НАТО

НАТО әскері Қара теңіздегі іс-әрекетін күшейтті

74
Соңғы жылдары НАТО-ның Қара теңіз аймағындағы қатысуы айтарлықтай артты. Альянс кемелері мұнда ауқымды оқу-жаттығулар өткізіп келеді

НҰР-СҰЛТАН, 12 шілде - Sputnik. НАТО Қара теңізден кетпейтіні, керісінше, Ресей аймақтық суларының жанындағы іс-әрекетін одан әрі күшейте беретінін анық аңғартты, деп жазды РИА Новости.

НАТО бас хатшысының Оңтүстік Кавказ және Орталық Азия елдері бойынша арнайы өкілі Джеймс Аппатурайдың айтуынша, Солтүстікатлантикалық альянс одақтастары мен серіктестеріне қолдау көрсету үшін Қара теңізде қала береді.

"Кеме қатынасының еркіндігіне және Қырым – бұл Ресей емес, Украина екендігіне қатысты НАТО-ның ұстанымдары берік. Дефендер эсминеціне қатысты жағдайда НАТО одақтастары осы принциптерді қорғауда табандылық көрсетті", - деді Аппатурай.

Ал Ұлыбританияның сыртқы істер министрі Доминик Рааб "ағылшын әскери кемелері Украинаның аймақтық суларына кіруді жалғастыра беретінін" хабарлады. Ол шекараны бұзған эсминец бағдарын Одессадан грузиндердің Батумиіне жеткізетін ең қысқа халықаралық жол деп атады.

Соған қарағанда НАТО елдері әскери-әуе күштерінің әлі бірқатар арандатушылық әрекеті болуы мүмкін. Кремль де өз кезегінде Рааб мәлімдемесіне қатысты жауап қайтарды. РФ президентінің баспасөз хатшысы Дмитрий Песков теңіздегі мемлекеттік шекараны алдын ала келіспестен кесіп өткен жағдайда Мәскеу тиісті шара қабылдайтынын жеткізді.

Айта кету керек, Дефендер британдық эсминецінің әрекетін голландтар да қайталап көрмек болды. Ресейдің қорғаныс министрлігі ұсынған ақпарат бойынша, Нидерландының Evertsen ВМС фрегаты бейтарап суларда бағытын күрт өзгертіп, Керчен бұғазына қарай жылжыды. Осыған байланысты ресейлік әскери-ғарыш күштерінің ұшақтары ескерту ретінде кеме жанына оқ атты.

Алайда голландиялықтар "жойғыш ұшақтар бірнеше сағат бойы соққы жасағанын" және әуе кемелерінде "әуе – үстіңгі бет" тобындағы зымырандар болғанын айтып айып тақты. Ресейдегі Әскери ғылымдар академиясының тілшісі Сергей Судаков Британия мен НАТО-ның басқа елдері үшін қазір Ресеймен текетіресті жалғастыру маңызды екенін айтты.

Соңғы жылдары НАТО-ның Қара теңіз аймағындағы қатысуы айтарлықтай артты. Альянс кемелері мұнда ауқымды оқу-жаттығулар өткізіп келеді. НАТО одақтастарының қатарында Грузия мен Украина бар. Жылғы қақтығыстан кейін грузин әскери-теңіз күштері құрдымға кеткені белгілі. Бүгінде НАТО мен АҚШ грузин флотына қайта жан бітіруді көздеп отыр. Түркия Тбилисиге жедел патрульдік катер берсе, америкалықтар тағы екі катерді қалпына келтіруге көмектесіп, Жағалау күзетіндегі қаруланудан шығарылған тағы екі катерді ұсынды. Сонымен қатар Вашингтон грузин жүзу құралдарын жаңғыртуға бірнеше миллион доллар бөлді.

Украина флотының да жағдайы мәз емес. 2014 жылы онсыз да құрамы шағын әскери-теңіз күші соғысқа жарамды кемелерсіз қалды. Бағалау бойынша әлеуетінің шамамен 80 процентінен айырылды. Бүгінде Украинаның әскери-теңіз күшінде 30-ға жуық кеме болғанымен, оның тек бірен-сараны ғана жүзуге қауқарлы.

Жалпы НАТО грузиндерге қарағанда украин әскери-теңіз күшіне көп көмек көрсетіп отыр. Америкалықтар одақтастарының флотын Mark VI 16 бірлік патрульдік катерімен жне бұрын қолданыста болған екі Island кетірмен күшейтуге уәде етті.

