Таңғы Кабул

Ауғанстанда жағдай ушықты: Қазақстан елшілігі қалай жұмыс істеп жатыр

100
Ауғанстандағы жағдай ушығып барады. Тәлібтер шабуылы қарқын алып, елдің басым аумағын басып алуда

НҰР-СҰЛТАН, 7 шілде — Sputnik. Қазақстанның Ауғанстандағы елшілігі штаттық режимде жұмыс істеп жатыр, деп хабарлады Sputnik Қазақстанға ҚР сыртқы істер министрлігінің баспасөз қызметі.

"Ауғанстандағы елшілік қауіпсіздік шараларын күшейту талаптарымен штаттық режимде жұмыс істеп жатыр", - деді агенттікке министрлік өкілі.

Атап өтсек, Қазақстан мен Ауғанстан арасындағы дипломатиялық қарым-қатынас 1992 жылдың ақпанында орнатылған. Қазақстанның Ауғанстандағы елшілігі 2003 жылы ашылды. Қазақстандық дипломаттар Ауғанстанның бір ғана қаласы – ел астанасы Кабулда ғана жұмыс істейді

БАҚ-та Ауғанстанның солтүстігінде Мазари-Шариф қаласындағы Түркия, Пәкістан мен Иран консулдықтары жұмысын уақытша тоқтатқаныны туралы ақпарат тарады. "Талибан"* радикалды қозғалысы содырларының ел аумағында белсенділігінің артуы консулдықтарды уақытша жабуға алып келді. Жергілікті телеарнаның мәліметі бойынша, үш елдің консулдығы қалада виза беруді тоқтатты. Ал дипломаттар ауған елінің астанасы Кабулға орын ауыстырды.

АҚШ-тың Кабулдағы елшілігі жұмысты жалғастыратынын және мекеме жабылмайтынын хабарлады. Бірақ қызметкерлер санына өзгерту енгізіледі. Австралия елден әскер шығарылуы кезінде елшіліктерін жаба тұратынын мәлімдеді.

Ауғанстандағы жағдай

АҚШ Ауғанстан аумағынан өз әскерін әкетуді бастап, бұл 11 қыркүйекке дейін аяқталады деп уәде етті. Мұндай мәлімдеме тәлібтердің белсенділігін арттырып, елдегі және шекарадағы жағдайдың ушығуына алып келді. Негізінен Тәжікстанмен шекарадағы ахуал шиеленісіп, Ауғанстан үкімет күштерінің әскерилерінің тәжік жеріне қарай қашуы жиіледі.

БҰҰ бас хатшылығының арнайы өкілі, Ауғанстанға көмектесу жөніндегі БҰҰ миссиясының басшысы Дебора Лайонс мамырдан бері тәлібтер Ауғанстандағы 370 ауданның 50-ін басып алғанын хабарлады.

*Қазақстан мен Ресей Федерациясы және бірқатар елде тыйым салынған террористік ұйым

100
Кілт сөздер:
Ауғанстан, Қазақстан, елші
Тақырып бойынша
Тәжікстан басшысы Ауғанстандағы жағдайға байланысты Тоқаевқа қоңырау шалды
Тоқаев Ауғанстан президентімен телефон арқылы сөйлесті
Ауғанстанда әскери-саяси ахуал қайта ушықты
АҚШ әскері Ауғанстан жерінен шығарылды: елде жағдай қалай өзгерді – видео
Ауғанстан Орталық Азия елдерінің арнайы жасақтарын біріктіруді ұсынды
Зауыт, архивтегі фото

Жер ресурсы азайып жатыр шетелдік БАҚ 

73
Мамандардың есебіне сәйкес, адам баласы үшін қазіргі тұтыну мен өндіріс көлемін сақтау үшін ғаламшардың бүгінгі мүмкіндіктерінің кемінде үштен екісі қажет болады

НҰР-СҰЛТАН, 3 тамыз – Sputnik. Батыстың бұқаралық ақпарат құралдары шілденің соңында адамзат Жердің жылдық ресурсын тауысқанын хабарлап жатыр. Тамыздан бастап желтоқсанның соңына дейін жер қойнауынан алынатын және атмосфераға шығарылатынның барлығы экологиялық қарыз деп аталатын тізімге енгізіледі.

Мамандардың есебіне сәйкес, адам баласы үшін қазіргі тұтыну мен өндіріс көлемін сақтау үшін ғаламшардың бүгінгі мүмкіндіктерінің кемінде үштен екісі қажет болады. Осы тұста Грета Тунбергті еске алмаса болмайды.

