Шекарашы, көрнекі фото

Қырғыз-тәжік шекарасында тағы атыс: бір адам қаза болды

639
Екі елдің шекарашылары арасында болған қарулы қақтығыс кезінде екі адам жараланды. Олардың біреуі қайтыс болды

НҰР-СҰЛТАН, 9 шілде – Sputnik. Қырғызстан мен Тәжікстан шекарада болған тағы бір қарулы қақтығысты тексеруге кірісті. Осы оқиға кезінде  27 жастағы қырғыз шекарашысы оққа ұшты, деп хабарлайды Sputnik Қырғызстан.

Ресми мәліметке сәйкес, атыс 8 шілде күнді кешкі сағат бестің кезінде Чашмагильдан асуына жақын жерде болған. Қырғызстанның шекара қызметі қарулы қақтығысты тәжік әскерилері бастады деп отыр.

"Шамамен, сағат 17:00-де Қырғызстан Республикасының атпен жүретін шекарашылар жасағы Баткен облысы Лейлек ауданындағы Наумин асуының маңайында шекара бойымен қызмет атқарған. Ал Чашмагильдан асуының жанында Тәжікстан шекарашылары кенеттен шабуыл жасады. Жарақат алған адамдар бар", - делінген Қырғыстанның шекара қызметі таратқан ресми хабарламада.

Артынан атыс кезінде жарақат алған қырғыз шекарашысы Хуснидин Хожиевтің қайтыс болғаны туралы ақпарат тарады.

Тәжікстанның шекара қызметі осы оқиғаның мүлдем басқаша басталғанын мәлімдеді. Қырғызстан әскерилер шекараны бұзып қана қоймай, атысты өздері бастаған.

Оқи отырыңыз: Қырғызстан мен Тәжікстан шекарадағы атысты толық тоқтату туралы келісімге келді

"Қырғыздың төрт шекарашысы мемлекеттік шекараны заңсыз кесіп өткен. Қару асынған сарбаздар Деваштич ауданы тұрғындарының тоғыз жылқысын ұрлап, Қырғызстан жаққа алып кетпекші болды. Тәжік шекарашылары олардың мемлекеттік шекараны бұзғаны жайында ескерту жасады. Бірақ олар оқ атты. Тәжік шекарашылары да қару қолданды. Шекараны бұзған екі адам жараланды", - деді шекара қызметінің мамандары  Sputnik Тәжікстан  тілшісіне берген сұхбатында.

Қазіргі кезде оқиға орнына екі елдің шекара өкілдері аттанды. Олар мәселенің мән-жайын анықтайды.

639
Кілт сөздер:
Қырғызстан, Тәжікстан, шекарашы, шекарашылар, шекара
Тақырып бойынша
Қазақстан мемлекеттік шекараны белгілеу рәсімін аяқтады
Қазақ-қытай шекарасындағы өткізу бекеттері жабылады – ҰҚК себебін айтты
Тәлібтер тәжік шекарасын бақылап отыр: әрі қарай не болмақ
ҰҚШ-ның шұғыл тобы тәжік-ауған шекарасында жұмыс істеп жатыр
Орталық Азия "америкалық" ауған босқындарды қабылдай ма?
5 марта 2007 г., американский солдат во время патрулирования Международных сил содействия безопасности (ISAF) под руководством НАТО в провинции Фарах в Афганистане. Война в Афганистане, начавшаяся после терактов 11 сентября, унесла жизни десятков тысяч афганцев и около 2400 американских солдат

Америка Ирактағы әскери миссиясын аяқтады

49
2017 жылы ДАИШ-тың жеңілгені туралы хабарланғанына қарамастан Иракта теракті тоқтамады. Өткен аптада Бағдад базарларының бірінде автобус жарылды

НҰР-СҰЛТАН, 28 шілде – Sputnik. АҚШ Таяу Шығыстан алыстап барады. Ауғанстандағы әскерін шығарды, Ирактағы әскери миссиясы да аяқталып жатыр. Ресми тұлғалар терроризмді жеңдік деп мәлімдегенмен, шынайы картина мүлде басқа екені көрініп тұр, деп жазды РИА Новости.

