Лондон көшелеріндегі полиция, көрнекі фото

ЕУРО-2020 финалы: Лондонда 19 полицей жарақат алып, 49 жанкүйер ұсталды

55
(Жаңартылды 11:05 12.07.2021)
Жанкүйерлер сүйікті командасының жеңілісінен кейін тәртіпсіздіктер жасады. Олар от жағып, қоқыс жәшіктерін төңкеріп кеткен

АЛМАТЫ, 12 шілде – Sputnik. Лондон полициясы ЕУРО-2020 финалы күні жанкүйерлер тобымен болған қақтығыс кезінде 19 қызметкердің жаралағанын хабарлады.

Италия мен Англия құрамасы кездескен ЕУРО-2020 финалы жексенбіде Лондондағы "Уэмбли" стадионында өтті. Ойында Италия командасы пенальти арқылы 3:2 есебімен жеңіске жетті. Матчтың негізгі және қосымша уақыты 1:1 есебімен аяқталды.

"Өкінішке қарай біздің 19 офицер көпшілікпен қақтығыс кезінде зардап шекті", - делінген полиция хабарламасында.

Ойыннан кейін ұсталған жанкүйерлердің саны 49 адамға жетті. Сондай-ақ полиция ойын барысында өзін жақсы ұстаған ондаған мың жанкүйерге алғыс айтты.

Бұған дейін РИА Новости Англия құрамасының жанкүйерлері өз командасының жеңілісінен кейін от жағып, қоқыс жәшіктерін төңкеріп жатқанын хабарлады. Алайда Лондон орталығында елеулі тәртіпсіздіктер болмаған.

Лондон полициясы Еуро-2020 финалынан кейін футболшыларға қатысты әлеуметтік желілердегі нәсілшілдікке қатысты жайттарды тергейтінін айтты.

Оқи отырыңыз: Футболдан Еуропа чемпионаты: Италия құрамасы жеңіске жетті

БАҚ ақпаратына сәйкес, Англия құрамасының Маркус Рэшфорд, Джейдон Санчо және Букайо Сака есімді қара нәсілді үш ойыншысы қудалау нысаны болып отыр. Жанкүйерлер олардың пенальти кезінде турнирді жеңуге күш салмағанын айтып жатыр.

55
Кілт сөздер:
Еуро-2020, Еуропа, футболшылар, футбол
Операция

Әлемде алғаш рет адамға жасанды жүрек салынды

31
Жасанды жүректе екі қарыншалық камера және төрт биологиялық клапан бар, бірақ сыртқы батареялардан қуат қажет

НҰР-СҰЛТАН, 27 шілде – Sputnik. АҚШ-та тарихта алғаш рет жасанды жүрек трансплантациясы операциясы өтті, деп хабарлайды "Хабар 24".

"Медициналық ғажайыпты" Дьюк университетінің мамандары жасап шығарды. Протез Францияда ойлап табылған. Қайта зарядталатын батареялары бар құрылғы төрт сағатқа дейін жұмыс істей алады.

Жасанды жүректе екі қарыншалық камера және төрт биологиялық клапан бар, бірақ сыртқы батареялардан қуат қажет. Осы себепті адамға соңғысын үнемі өзімен бірге алып жүруге тура келеді. Салмағы да жеңіл емес, шамамен 4 килограмм.

Алдыңғы нұсқадан ерекшелігі стационарлық жабдық қажет емес. Көрсеткіштерді арнайы датчиктер бақылайды, олар адам ағзасындағы тұрақты қан айналымын сақтайды.

Қайтыс болған донорлардың жүрегі алғаш рет балаларға салынды

Жасанды жүректің қызмет ету мерзімі алты айдан аспайды, сондықтан толыққанды донорлық орган қажет болады.

Протез трансплантация үшін кезекте тұрған көптеген адамды құтқара алады. 39 жастағы Мэтью Мур есімді науқас осыған дәлел. Денсаулығы нашарлаған оған осы жасанды жүрек салынды.

31
Шалбар

Он жеті жастағы бойжеткен джинсы шалбар кигені үшін көз жұмды

1672
Үндістанның он жеті жастағы тұрғыны туыстарының қарсылығына қарамастан мектепте оқыған, полицей болуды армандаған

НҰР-СҰЛТАН, 27 шілде – Sputnik. Үндістанда киімнен басталған отбасылық жанжал 17 жастағы қыздың өлімімен аяқталды. Туыстары бойжеткенді таяқпен өлімші етіп сабап тастаған.

Өткен аптада Уттар-Прадеш штатының Савреджи Харг ауылында жантүршігерлік оқиға болды, деп хабарлайды РЕН ТВ. Әйел қызы Неха Пасванды туыстары киімге бола ұрып өлтіргенін мәлімдеді.

"Ол күні бойы ораза ұстады. Кешке қарай джинсы шалбар мен топ киіп, діни рәсімдерді орындады. Атасы мен әжесі оның киіміне қарсы болды. Алайда Неха джинсы киюге арналғанын және оны шешпейтінін айтты", – деді қыздың анасы.

