Архивтегі фото

Еуропа коронавирусқа қарсы вакцина салдыруды міндеттей ме?

33
Еуроодақ елдері жаппай вакциналау арқылы инфекцияның таралуына төтеп беру туралы шешім қабылдады  

НҰР-СҰЛТАН, 7 шілде – Sputnik. Франция билігі кейбір мамандық иелері үшін коронавирусқа қарсы міндетті вакциналау талаптарын енгізуді қарастырып жатыр. Олардың қатарында медицина саласындағы барлық қызметкер, қарттар үйі және әлеуметтік мекемеде жұмыс істейтіндер бар, деп жазды РИА Новости.

Осыған байланысты екпеден бас тарту ықтималдығын реттейтін заңнамалық акті қабылданады.

Егер азаматта вакциналаудан бас тартуға негіз болатындай себеп анықталмаса, онда оған адамдармен тікелей қарым-қатынас орнатуды қарастырмайтын басқа қызметке ауысу немесе жалақысы сақталмайтын еңбек демалысына кету ұсынылады.

Италияда да дәл осындай жағдай қалыптасып отыр. Демократияны жақтайтындар бұл талапқа заң аясында қарсы шығуға тырысып  жатыр. Алайда әділет органының шешімі қандай болатыны белгілі. Себебі италиялық сот "әлеумет пен қоғам игілігіне қауіп төнген шақта жеке бас мәселесі мен адамның қалауы екінші орынға ысырылады" дегенді алға тартып отыр.

Еуроодақ ондаған жыл бойы өзін азаматтардың құқықтары мен еркіндігін барлығынан жоғары қоятын ұйым ретінде танытып келді. Алайда коронавирус пандемиясы ахуалды түбегейлі өзгертті. Сол себепті ЕО елдері жаппай вакциналау арқылы инфекцияның таралуына төтеп беру туралы шешім қабылдады.

Бірақ Еуроодақ қауіпті вирус жұқтыру қарқыны бәсеңдемей жатқан шақта да ресейлік вакцинаны қаралауды және осы әрекеті арқылы Ресей Федерациясындағы жаппай вакциналауға кедергі келтіруді доғарар емес. Сол мақсатта "Sputnik V" қауіпсіз әрі тиімді емес", "екпе адамның қалыпты иммунитетіне орасан зор зиян келтіреді" деген сынды мәлімдеме таратты.

"Әйтсе де шынайы картина мүлде басқа жағдайды бейнелеп тұр. Ресейдегі екпе салу науқанының жіті ұйымдастырылғаны соншалық, Еуропада тұратын азаматтар "Sputnik V" вакцинасының екі дозасын алу үшін арнайы Ресейге келіп жатыр", - деп жазды басылым.

Будапештің ЕО бюджеті бойынша наразылық пікірін қайтарып алғаны үшін Венгрияға ресейлік вакцинаны сатып алуға рұқсат еткен Брюссель Словакияға мұндай еркіндік бермеді. Сондай-ақ украиндік БАҚ көмегімен жеткізілген медикамент дозасының құрамы апробация үшін алынған үлгіден өзгеше екендігі туралы дәйексіз ақпарат таратылды.

Қалай болғанда да Еуропаның дәрілік заттар агенттігі Ресей вакцинасын тіркеуге асығар емес. Егер бұған дейін Pfizer/BioNTech пен AstraZeneca өтінімдері қысқа мерзімде қарастырылған болса, Sputnik V тіркеуді күткеніне бірнеше айдың жүзі болды.

Мәскеу мен Париж және Берлин арасындағы вакцинаға қатысты талқылаулар да бұл процесті жылдамдата алмай отыр. Себебі шешім қабылдайтын Еуроодақ. ЕО осы әрекеті арқылы Sputnik V препаратының қауымдастық территориясында таралуына және Ресейдегі вакциналау науқанының үдемелі сипатта жүруіне кедергі жасағысы келіп отыр.

Ресейдің азаматтарды екпе салғызуға қатысты үндеуін "диктаторлық әрекет" деп сипаттаған ЕО енді өздері коронавирусқа қарсы міндетті вакциналауды енгізуді қарастырып жатыр.

33
Новые российские рубли

Ресей рублі жете бағаланбай отырған валюта ма

25
Соңғы жеті жылда рубльге антиресейлік санкциялар мен оларды кеңейту қауіпі сияқты геосаясат әсер етіп отыр, дейді сарапшы

НҰР-СҰЛТАН, 4 тамыз – Sputnik. Ресей мен АҚШ-тағы McDonald's дәмханаларындағы бигмак бағасын есепке алсақ, доллардың құны 30 рубль болуы керек. Бұл баға 2013 жылғыдан төмен. Американың экономикалық журналындағы индикатор қаншалықты объективті және нақты, "бургерлік" баға көрсеткішінің айырмашылығы туралы РИА Новости жазды.