Оның климаттың өзгеруіне байланысты "мектептегі наразылықты" ұйымдастыруы арқылы танымал болғанын барлығымыз білеміз. Жалпы бұрынғы КСРО мен қазіргі Ресейде тұрып жатқандар табиғатты қалай аялау қажеттігін жақсы біледі, деп жазды РИА Новости.

Сол шақта "әлемнің өркениетті мемлекеттері" азық-түлік пен тағамды пластик ыдыстарға салып жатқанда, КСРО халқы дүкенге тор сөмке ұстап барып, азық-түлікті пергамент қағазға орап, ал пластик пакеттерді қайта қолдану үшін жуып-құрғатып алатын.

Балаларды металл сынықтарын, газеттер мен журналдарды тиісті қабылдау орындарына тапсыруға үйретті: 20 килограмм макулатура үшін жаңа басылған құнды кітаптар берілетін. Сол сияқты сүт, шарап пен сыра құйылған шыны ыдыстарды да өткізетін. Бұл "кедейліктен" туындаған әдет емес, ол тұрмыстық мәдениеттің бір бөлігі болған дағды, деп атап өтті басылым.

"Табиғатты қорғау" туралы шешім қабылдаған "өркениетті әлемнің" әдісіне қайта оралсақ. Ауаға CO2 қалдықтарының шығуын төмендетуді көздейтін Киото хаттамасы іске қосылған шақтан бері парниктік газдар көлемі азаймағаны және биржа саудасындағы ең тиімді тармақтардың біріне айналғаны белгілі болды.

Шығарындыларға арналған квоталар мұнай, бидай, какао-атбас бұршақтары сынды тауарға айналды.

"Ғаламшарды сақтау үшін күрес" жүріп жатқанда биржалар ауаны саудалап отыр. Квотасы көп және квотасы аз компаниялар арасында делдал болған маклерлер мен брокерлер үлкен табысқа кенеліп жатыр.   

Ал үлкен ақша айналымы бар жерде алаяқтық қоса ілесетіні анық. 2015 жылы Парижде климат жөніндегі конференция аяқталғаннан кейін облигациялар орналастырудан пайда көруге мүмкіндік беретін "жасыл бондтар" деп аталатын қаржы құралдары құрылды.

Қарызды ірі банктер немесе Еуразия орталық банкі кепілдендіреді. Көлемі жылына ондаған миллиард долларға жетеді.

Бірақ нағыз түбегейлі өзгеріс үш жыл бұрын Грета Тунбергті Швеция парламентінің алдына әкеліп, "экология мәселесіндегі Жанна д'Арк" етіп көрсеткен кезде басталды. Бұл 2018 жылдың жазында болды. Жетекші ақпарат агенттіктерінің телевизия топтары әр жұма сайын скандинавиялық корольдік риксдагының алдына жиналып, Гретаның айтқан сөзі мен жасаған әрекеті жайлы ақпарат таратты. Мұндай пиарға тіпті спорт пен кино әлемінің жұлдыздары, саясаткерлер де қызыға әрі қызғана қарады.

Тура жарты жыл уақыт өткен соң Катовицеде "климатты қорғау" бойынша кезекті конференция өтіп, дамыған елдердің экономикасын жасыл рельске қою туралы шешім қабылданды.

Бұл ойды жүзеге асыру жылына 100 миллиард долларды қажет етті. Мұндағы басты мақсат еуропалық банк құрылымындағы барлық ақша тетігін тежеп, жасыл технологиялардың пайдасына орай нарықты реттеу болды. Алайда бұл макулатура мен металл сынықтарын жинауды емес, қаражат ағынының адресаттарын және жасыл революция бенефициарларын өзгертуді көздеді.

Сол шақтан бері Грета Тунбергтің өткір ойлары да бәсеңдеді. Оның соңғы мәлімдемесі коронавирусқа қарсы вакцинаны әділетсіз үлестіруге қатысты болды.

73
Ухань, архивтегі фото

Уханьда қайтадан коронавирус анықталды 11 миллион адам тексерістен өтеді

1096
(Жаңартылды 17:55 03.08.2021)
2020 жылы Ухань қаласында вирус жұқтыру көрсеткіші төмендеп, артынша науқастар қайта тіркеле бастағаннан кейін халықты бір рет тексерген

НҰР-СҰЛТАН, 3 тамыз – Sputnik. Қытайдың Ухань қаласында коронавирус жұқтырған адамдардың саны көбейе бастады. Осыған байланысты жергілікті билік барлық қала тұрғынын – 11 миллион адамды қайта тексеріп шығуға шешім қабылдады, деп хабарлайды Global Times.

