Кабул қаласы

Тәлібтер келіссөз жүргізуге келісе ме

99
Тәлібтер ресми Кабул тек әкімшілік орталықтарды ғана басқарып отырғанын, ал ауылдарда эмират билігі жүріп тұрғанын мәлімдеді

НҰР-СҰЛТАН, 13 шілде – Sputnik. Америка әскері ауған жерінен шығарылғаннан кейін үкімет қарулы қарсыласпен бетпе-бет қалды. Бұл 32 жыл бұрын Ауғанстаннан Кеңес армиясының шектеулі контингенті кеткен кездегі оқиғаға ұқсап отыр, деп жазды РИА Новости.

Ауған халқында АҚШ пен НАТО әскерінің елден кетуін талап еткен табандылық үшін ұлттық мақтаныш туындағанмен, тәлібтер өз эмиратында қандай тәртіп орнатқанын барлығы жақсы біледі.

Америкалықтар жиырма жыл бойы тәлібтермен соғысты. Сондықтан оларға көмектесетін ниеттері болған жоқ. Ауғанстанның қазіргі билігінің Вашингтонның ыңғайына жығылуы жақсылыққа алып келген жоқ. Себебі олар өз халқын емес, АҚШ-ты билік деп таныды. Енді одақтастардың әскері елден кеткен кезде белгісіздік туындады. Бұл жайлы жергілікті саясаткерлер де айтып келеді.

Кабул – қоршаулар қаласына айналған. Себебі мұндағы барлық ресми ғимарат қоршауда тұр. Айнала батырлардың портретіне толы. Ахмад Шах Масудты жиі кездестіруге болады. Кабулдық сатушыдан "жергілікті балалар үшін кім мықты – масуд па әлде Спайдермен бе?" деп сұрағанда ол: "Балалар мультфильм көреді. Бірақ бәрібір олар үшін Масуд мықты. Себебі елде соғыс жүріп жатыр, ал Масуд – батыр. Балалар соғыстың не екенін біледі. Ата-аналары түсіндіреді, олардың айналасы - соғыс" деп жауап берді.

Масуд "Ауғанстанның ислам қауымдастығы" атты саяси партияның командирі болған. Бұл партияны елдегі танымал саясаткер Бурхануддин Раббани құрған. Раббани Ауғанстан президенті қызметін атқарған. Кейінірек қақтығыс жылдарында (1996-2001) "Талибанға" қарсы соғысқан Солтүстік Альянсты басқарды. Ол 2011 жылы тюрбанына жарылғыш зат салып кірген жанкештінің әрекетінен көз жұмды. Бурхануддиннің ұлы Салахуддин Раббани ішкі істер министрі қызметін атқарды. Қазір әкесі құрған "Ауғанстанның ислам қауымдастығы" партиясына жетекшілік етіп отыр.

Салахуддин Раббани ел 1990-шы жылдарға қайта оралды деп ойламайды.

"Халықаралық қауымдастық Ауғанстан халқының жағында тұр. Ал тәлібтер көп нәрсені жариялай береді. Алайда халық олардың жүйесін, дінді мұншалықты бұрмалауды қабылдамайды. Екінші жағынан – түрлі қауымдастық өкілдері бар инклюзивті үкімет болуы керек. Ауғанстан – мультиэтникалық ел және бұл алуантүрлілік біздің күшіміз", - дейді ол.

"Ауғандықтар шетелдік күш бұл жақта мәңгілік тұрақтап қалмайтынын жақсы түсінді. Алайда әскерді қалай шығарғаны біз күткендей болмады, бұл жауапсыздыққа толы қадам болды. Дохадағы келісімнен кейін әскер тез арада кете бастады да, тәлібтер күшіне еніп, елде келісімге қатыспаған үкімет қалды. Бейбіт келіссөздер және оқ атуды доғару бойынша ешқандай ілгерілеу болған жоқ. Тәлібтердің қазіргі қарқынына қарамастан, олар әлі кері шегінеді. Соғыста жеңілу оларды келіссөздер үстеліне отыруға мәжбүрлейді", - деп отыр.

