НАТО оқу-жаттығулары

НАТО Украинада әскери оқу-жаттығуларға дайындалып жатыр

63
(Жаңартылды 09:55 10.06.2021)
Sea Breeze оқу-жаттығулары Украина аумағында 1997 жылдан бері тұрақты өткізіліп келеді

НҰР-СҰЛТАН, 9 маусым - Sputnik. Украина НАТО-мен бірлескен Sea Breeze 2021 атты соңғы жылдардағы ең ірі оқу-жаттығуларына дайындалып жатыр. Осы шара аясында Украинаға мыңдаған сарбаз, жүздеген техника, ондаған ұшақ пен кеме жеткізілді, деп жазды РИА Новости.

Sea Breeze оқу-жаттығулары Украина аумағында 1997 жылдан бері тұрақты өткізіліп келеді. Алайда осы жылы қатысушылар қарасы көп көрінеді. Украина қарулы күштерімен бірге әлеуетті түрде НАТО құрамына кіретін тағы 27 мемлекеттің сарбаздары мен офицерлері жаттығатын болады.

Украина әскери ведомствосының ресми баспасөз хабарламасына сәйкес, маневрлерге төрт мыңға жуық әскери қызметкер, 40 әскери кеме, қайық пен көмекші кеме, 30 ұшақ пен тікұшақ, сондай-ақ 100-ден астам жердегі техника қатысады.

Оқу-жаттығу сценарий бойынша коалициялық топ "көрші мемлекеттің билігі жан-жақты қолдау көрсетіп отырған заңсыз қарулы құрылымдардың" әрекетінен туындаған "дағдарысты жағдайды тұрақтандыру" орындалады.

Оқу-жаттығулардың теңіздегі құраушы көпұлтты кеме бірігуін қалыптастыру мен үйлестіруге, флоттың құрлықтағы әскер мен авиациямен өзара әрекеттесуін ұйымдастыруға және теңіз десантын қолдануға бағытталған. Құрлықта олар НАТО стандарттары бойынша операцияларды штабты жоспарлаумен, күштер мен құралдарды көшірумен және теңіз бағытында шабуыл жасауды пысықтаумен айналысатын болады. Авиация әуеден барлау жүргізіп, нысаналарға соққы жасайды және әскер мен жүкті тасымалдайды.

Маневрлер екі кезең бойынша жүзеге асырылады.  Маусымда басталатын бірінші кезең аясында басқару және байланыс бекеттері орналастырылады, операциялар жоспарланады, соғыс кемелерінің жасағы құрылады және авиацияны орталық аэродромдарға қайта жасақтайды. Екінші кезеңде одақтастардың әскерлері қолда бар барлық қару-жарақ арқылы әлеуетті қарсыластың жер үсті мен су астындағы кемелеріне соққы жасайды, жердегі нысандарға шабуыл жасайды, сонымен қатар әуедегі және кемеге қарсы қорғанысты ұйымдастырады.

Алайда мұндай ауқымды оқу-жаттығулардың Ресей шекарасына жақын маңда өтуі Мәскеуді алаңдатып отыр. Ресей Қорғаныс министрлігінің ресми өкілі генерал-майор Игорь Конашенковтың айтуынша, әскери ведомство Sea Breeze оқу-жаттығуларын жіті қадағалайтын болады.

Оқи отырыңыз: АҚШ кемелері Қара теңіз аумағына кіруін тоқтата ма?

Генерал "мәртебесі мен атауы бойынша бұл оқу-жаттығулар теңіздегі шара болғанымен, әскери белсенділік шекарасы Қара теңіз акваториясындағы укриан учаскесінен тыс шығып отыр" деген пікір білдірді.

Sea Breeze – соңғы уақытта Қара теңізде НАТО өткізіп отырған жалғыз оқу-жаттығу емес.  Мамырда Португалия жағалауында Steadfast Defender әскери-теңіз оқу-жаттығулары өтті. Мұндағы әскери техника жақын уақытта Қара теңізге қарай ығысуы керек.