Бұған дейін қалада COVID-19 жұқтырған адам болмаған. Былтырдан бері бірлі-жарым жағдай ғана тіркелген. Ал дүйсенбі, 2 тамызда жергілікті билік 7 адамның вирус жұқтырғанын мәлімдеді. Ауру қайта тарап кетпес үшін қала тұрғындарының бәрін тестілеуден өткізуге шешім қабылданды.   

Ресми мәліметке сәйкес, инфекцияны алдымен Чжуанькоу ауданының тұрғыны жұқтырған. Одан кейін онымен жақын араласқан алты адам ауырып қалыпты. Қазіргі кезде науқастың тұратын және жұмыс істейтін жері, тұтас аудан оқшауланды.   

Қала метросында карантин шаралары күшейтілді. Атап айтқанда, адамдардың бәрі міндетті түрде бетперде киюге тиіс. Дене қызуы да тексеріледі. Ал Чжуанькоу орамында бірнеше станция уақытша жабылды. Билік халықты вакциналауға белсенді түрде қатысуға үндеді.     

Жергілікті халық қолға алынған шараларды қолдап отыр. Барлығы қатты қажеттілік болмаса, далаға шықпауға тырысады.

2020 жылдың мамырында, Ухань ауруханасынан соңғы науқас жазылып шыққаннан кейін араға бір ай салып, қалада вирус жұқтыру жағдайлары қайта тіркеле бастады. Содан шұғыл штаб барлық адамды тестілеуден өткізуге тапсырма берген.

1096
Ақтөбе облысының әкімі Оңдасын Оразалин ғалымдармен кездесті

Ақтөбе облысында сармат дәуірінің қорымы табылды

0
Мұғалжар ауданы аумағындағы Жағабұлақ қорымын зерттеу жұмыстары әлі жалғасып жатыр

НҰР-СҰЛТАН, 4 тамыз – Sputnik. Ақтөбе облысының аумағынан сармат дәуірінің қорымы табылды. Онда тастан жасалған құрбан шалынатын орын мен алтынмен қапталған семсер сақталған.

Ақтөбе облысының әкімі Оңдасын Оразалин тарих ғылымдарының докторы, Шығыс елдері сәулеті халықаралық академиясының корреспондент-мүшесі Серік Әжіғалимен, тарих ғылымдарының кандидаты, Ә.Х.Марғұлан атындағы археология институтының бас директоры міндетін атқарушы Талғат Мамыровпен кездесті, деп хабарлайды өңір әкімінің баспасөз қызметі.

Ғалымдар облыс әкіміне Мұғалжар ауданы аумағында Жағабұлақ қорымынан бір ай бұрын табылған бірегей олжа – тастан жасалған құрбан шалынатын орын мен алтынмен қапталған көрнекті семсерді көрсетті.

Каменный жертвенный, найденный на территории могильника в Актюбинской области
© Photo : ПС акимата Актюбинской области
Ақтөбе облысының аумағындағы қорымнан табылған тастан жасалған, құрбан шалынатын орын

Қорымның өзі ерте темір дәуіріне, яғни б.д.д. VI-V ғасырларға жататын ірі кешен екенін айта кеткен жөн. Сондай-ақ мұнда қола айналар, алтын тоға және тағы басқа ежелгі заттар табылды. Археологиялық ескерткішті зерттеу жұмыстары әлі де жалғасуда.

Сонымен бірге, Қарғалы ауданында қола дәуірінің қоныс-мекендері табылды. Сол аумақтан метал пеш табылған. Бұл қазіргі Ақтөбе облысының аумағын қола дәуірінде мекендеген тайпалардың метал өндірісімен айналысқанын дәлелдейді.

Меч, найденный в могильнике Жагабулак в Актюбинской области
© Photo : ПС акимата Актюбинской области
Жағабұлақ қорымынан табылған семсер

Бұдан бөлек, жуырда өңірде Едіге батыр мен Исатай Тайманұлының жерленген орнын іздеу жұмыстары басталады. Құрамына архитекторлар, этнографтар, археологтар мен арабистер кірген этнографиялық экспедицияны атақты ғалым, профессор Серік Әжіғали басқарды.

Облыс әкімі Оңдасын Оразалин жүргізіліп жатқан ғылыми-зерттеу жұмыстарының маңыздылығын атап өтіп, жергілікті атқарушы органдар өңірдің тарихи-мәдени мұрасын зерттеуге, сақтауға және дәріптеуге жан-жақты қолдау көрсетуді жалғастыратынын айтты.

0
Кілт сөздер:
Ақтөбе облысы, археология