Ауған мәселесін соғыспен шешу мүмкін емес. Қалай болғанда да бір ымыраға келу қажет болады. "Талибан"* мұны біліп отыр.

* Қазақстанда тыйым салынған террористік ұйым

99
Сириядағы журналистер. Архивтегі фото

Халед әл-Хатыб атындағы халықаралық сыйлыққа өтінім қабылдау басталды

45
(Жаңартылды 21:39 30.07.2021)
Жүлде 2017 жылы Сирияда қаза тапқан журналист Халед әл-Хатыбты еске алу үшін тағайындалған

НҰР-СҰЛТАН, 30 шілде – Sputnik. RT телеарнасы журналистерге қақтығыс аймағында дайындаған үздік жұмысы үшін берілетін жыл сайынғы Khaled Alkhateb International Memorial Awards халықаралық сыйлығына өтінім қабылдауды бастады. 

Сыйлық 2017 жылы 30 шілдеде Сирияда қаза тапқан журналист Халед әл-Хатыбты еске алу үшін тағайындалған. Биыл бұл жүлде төртінші рет өткізіліп отыр.

Халед әл-Хатыб атындағы Халықаралық сыйлық төмендегі аталымдар бойынша беріледі:

  • "Қақтығыс аймағында дайындалған үздік жұмыс: мәтін";
  • "Қақтығыс аймағында дайындалған үздік жұмыс: видео";
  • "Соғыстан кейін: мәтін/видео" - соғысты бастан өткерген және бейбіт өмірге оралған адамдардың және тұтас халықтың тағдыры туралы. Номинация алғаш рет ұсынылып отыр.   

Khaled Alkhateb International Memorial Awards — 2021 жүлдесінің жеңімпаздары 200 мың рубль көлемінде ақшалай сыйлық алады.

https://award.rt.com сайтында өтінім беруге болады. Жеңімпаздар 30 қарашада анықталады.

Алғашқы жылы Ирак, Ирландия және Сингапурдан қатысқан журналистер марапатталды. Қазылар алқасының құрамында шетелдік және ресейлік журналистер, оның ішінде Ирада Зейналова мен Евгений Поддубный болды.

2019 жылы 25 елден жолданған жұмыстар қаралды.

Сириядағы, Ирактағы және Ливиядағы қақтығыстар туралы айтқан Ресей, АҚШ, Италия және Үндістанның өкілдері лауреат атанды. 2020 жылы RT сыйлығын Ресей, Сирия және Үндістанның әскери корреспонденттері алды.

RT телеарнасы RT Arabic-пен ынтымақтастық орнатқан 25 жастағы журналист Халед әл-Хатыбты еске алуға арналған Khaled Alkhateb International Memorial Awards сыйлығын тағайындады.

Ол 2017 жылы Сирияның Хомс провинциясындағы содырлардың зымыран шабуылы салдарынан қаза тапты. Халед өз репортаждарында Сирияның үкіметтік күштерінің террористермен соғысын көрсетті.

45
Ақ үй

АҚШ сенаторлары Ақ үйге ультиматум қойды - саясаттанушы пікірі

92
Америкалық 12 республикашыл сенатор АҚШ қаржы министрлігі мен Ақ үйге ультиматум қойды

НҰР-СҰЛТАН, 29 шілде — Sputnik. Американың бір топ сенаторы ресейлік "Солтүстік ағын - 2" жобасы тоқтатылмаса, АҚШ-тың қаржы министрлігіндегі тағайындауларға бұғаттау енгіземіз деп қысым көрсетті. Sputnik радиосының эфирінде саясаттанушы, заманауи мемлекеттік даму институтының директоры Дмитрий Солонников осы жағдайға қатысты өз ойын бөлісті.

Америкалық 12 республикашыл сенатор АҚШ қаржы министрлігі мен Ақ үйге ультиматум қойды. Олар "Солтүстік ағын – 2" жобасына жаңа санкциялар енгізуді талап етіп отыр.

Олар ұсынған хаттан үзіндіні Bloomberg агенттігі жариялады.