Британдық Daily Mail газетінің пікірінше, бұл оқу-жаттығулар Женевада маусымның ортасында Владимир Путин мен Джо Байденнің кездесуі қарсаңында әдейі ұйымдастырылып отыр. Ал Солтүстікатлантикалық альянс бұл маневрлердің Ресейге еш қатысы жоқ екенін айтуда.

63
Кілт сөздер:
оқу-жаттығулар, Украина
АҚШ, Капитолий

Байден Сәуле Омарованы лауазымды қызметке тағайындайды

484
(Жаңартылды 12:11 24.09.2021)
Профессор криптовалютаның қарсыласы болып саналады. Ол өзінің ғылыми жұмысында криптовалютаның банк саласына қандай қауіп төндіретінін жан-жақты көрсеткен

НҰР-СҰЛТАН, 24 қыркүйек – Sputnik. АҚШ президенті Джо Байден Корнель университетінің профессоры Сәуле Омарованы ақша айналымын бақылау басқармасының (Office of the Comptroller of the Currency, OCC) басшысы қызметіне тағайындауды жоспарлап отыр. Бұл басқарма Америкадағы банк секторының негізгі реттеушісі болып саналады. Бұл туралы Bloomberg.com хабарлады.

Тағайындау жұмысымен таныс үш бірдей адам Сәуле Омарованың бір апта ішінде басқарма жұмысына тартылатынын растады. Алайда Ақ үй ақпаратты ресме түрде нақтылаған жоқ. Қазақстанның тумасы Сәуле Омарова осы қызметке тағайындалса, АҚШ тарихында алғаш рет банк секторының негізгі реттеушісін әйел адам басқарады.

"Ақша айналымын бақылау басқармасы елдің ірі кредиторларын бақылайды. Олардың ішінде JPMorgan Chase & Co., Bank of America Corp. және Citigroup Inc. бар. Корнель университетінің заң факультетінде дәріс беріп жүрген Омарова таңдалса, Уолл-стритке оңай болмайды. Қатты бақылау мен қатаң ережелер енгізіледі деген болжам бар", - дейді мақала авторы.

Профессор Сәуле Омарова криптовалютаның қарсыласы болып саналады. Ол өзінің ғылыми жұмысында криптовалютаның банк саласына қандай қауіп төндіретінін жан-жақты көрсеткен.

Айта кетері, биыл тамыз айының басында АҚШ қаржы министрлігі валюталық бақылау басқармасының басшысы қызметіне Сәуле Омарованың кандидатурасы ұсынылғаны туралы ақпарат таратқан. Оған дейін осы қызметке үміткер екі адам болды. Алайда Демократиялық партияның ішінде өзара тартыс басталды. Ақ үй екі кандидатурадан да бас тартып, профессор Сәуле Омарованы қарастыруға кірісті.

Сауле Омарова
Сәуле Омарова

Джордж Буш кезінде Сәуле Омарова қаржы министрлігінің реттеу саясаты бойынша арнайы кеңесшісі болған. Davis Polk & Wardwell заңгерлік фирмасында бес жыл жұмыс істеп шықты.

Сәуле Омарова Корнель университетінде жұмыс істейді. Банк құқығы бойынша профессор дәрежесі бар. Мәскеу мемлекеттік университетінде (1989), Висконсин университінде (1999) және Солүстік-Батыс университінде (2001) оқыған. Заң ғылымдарының докторы. Қазақ, орыс және ағылшын тілін біледі.

