Германияда су тасқыны болды

Германияда су тасқынынан көз жұмғандардың саны 133 адамға жетті

86
(Жаңартылды 15:24 17.07.2021)
Германияның батысында бұрын-соңды болмаған су тасқыны салдарынан қаза тапқандар саны артып жатыр

НҰР-СҰЛТАН, 17 шілде – Sputnik. Германия полициясының өкілі елдің екі аймағында – Рейнланд-Пфальцта және Солтүстік Рейн-Вестфалияда нөсер жауын салдарынан құрбан болғандардың саны 133 адамға жеткенін хабарлады. Бұған дейін 80 адам қаза тапқаны айтылған болатын.

Неміс полициясы Германияның батысындағы су тасқыны құрбандарының санын жариялады, деп хабарлады РИА Новости жергілікті БАҚ-қа сілтеме жасап.

Тәртіп сақшыларының айтуынша, Рейнланд-Пфальц жерінде табиғи апаттан қазірдің өзінде 90 тұрғын, ал Солтүстік Рейн-Вестфалияда 43 адам қаза болды.

Кельнге жақын орналасқан Эрфтштадт қаласында да жағдай едәуір нашарлаған. Мұнда толассыз жауған жаңбыр мен одан кейінгі су тасқыны бірнеше үйдің қирауына себеп болды.

Табиғи апат аймақтарындағы жағдай өте қиын, қаза тапқандар саны одан әрі артуы мүмкін.

Германиядағы су тасқыны

Германияда "Бернд" циклонының әсерінен 12 шілдеде нөсер жаңбыр басталды. Батыс және оңтүстік-батыс аймақтардағы өзендер, оның ішінде Рейн арнасынан асып, көшелерді су басып жатыр.

Жолдарды су шайып, көпірлер қирады, кейбір елді мекендерге жету мүмкін емес. Солтүстік Рейн-Вестфалиядағы бес ауданда эвакуация жүріп жатыр, өйткені бөгет бұзылуы мүмкін. Рейн-Эрфт округінде төтенше жағдай режимі жарияланды.

Арвайлер округінің көп бөлігінде электр жарығы мен телефон байланысы жоқ. Жергілікті билік су тасқыны салдарынан 1,3 мыңға жуық адам жоғалып кеткенін мәлімдеді.

Жойқын су тасқынынан Бельгия мен Нидерланды да зардап шекті.

86
5 марта 2007 г., американский солдат во время патрулирования Международных сил содействия безопасности (ISAF) под руководством НАТО в провинции Фарах в Афганистане. Война в Афганистане, начавшаяся после терактов 11 сентября, унесла жизни десятков тысяч афганцев и около 2400 американских солдат

Америка Ирактағы әскери миссиясын аяқтады

51
2017 жылы ДАИШ-тың жеңілгені туралы хабарланғанына қарамастан Иракта теракті тоқтамады. Өткен аптада Бағдад базарларының бірінде автобус жарылды

НҰР-СҰЛТАН, 28 шілде – Sputnik. АҚШ Таяу Шығыстан алыстап барады. Ауғанстандағы әскерін шығарды, Ирактағы әскери миссиясы да аяқталып жатыр. Ресми тұлғалар терроризмді жеңдік деп мәлімдегенмен, шынайы картина мүлде басқа екені көрініп тұр, деп жазды РИА Новости.

"АҚШ үшін Таяу Шығыста Ирактың маңызы зор және менің карьерам басталған шақтан бері біз оның тыныс-тіршілігіне етене араласып келеміз", - деді АҚШ президенті Джо Байден Ақ үйде Ирак премьер-министр Мұстафа әл-Каземимен кездесу барысында. 2003 жылы америкалықтар Иракқа кірген шақта қазіргі президент сенатор қызметін атқарған болатын.

Ирактағы соғыс қимылдарының аяқталғаны туралы Ақ үй алғаш рет 2010 жылы мәлімдеді. Байден ол кезде вице-президент қызметінде болды. Алайда араға төрт жыл салып ДАИШ-қа* қарсы "Мызғымас батылдық" операциясы басталды.