"Солтүстік ағын – 2" газ құбыры Америка Құрама Штаттары мен оның одақтастары және серіктестерінің ұлттық қауіпсіздік мүддесіне тікелей зиян келтіріп отыр. Бұл жоба аяқталатын болса, онда РФ президенті Владимир Путиннің Еуропаға ықпалы артып, Украинаның қауіпсіздігіне қауіп төндіреді және ресейлік агрессияның артуына алып келеді", - деп жазылған хатта.

Ақ үй әкімшілігі "газ құбырына қатысты өз позициясын өзгертіп, жаңа санкциялар енгізбесе", сенаторлар қаржы министрлігіндегі екі қызметтік тағайындауға тосқауыл болуды көздеп отыр.

Күні кеше Nord Stream2 AG газ құбырының операторы аталған жоба 99 процентке дайын екенін жариялады.

Sputnik радиосының эфирінде саясаттанушы, Заманауи мемлекеттік даму институтының директоры Дмитрий Солонников ресейлік жобаға қарсы тұру ішкі саяси күрес құралына айналғанын айтты.

"Бұл ұзаққа созылатын ойын. Қазір демократтар мен республикашылдардың орны ауысқанын көріп отырмыз: енді демократтар өз ұстанымдарын қорғап, Кремльмен еш байланысы жоқ екенін дәлелдеп жатыр. Жалпы АҚШ ішінде түрлі позициялар бар екенін, елдің ешбір президенті өз бетінше мемлекет болашағын шеше алмайтыны бұрыннан белгілі. Аталған позициялардың авторлары түрлі қысым көрсетуді жалғастыра береді. Бұл "Солтүстік ағын – 2" жобасы іске қосылғанша жалғаса береді. Алайда газ құбыры жақында іске қосылады. Ал қаржы министрлігіндегі тағайындауды созбақтау жалғасады. Бұл АҚШ-тағы ықпал үшін күрес", - деп санайды Дмитрий Солонников.

92
Әуежай, архивтегі фото

Нұр-Сұлтанда рекорд жаңартпақ болған жігіттің ұшақты сүйреуге күші жетпеді  

0
(Жаңартылды 11:36 31.07.2021)
Әлемдік рекорд үшін биіктігі 8 жарым метр, ұзындығы 33 метр, қанаттарының ұзындығы 28 жарым метрге жететін "Бомбардиер" ұшағы тұрақтан арнайы шығарылды

НҰР -СҰЛТАН, 31 шілде – Sputnik. Елордада Нұрсұлтан Назарбаев атындағы халықаралық әуежайда әлемдік рекордты жаңартпақ болған жігіттің ұшақты сүйреуге шамасы келмеді. 26 тонналық ұшақ ақыры орнынан тапжылған жоқ, деп хабарлады КТК.

Алмат Жұманов ұшақ сүйреуге тыңғылықты дайындалды. Әлемдік рекорд үшін биіктігі 8 жарым метр, ұзындығы 33 метр, қанаттарының ұзындығы 28 жарым метрге жететін "Бомбардиер" ұшағы тұрақтан арнайы шығарылды.

Жаңа рекордты тамашалауға келген тілшілермен бірге Гиннесс кітабының  өкілдері де сертификатын ұстап әзір тұрған. Алайда қанша тырмысса да, ұшақты сүйрей алмай қойды. Рекорд ел Тәуелсіздігінің 30 жылдығы мен Токиодағы спортшыларымызға арналмақ болған.

Бұған дейінгі рекорд Ресейде тіркелген, рекордшы 13 тонналық ұшақты сүйрепті. Ал 21 жастағы Алмат Жұманов бұған дейін 109 тонналық пойыз тартқан екен. Енді ұшақты қойып, Алматыда 300 тонналық пойызды сүйреп рекорд жаңартпақшы. Қазіргі көрсеткіш 276 тонна.  

"Бір-екі рет тартқан кезде күшім қалған жоқ. Сондықтан менде 4-5 мүмкіндік болды. Соңғысында күшім жетпей қалды. Бірінші, екіншісінде күшім сарқылды. Оның үстіне жері қисық екен. Жоғары шыққан кезде мені артқа лақтырып жіберді. Сондықтан бұл өте қиын болды", - дейді Алмат Жұманов.

0