АҚШ

Америкалықтар Венадан "Гавана синдромын" анықтады

99
Бас ауруы мен жүрек айнуына қатысты оқиғаны Вашингтонда толыққанды тексеріп жатыр. Мемлекеттік департамент ғалымдардан сараптама сұратты

НҰР-СҰЛТАН, 21 шілде — Sputnik. Австрия астанасындағы АҚШ елшілігінің бірнеше қызметкері тұрақты түрде бас ауырып, жүрегі айнып, бас айналғанын және бойын үрей билегенін айтып шағымданған, деп жазды РИА Новости.

Дипломатиялық қызмет қауіпті әрі қиын. Сондықтан бұл саладағы қызметкерлердің басы ауырып, жайсыздықты жиі сезінуі қалыпты жағдай. Яғни осы уақытқа дейін қалыпты жағдай ретінде қабылданып келді. Бірақ дипломаттардың бас ауруы ресми түрде "Гавана синдромы" деп аталды. Сондай-ақ "Гавана синдромы" Ресейдің Венадағы арнайы қызметі жиі қолданатын қиял-ғажайып қарудың салдарынан болады-мыс.

Қазір "Гавана синдромы" жайлы танымал әрі ықпалды америкалық басылымдар жарыса жазып жатыр. Бас ауруы мен жүрек айнуына қатысты оқиғаны Вашингтонда толыққанды тексеріп жатыр. Мемлекеттік департамент ғалымдардан сараптама сұратты.

Орталық барлау қызметінің директоры Уильям Бернс "денсаулығына зиян келтірген, белгісіз заттан зардап шеккен" қызметкерлермен сұхбат жүргізді. Сол кездегі АҚШ президенті Барак Обама Кубаға қатысты санкцияларды біршама жеңілдетіп, Гаванаға іссапармен барып қайтты. Араға елу жыл салып, аталған аумақта АҚШ елшілігі ашылды. Келген дипломаттарға Хемингуэйдің сүйікті барында коктейль ұсынылды.

Алайда Американың келесі президенті Дональд Трамп Обаманың барлық бұйрығының күшін жойып, Кубамен арадағы жаңа ғана басталған достыққа балта шапты.

Сол кезде Гаванадағы америкалық дипломаттар мен Орталық барлау қызметінің өкілдері дәл сол симптомдарға (бас ауруы, жүре айнуы,  дұрыс естімеу) шағымданды. Америка билігі ғалымдардың зерттеу жүргізуін талап етті де, нәтижесінде дипломаттар "микротолқынды" немесе "дыбыстық" қарудың құрбанына айналған болуы мүмкін деген ұйғарымға келді.

Мемлекеттік департаменттің бұл қорытындысы тіпті америкалық БАҚ-тың өзінде келеке-мазаққа айналды. Қалай болғанда да бастапқы мақсатқа қол жетті: Кубадағы Америка елшілігі күрт қысқартылып, дипломатиялық қызметкерлердің статусы төмендетілді. Ел қайтадан санкциялардың "құрсауында" қалып қойды. Кубалықтарды америкалықтарға шабуыл жасады деп айыптады.

Сондықтан бұл сценарийде де басты нысан Ресей емес, Австрия екенін көруге болады. Вашингтон іс-әрекеттеріне көңілі толмай отырғанын Венаға жеткізгісі келіп отыр.

Австрия билігі тәуелсіздігі және Ресеймен қарым-қатынасты қалпына келтіру әрекеті арқылы АҚШ наразылығын тудырып отырған сыңайлы. Австриядағы OMV Group бас мұнай-газ компаниясы Ресеймен кеңес дәуірінен бері ынтымақтастық орнатқан және "Солтүстік ағын – 2" газ құбырының құрылысына қатысқан. Австрия канцлері Себастьян Курц Вашингтонның өзін нарциссизм, оппортунизмге қатысты айыптауларына қарамастан өткір ойлары мен кесімді тұжырымдарын жиі-жиі айта бастады.