Енді Джо Байден елдегі әскери миссияның аяқталғаны туралы ресми түрде мәлімдеді. "Енді біздің Ирактағы рөліміз оқу-жаттығуларды жалғастыру, ирактық қауіпсіздік күштеріне қолдау көрсету аясында болады", - деп түсіндірді президент.

Басқа ешқандай мәлімет айтылған жоқ. Джо Байден тіпті желтоқсанға дейін Иракта қандай әскер қалатыны туралы сұраған журналистердің сұрақтарына да жауап бермеді. "Бұл сол уақыттағы жағдайға байланысты болады", - деді Ақ үй спикері Джен Псаки.

Пентагондағылар АҚШ "Таяу Шығыс проблемаларын елемеуді доғарып, оларды шешудің басқа жолдарын іздеу керек екенін" айтуда. Елде аз әскер қалады. Соңғы мәлімет бойынша қазір Иракта 2,5 мың америкалық сарбаз бар. Өткен жылдың соңында президент Дональд Трамп әскер санын қысқартқан болатын. Америкалық жалғыз база Айн-әл-Асад Бағдадтан солтүстікке қарай 160 километр қашықтықта орналасқан.

2017 жылы ДАИШ-тың жеңілгені туралы хабарға қарамастан терактілер жалғасып жатыр. Өткен аптада исламшылдар Бағдад базарларының бірінде автобус жарылысын өз мойнына алды. Кемінде 30 адам мерт болды.

Америкалықтарға Иран қолдау көрсетіп отырған содырлар шабуыл жасап жатыр. Наурызда Айн-әл-Асад зымыран соққысына тап болып, бір адам көз жұмды. Мамырда базаға жарылғыш заты бар пилотсыз ұшатын аппарат қауіп төндірсе, шілдеде қайтадан зымырандар шабуылдап, үш адам жараланды.

Мұстафа әл-Каземи Вашингтонмен татулықты ұстанатын премьер-министр. Сондықтан ол Иранмен байланысты топтардың жолын кесуге тырысты. Алайда жақында ғана америкалық авиацияның Сириямен шекарадағы ирандық құрылымдарға жасаған соққыларын Ирак егемендігіне қол сұғушылық деп бағалады.

Ал АҚШ премьердің елді қалпына келтірудегі орасан зор еңбегін жоғары бағалады. Маусымда Бағдадқа Иордания королі ІІ Абдулла мен Мысыр президенті Абдель Фаттах әл-Сиси келді. Бұл 1990 жылдан бері елге келген алғашқы мысырлық көшбасшы.

АҚШ COVAX халықаралық бағдарламасы аясында Иракқа 500 мың доза Pfizer вакцинасын жеткізуге келісті. Байденнің айтуынша алдағы екі аптада препарат Иракқа жетеді. Қазір елде ауру жұқтырғандар саны артып, ауруханаларда өрт жиіледі. Бұдан бөлек Вашингтон парламент сайлауына бақылау жүргізу бойынша БҰҰ миссиясына 5,2 миллион доллар бөлетін болды.

Бірақ РИА Новости сауалнамасына жауап берген барлық сарапшы АҚШ-тың Ирактан түбегейлі кетуі туралы сөз қозғалмағанын айтты.

"Вашингтон бұл стратегиялық алаң үшін ұзақ күресті. Сондықтан әскерді шығару туралы мәлімдеме саяси астары бар әрекет болуы мүмкін. Себебі америкалық сайлаушыларға берген уәдені орындау керек. Ирак қоғамының пікірі де маңызды. Жергілікті саясаткерлер Мұстафа әл-Каземиге қысым көрсетіп жатыр. Елдегі саяси ахуал да мәз емес", - дейді Ресейдің халықаралық істер жөніндегі кеңесінің сарапшысы Елена Супонина.

