Қаржы, экономика

Сарапшылар пандемияның әлемдік экономикаға тигізген кері әсерін есептеді

39
Moody’s Analytics мамандары АҚШ мәңгілікке дағдарысқа дейінгі деңгейде қалуы мүмкін деп санайды

НҰР-СҰЛТАН, 12 шілде - Sputnik. Қалыпқа оралу индексі пандемиядан кейін экономика жеті процентке төмендеп, қатты өзгергенін көрсетеді. Сарапшылар жағдайдың тым нашар екеніне сенімді, деп жазды РИА Новости.

Индексті экономикалық көрсеткіштер бойынша есептейді. Оның ішінде кредиттеу көлемі, жұмыссыздық бойынша жәрдемақыға өтінімдер, бос орындар саны, ішкі авиа ұшулар және қонақүйлерге орналасу туралы мәліметтер де бар.

Moody’s Analytics америкалық экономика туризмдегі проблемаға байланысты бұрынғы қалпына оралуы мүмкін емес деген шешімге келді. Питтсбург университетіндегі саясаттанушы Омер Зарплидің айтуынша, пандемияға байланысты бұл сала 69 процентке қысқарды. Еуроодақта – 90%-ке жуық, Ұлыбританияда 73%.

Оның үстіне америкалықтар әлі де үйден жұмыс істеп отыр және жұмыссыздық бойынша жәрдемақыға өтінім бергендер саны екі есе артты.

Тағы бір проблема – қор нарығы арқылы экономикаға салымдардың артуы. Бұл әдетте америкалықтардың немесе шетелдік инвесторлардың еркін қаражаты есебінен болады.

Қаражат технологиялардың экспортына тартылады деп жоспарланып отыр. Амеикалық алып концерндердің басқа мемлекеттерде зауыттары бар. Инвестициялау оларға жаңа жұмыс орындарын құруға мүмкіндік беріп, сәйкесінше салық жарналары артып, экономика дамып жатыр. АҚШ-тағы нарықтың бірнеше процентке қысқаруының өзі импорттаушы мемлекеттер үшін үлкен шығын алып келеді.

"Мексика, Канада мен Жапония қауіп аймағында тұр. Ал инфляция Еуропада да осы тектес процесс туындатуы мүмкін", - деп ескертті Г.В.Плеханов атындағы РЭУ статистика кафедрасының доценті Ольга Лебединская.

Негізгі мөлшерлемені арттыру кредиттердің қымбаттауына алып келеді және мемлекеттік қарызға қызмет көрсету бойынша шығындарды айтарлықтай ұлғайтып жібереді. Сондықтан америкалық экономика құлдыраудың алдында тұр деген болжам апта сайын айтылады.

Қалыпқа оралу индексі тек жалпы экономикалық көрсеткіштерді емес, сондай-ақ пандемия кезінде зардап шеккен салалардың жай-күйін де есепке алады. Бұл қонақүй бизнесі, әуе рейстері, шағын және орта кәсіпкерлік. Сондықтан Moody's Analytics тұжырымында бірқатар ауытқу бар.

Жалпы Америка Құрама Штаттары тез қалпына келіп жатыр. Бұл негізінен энергия ресурстарының бағасын қымбаттатудың арқасында орындалып жатыр. Сонымен қатар ІТ-технологиялар, соның ішінде софт экспорты 20-25 процентке артты.

Экономикалық ынтымақтастық және даму ұйымының соңғы болжамы бойынша, америкалық ЖІӨ пандемияға дейінгі деңгейге осы жылдың екінші тоқсанынан кейін-ақ жетеді. Оның үстіне жұмыссыздық деңгейі жасанды сипатқа ие. Себебі ол экономикаға корона дағдарысты триллиондаған долларды салу салдарынан болды.

Қыркүйекте төлемдер тоқтатылады. Вакциналаудың нәтижесінде күзге қарай әуе рейстері де қалпына келіп, қонақүйлерде келушілерге толуы ықтимал. Ендеше бұл туризм қайта күшіне енеді деген сөз.

Әйтсе де инфляцияны есепке алмауға тағы болмайды. Мамырда АҚШ-та тұтынушылық баға жылдық көрсеткіште бес процентке артты. Бұл 2008 жылғы тамыздан бері рекорд болды. Азық-түлік, киім-кешек, тұрмыстық техника, машина сынды барлық дүине қымбаттады.

Экономикадағы құлдыраудың артынша қайта даму болатыны анық. Әлем экономикасы болжамға қарағанда әлдеқайда жылдам қалпына келіп жатыр, дейді Халықаралық валюта қорында. Қытай барлық бәсекелестерден озып, дағдарысқа дейінгі көрсеткішке қайта оралды. АҚШ та бұл ретте кейін қалмайтыны анық. Себебі америкалықтарда экономикалық серпінге қол жеткізу үшін ресурс жеткілікті.