Қалай болғанда да өңірдегі Ресейдің Қара теңіз флоты да қуатты жасақтың қатарында. Соңғы жылдары бұл құрылым түбегейлі түрленіп, әскери-теңіз флотындағы соғысуға қабілетті флот екені белгілі.

Бұл шамамен 260 кеме, катер, суасты қайығы мен қамсыздандыру кемесі. Су үстіндегі шабуылдау кемелерінің саны 70 біолікке жуықтайды. Олардың қатарында авиатасымалдаушы топтардың көзін жоюға арналған "Москва" флагмандық зымыран крейсері де бар.

Флотқа бұрын жетекшілік еткен адмирал Владимир Комоедовтың айтуынша, 20 жыл бұрын жағдай мүлдем басқа болған: ресейлік құрылым қуаты жағынан түрік флотынан бес есе әлсіз болды және Жерорта теңізіндегі НАТО топтарының әлеуеті он немесе жиырма есе жоғары болған.

"Мені ол қызметке тағайындаған кезде флотта бір жарым суасты қайығы – бір "Варшавянка" және тағы бір 641 жобасының кемесі болды және ол жөндеуде жатты. Ал қазір кеме саны жеткілікті және олар заманауи оқ-дәрімен жабдықталған", - деді адмирал.

74
Тақырып бойынша
НАТО мен АҚШ әскері Ауғанстаннан шығарылады: Кабул әуежайын Түркия күзетеді
Қара теңіз аймағында жаңа жүйе сынақтан өткізіліп жатыр
НАТО Украинада әскери оқу-жаттығуларға дайындалып жатыр
АҚШ кемелері Қара теңіз аумағына кіруін тоқтата ма?
НАТО ұшақтары Камчатка мен Қара теңіз жағалауында не істеп жүр - видео
Сириядағы журналистер. Архивтегі фото

Халед әл-Хатыб атындағы халықаралық сыйлыққа өтінім қабылдау басталды

47
(Жаңартылды 21:39 30.07.2021)
Жүлде 2017 жылы Сирияда қаза тапқан журналист Халед әл-Хатыбты еске алу үшін тағайындалған

НҰР-СҰЛТАН, 30 шілде – Sputnik. RT телеарнасы журналистерге қақтығыс аймағында дайындаған үздік жұмысы үшін берілетін жыл сайынғы Khaled Alkhateb International Memorial Awards халықаралық сыйлығына өтінім қабылдауды бастады. 

Сыйлық 2017 жылы 30 шілдеде Сирияда қаза тапқан журналист Халед әл-Хатыбты еске алу үшін тағайындалған. Биыл бұл жүлде төртінші рет өткізіліп отыр.

Халед әл-Хатыб атындағы Халықаралық сыйлық төмендегі аталымдар бойынша беріледі:

  • "Қақтығыс аймағында дайындалған үздік жұмыс: мәтін";
  • "Қақтығыс аймағында дайындалған үздік жұмыс: видео";
  • "Соғыстан кейін: мәтін/видео" - соғысты бастан өткерген және бейбіт өмірге оралған адамдардың және тұтас халықтың тағдыры туралы. Номинация алғаш рет ұсынылып отыр.   

Khaled Alkhateb International Memorial Awards — 2021 жүлдесінің жеңімпаздары 200 мың рубль көлемінде ақшалай сыйлық алады.

https://award.rt.com сайтында өтінім беруге болады. Жеңімпаздар 30 қарашада анықталады.

Алғашқы жылы Ирак, Ирландия және Сингапурдан қатысқан журналистер марапатталды. Қазылар алқасының құрамында шетелдік және ресейлік журналистер, оның ішінде Ирада Зейналова мен Евгений Поддубный болды.

2019 жылы 25 елден жолданған жұмыстар қаралды.

Сириядағы, Ирактағы және Ливиядағы қақтығыстар туралы айтқан Ресей, АҚШ, Италия және Үндістанның өкілдері лауреат атанды. 2020 жылы RT сыйлығын Ресей, Сирия және Үндістанның әскери корреспонденттері алды.

RT телеарнасы RT Arabic-пен ынтымақтастық орнатқан 25 жастағы журналист Халед әл-Хатыбты еске алуға арналған Khaled Alkhateb International Memorial Awards сыйлығын тағайындады.

Ол 2017 жылы Сирияның Хомс провинциясындағы содырлардың зымыран шабуылы салдарынан қаза тапты. Халед өз репортаждарында Сирияның үкіметтік күштерінің террористермен соғысын көрсетті.