"Бигмак индексі" бойынша ресейлік рубль жете бағаланбауы жағынан тек ливандық фунттан кейін тұр. Бургердің бағасы бүкіл жерде шамамен бірдей болуы керек. Ал АҚШ-тан әлдеқайда арзан болса, демек сол елдің валютасы жете бағаланбай отыр немесе керісінше.

Ресейде бигмак – 169 рубль, АҚШ-та – 5,65 доллар тұрады. Сонда әділ баға 30 болуы керек. Алайда нақты айырбас құны – 74,53. Яғни орыс валютасы 60 процентке құнсызданып отыр. Еуро – 11,1-ге, британ фунты – 15,5-ке.

Төрт валюта асыра бағаланған. Әсіресе венесуэлалық боливар 47,7 процентке арзан болуы керек. Швейцариялық франк – 24,7-ге, норвегиялық және шведтік крондар – 11,5 пен 9,6 процентке төмен болуға тиіс.

"Бигмак индексін" 1986 жылы The Economist журналы қалжың ретінде ойлап тапқан болатын. Бірақ қазір ол сатып алу қабілетінің паритетін, яғни тауар бағасын есепке ала отырып, екі валютаның қатынасын анықтаудың ресми емес әдісі болып отыр. Оны жылына екі рет есептейді.

McDonald's гамбургінің таңдалуына оның барлық жерде сатылуы себеп болған. 1980-ші жылдары жылдам тамақтануға арналған дәмханалар желісі жаһандық бизнеске айналды. "М" әрпі бар тамақтану орындары Иран, Македония, Йемен, Черногория, Солтүстік Корея, Зимбабве, Боливия, Армения және Исландияда жоқ.

Бастысы – классикалық бигмак барлық жерде бірдей. Ол нан, ірімшік, котлет және көкөніс сынды қолжетімді азық-түліктен тұрады.

Шілдедегі соңғы рейтингке сәйкес, бигмак АҚШ-қа қарағанда көп елде арзан. Атап айтқанда Австралияда, Сауд Арабиясында, Катарда. Бұл тізімнің соңында Әзербайжан, Түркия, Оңтүстік Африка тұр.

Рубльдің жете бағаланбауы туралы бірнеше жылдан бері жазылып келеді. Оған "бигмак" индексінен бөлек басқа да факторлар себеп болып отыр. Бургер түрлі елде бір бағада бола алмайды. Ресейде жалақы мен жалға алу мөлшерлемесі АҚШ-тан айтарлықтай төмен. Оның үстіне тұрмыстық электроника мен сматрфонға қарағанда бигмакты ешкім импорттамайды, оны сол жерде дайындайды. "iPod индексі" бойынша рубльдің асыра бағалануы ықтимал.

Сонымен қатар McDonald's тауар бағасын халықтың табысы мен сатып алу қабілетіне қарай белгілейді. Салық пен бәсекелестік жайын да ұмытпаған жөн. Сондықтан "бигмак индексі" объективті емес. Әлдеқайда кешенді әрі әділ салыстыру әдістері бар. Мысалы, бірінші қажеттіліктегі тауарлар, шикізат, жартылай фабрикаттар негізінде. Оның бағасын жеке компания емес, нарық қалыптастырады.

Ұлттық валюта бағамын елдің төлем жасау теңгерімі мен инфляцияға әсер ететін ақша массасы, оның ұзақ мерзімді қарқыны белгілейді.

Халықаралық және ішкі валюта нарығында орталық банктер маңызды рөл ойнайды. Олар ұлттық валюта бірлігін нығайтады немесе құлдыраудан сақтандырып отырады.

Валюта бағамы олардың жіті бақылауында болады. Себебі ол елдер арасындағы бәсекелес сауда күресінің негізгі әдісінің бірі. Нәтижесінде ақша құны көп жағдайда бұрмаланады.

Оның үстіне еркін саудаланатын актив баға көрсеткішіне нарық қатысушыларының жоспарларын да енгізе алады. Сол себепті "бигмак индексіне" қатты сенім артудың қажеті жоқ.

"Жете бағаланбаған валюталардың ондығында негізінен әлемде таралуы бойынша үздік жүздікке кірмегендер бар. Айқын мысал ретінде ливан фунтын атауға болады. Ресей рублі де осы тізімде. Ал асыра бағаланғандардың көшін адам сенгісіз инфляциясы мен АҚШ санкциялары енгізілген венесуэлалық боливар бастап тұр", - дейді CMS Institute экономикалық және қаржы зерттеулері департаментінің қызметкері Николай Переславский.

