Американские военнослужащие у транспортного самолета перед отправкой в Афганистан в аэропорту Манас. Фото из архива

Алпауыт елдер текетіресі: америкалықтар неден қауіптеніп отыр

71
Америкалық әскерилер Таяу Шығыста Қытайдың ықпалы артады деп қауіптеніп отыр. Оған себеп те жоқ емес. Өйткені Қытай – таяушығыстық мұнайдың ең басты сатып алушысы және бірқатар елдің стратегиялық серіктесі

Орталық қолбасшылық басшысы генерал Фрэнк Маккензи жақында ғана Таяу Шығыста өткен іссапары кезінде америкалықтардың орнын қытайлар мен орыстар басады деген болжам жасаған болатын. Вашингтон өз назарын Шығыс Азияға қарай аудармақамери. Бұл хусит көтерілісшілерімен күресте Вашингтонның күшіне сенім артып отырған саудиттер үшін тиімді емес, дейді генерал.

Алайда Қытайды үлкен көңіл бөлуге тұрарлықтай қауіп ретінде бағалаған Маккензи Америка жаһандық держава ретінде тереңірек ойланып барып әрекет ету керек екенін еске салды. Оның ойынша, Ресей Бейжіңді қару-жарақпен толық қамтамасыз етуге дайын, деп жазды РИА Новости.

Қытай СІМ басшысы Ван И жақында ғана Таяу Шығыс елдеріне сапар жасауы әскерилерді алаңдатпай қоймады. Ол сәуірде Сауд Арабиясы, Біріккен Араб Әмірліктері, Оман, Бахрейн, Иран мен Түркияға сапар шекті. Бұл сапары кезінде қытай министрі Палестина-Израиль қақтығысы, Сирия, Ливия, Йемен мен Парсы шығанағындағы басқа да елдердің арасындағы шиеленіс жайын қозғады.

Министр Қытай мұнай нысандары мен теңіз жолдарының қауіпсіздігін қамтамасыз ету механизмі туралы көпжақты диалог алаңына айналуға дайын екенін жеткізді. Сонымен қатар Ван И ҚХР-дың ішкі мәселелеріне араласпағанына және Синьцзян-Ұйғыр автономдық ауданындағы "терроризмге қарсы шараларды" қолдағаны үшін араб елдеріне алғыс білдірді.

Тегеранмен 25 жыл бойы мұнай жеткізуді көздейтін келісімге қол қойды. Иранның энергетикалық және көлік инфрақұрылымына Қытайдың 400 миллиард доллар инвестиция салуға дайын екені туралы бір жыл бұрын белгілі болды. Жалпы Қытай Таяу Шығыстағы жобалары жайлы толық мәлімет таратуды қаламайды.

"Бір белбеу – бір жол" бастамасы аясындағы басқа жобалар жайы бүкіл әлемге жария етіп хабарланғанымен, Таяу Шығыс елдерімен өзара іс-әрекет туралы құжаттар толық жарияланбайды. Сондықтан Әбу Даби ұлттық әл-ауқат қорының жасанды интеллект зерттеулерімен айналысатын SenseTime қытай компаниясы туралы да ақпарат аз.

Жалпы Иран Қытайдың бұл өңірдегі жалғыз серіктесі емес. Мұнай жеткізу, сауда айналымының көлемі, тікелей инвестициялар мен қару-жарақ саудасы бойынша Сауд Арабиясы мен Ирак Тегераннан асып түседі.

"Сауда Арабиясы Қытайдан көптеп қару сатып алып отыр. Оның ішінде әсіресе соғысқа арналған ұшқышсыз ұшу құралдары бар. Ол жақта тіпті аппараттарды құрастыру зауытының жобасы іске қосылды. Баллистикалық зымырандар да шектеулі көлемде жеткізілді. Артиллерия да, қорғануға арналған техника да бар", - деді күні кеше ЖЭМ ҰЗУ Еуропа және халықаралық кешенді зерттеулер орталығының сектор меңгерушісі Василий Кашин.

Ресейдің халықаралық істер жөніндегі кеңесі таяушығыстық жобалар менеджері Руслан Мамедов Қытайдың араб елдерімен етене араласуы америкалықтардың титығына тиіп отырғанын айтты.