47
Ақ үй

АҚШ сенаторлары Ақ үйге ультиматум қойды - саясаттанушы пікірі

94
Америкалық 12 республикашыл сенатор АҚШ қаржы министрлігі мен Ақ үйге ультиматум қойды

НҰР-СҰЛТАН, 29 шілде — Sputnik. Американың бір топ сенаторы ресейлік "Солтүстік ағын - 2" жобасы тоқтатылмаса, АҚШ-тың қаржы министрлігіндегі тағайындауларға бұғаттау енгіземіз деп қысым көрсетті. Sputnik радиосының эфирінде саясаттанушы, заманауи мемлекеттік даму институтының директоры Дмитрий Солонников осы жағдайға қатысты өз ойын бөлісті.

Америкалық 12 республикашыл сенатор АҚШ қаржы министрлігі мен Ақ үйге ультиматум қойды. Олар "Солтүстік ағын – 2" жобасына жаңа санкциялар енгізуді талап етіп отыр.

Олар ұсынған хаттан үзіндіні Bloomberg агенттігі жариялады.

"Солтүстік ағын – 2" газ құбыры Америка Құрама Штаттары мен оның одақтастары және серіктестерінің ұлттық қауіпсіздік мүддесіне тікелей зиян келтіріп отыр. Бұл жоба аяқталатын болса, онда РФ президенті Владимир Путиннің Еуропаға ықпалы артып, Украинаның қауіпсіздігіне қауіп төндіреді және ресейлік агрессияның артуына алып келеді", - деп жазылған хатта.

Ақ үй әкімшілігі "газ құбырына қатысты өз позициясын өзгертіп, жаңа санкциялар енгізбесе", сенаторлар қаржы министрлігіндегі екі қызметтік тағайындауға тосқауыл болуды көздеп отыр.

Күні кеше Nord Stream2 AG газ құбырының операторы аталған жоба 99 процентке дайын екенін жариялады.

Sputnik радиосының эфирінде саясаттанушы, Заманауи мемлекеттік даму институтының директоры Дмитрий Солонников ресейлік жобаға қарсы тұру ішкі саяси күрес құралына айналғанын айтты.

"Бұл ұзаққа созылатын ойын. Қазір демократтар мен республикашылдардың орны ауысқанын көріп отырмыз: енді демократтар өз ұстанымдарын қорғап, Кремльмен еш байланысы жоқ екенін дәлелдеп жатыр. Жалпы АҚШ ішінде түрлі позициялар бар екенін, елдің ешбір президенті өз бетінше мемлекет болашағын шеше алмайтыны бұрыннан белгілі. Аталған позициялардың авторлары түрлі қысым көрсетуді жалғастыра береді. Бұл "Солтүстік ағын – 2" жобасы іске қосылғанша жалғаса береді. Алайда газ құбыры жақында іске қосылады. Ал қаржы министрлігіндегі тағайындауды созбақтау жалғасады. Бұл АҚШ-тағы ықпал үшін күрес", - деп санайды Дмитрий Солонников.

94
солдат

Отставкадағы генерал-лейтенант Құрбан Қаражанов өмірден озды

0
Қорғаныс министрлігінің басшылығы мен қарулы күштердің жеке құрамы Құрбан Сәкенұлының мезгілсіз қайтыс болуына байланысты туыстарына көңіл айтты

НҰР-СҰЛТАН, 31 шілде – Sputnik. 64 жасына қараған шағында отставкадағы генерал-лейтенант Құрбан Қаражанов коронавирус инфекциясынан қайтыс болды, деп хабарлады қорғаныс министрлігі.

Генерал-лейтенант в отставке Курбан Каражанов
© Photo : министерство обороны Республики Казахстан
Құрбан Қаражанов

Құрбан Қаражановтың 31 шілдеде қайтыс болғаны хабарланды.

"Генерал-лейтенант Құрбан Қаражанов абыройлы, ерік-жігері мықты, нағыз патриот болатын. Ол ұдайы күрделі қызметтерді атқарды. Бүкіл ғұмырын елдің қорғаныс қабілетін нығайтуға арнады", - делінген хабарламада.

Генерал-лейтенант Құрбан Сәкенұлы Конев атындағы Алматы жоғары жалпы әскери командалық училищені бітірген. Әскери мансабын 1979 жылы мотоатқыштар взводының командирі қызметінен бастады.

Қазақстан армиясы құрылған сәттен бастап әр жылдары еліміздің қарулы күштерінде жауапты қызметтер атқарды. ІІ дәрежелі "Данқ" орденімен марапатталған.

Қазақстанның қорғаныс министрлігінің басшылығы мен қарулы күштерінің жеке құрамы Құрбан Сәкенұлының мезгілсіз қайтыс болуына байланысты туыстары мен жақындарына қайғырып көңіл айтады.

0