"АҚШ үшін Таяу Шығыста Ирактың маңызы зор және менің карьерам басталған шақтан бері біз оның тыныс-тіршілігіне етене араласып келеміз", - деді АҚШ президенті Джо Байден Ақ үйде Ирак премьер-министр Мұстафа әл-Каземимен кездесу барысында. 2003 жылы америкалықтар Иракқа кірген шақта қазіргі президент сенатор қызметін атқарған болатын.

Ирактағы соғыс қимылдарының аяқталғаны туралы Ақ үй алғаш рет 2010 жылы мәлімдеді. Байден ол кезде вице-президент қызметінде болды. Алайда араға төрт жыл салып ДАИШ-қа* қарсы "Мызғымас батылдық" операциясы басталды.

Енді Джо Байден елдегі әскери миссияның аяқталғаны туралы ресми түрде мәлімдеді. "Енді біздің Ирактағы рөліміз оқу-жаттығуларды жалғастыру, ирактық қауіпсіздік күштеріне қолдау көрсету аясында болады", - деп түсіндірді президент.

Басқа ешқандай мәлімет айтылған жоқ. Джо Байден тіпті желтоқсанға дейін Иракта қандай әскер қалатыны туралы сұраған журналистердің сұрақтарына да жауап бермеді. "Бұл сол уақыттағы жағдайға байланысты болады", - деді Ақ үй спикері Джен Псаки.

Пентагондағылар АҚШ "Таяу Шығыс проблемаларын елемеуді доғарып, оларды шешудің басқа жолдарын іздеу керек екенін" айтуда. Елде аз әскер қалады. Соңғы мәлімет бойынша қазір Иракта 2,5 мың америкалық сарбаз бар. Өткен жылдың соңында президент Дональд Трамп әскер санын қысқартқан болатын. Америкалық жалғыз база Айн-әл-Асад Бағдадтан солтүстікке қарай 160 километр қашықтықта орналасқан.

2017 жылы ДАИШ-тың жеңілгені туралы хабарға қарамастан терактілер жалғасып жатыр. Өткен аптада исламшылдар Бағдад базарларының бірінде автобус жарылысын өз мойнына алды. Кемінде 30 адам мерт болды.

Америкалықтарға Иран қолдау көрсетіп отырған содырлар шабуыл жасап жатыр. Наурызда Айн-әл-Асад зымыран соққысына тап болып, бір адам көз жұмды. Мамырда базаға жарылғыш заты бар пилотсыз ұшатын аппарат қауіп төндірсе, шілдеде қайтадан зымырандар шабуылдап, үш адам жараланды.

Мұстафа әл-Каземи Вашингтонмен татулықты ұстанатын премьер-министр. Сондықтан ол Иранмен байланысты топтардың жолын кесуге тырысты. Алайда жақында ғана америкалық авиацияның Сириямен шекарадағы ирандық құрылымдарға жасаған соққыларын Ирак егемендігіне қол сұғушылық деп бағалады.

Ал АҚШ премьердің елді қалпына келтірудегі орасан зор еңбегін жоғары бағалады. Маусымда Бағдадқа Иордания королі ІІ Абдулла мен Мысыр президенті Абдель Фаттах әл-Сиси келді. Бұл 1990 жылдан бері елге келген алғашқы мысырлық көшбасшы.

АҚШ COVAX халықаралық бағдарламасы аясында Иракқа 500 мың доза Pfizer вакцинасын жеткізуге келісті. Байденнің айтуынша алдағы екі аптада препарат Иракқа жетеді. Қазір елде ауру жұқтырғандар саны артып, ауруханаларда өрт жиіледі. Бұдан бөлек Вашингтон парламент сайлауына бақылау жүргізу бойынша БҰҰ миссиясына 5,2 миллион доллар бөлетін болды.

Бірақ РИА Новости сауалнамасына жауап берген барлық сарапшы АҚШ-тың Ирактан түбегейлі кетуі туралы сөз қозғалмағанын айтты.

"Вашингтон бұл стратегиялық алаң үшін ұзақ күресті. Сондықтан әскерді шығару туралы мәлімдеме саяси астары бар әрекет болуы мүмкін. Себебі америкалық сайлаушыларға берген уәдені орындау керек. Ирак қоғамының пікірі де маңызды. Жергілікті саясаткерлер Мұстафа әл-Каземиге қысым көрсетіп жатыр. Елдегі саяси ахуал да мәз емес", - дейді Ресейдің халықаралық істер жөніндегі кеңесінің сарапшысы Елена Супонина.