"Өңірлік және әлемдік деңгейде түбегейлі өзгеріске ұшырап жатқан қазіргі жағдайда барлығы да кері шегініп, ымыраға келуге ұмтылу керек. Таяу Шығыс елдерінің Қытайға қатысты көзқарасы оң сипатта. Олар АҚШ әлемдік гегемонияны орната отырып, ондаған жыл бойы өз қалауын жасап келгенін жақсы түсінеді. Қарсылық білдіруге тырысқан Ирактың бүгінгі түрі мынау. Елде хаос орнаған", - дейді Руслан Мамедов.

Ал ММХҚИ ХҚЗ перспективалы америкалық зерттеулер орталығының директоры Максим Сучков АҚШ-тың Таяу Шығыстағы ықпалын түбегейлі жоққа шығаруға әлі ерте екенін айтады. Оның пікірінше, Америка Қытай және Ресеймен арадағы қарсылығы арқылы Таяу Шығыстың маңыздылығын көрсеткісі келеді.

71
Самолет Ан-26Б-100

Хабаровск өлкесінде жоғалған ұшақтың бөліктері табылды

18
(Жаңартылды 09:26 23.09.2021)
Түнде іздестіру жұмыстары көру нашарлығына байланысты тоқтаған болатын

НҰР-СҰЛТАН, 23 қыркүйек – Sputnik. Ресейдің Хабаровск өлкесінде жоғалған Ан-26 ұшағының бөліктері "Спартак" тау шаңғысы кешенінің маңынан табылды, деп хабарлады РИА Новости. 

"Болжам бойынша "Спартак" тау шаңғысы кешенінің маңында ұшақ бөліктері анықталды. Бұлттар сейілуде. Көру мүмкіндігі жақсарып келеді. Ми-8 қонуды жоспарлап отыр, құтқарушылар қонуға ыңғайлы жер іздестіруде", - делінген хабарламада. 

Түнде іздестіру жұмыстары көру нашарлығына байланысты тоқтаған болатын. 

Ұшақтың құлаған жерінен түсіріліген алғашқы кадрлар Mash телеграм-каналында жарияланды.

Естеріңізге сала кетейік, 22 қыркүйек күні кешке Хабаровск өлкесінде алты адам мінген Ан-26 ұшағы байланысқа шықпай қойды. Кейінірек бұл ақпаратты Ресейдің төтенше жағдайлар министрлігі растады.

Бортта алты адам болған. Соңғы рет ұшқыштар қаладан 38 шақырым жерде белгі берген. ТЖМ Ан-26 байланыс құралдарының жұмысын тексеру үшін әуеге көтерілгенін атап өтті.

Ұшақ байланысқа шығуды тоқтатқаннан кейін оны іздеуге Росавиацияның Ми-8 тікұшағы тартылды. Министрліктің тағы бір тікұшағы ұшуға дайындалып жатыр.

Ан-26 – әскери-көлік ұшағы, екі турбобұрандалы және бір қосымша реактивті қозғалтқышпен жабдықталған.

Оқи отырыңыз: 

18
Кілт сөздер:
ұшақ, әуе апаты, Ресей
Архивтегі сурет

Хабаровск өлкесінде ұшақ радардан жоғалып кетті

35
Ан-26 ұшағының бортында алты адам болған. Ұшақ әуеге байланыс құралдарын тексеру үшін көтерілген

НҰР-СҰЛТАН, 22 қыркүйек – Sputnik. Хабаровск өлкесінде алты адам мінген Ан-26 ұшағы байланысқа шықпай қойды, деп хабарлады РИА Новости-ге өңірдің шұғыл қызметтері. Кейінірек бұл ақпаратты Ресейдің төтенше жағдайлар министрлігі растады.

Бортта алты адам болған. Соңғы рет ұшқыштар қаладан 38 шақырым жерде белгі берген. ТЖМ Ан-26 байланыс құралдарының жұмысын тексеру үшін әуеге көтерілгенін атап өтті.

Ұшақ байланысқа шығуды тоқтатқаннан кейін оны іздеуге Росавиацияның Ми-8 тікұшағы тартылды. Министрліктің тағы бір тікұшағы ұшуға дайындалып жатыр.