484
Кілт сөздер:
АҚШ, лауазым, жаңа қызмет
Тақырып бойынша
"Қазақша сөйлемеймін": Францияда мэрдің орынбасары болған қазақ қызы сұхбат берді
Қазақ қызы АҚШ президенті әкімшілігінде басшылық қызмет атқарып жүр
Джо Байденмен жұмыс істейді: қазақ қызы АҚШ-та жаңа қызметке кірісті
Сәуле Омарова АҚШ-та лауазымды қызметке ұсынылды
Қазақ қызы АҚШ-та өткен сұлулық байқауында жеңіске жетті – фото
Киім ілетін құрылғы

"Ауылдың кір киімін жуып, үтіктеуге тиіс": сот ер адамға ерекше үкім шығарды

671
Бұл судья ерекше шешімдерімен кеңінен танылған. Бұған дейін адам өлтіруге оқталған ер адамды кепілге босатуға рұқсат берді. Бірақ айыпталушы өз ауылында немесе қоғамдық жерде бес жеміс ағашын отырғызуға тиіс

НҰР-СҰЛТАН, 24 қыркүйек – Sputnik. Үндістанның Бихар штатының соты кінәлі деп танылған ер адамды жарты жыл бойы кір жууға және киім үтіктеуге міндеттеді, деп хабарлайды РИА Новости.

"Айыпталушы жарты жыл бойы арыз түсірген адамның және ол тұратын ауылдағы барлық әйелдің кір киімін  жууға тиіс. Алты айдан кейін сол ауылдың үлкені немесе құрметті мемлекеттік қызметшіден куәлік алып, сотқа тапсыруы қажет", - делінген сот үкімінде.

Оған қоса, ер адам кепілге 10 мың рупий салып, осы сомаға тағы екі кепілгерлік тапсыруы шарт.

Сот материалдарына сәйкес, айыпталушы Лалан Кумар Сафи 17 сәуірге қараған түні әйелге шабуыл жасаған. Оны Үндістан қылмыстық кодексінің 354В бөлімі ("әйелді шешіндіру мақсатымен шабуыл жасау") бойынша жауапқа тартқан. Полиция Сафидің сот үкімін қалай орындайтынын бақылайды.

Сот үкімін шығарған Авинаш Кумар ерекше шешімдерімен кеңінен танылған. Бұған дейін адам өлтіруге оқталған ер адамды кепілге босатуға рұқсат берді. Бірақ айыпталушы өз ауылында немесе қоғамдық жерде бес жеміс ағашын отырғызуға тиіс. Ал тағы бір істі қарағанда жауапқа тартылған ер адамды кәріз құбырын тазартуға міндеттеген.

Оқи отырыңыз: 

671
Кілт сөздер:
киім-кешек, сот
Тақырып бойынша
Үндістанда вакцина салу кезінде әйелдер ерсі қылық көрсетіп жатыр
Үндістанда адамдар туыстарының мәйітін өртейтін орын үшін төбелесе бастады
"Анашым әбден қиналып өлді": Үндістанда мәйіттерді далада өртеп жатыр
Үндістанда 40 адам белгісіз аурудан қайтыс болды
Үндістанда тағы бір қауіпті вирус табылды
Пожар возле лицей №60 в Сарыаркинском районе столицы

Нұр-Сұлтанның оң жағалауында салынып жатқан ғимарат өртенді видео

0
(Жаңартылды 20:33 24.09.2021)
Өрт сағат 19.49-да оқшауланды. Қаза тапқандар мен зардап шеккендер жоқ

НҰР -СҰЛТАН, 24 қыркүйек – Sputnik. Өрт елордада салынып жатқан тұрғын үй кешенінен басталды.

Бұл туралы Нұр-Сұлтан қаласының төтенше жағдайлар департаменті хабарлады.

Сағат 19.35-те өрт сөндірушілер Кенесары көшесі, 3А мекенжайында түтін көрінгені туралы хабарламаға шығып кетті.

Өрт сөндірушілер оқиға орнына 7 минут ішінде жетіп, жаңадан салынып жатқан тұрғын үй кешенінің аумағында 50 шаршы метр аумақта рубероид жабыны мен жиналған қоқыс өртеніп жатқанын анықталды.

Өрт сағат 19.49-да оқшауланды.

Қаза тапқандар мен зардап шеккендер жоқ.

Оқи отырыңыз:

0