"Жеті жыл бұрын АҚШ Иракқа қайта оралған кезде терроризммен күрес ақиқатқа айналды. Америкалықтар ДАИШ-ты* жеңуде үлкен рөл атқарды. Әрине, олар қолданған әдістерге қатысты біршама сұрақ туындайды. Ал қазір Ирак билігінің өзі америкалықтардың елден кетуін сұрады", - дейді шығыстанушы және публицист Андрей Онтиков.

Алайда Шығыстану зерттеулері орталығының ғылыми қызметкері Данила Крылов АҚШ әскери қызметкерлері бірден үйлеріне қайтуы екіталай екенін айтты. "Бір араб елінен екінші араб еліне қарай орын ауыстыруы ықтимал. Сирияға қарай бағыт алуы мүмкін. Ресейдің қорғаныс министрлігі Ирактағы америкалық әскерилер Сирия базаларына тұрақтап жатқанын бірнеше рет айтқан болатын", - деді сарапшы.

Америкалықтардың көбі өздері терроризммен күресіп, басқа өңірге назар аудармаған шақта Қиыр Шығыста Қытай өз қауқарына мінді деп санайды. Енді АҚШ үшін бұл ел нағыз қауіпке айналды.

*Қазақстан Республикасында тыйым салынған террористік ұйым

49
Архивтегі сурет

Түркия мен Әзербайжан түркі армиясын құрмақ

111
Әзербайжанда жүрген Түркия парламентінің спикері біріккен армия құру туралы келіссөз басталғанын мәлімдеді

НҰР-СҰЛТАН, 28 шілде – Sputnik. Түркия парламентінің (Ұлы ұлттық жиналысы) басшысы Мұстафа Шентоп Әзербайжанмен біріккен армия құру туралы келіссөз жүргізілгенін мәлімдеді, деп хабарлайды Sputnik Әзербайжан.

"Біздің идея – бір ұлт, екі мемлекет. Әрқашан солай болады. Осыған байланысты көптеген келіссөз бен уағдаластықтар жүргізілді", - деді Шентоп Гянджада өткен баспасөз мәслихатында.

Уағдаластық аясында екі елдің әскери оқу-жаттығулары да өткізілуде.

Тағы оқыңыз: Түркі елдерінің "Тұран армиясы" құрыла ма – қорғаныс министрлігі жауап берді

Сейсенбі күні Бакуде Әзербайжан, Түркия және Пәкістан парламенті басшылары Сахиба Гафарова, Мұстафа Шентоп және Асад Кайсердің үшжақты кездесуі өтті. Жиын қорытындысы бойынша парламент басшылары Баку декларациясына қол қойды.

111
Кілт сөздер:
армия, Әзербайжан, Түркия
Архивтегі фото

Жеті жарым мыңға жуық науқас тіркелді ковид рекорды тағы жаңарды

1
Нұр-Сұлтанда 1 571, Алматыда 1450, Қарағанды ​​облысында 1011 адам коронавирус инфекциясын жұқтырған

НҰР-СҰЛТАН, 29 шілде – Sputnik. Қазақстанда өткен тәулікте 7 479 адамнан коронавирус инфекциясы табылды, деп хабарлады COVID-19 таралуына жол бермеу жөніндегі ведомствоаралық комиссия.

Бір күн бұрын 6 925 науқас тіркелген болатын.

Өткен тәуліктің статистикасы:

  • Нұр-Сұлтан қаласы - 1571,
  • Алматы қаласы - 1450,
  • Шымкент қаласы - 445,
  • Ақмола облысы - 238,
  • Ақтөбе облысы - 230,
  • Алматы облысы - 270,
  • Атырау облысы - 424,
  • Шығыс Қазақстан облысы - 298,
  • Жамбыл облысы - 197,
  • Батыс Қазақстан облысы - 198,
  • Қарағанды облысы - 1011,
  • Қостанай облысы - 224,
  • Қызылорда облысы - 175,
  • Маңғыстау облысы - 220,
  • Павлодар облысы - 251,
  • Солтүстік Қазақстан облысы - 145,
  • Түркістан облысы - 132.

Жалпы ел бойынша ауырғандар саны – 557 107.

 

1
Тақырып:
Коронавирус эпидемиясы