Киімнен басталған дау күш көрсетуге әкеп соқты. Әйелдің айтуынша, қызы есінен танған, осыдан кейін туыстары моторикша шақырып, оны ауруханаға апаратынын мәлімдеген.

"Олар менің бірге баруыма рұқсат етпеді, сол себепті мен өз жақындарыма хабар бердім. Олар қызымды іздеп аудандық ауруханаға барды, бірақ таба алмады",- деп еске алды әйел.

Тағы оқыңыз: Оралда ер адам сүйіктісін кәмелет жасқа толмаған қызының көзінше пышақтап тастады – видео

Ертесіне таңертең көпірден қыздың денесі табылды. Анықталғандай, қаза болған адам Неха.

Полиция кісі өлтіру және айғақтарды жою бойынша қылмыстық іс қозғады. Қыздың атасы, әжесі, тәтесі мен ағасы, бауырлары және көлік жүргізушісі – барлығы он адам күдікке ілінді. Төрт адам – атасы мен әжесі, ағасы мен жүргізуші тұтқындалып, олардан жауап алынды. Қазір тәртіп сақшылары қалған күдіктілерді іздестіріп жатыр.

Марқұмның анасы туыстары Нехадан жергілікті мектептегі оқуын тастауды талап еткенін, сонымен қатар қазіргі заманғы киімдерді кигені үшін жазғырғанын айтты. Әйелдің сөзінше, қызы полицей болуды армандаған.

1672
Кілт сөздер:
қыз, Үндістан
LinkedIn

Қазақстанда LinkedIn әлеуметтік желісі бұғатталды

0
Шектеу әлеуметтік желіде жалған аккаунттардың көбеюімен және республика аумағында тыйым салынған интернет-казиноны жарнамалаумен байланысты

НҰР-СҰЛТАН, 27 шілде – Sputnik. Қазақстанда іскерлік байланыстарды іздеу және орнатуға арналған LinkedIn әлеуметтік желісі бұғатталды.

Желі қолданушылары 26 шілде кешке сайтқа кіре алмай жатқанын айтып шағымдана бастады.

Ақпарат және қоғамдық даму министрлігі LinkedIn желісіне қолжетімділік ресурс тарапынан болған заңбұзушылықтарға байланысты шектелгенін түсіндірді.

"Мониторинг барысында LinkedIn интернет-ресурсында бірқатар заңбұзушылық анықталды. Интернет-казино жарнамаланып, нақты адамдардың атынан фейк аккаунттар ашылған. Айта кетсек, мұндай материалдарды орналастыру Қазақстанның заңнамасына ғана емес, LinkedIn ресурсының ішкі ережелеріне де қайшы келеді", - деп мәлімдеді министрліктегілер.

Ведомство ақпаратынша, LinkedIn-нің пайдаланушы келісімінде қатысушылар жариялайтын ақпарат шынайы және заңды болуға, үшінші тарапқа тиесілі құқықтарды бұзбауға тиіс екені көрсетілген.

Бұған қоса, интернет-ресурстың жарнама орналастыру ережелерінде қолданушының жалған ақпарат ұсынуына немесе жаңылыстыруға, сондай-ақ құмар ойындар жарнамасына тыйым салынған.

Тағы оқыңыз: Интернет алаяқтардан қалай қорғану керек – пайдалы кеңес

"Осыған байланысты министрлік "Байланыс туралы" заңның 41-1-бабы 3-1-тармағына сәйкес LinkedIn интернет-ресурсының әкімшілігіне анықталған заңбұзушылықтарды жою және тиісті материалдарды өшіру бойынша шаралар қабылдау талабымен хабарлама жолдады. Алайда, өкінішке қарай, LinkedIn әкімшілігі тарапынан заңбұзушылықтарды жоюға қатысты шара қабылданған жоқ", -деп түсіндірді ақпарат министрлігінің баспасөз қызметі.

Заңбұзушылықтар жойылған жағдайда Қазақстан аумағында LinkedIn желісі қайта ашылады.

Айта кетсек, 2018 жылдың қазанында ақпарат министрлігі азаматтарға LinkedIn әлеуметтік желісі арқылы ақпарат жіберумен байланысты алаяқтық фактілері жиілеп кеткенін ескертті.

Бүгінде LinkedIn желісіне 500 миллионнан астам қолданушы тіркелген, сайт 24 тілде жұмыс істейді. 2016 жылдың маусымында Microsoft компаниясы сайтты 26,2 миллиард долларға сатып алды. 2016 жылдың тамызынан бастап LinkedIn ресейлік қолданушылардың жеке деректерін сақтау ережелерін бұзғаны үшін Ресей аумағында бұғатталды.

0
Кілт сөздер:
бұғаттау, әлеуметтік желілер
Тақырып бойынша
Қазақстанда Ресейдің кітап сататын интернет-дүкені бұғатталды
YouTube ресейлік БАҚ-ты неге бұғаттады
Қостанайлықтың телефонын жиі қоңырау шалғаны үшін бұғаттап тастады
Twitter ұйғырлар туралы жазбадан кейін Қытай елшілігі парақшасын бұғаттады