"Жеті жыл бұрын АҚШ Иракқа қайта оралған кезде терроризммен күрес ақиқатқа айналды. Америкалықтар ДАИШ-ты* жеңуде үлкен рөл атқарды. Әрине, олар қолданған әдістерге қатысты біршама сұрақ туындайды. Ал қазір Ирак билігінің өзі америкалықтардың елден кетуін сұрады", - дейді шығыстанушы және публицист Андрей Онтиков.

Алайда Шығыстану зерттеулері орталығының ғылыми қызметкері Данила Крылов АҚШ әскери қызметкерлері бірден үйлеріне қайтуы екіталай екенін айтты. "Бір араб елінен екінші араб еліне қарай орын ауыстыруы ықтимал. Сирияға қарай бағыт алуы мүмкін. Ресейдің қорғаныс министрлігі Ирактағы америкалық әскерилер Сирия базаларына тұрақтап жатқанын бірнеше рет айтқан болатын", - деді сарапшы.

Америкалықтардың көбі өздері терроризммен күресіп, басқа өңірге назар аудармаған шақта Қиыр Шығыста Қытай өз қауқарына мінді деп санайды. Енді АҚШ үшін бұл ел нағыз қауіпке айналды.

*Қазақстан Республикасында тыйым салынған террористік ұйым

51
Архивтегі сурет

Түркия мен Әзербайжан түркі армиясын құрмақ

111
Әзербайжанда жүрген Түркия парламентінің спикері біріккен армия құру туралы келіссөз басталғанын мәлімдеді

НҰР-СҰЛТАН, 28 шілде – Sputnik. Түркия парламентінің (Ұлы ұлттық жиналысы) басшысы Мұстафа Шентоп Әзербайжанмен біріккен армия құру туралы келіссөз жүргізілгенін мәлімдеді, деп хабарлайды Sputnik Әзербайжан.

"Біздің идея – бір ұлт, екі мемлекет. Әрқашан солай болады. Осыған байланысты көптеген келіссөз бен уағдаластықтар жүргізілді", - деді Шентоп Гянджада өткен баспасөз мәслихатында.

Уағдаластық аясында екі елдің әскери оқу-жаттығулары да өткізілуде.

Тағы оқыңыз: Түркі елдерінің "Тұран армиясы" құрыла ма – қорғаныс министрлігі жауап берді

Сейсенбі күні Бакуде Әзербайжан, Түркия және Пәкістан парламенті басшылары Сахиба Гафарова, Мұстафа Шентоп және Асад Кайсердің үшжақты кездесуі өтті. Жиын қорытындысы бойынша парламент басшылары Баку декларациясына қол қойды.

111
Кілт сөздер:
армия, Әзербайжан, Түркия
Қамшыбек Қоңқабаев

Токио Олимпиадасы: 29 шілдеде қазақстандықтар қандай жарыстарға қатысады

0
(Жаңартылды 09:18 29.07.2021)
Теннисші Елена Рыбакина финалға шығу үшін маңызды ойын өткізеді. Сонымен қатар бүгін еліміздің туын көтеріп шыққан Қамшыбек Қоңқабаев жұдырықтасады

НҰР-СҰЛТАН, 29 шілде – Sputnik. Олимпиадада қазақстандықтардың қатысуымен өтетін жарыстардың кестесін ұсынамыз.

8.30-да су полосынан Қазақстан - Испания матчы басталды (ерлер, топтық кезең).

8.40-та академиялық ескек есу басталды, оған біздің Владислав Яковлев қатысып жатыр.

12.00-де Елена Рыбакина әлемнің 12-ракеткасымен финалға шығу үшін күш сынасады.  

14.15-те боксшы Әбілхан Аманқұлдың  жекпе-жегі өтеді (1/8 финал, 75 келіге дейін).

15.51-де рингке ту ұстаушы Қамшыбек Қоңқабаев шығады (91 келіден жоғары).

14.18-де Ильфат Абдуллин садақ атудан өнер көрсетеді.

0
Кілт сөздер:
матчтар кестесі, олимпиада
Тақырып:
Токио Олимпиадасы