Ресей де пандемия салдарымен күресуде. Халық пен бизнесті қолдауға екі жарым триллионнан астам рубль бөлінді. Бұл федералдық бюджеттің он проценті. Бірақ әзірге шағын бизнес пен қызмет көрсету саласы қиындықтарды бастан кешіруде. Алайда қаңтар-сәуір айларындағы ішкі рейстер 2019 жылғы көрсеткіштен асып түсті.

39
Тақырып бойынша
АҚШ тарихындағы ең нашар президент кім - америкалық тарихшылардың рейтингі
АҚШ Қазақстан, Тәжікстан, Өзбекстаннан 9 мың ауғанды уақытша қабылдауды сұрады
АҚШ шетелдегі өз әскери базаларына алаңдаулы
Тоқаев АҚШ-тың арнаулы өкілімен өзекті мәселені талқылады
АҚШ инфляциясы әлем экономикасына қауіп төндіруі мүмкін бе
Операция

Әлемде алғаш рет адамға жасанды жүрек салынды

11
Жасанды жүректе екі қарыншалық камера және төрт биологиялық клапан бар, бірақ сыртқы батареялардан қуат қажет

НҰР-СҰЛТАН, 27 шілде – Sputnik. АҚШ-та тарихта алғаш рет жасанды жүрек трансплантациясы операциясы өтті, деп хабарлайды "Хабар 24".

"Медициналық ғажайыпты" Дьюк университетінің мамандары жасап шығарды. Протез Францияда ойлап табылған. Қайта зарядталатын батареялары бар құрылғы төрт сағатқа дейін жұмыс істей алады.

Жасанды жүректе екі қарыншалық камера және төрт биологиялық клапан бар, бірақ сыртқы батареялардан қуат қажет. Осы себепті адамға соңғысын үнемі өзімен бірге алып жүруге тура келеді. Салмағы да жеңіл емес, шамамен 4 килограмм.

Алдыңғы нұсқадан ерекшелігі стационарлық жабдық қажет емес. Көрсеткіштерді арнайы датчиктер бақылайды, олар адам ағзасындағы тұрақты қан айналымын сақтайды.

Қайтыс болған донорлардың жүрегі алғаш рет балаларға салынды

Жасанды жүректің қызмет ету мерзімі алты айдан аспайды, сондықтан толыққанды донорлық орган қажет болады.

Протез трансплантация үшін кезекте тұрған көптеген адамды құтқара алады. 39 жастағы Мэтью Мур есімді науқас осыған дәлел. Денсаулығы нашарлаған оған осы жасанды жүрек салынды.

11
Шалбар

Он жеті жастағы бойжеткен джинсы шалбар кигені үшін көз жұмды

1396
Үндістанның он жеті жастағы тұрғыны туыстарының қарсылығына қарамастан мектепте оқыған, полицей болуды армандаған

НҰР-СҰЛТАН, 27 шілде – Sputnik. Үндістанда киімнен басталған отбасылық жанжал 17 жастағы қыздың өлімімен аяқталды. Туыстары бойжеткенді таяқпен өлімші етіп сабап тастаған.

Өткен аптада Уттар-Прадеш штатының Савреджи Харг ауылында жантүршігерлік оқиға болды, деп хабарлайды РЕН ТВ. Әйел қызы Неха Пасванды туыстары киімге бола ұрып өлтіргенін мәлімдеді.

"Ол күні бойы ораза ұстады. Кешке қарай джинсы шалбар мен топ киіп, діни рәсімдерді орындады. Атасы мен әжесі оның киіміне қарсы болды. Алайда Неха джинсы киюге арналғанын және оны шешпейтінін айтты", – деді қыздың анасы.

Киімнен басталған дау күш көрсетуге әкеп соқты. Әйелдің айтуынша, қызы есінен танған, осыдан кейін туыстары моторикша шақырып, оны ауруханаға апаратынын мәлімдеген.

"Олар менің бірге баруыма рұқсат етпеді, сол себепті мен өз жақындарыма хабар бердім. Олар қызымды іздеп аудандық ауруханаға барды, бірақ таба алмады",- деп еске алды әйел.

Тағы оқыңыз: Оралда ер адам сүйіктісін кәмелет жасқа толмаған қызының көзінше пышақтап тастады – видео

Ертесіне таңертең көпірден қыздың денесі табылды. Анықталғандай, қаза болған адам Неха.

Полиция кісі өлтіру және айғақтарды жою бойынша қылмыстық іс қозғады. Қыздың атасы, әжесі, тәтесі мен ағасы, бауырлары және көлік жүргізушісі – барлығы он адам күдікке ілінді. Төрт адам – атасы мен әжесі, ағасы мен жүргізуші тұтқындалып, олардан жауап алынды. Қазір тәртіп сақшылары қалған күдіктілерді іздестіріп жатыр.

Марқұмның анасы туыстары Нехадан жергілікті мектептегі оқуын тастауды талап еткенін, сонымен қатар қазіргі заманғы киімдерді кигені үшін жазғырғанын айтты. Әйелдің сөзінше, қызы полицей болуды армандаған.

1396
Кілт сөздер:
қыз, Үндістан