Босқындар, көрнекі фото

Еуропада заңсыз миграция жағдайы ушығып тұр

58
Соңғы жылдары заңсыз миграция төңірегіндегі жағдай ушығып барады

НҰР-СҰЛТАН, 25 маусым – Sputnik. Бүгін қырық сегіз сағатқа созылатын ЕО саммитінің пленарлық отырысы өтеді. Күн тәртібіне сәйкес "демократия мен үдеріс қарсыластарының" әрекетін талқылау. Саммитке қатысушы мемлекеттер бұл тізімге Ресей мен Белоруссияны енгізіп отыр деп жазды РИА Новости.

Белоруссияға қатысты санкциялар пакеті бекітіліп, ол Еуропаға белорус калийін экспорттауға шектеуді қарастыруы ықтимал.

Сонымен қатар бұл жиында Ресейдің іс-әрекеті талқыланып, оны әдеттегідей қауіп ретінде қарастыратыны анық. Еуроодақ үшін нағыз қауіп Шығыстан емес, Оңтүстіктен төніп жатқаны анық байқалып тұр. Алайда оны талқылауға ешкімнің ниеті жоқ.

Себебі соңғы жылдары заңсыз миграция төңірегіндегі жағдай ушығып барады. Мысалы, Түркия өз территориясында Еуропаға кеткісі келетін үш миллион ықтимал босқынды ұстап отыр. Сондықтан Брюссельмен келісімді сақтау-сақтамау еркі Анкараға тиесілі.

Жерорта теңізі акваториясындағы заңсыз босқындарды құтқаратын және пана сұрағандарды Солтүстік Африка жағалауында қайыққа отырғызатын коммерциялық емес ұйымдар арасындағы заңмен бекітілген байланысқа қарамастан, ЕО елдерінің құқық қорғау органдары адам саудасына қатысы бар күдіктілерді жауапқа тарту үшін еш әрекет жасамай отыр. Бұл туралы италиялық прокуратура да терең зерттеу жүргізді және Еуропол да өз баяндамасында бірнеше рет мәлімдеген болатын.

Аталған баяндамаға сәйкес, бір заңсыз мигрантты Еуропаға жеткізу ұйымдасқан қылмыстық топ үшін жеті мың еуро түрінде пайда әкеледі. Негізгі бағдар Грекия, Балқан түбегі, Германия, Франция арқылы өтеді. Жыл сайын түрлі жолмен Францияға кемінде 350-400 мың адам келіп жатқаны туралы мәлімет бар. Бұл босқындардың жартысы немесе үштен бірі ел аумағында қалуы мүмкін деп қарастырса, онда мұның өзі дабыл қағуға және шара қабылдауға тұрарлықтай жағдай.

Оқи отырыңыз: Түркия мен Ресей Сирияда бірлесіп әрекет ете ала ма

Бүгінде Франция қалаларының көшелерінде қылмыс көбейген. Әйелдердің бағалы бұйымдарын жұлып әкету, қол сөмкесін тартып алу, көліктің терезесін сындыру арқылы ақша, сағат немесе түрлі бағалы затты ұрлау жиі кездеседі. Шаһар көшелерінде күндіз жүрудің өзі қауіпке толы. Алайда құқық қорғау органдарының жиынтық материалында мұның барлығы шағын қылмыс деп аталып, ешқашан БАҚ арқылы жария етпейді.

Жасөспірімдер арасындағы зорлық-зомбылық проблемаларымен айналысатын танымал психиатр Морис Берже "Фигаро" басылымына берген сұхбатында былай деп мәлімдеді: "Елге келген азаматтар сол мемлекеттің заңы мен тәртібіне бағынуға тура келетінін түсінгенге дейін заңсыз миграцияны тоқтата тұру керек. Мұны біреулер әділетсіз деп қабылдайтын болар, бірақ бізде басқа амал жоқ".

Бақыланбайтын заңсыз миграция ЕО ішінде де көзқарастар қайшылығын тудырып отырған жалғыз фактор. "Болашақ еуропалықтарға" бірінші болып пана ұсынатын елдер бұл мәселенің бақылауға алынуын талап етуде. Олардың қатарында Италия мен Греция бар. Алайда Венгрия мен Польша көрші жатқан Париж, Ницце, Авиньоненің этникалық геттоға айналғанын  біле тұра бұл жағдайды реттеуге атсалысуға асығар емес.

58
Кілт сөздер:
Еуропалық одақ, Еуропа, босқындар, босқын
5 марта 2007 г., американский солдат во время патрулирования Международных сил содействия безопасности (ISAF) под руководством НАТО в провинции Фарах в Афганистане. Война в Афганистане, начавшаяся после терактов 11 сентября, унесла жизни десятков тысяч афганцев и около 2400 американских солдат

Америка Ирактағы әскери миссиясын аяқтады

48
2017 жылы ДАИШ-тың жеңілгені туралы хабарланғанына қарамастан Иракта теракті тоқтамады. Өткен аптада Бағдад базарларының бірінде автобус жарылды

НҰР-СҰЛТАН, 28 шілде – Sputnik. АҚШ Таяу Шығыстан алыстап барады. Ауғанстандағы әскерін шығарды, Ирактағы әскери миссиясы да аяқталып жатыр. Ресми тұлғалар терроризмді жеңдік деп мәлімдегенмен, шынайы картина мүлде басқа екені көрініп тұр, деп жазды РИА Новости.

