НҰР-СҰЛТАН, 16 қыркүйек - Sputnik. ҰҚШҰ жауапкершілік аймағындағы ахуал жай ғана тұрақсыз емес, өңір үшін қатер бар деуге болады, деп мәлімдеді Ресей президенті Владимир Путин.
"Ұйымға мүше мемлекеттердің шекарасында жағдай тұрақсыз ғана емес, біздің азаматтар үшін қатер төніп тұр", - деді ол.
Путин коронавирусқа байланысты өз-өзін оқшаулаған болатын. Ол жиынға видеоконференция форматында қатысты.
Ол Ауғанстаннан АҚШ әскерін шығару шешімі "өте асығыс" қабылданғанын жеткізді. Билікке Талибан келген соң ҰҚШҰ елдерінің ынтымақтастығы маңызды екенін атап өтті.
Бүгін Душанбеде ұжымдық қауіпсіздік туралы шарт ұйымына мүше мемлекет басшыларының отырысы басталды.Қазақстан президенті Қасым-Жомарт Тоқаев отырысқа тікелей қатысып отыр.
Тәжікстан президенті Эмомали Рахмон отырысты ашқан кезде Тәжікстанның ҰҚШҰ-ға төрағалығы ұжымдық қауіпсіздік аймағы төтенше сын-қатерлерге тап болған кезеңмен тұспа-тұс келгенін айтты.
Талибан* - Қазақстанда, Ресейде және басқа да бірқатар елде қызметіне тыйым салынған ұйым.
