тараптар жақын уақытта "Qaztrade" Сауда саясатын дамыту орталығы" АҚ мен "Ресей экспорт орталығы" АҚ арасында әріптестік туралы келісім жасау жөніндегі мәмілеге келді.

Бұл кездесу вице-министр Қайрат Төребаевтың "Ресей – Ислам әлемі: KazanSummit 2021" ХІІ Халықаралық экономикалық саммитінің жұмысына қатысуы аясында өті. Саммит шеңберінде Қазақстанның сауда-экономикалық миссиясы мен Қазақстан-Ресей бизнес-форумы да өтіп жатыр.

Оқи отырыңыз: Лавров Ресей – Еуроодақ саммитін өткізуге не кедергі екенін айтты

0
Кілт сөздер:
Өзбекстан, Ресей, Қазақстан
Тақырып бойынша
Досаев Тоқаевқа экономика өсімін 3,9% деңгейде жақсарту туралы айтты
Қазақстан халықаралық көрмеде алғашқы отандық дронды таныстырды
Мерзімі өтіп кеткен қандай азық-түлік өнімдерін жеуге болады