"АҚШ үшін Таяу Шығыста Ирактың маңызы зор және менің карьерам басталған шақтан бері біз оның тыныс-тіршілігіне етене араласып келеміз", - деді АҚШ президенті Джо Байден Ақ үйде Ирак премьер-министр Мұстафа әл-Каземимен кездесу барысында. 2003 жылы америкалықтар Иракқа кірген шақта қазіргі президент сенатор қызметін атқарған болатын.

Ирактағы соғыс қимылдарының аяқталғаны туралы Ақ үй алғаш рет 2010 жылы мәлімдеді. Байден ол кезде вице-президент қызметінде болды. Алайда араға төрт жыл салып ДАИШ-қа* қарсы "Мызғымас батылдық" операциясы басталды.

Енді Джо Байден елдегі әскери миссияның аяқталғаны туралы ресми түрде мәлімдеді. "Енді біздің Ирактағы рөліміз оқу-жаттығуларды жалғастыру, ирактық қауіпсіздік күштеріне қолдау көрсету аясында болады", - деп түсіндірді президент.

Басқа ешқандай мәлімет айтылған жоқ. Джо Байден тіпті желтоқсанға дейін Иракта қандай әскер қалатыны туралы сұраған журналистердің сұрақтарына да жауап бермеді. "Бұл сол уақыттағы жағдайға байланысты болады", - деді Ақ үй спикері Джен Псаки.

Пентагондағылар АҚШ "Таяу Шығыс проблемаларын елемеуді доғарып, оларды шешудің басқа жолдарын іздеу керек екенін" айтуда. Елде аз әскер қалады. Соңғы мәлімет бойынша қазір Иракта 2,5 мың америкалық сарбаз бар. Өткен жылдың соңында президент Дональд Трамп әскер санын қысқартқан болатын. Америкалық жалғыз база Айн-әл-Асад Бағдадтан солтүстікке қарай 160 километр қашықтықта орналасқан.

2017 жылы ДАИШ-тың жеңілгені туралы хабарға қарамастан терактілер жалғасып жатыр. Өткен аптада исламшылдар Бағдад базарларының бірінде автобус жарылысын өз мойнына алды. Кемінде 30 адам мерт болды.

Америкалықтарға Иран қолдау көрсетіп отырған содырлар шабуыл жасап жатыр. Наурызда Айн-әл-Асад зымыран соққысына тап болып, бір адам көз жұмды. Мамырда базаға жарылғыш заты бар пилотсыз ұшатын аппарат қауіп төндірсе, шілдеде қайтадан зымырандар шабуылдап, үш адам жараланды.

Мұстафа әл-Каземи Вашингтонмен татулықты ұстанатын премьер-министр. Сондықтан ол Иранмен байланысты топтардың жолын кесуге тырысты. Алайда жақында ғана америкалық авиацияның Сириямен шекарадағы ирандық құрылымдарға жасаған соққыларын Ирак егемендігіне қол сұғушылық деп бағалады.

Ал АҚШ премьердің елді қалпына келтірудегі орасан зор еңбегін жоғары бағалады. Маусымда Бағдадқа Иордания королі ІІ Абдулла мен Мысыр президенті Абдель Фаттах әл-Сиси келді. Бұл 1990 жылдан бері елге келген алғашқы мысырлық көшбасшы.

АҚШ COVAX халықаралық бағдарламасы аясында Иракқа 500 мың доза Pfizer вакцинасын жеткізуге келісті. Байденнің айтуынша алдағы екі аптада препарат Иракқа жетеді. Қазір елде ауру жұқтырғандар саны артып, ауруханаларда өрт жиіледі. Бұдан бөлек Вашингтон парламент сайлауына бақылау жүргізу бойынша БҰҰ миссиясына 5,2 миллион доллар бөлетін болды.

Бірақ РИА Новости сауалнамасына жауап берген барлық сарапшы АҚШ-тың Ирактан түбегейлі кетуі туралы сөз қозғалмағанын айтты.

"Вашингтон бұл стратегиялық алаң үшін ұзақ күресті. Сондықтан әскерді шығару туралы мәлімдеме саяси астары бар әрекет болуы мүмкін. Себебі америкалық сайлаушыларға берген уәдені орындау керек. Ирак қоғамының пікірі де маңызды. Жергілікті саясаткерлер Мұстафа әл-Каземиге қысым көрсетіп жатыр. Елдегі саяси ахуал да мәз емес", - дейді Ресейдің халықаралық істер жөніндегі кеңесінің сарапшысы Елена Супонина.

"Жеті жыл бұрын АҚШ Иракқа қайта оралған кезде терроризммен күрес ақиқатқа айналды. Америкалықтар ДАИШ-ты* жеңуде үлкен рөл атқарды. Әрине, олар қолданған әдістерге қатысты біршама сұрақ туындайды. Ал қазір Ирак билігінің өзі америкалықтардың елден кетуін сұрады", - дейді шығыстанушы және публицист Андрей Онтиков.