Оның айтуынша, соңғы жеті жылда рубльге геосаясат әсер етіп отыр: антиресейлік санкциялар, оларды кеңейту қауіпі. Мұнай бағасы да дәстүрлі түрде рөл атқаратыны анық. Қара алтын бағасы артқан кезде қаржы министрлігінің валюта сатып алу ережесі де әсер етті. Осылайша рубльдің нығаюы үшін кедергілер қолдан жасалып отыр.

Ішкі саясат пен әлемдік қаржы нарығының ұстанымын да жанама фактор ретінде атауға болады. "Санкциялар болмағанда ресейлік рубльдің баға көрсеткіші кемінде бір жарым есе қымбат болуы ықтимал еді", - дейді сарапшы.

Қалай болғанда да, жыл соңына дейін бір доллар 70 рубльден арзандамайтыны анық. Ал саяси қауіп-қатер салдарынан ол 80-ге дейін жетуі әбден мүмкін. Бағам доллар үшін 73-77 және еуро үшін 85-90 рубль дәлізінде қалатын секілді.

Оқи отырыңыз: Жер ресурсы азайып жатыр – шетелдік БАҚ

25
Кілт сөздер:
рубль, нарық, валюта
Тақырып бойынша
ЕАЭО елдерінде ортақ валюта қашан пайда болуы мүмкін
Батыс Ресейге жаңа санкциялар салып, шымылдықты жаппақшы
Еуропа және Ресей: санкциялар салдарынан қайсысы көп шығынға ұшырады
Теңге қымбаттады: ұлттық валюта бағамы қандай
Архивтегі фото

Жаңа оқу жылында Ресейге қалай кіруге болады студенттерге арналған ереже түсіндірілді

27
Ресей Федерациясының білім және ғылым министрлігі пандемия кезінде елге кіруге қатысты ақпаратты нақтылауға болатын "қауырт желіні" іске қосты

МӘСКЕУ, 4 тамыз – Sputnik. Коронавирус пандемиясы жалғасып жатқанына қарамастан, Ресейде оқу жылы әдеттегідей 1 қыркүйекте  басталады. Бұл туралы "Россотрудничество" агенттігінде 2021 жылы Ресей жоғары оқу орындарында білім алуға шетел азаматтарын іріктеу науқанының қорытындысы бойынша өткен баспасөз мәслихатында айтылды.

"Студенттерді елге кіргізу немесе кіргізбеу біздің құзыретіміздегі шаруа емес. Бірақ біз оқуға түскен шетелдіктердің құқығын қорғаймыз, биліктен кіруге рұқсат беруін сұраймыз, – деп мәлімдеді агенттік басшысы Евгений Примаков. –  Қазір Ресей үкіметінің қаулысымен бекітілген елдердің тізіміндегі азаматтар білім алу үшін елге кіре алады және бұл тізім үнемі өзгеріп отырады".

Әңгіме №636 қаулы туралы болып отыр, ондағы №1 қосымшада қазіргі уақытта Ресейге кіруге рұқсат алған 50 мемлекет көрсетілген, деді Евгений Примаков. Соған қарамастан, егер ел бұл тізімге кірмесе, келу мүмкіндігін жеке талқылауға болады.

"Көптеген жағдайда кіру мәселесін ЖОО қадағалайды, олар өз тарапынан білім және ғылым министрлігінен, үкімет комиссиясынан кіруге рұқсат сұрата алады", - деді Евгений Примаков.

Сондай-ақ, Россотрудничество басшысының айтуынша, Ресей жоғары білім және ғылым министрлігінің жанынан студенттерге арналған "қауырт желісі" бар жағдаяттық орталық жұмыс істейді: +7 (495) 198-00-00. Бұл телефон нөмірі арқылы әр елдің азаматтарына кіру ережесін нақтылауға болады.

Медициналық талаптар баршаға ортақ болып қала береді: студент Ресейге келгенге дейін 3 күнтізбелік күннің ішінде коронавирусқа ПТР тест тапсыруы керек. Теріс тест нәтижесі туралы құжат орыс немесе ағылшын тілінде басылуға тиіс. Ресейге келгеннен кейін студент тағы ПТР тест тапсырып, нәтиже шыққанға дейін өзін-өзі оқшаулауы керек. Егер студент келгенде оқу жылы басталып кетсе, ол ПТР нәтижесі алынғанға дейін сабаққа тек онлайн форматта қатыса алады.

Студенттерді вакциналауға және вакциналау туралы шетелдік сертификаттарды тануға келетін болсақ, бұл мәселені қазір Ресей денсаулық сақтау министрлігі пысықтап жатыр, деді Евгений Примаков.

"Вакциналау және шетелдік вакциналарды тану мәселесін қазір Ресей денсаулық сақтау министрлігі пысықтап жатыр. Яғни, біз жігіттерге не егілгенін анықтауымыз керек. Pfizer, AstraZeneca және тағы басқа вакциналардың біздің шекарадан өтуге жарамдылығы мәселесін денсаулық сақтау министрлігі шешуі керек", - деді ол.  