Басылымның хабарлауынша, АҚШ-тың Австрияға шүйлігуі салдарынан туындаған "Гавана синдромы" сценарийінің көздеген мақсатқа жетуі екіталай екені қазірден байқалады. Керісінше бұл жағдай америкалықтардың өз имиджіне орасан зор нұқсан келтіріп отыр.

99

Лавров Ресейдегі тұрақсыздықты қалайтындар жайлы айтты

92
(Жаңартылды 22:32 23.07.2021)
Дипломат Ресей мен оның аумағын әскери және экономикалық әдістермен игеріп алуды көздеп отырғандар бар екенін жеткізді

НҰР-СҰЛТАН, 23 шілде – Sputnik. Батыс Ресейдің айналасындағы жағдайды тұрақсыздандыруды, соның ішінде фейктердің көмегімен әрекет етуді көздеп отыр. Бұл туралы Ресейдің сыртқы істер министрі Сергей Лавров мәлімдеді, деп жазды РИА Новости

"Біздің айналамызда тұрақсыздық тудырып, бізбен көрші, бауырлас елдердің алдында не Батыспен, не Ресей Федерациясымен бірге болуды таңдауға мәжбүрлеп отыр", - деді ол "ЕР" алаңындағы "Мемлекеттік дума депутаттарын сайлау науқаны жүріп жатқан сыртқы саяси жағдай" вебинарында. 

Дипломат Ресей мен оның аумағын әскери және экономикалық әдістермен игеріп алуды көздеп отырғандар бар екенін айтты. 

"Олар бізбен көршілес елдердің дамуына Батыстың шешуші ықпал етуінің арқасында қандай да бір пайда көргілері келеді", - деп жағдайды сипаттады Лавров.

Лавров бұл әсіресе Украинадағы жағдайда айқын білінгенін, ал соңғы айларда "түрлі-түсті революция әдісі" Белорусь елінде да байқалғанын айтты. Сонымен қатар оның айтуынша АҚШ пен ЕО елдері Молдавия үшін ашық геосаяси күреске бет бұрды.

"Қазір біздің батыстағы әріптестеріміз Орталық Азия, Кавказды қоса алғанда, еліміздің шекарасын бойлай өздерінің әскери қатысуын мейлінше кеңейтіп жатыр", - деп қорытты Ресей СІМ басшысы. 

Лавров Сергей Шойгу, дәрігер Денис Проценко, Жалпыресейлік халық майданы тең төрағасы Елена Шмелева және балалар омбудсмені Анна Кузнецовамен бірге "Единая Россия" партиясының жалпыфедералдық бөліміне кіреді. 

Федералдық тізімде 395 кандидат ұсынылған. Ал бір мандатты сайлау округтері бойынша – 219 кандидат.

92
Қарт ер адам

101 жастағы дәрігер ұзақ өмір сүрудің құпиясын бөлісті

93
Қария өз жұмысы мен пациенттерге деген махаббатының арқасында ұзақ өмір сүргенін айтты

НҰР-СҰЛТАН, 23 шілде – Sputnik. Қартайғанына қарамастан жас пациенттерге көмектесіп жүрген 101 жастағы дәрігер ұзақ өмір сүрудің құпиясын бөлісті.

Майами педиатры Энди Маргилеттің (Andy Margileth) айтуынша, ол өз жұмысы мен пациенттерге деген махаббатының арқасында ұзақ өмір сүрген.

Қария дәрігер болудан басқаны армандамағанын айтты.

"Мен ешқашан жұмыстан шыққым келген емес, менің проблемам да сол. Мен жұмыста өзімді жақсы сезінемін. Бұл тіпті жұмыс та емес, көңіл көтеру. Өзгелерге қол ұшын созудан басқа маңызды не болуы мүмкін", - деп келтірді қарт ер адамның сөзін CBS News телеарнасы.

Дәрігер жүз жастан асса да, зейнетке шығу жоспарда жоқ екенін атап өтті.

Энди Маргилет аптасына бірнеше рет жүзумен айналысады, гантель көтереді.

Қарт дәрігер кезінде полиомиелитке қарсы вакцина жасауға қатысқан.