Алайда Шығыстану зерттеулері орталығының ғылыми қызметкері Данила Крылов АҚШ әскери қызметкерлері бірден үйлеріне қайтуы екіталай екенін айтты. "Бір араб елінен екінші араб еліне қарай орын ауыстыруы ықтимал. Сирияға қарай бағыт алуы мүмкін. Ресейдің қорғаныс министрлігі Ирактағы америкалық әскерилер Сирия базаларына тұрақтап жатқанын бірнеше рет айтқан болатын", - деді сарапшы.

Америкалықтардың көбі өздері терроризммен күресіп, басқа өңірге назар аудармаған шақта Қиыр Шығыста Қытай өз қауқарына мінді деп санайды. Енді АҚШ үшін бұл ел нағыз қауіпке айналды.

*Қазақстан Республикасында тыйым салынған террористік ұйым

48
Архивтегі сурет

Түркия мен Әзербайжан түркі армиясын құрмақ

110
Әзербайжанда жүрген Түркия парламентінің спикері біріккен армия құру туралы келіссөз басталғанын мәлімдеді

НҰР-СҰЛТАН, 28 шілде – Sputnik. Түркия парламентінің (Ұлы ұлттық жиналысы) басшысы Мұстафа Шентоп Әзербайжанмен біріккен армия құру туралы келіссөз жүргізілгенін мәлімдеді, деп хабарлайды Sputnik Әзербайжан.

"Біздің идея – бір ұлт, екі мемлекет. Әрқашан солай болады. Осыған байланысты көптеген келіссөз бен уағдаластықтар жүргізілді", - деді Шентоп Гянджада өткен баспасөз мәслихатында.

Уағдаластық аясында екі елдің әскери оқу-жаттығулары да өткізілуде.

Тағы оқыңыз: Түркі елдерінің "Тұран армиясы" құрыла ма – қорғаныс министрлігі жауап берді

Сейсенбі күні Бакуде Әзербайжан, Түркия және Пәкістан парламенті басшылары Сахиба Гафарова, Мұстафа Шентоп және Асад Кайсердің үшжақты кездесуі өтті. Жиын қорытындысы бойынша парламент басшылары Баку декларациясына қол қойды.

110
Кілт сөздер:
армия, Әзербайжан, Түркия
Картофельная запеканка

Дәрігер COVID-тен жазылғаннан кейін қалай тамақтану керектігін айтты

0
(Жаңартылды 08:40 29.07.2021)
Рационда сүт, балық, жұмыртқа, ет сияқты ақуыз көзі, сондай-ақ маусымдық жемістер мен көкөністер болуы керек

НҰР-СҰЛТАН, 29 шілде – Sputnik. Диета коронавирус инфекциясынан кейін ағзаны тез қалпына келтіруге көмектеседі.

Ресейлік эндокринолог дәрігер Юргита Вараеваның айтуынша, әркелкі тамақтану COVID-19 індетінен кейін қалыпқа келу процесінде маңызды рөл атқарады. Тағамның калориясы өте жоғары болғаны жөн: тәулігіне дене салмағының килограмына 20-30 килокалория қажет.

Оқи отырыңыз: Адам ерте қартаяды – коронавирустың тағы бір қауіпті әсері анықталды 

Сондай-ақ, маманның айтуынша, бұлшықеттің семуімен күресу үшін рационда ақуыз жеткілікті мөлшерде болуы қажет.

"Рационға бүйректің жай-күйін ескере отырып, бұлшықет тіндерінің семуімен күресу үшін дене салмағының килограмына 1,2-ден екі грамға дейін ақуыз қосу керек. Сүт, ашымал сүт өнімдері, йогурт, сүзбе, балық, жұмыртқа, құс еті, ет  (шұжық өнімдері мен сосиска кірмейді), бұршақ, үрмебұршақ (фасоль), соя өнімдерімен күніне кем дегенде үш-төрт порция мөлшерінде тамақтанған жөн", - деді Вараева Sputnik радиосына берген сұхбатында.

Адамның рационы неғұрлым әркелкі болған сайын, соғұрлым көп қажетті қоректік заттарды ала алады, деп толықтырды дәрігер.

"Соның ішінде маусымдық жемістер мен көкөністерге назар аударған жөн, күн сайын кем дегенде бес порция (бір порцияға шамамен 80 грамм) тұтыну қажет", - деді Вараева.

Дәрігер сонымен қатар тұрақты түрде тамақтану керектігін атап өтті.

"Кем дегенде үш рет толық тамақтанып, бір-үш рет жүрек жалғап алу маңызды. Орташа мөлшерде, бірақ жиі және тұрақты тамақтанған дұрыс", - деп кеңес берді сарапшы.

Әрине, дұрыс тамақтанудың негізгі қағидалары ешқашан өзгермейді: түнде ас ішпеңіз, соңғы рет ұйқыға жатарға дейін екі-төрт сағат бұрын тамақтанған жөн.  

0
Кілт сөздер:
дұрыс тамақтану, тамақ, коронавирус