Ан-26 – әскери-көлік ұшағы, екі турбобұрандалы және бір қосымша реактивті қозғалтқышпен жабдықталған.

Оқи отырыңыз: 

35
Кілт сөздер:
Ресей, ұшақ
портфель ұстаған адам

"Айына 643 мың теңге алады": сенатор мәслихат басшыларының жалақасын жариялады

5
(Жаңартылды 11:36 23.09.2021)
Сондай-ақ сенат депутаттары тексеру комиссия мүшелерінің жалақысын көтеру керек деп санайды

НҰР-СҰЛТАН, 23 қыркүйек – Sputnik. Сенаторлар жергілікті мәслихат хатшылары мен тексеру комиссияларының мәртебесін ғана емес, жалақысын да көтеруді талап етті, деп хабарлайды Sputnik Қазақстан тілшісі.

Депутат Мұрат Бақтиярұлының айтуынша, бұл мәселе көптен бері көтеріліп келеді. Бірақ әлі күнге дейін шешілген жоқ.

"Біз өңірлерге іс-сапармен шыққанда жергілікті мәслихаттардың мәртебесін көтеру бойынша әлі де шешімін таппаған мәселелердің бар екеніне куә болдық. Атап айтқанда, үкіметтің 2021 жылғы маусымдағы қаулысына орай, жергілікті деңгейде қызмет атқаратын мемлекеттік қызметшілердің жалақысы екі еседен артық көтерілген. Алайда барлық деңгейдегі мәслихат хатшыларының еңбекақысы сол бұрынғы қалпында қалып қойды. Ондай жағдай 2016 жылы да болған", - деді Бақтиярұлы сенаттың жалпы отырысында.

Осы орайда ол мәслихат хатшыларының жалақысын да жариялады.

Оның айтуынша, аудандық деңгейдегі мәслихат хатшысы аудандық мәслихат аппарат басшысынан екі есе, ал бөлім басшысынан 50 процентке төмен жалақы алады.

"Мысалы, Қызылорда облысында аудандық деңгейде мәслихат хатшысы 200 мың теңге, ал мәслихаттың аппарат басшысы 453 мың теңге, бөлім басшысы 302 мың теңге алады. Ал облыстық деңгейде мәслихат хатшысы 467 мың теңге, мәслихаттың аппарат басшысы 634 мың теңге, ал бөлім басшысы 400 мың теңге жалақы алады. Мәслихат хатшыларының аппарат қызметкерлерінен төмен жалақы алуы лауазымдық иерархия қағидаларының сақталмауына әкеліп соғуда", - деп атап өтті Бақтиярұлы.

Сондай-ақ сенат депутаттары тексеру комиссия мүшелерінің жалақысын көтеру керек деп санайды.

"Тексеру комиссиялары төрағаларының жалақысы тек 33 процентке, тексеру комиссиясы мүшелерінің жалақысы 17 процентке ғана көбейді. Ал басқа мемлекеттік қызметшілердің жалақысы екі немесе одан көп есеге өсті. Бұл ретте тексеру комиссиясының мүшелері өз өкілеттіліктеріне сәйкес, жергілікті атқарушы органдарының жұмысына баға беріп, тиімділігінің тәуелсіз қорытындысын әзірлейтінін атап өткен жөн", - дейді Бақтиярұлы.

Бұдан бөлек, сенаторлар мәслихаттарға қол жинау және петиция жасау құзіретін беруді ұсынды.

Олар үкімет басшысына депутаттық сауал жолдап, мәслихат хатшылары мен тексеру комиссияларының мәртебесін ғана емес, жалақысын да көтеруді сұрады.

Оқи отырыңыз: 

5
Кілт сөздер:
жалақы, сенатор, мәслихат
Тақырып бойынша
Аймағамбетов мектеп директорларына жалақы төлеу жүйесі өзгеретінін мәлімдеді
Министр қай өңірде орташа жалақы 321 мың теңгеге дейін өсетінін айтты
Ең төменгі жалақы 60 мың теңгеге дейін көтеріледі – жолдау
2022 жылы зейнетақы мен ең төменгі жалақы қанша болады