Тағы оқыңыз: Өмірді ұзартудың қарапайым әдісі аталды

"Біз балаға бір дозасын бердік, осыдан кейін ол полиомелит мүлде болмағандай құлан таза айығып шықты. Бұл нағыз бақыт", - деді ол өзі емдеген алғашқы пациенттердің бірін еске алып.

Бұған дейін Гиннес кітабының рекордсмені 112 жастағы пуэрторикалық Эмилио Флорес Маркес оған осы жасқа келуге сезім көмектескенін айтқан еді.

"Мен әкемнің махаббатына бөленіп өстім. Ол мені және бауырларымды жақсылық жасауға және бөлісуге, адамдарды жақсы көруге үйретті", - деді Эмилио Флорес Маркес.

Сондай-ақ ол үйдің тұңғышы болғандықтан, бала кезінен фермада ата-анасымен бірге жұмыс істегенін айтты.

93
Кілт сөздер:
өмір, қария
Тақырып бойынша
Ұзақ өмір сүрудің тиімді тәсілі белгілі болды
Әйелдердің ер адамдарға қарағанда неге ұзақ өмір сүретіні белгілі болды
Ғалымдар ұзақ өмір сүру үшін қанша уақыт ұйықтау қажет екенін анықтады
Маман ұзақ өмір сүру құпиясын бөлісті
Жігіт пен қыз орындықта отыр

"Клиенттерінің күйеуінен бала туады": Ақтөбеде ер адам өз ұлының анасына жала жапты

0
Сот әлеуметтік желіде жанайғайын жеткізген Ақтөбе тұрғынына ірі мөлшерде айыппұл салды

НҰР-СҰЛТАН, 25 шілде – Sputnik. Ақтөбеде сот өз ұлының анасын басқа отбасыларды ойрандайды деп айыптаған ер адамға жарты миллион теңге айыппұл салды.

Іс әкімшілік құқықбұзушылықтар жөніндегі ауданаралық сотында қаралды. Сот алдына Ақтөбе облысы экономикалық тергеу департаментінің 40 жастағы жедел уәкілі келді.

Сотта анықталғандай, 12 маусым таңертең Ақтөбе тұрғыны жергілікті Instagram-пабликтердің бірінде жаңа клиниканың ашылуы туралы жазбаны көрген. Бұл мекемеде әйел пациенттерді Т.есімді акушер-гинеколог қабылдайды.

Осыған жауап ретінде ер адам ашулы пост жазған: "Ақтөбенің қымбатты әйелдері! Бұл зұлым әйелге бармаңыз. Ол өз пациенттерінің күйеуінен бала туып, отбасын ойрандайды. Оған ұлы Әмір дәлел".

Істі қарау барысында ер адам бұл дәрігер бір кездері одан жүкті болып қалғанын, ақыр соңында ол әйелімен ажырасуға мәжбүр болғанын түсіндірді.

Тағы оқыңыз: Көңілдесінен қызғанған: Ақтау тұрғыны ауыр қылмыс жасады

Ол гинеколог жайлы жазғаны шындық екенін айтып, құқықбұзушылық құрамы жоқ болуына байланысты әкімшілік өндірісті тоқтатуды сұрады.

Жәбірленуші дәрігер әлгі ер адамнан шынымен аяғы ауыр болғанын, қазір оның ұлын тәрбиелеп отырғанын растады. Алайда оның өз клиенттерінің күйеуінен бала табатыны өтірік, бұл оның абыройы мен ар-намысына, беделіне нұқсан келтіреді. Дәрігер татуласудан бас тартып, өзіне жала жапқан адамды жазалауды талап етті, делінген сот қаулысында.

Сот ер адамды 73-3-баптың екінші тармағы "Көпшілік алдында жала жабу" бойынша кінәлі деп тапты. Енді ер адам 520 мың теңге айыппұл төлеуге тиіс. Десе де ол шағым түсіре алады.

0
Кілт сөздер:
жала жабу, сот, күйеу, Ақтөбе
Тақырып бойынша
Түркістанда үш әйел бүтін бір отбасына коронавирус жұқтырды деп жала жапты
14 еркек зорлағанын айтқан қызды жала жапты деп айыптап жатыр