27
АҚШ полицейлері

АҚШ-тың гипердыбысты зымыраны тағы да сынақтан өте алмады

0
Алғашқы америкалық гипердыбысты зымыран прототипінің бірнеше сәтсіз сынағы АҚШ-тың Ресей мен Қытайдан технологиялық тұрғыда кейіндеп қалғанын көрсетеді   

28 шілдеде АҚШ-тың әскери-әуе күштері AGM-183A Air-Launched Rapid Response Weapon (ARRW) гипердыбысты зымыранын ұшыру сынақтарын сәтсіз аяқтады. Super duper missile өнімі Оңтүстік Калифорния жағалауында B-52H Stratofortress бомбалаушы ұшағынан бөлініп шықты, алайда реактивті тартылыс іске қосылмады. Прототипі Тынық мұхитқа құлады.

Сәуірдегі ұшу сынағы кезінде AGM-183A зымыраны тасымалдағыш ұшақтың қанатынан ажырамай, Эдвардс авиабазасына қайта оралды.

Салыстыру үшін айтсақ, ресейлік гипердыбысты "Кинжал" зымыран кешені 2017 жылдың желтоқсанында әскери-ғарыш күштеріне қарулануға қабылданды. Зымыран әскері қатарында стратегиялық мақсаттағы "Авангард" гипердыбысты блоктары 2019 жылдан бері кезекшілікте тұр. Ресейлік әскери-теңіз флоты "Циркон" кемеге қарсы гипердыбысты зымыранының мемлекеттік сынақтарын аяқтап жатыр. РФ әскери-ғарыш күштері үшін үлкен қашықтыққа ұша алатын Х-95 гипердыбысты зымыраны әзірленіп жатыр.

АҚШ перспективалы гипердыбысты зымыранын әзірлеуді 2022 жылы аяқтауды жоспарлап отыр. AGM-183A аппараты "сипаттамасы жағынан кез келген ресейлік аналогтан озық болады деп күтілуде". Бұл шындыққа жанаспайтын секілді.

Америкалықтар 5 Махтан асатын гипердыбысты жылдамдыққа қол жеткізуді әзірше армандап қана жүр. Ресейдің "Авангард" гипердыбысты блогы 28 Махқа дейінгі жылдамдықпен ұшады. "Кинжал" мен "Циркон" 10 Махқа дейін жылдамдықты үдете алады.

Ал Қытайдың орташа қашықтыққа ұшатын гипердыбысты DF-17 техникасы 10 Махты еңсере алады. Ол 2019 жылдан беру қарулануға қабылданған.

АҚШ-тың әскери-әуе күштері 2022 қаржы жылында 212,8 миллиард доллар, соның ішінде құпия жобалар үшін 39 миллиард доллар сұрап отыр. Бұл 2021 жылдың бюджетімен салыстырғанда 7,3 миллиард долларға жоғары. Гипердыбысты қаруды дайындауды қаржыландыру 386 миллионнан 438 миллион долларға дейін артады.

AGM-183A аппаратын дайындау 2018 жылы басталған болатын және Lockheed Martinм компаниясы 480 миллион долларға келісімшарт жасады. Оның жобалық қашықтығы 1600 километр болса, жылдамдығы 20 Махты құрауы керек.

The Drive басылымының мәліметі бойынша америкалық әскери-әуе күштері ARRW ұшу сынақтарының кестесі бойынша жеті жылға кешігіп келеді. Бастапқыда оны іске қосу 2020 жылға жоспарланған болатын. АҚШ-тың әскери бюджеті 700 миллиард доллардан баяғыда-ақ асып кетті. Әйтсе де әскери өнеркәсіптік кешен Пентагон үшін гипердыбысты зымырандар құрастырудан жақсы нәтиже көрсете алмай келеді.

Мәскеу мен Бейжің өз территориясын қорғау үшін басымды мақсатта гипердыбысты зымырандарды дайындауға кірісті. Ресей мен Қытай басқа мемлекеттерге әскери шабуыл жасап, басқыншылықпен айналысуды көздемейді. Бұл ұжымдық Батыстың кей кезде агрессияға толы әрекеттерінен қорғану үшін жасалып жатқан шаралар.

Америка Құрама Штаттары 2021 жылдың басында F-15EX сегіз жойғыш ұшағын қаржыландыруды мақұлдады (құны 1,2 миллиард доллар болатын келісімшарт). Бүкіл бірінші партия бойынша ықтимал шығын көлемі шамамен 23 миллиард долларды құрайды. Қалай дегенмен де бүгінде Ресей мен Қытай гипердыбысты қару-жарақ дайындауда оқ бойы озық шықты.

0